ದೋಹಾ (ಕತಾರ್): ಫಿಫಾ ವಿಶ್ವಕಪ್ 2022ರ ಟೂರ್ನಿಯಲ್ಲಿ ಪೋಲೆಂಡ್ ಮಣಿಸಿದ ಅರ್ಜೆಂಟೀನಾ ಪ್ರೀ ಕ್ವಾರ್ಟರ್‌ಫೈನಲ್‌ ಪ್ರವೇಶಿಸಿತು. ಪಂದ್ಯದ ದ್ವಿತೀಯಾರ್ಧದಲ್ಲಿ ಅಲೆಕ್ಸಿಸ್ ಮ್ಯಾಕ್ ಅಲಿಸ್ಟರ್ ಮತ್ತು 67ನೇ ನಿಮಿಷದಲ್ಲಿ ಜೂಲಿಯನ್ ಅಲ್ವಾರೆಜ್ ಹೊಡೆದ ಗೋಲುಗಳಿಂದ ಪೋಲೆಂಡ್ ವಿರುದ್ದ 2-0 ಅಂತರದಲ್ಲಿ ಅರ್ಜೆಂಟೀನಾ ಗೆಲುವು ತನ್ನದಾಗಿಸಿಕೊಂಡಿದೆ.
ವಿಶ್ವಕಪ್ ಗೆಲ್ಲುವ ಫೇವರಿಟ್‌ ತಂಡವೆಂದೇ ಹೇಳಲಾಗಿದ್ದ ಮೆಸ್ಸಿ ಪಡೆಗೆ ಸೌದಿ ಅರೇಬಿಯಾ ಮೊದಲ ಪಂದ್ಯದಲ್ಲಿ 2-1 ಗೋಲುಗಳಿಂದ ಆಘಾತಕಾರಿ ಸೋಲು ನೀಡಿತ್ತು. ಹೀಗಾಗಿ, ಉಳಿದ ಪಂದ್ಯವನ್ನೆಲ್ಲ ಗೆಲ್ಲಲೇಬೇಕಾದ ಒತ್ತಡದಲ್ಲಿದ ಅರ್ಜೆಂಟೀನಾ ಸಿಲುಕಿತ್ತು. ನಿರೀಕ್ಷೆಗೆ ತಕ್ಕಂತೆ ಉಳಿದ 2 ಪಂದ್ಯಗಳನ್ನು ಗೆದ್ದಿರುವ ಮೆಸ್ಸಿ ಟೀಂ ಪ್ರೀ ಕ್ವಾರ್ಟರ್ ಪ್ರವೇಶಿಸಿದೆ.
ಇದನ್ನೂ ಓದಿ: ಫಿಫಾ ವಿಶ್ವಕಪ್: ಪಂದ್ಯ ಗೆದ್ದರೂ ಟೂರ್ನಿಯಿಂದ ಹೊರಬಿದ್ದ ಜರ್ಮನಿ
