ನವದೆಹಲಿ: ಒಲಿಂಪಿಕ್ಸ್ನಲ್ಲಿ ಪದಕ ಗೆಲ್ಲುವ ಮೂಲಕ ಸಾವಿರಾರು ಯುವಕರು ಬಾಕ್ಸಿಂಗ್ನತ್ತ ಆಸಕ್ತಿವಹಿಸುವಂತೆ ಮಾಡಿದ ವಿಜೇಂದರ್ ಸಿಂಗ್ ತಮ್ಮ ಹೆಮ್ಮೆಯ ಪ್ರತೀಕವಾಗಿದ್ದ ಒಲಿಂಪಿಯನ್ ಎಂಬ ಐಡೆಂಟಿಟಿಯನ್ನೇ ತೆಗೆದುಹಾಕಿದ್ದಾರೆ. ದಿನವೂ ಜೀವನದಲ್ಲಿ ಹೊಸ ಪಾಠವಿದ್ದಂತೆ ಹಾಗಾಗಿ ಹಳೆಯ ಸಾಧನೆಗೆ ಹಂಟಿ ಕೂರುವ ಅಗತ್ಯವಿಲ್ಲ ಎಂದು ತಿಳಿಸಿದ್ದಾರೆ.
"ನೀವು ಒಂದು ಐಡೆಂಟಿಟಿ ಪಡೆಯುವುದು ಒಂದು ಬೆಳವಣಿಗೆ. ಇವೆಲ್ಲವೂ ಸಮಯ ಮತ್ತು ಜವಾಬ್ದಾರಿಯೊಂದಿಗೆ ಬರುತ್ತದೆ. ಜೀವನವೂ ನಿತ್ಯವೂ ಪಾಠವಾಗಿರುತ್ತದೆ. ಆದರೆ, ಹಿಂದಿನ ಸಾಧನೆಗಳು ಕೆಲವು ಸಂದರ್ಭದಲ್ಲಿ ಯಾವುದೇ ಅಪ್ರಸ್ತುತ ಎನ್ನುವುದನ್ನು ಅರ್ಥಮಾಡಿಕೊಳ್ಳಬೇಕು ಎಂದು ಪಿಟಿಐ ಜೊತೆಗಿನ ಸಂವಾದದಲ್ಲಿ ತಿಳಿಸಿದ್ದಾರೆ.
ಟೋಕಿಯೋ ಒಲಿಂಪಿಕ್ಸ್ಗೆ ಒಂದು ತಿಂಗಳ ಸಮಯವಿದೆ. ಇಡೀ ವಿಶ್ವವೇ ಒಲಿಂಪಿಕ್ಸ್ ದಿನಾಚರಣೆ ಮಾಡುತ್ತಿದೆ. ಆದರೆ, ಬಾಕ್ಸಿಂಗ್ನಲ್ಲಿ ದೇಶದ ಮೊದಲ ಒಲಿಂಪಿಕ್ ಪದಕ ಪಡೆದು ಭಾರತೀಯ ಕ್ರೀಡೆಗಳಲ್ಲೇ ಅತ್ಯಂತ ಅಪ್ರತಿಮ ಸಾಧನೆ ಮಾಡಿರುವ ವಿಜೇಂದರ್ ಸಿಂಗ್ ತಮ್ಮ ಸಾಮಾಜಿಕ ಜಾಲಾತಾಣದಲ್ಲಿ ಒಲಿಂಪಿಯನ್ ಎಂಬ ಗುರುತು ತೆಗೆದಿದ್ದಾರೆ.
ಅವು ಸುವರ್ಣ ದಿನಗಳು, ನಾವು ನಿರಾತಂಕದಿಂದ , ಜವಾಬ್ದಾರಿಗಳಿಲ್ಲದೇ ಇದ್ದೆವು. ನಮ್ಮ ತರಬೇತಿ, ಆಹಾರ ಪದ್ದತಿ ಮತ್ತು ಎಲ್ಲಕ್ಕಿಂತ ಮುಖ್ಯವಾಗಿ ಕೆಲವು ಸ್ನೇಹಿತರನ್ನು ಹೊಂದಿದ್ದು ಎಂದು 35 ವರ್ಷದ ವಿಜೇಂದರ್ ತಮ್ಮ ಬೀಜಿಂಗ್ ಒಲಿಂಪಿಕ್ಸ್ ಕ್ರೀಡಾಕೂಟದ ನೆನಪುಗಳನ್ನು ಹಂಚಿಕೊಂಡರು.
ನಾನು ತುಂಬಾ ಒಳ್ಳೆಯ ಒಲಿಂಪಿಕ್ಸ್ ದಿನಗಳನ್ನು ಹೊಂದಿದ್ದೇನೆ. ಬೀಜಿಂಗ್ನಲ್ಲಿ ನಾನು ಉತ್ತಮ ಪ್ರದರ್ಶನ ತೋರಿದ್ದೆ, ಆದರೆ ಅದೃಷ್ಟವಶಾತ್ ನಾನು ಕಂಚಿನ ಪದಕ ಪಡೆದೆ. ಅದರ ಜೊತೆಯಲ್ಲಿ ನಾನು ಭಾರತೀಯ ಬಾಕ್ಸಿಂಗ್ಗೆ ನನ್ನಿಂದಾದ ಕೊಡುಗೆ ನೀಡಿದೆ. ಇದು ಎಲ್ಲರಿಗೂ ಒಳ್ಳೆಯದಾಗಿದೆ ಎಂದು ನಾನು ಭಾವಿಸುತ್ತೇನೆ.
ಆದರೆ, ನಾನು ಆ ಸಾಧನೆಯ ನಂತರ ಹಲವಾರು ವಿಷಯಗಳನ್ನು ಪ್ರಯತ್ನಿಸದ್ದೇನೆ. ನಾನು ಮದುವೆಯಾಗಿದ್ದೇನೆ, ಮಕ್ಕಳನ್ನು ಪಡೆದಿದ್ದೇನೆ. ಬಾಕ್ಸಿಂಗ್ನಲ್ಲಿ ವೃತ್ತಿಪರನಾಗಿದ್ದೇನೆ. ರಾಜಕೀಯಕ್ಕೂ ಕಾಲಿಟ್ಟಿದ್ದೇನೆ. ಹಾಗಾಗಿ ಹಿಂತಿರುಗಿ ನೋಡುವ ಯಾವುದೇ ಅಂಶವನ್ನು ಹೊಂದಿಲ್ಲ ಎಂದು ಅವರು 13 ವರ್ಷಗಳ ಹಿಂದಿನ ಸಾಧನೆಯ ಜೊತೆಗೆ ಹಂಟಿಕೊಂಡು ಕೂರುವ ಅಗತ್ಯವಿಲ್ಲ ಎಂದಿದ್ದಾರೆ.
ಒಲಿಂಪಿಕ್ಸ್ನಲ್ಲಿ ಒಂದಕ್ಕಿಂತ ಹೆಚ್ಚು ಪದಕ ಪಡೆಯುವ ಸಾಧ್ಯತೆ:
ಈ ಬಾರಿ 9 ಬಾಕ್ಸರ್ಗಳು ಒಲಿಂಪಿಕ್ಸ್ಗೆ ಅರ್ಹತೆ ಪಡೆದಿದ್ದಾರೆ. ಇದರಲ್ಲಿ ಯಾರಿಂದ ಪದಕ ನಿರೀಕ್ಷಿಸಬಹುದು ಎಂದು ಕೇಳಿದ್ದಕ್ಕೆ ವಿಜೇಂದರೆ ಅಮಿತ್ ಪಂಘಲ್ ಮತ್ತು ವಿಕಾಶ್ ಕೃಷ್ಣನ್ ಮತ್ತು ಮೇರಿಕೋಮ್ ಹೆಸರನ್ನು ಹೇಳಿದ್ದಾರೆ.
ಪದಕದ ಭರವಸೆ ಪ್ರಬಲವಾಗಿದೆ. ನಾನು ಅಮೇಚರ್ ಬಾಕ್ಸಿಂಗ್ಅನ್ನು ಹೆಚ್ಚು ಹತ್ತಿರದಿಂದ ವೀಕ್ಷಿಸುತ್ತಿಲ್ಲ. ಏಕೆಂದರೆ ನಾನು ಬೇರೆ ಕ್ಷೇತ್ರ ಆಯ್ಕೆಮಾಡಿಕೊಂಡಿದ್ದೇನೆ. ಆದರೆ, ನಾನು ನೋಡಿರುವ, ಕೇಳಿರುವ ಮತ್ತು ಓದಿರುವ ಆಧಾರದಲ್ಲಿ ಭಾರತ ಈ ಬಾರಿ ಒಂದಕ್ಕಿಂದ ಹೆಚ್ಚು ಪದಕಗಳನ್ನು ಗೆಲ್ಲುವ ಸೂಚನೆ ಇದೆ ಎಂದಿದ್ದಾರೆ.
ಅಮಿತ್ ಪಂಘಲ್ ಅತ್ಯುತ್ತಮ ಪ್ರದರ್ಶನ ತೋರುತ್ತಿದ್ದಾರೆ. ವಿಕಾಶ್ ಕೃಷ್ಣನ್ ಬಲಶಾಲಿಯಾಗಿದ್ದಾರೆ. ಮೇರಿ ಕೋಮ್ ಮೇಲೆ ಖಂಡಿತ ಭರವಸೆಯಿದೆ. ಜೊತೆಗೆ ಸಿಮ್ರಾನ್ಜಿತ್ ಕೌರ್ ಕೂಡ ಇದ್ದಾರೆ, ಅಲ್ಲದೇ ತುಂಬಾ ಯುವ ಬಾಕ್ಸರ್ಗಳ ಒಲಿಂಪಿಕ್ಸ್ಗೆ ಪದಾರ್ಪಣೆ ಮಾಡುತ್ತಿರುವುದನ್ನು ನೋಡುವುದಕ್ಕೆ ತುಂಬಾ ಖುಷಿಯಾಗುತ್ತಿದೆ ಎಂದು ಹೇಳಿದ್ದಾರೆ.
ಇದನ್ನು ಓದಿ:ದೆಹಲಿ ಕ್ರೀಡಾ ವಿವಿಯ ಮೊದಲ ಕುಲಪತಿಯಾಗಿ ಕರ್ಣಂ ಮಲ್ಲೇಶ್ವರಿ ನೇಮಕ
