ಸೆಮೀಸ್​ನಲ್ಲಿ ಅರ್ಜೆಂಟೀನಾ-ಕ್ರೊವೇಷಿಯಾ, ಮೊರಾಕ್ಕೊ-ಫ್ರಾನ್ಸ್​ ಫೈಟ್​: ಯಾರಿಗೆ ಫೈನಲ್​ ಟಿಕೆಟ್​?

ಫಿಫಾ ವಿಶ್ವಕಪ್​ನಲ್ಲಿ ನಾಲ್ಕು ತಂಡಗಳು ಅಧಿಕೃತವಾಗಿ ಸೆಮಿಫೈನಲ್​ಗೆ ಎಂಟ್ರಿ ನೀಡಿದ್ದು, ಡಿಸೆಂಬರ್​ 14, 15 ರಂದು ನಡೆಯುವ ಪಂದ್ಯಗಳಲ್ಲಿ ಫೈನಲ್ ಟಿಕೆಟ್​ಗಾಗಿ ಕಾದಾಟ ನಡೆಸಲಿವೆ.

ದೋಹಾ(ಕತಾರ್​): ಕತಾರ್​ನಲ್ಲಿ ನಡೆಯುತ್ತಿರುವ ವಿಶ್ವಕಪ್​ನ ಕೊನೆಯ ಕ್ವಾರ್ಟರ್​ ಫೈನಲ್​ ಪಂದ್ಯದಲ್ಲಿ ಇಂಗ್ಲೆಂಡ್ ವಿರುದ್ಧ ಫ್ರಾನ್ಸ್​ ಗೆಲ್ಲುವ ಮೂಲಕ ಸೆಮಿಫೈನಲ್ ತಂಡಗಳು ಯಾವೆಂಬ ನಿಖರತೆ ಹೊರಬಿದ್ದಿದೆ. ಈಗಾಗಲೇ ಅರ್ಜೆಂಟೀನಾ, ಕ್ರೊವೇಷಿಯಾ ಮೊದಲೆರಡು ತಂಡಗಳಾಗಿ ಎಂಟ್ರಿ ಕೊಟ್ಟಿದ್ದರೆ, ನಿನ್ನೆ ರಾತ್ರಿ ನಡೆದ ಪಂದ್ಯಗಳಲ್ಲಿ ಗೆದ್ದ ಮೊರಾಕ್ಕೊ, ಫ್ರಾನ್ಸ್​ ಸೆಮೀಸ್​ಗೆ ತಲುಪಿವೆ.

ಸೆಮೀಸ್​ ತಲುಪಿದ ಮೊದಲ ತಂಡವಾದ ಅರ್ಜೆಂಟೀನಾ ಕ್ರೊವೇಷಿಯಾ ವಿರುದ್ಧ ಡಿಸೆಂಬರ್​ 14 ರಂದು ನಡೆಯುವ ಮೊದಲ ಹೋರಾಟದಲ್ಲಿ ಸೆಣಸಾಡಿದರೆ, ಮರುದಿನ ನಡೆಯುವ ಎರಡನೇ ಸೆಮೀಸ್​ನಲ್ಲಿ ಫ್ರಾನ್ಸ್ ಮತ್ತು ಮೊರಾಕ್ಕೊ ಅಂತಿಮ ಸುತ್ತಿಗಾಗಿ ಸೆಣಸಾಡಲಿವೆ.

ಕ್ವಾರ್ಟರ್​ಫೈನಲ್​ನ ಮೊದಲೆರಡು ಪಂದ್ಯಗಳಲ್ಲಿ ಪೈಪೋಟಿ ನಡೆಸಿದ ಕ್ರೊವೇಷಿಯಾ ಮತ್ತು ಬ್ರೆಜಿಲ್, ಅರ್ಜೆಂಟೀನಾ ಮತ್ತು ನೆದರ್​ಲ್ಯಾಂಡ್ಸ್​ ಪಂದ್ಯಗಳು ಪೆನಾಲ್ಟಿ ಕಾರ್ನರ್​ ಮೂಲಕ ಫಲಿತಾಂಶ ಪಡೆದರೆ, ಮೊರಾಕ್ಕೊ-ಪೋರ್ಚುಗಲ್, ಇಂಗ್ಲೆಂಡ್-ಫ್ರಾನ್ಸ್​ ತಂಡಗಳು ನಿಗದಿತ ಸಮಯದಲ್ಲೇ ಗೆಲ್ಲುವ ಮೂಲಕ ನೇರವಾಗಿ ಅರ್ಹತೆ ಪಡೆದಿವೆ.

• The final four teams are set! 🇦🇷🇭🇷🇫🇷🇲🇦#FIFAWorldCup | #Qatar2022

  — FIFA World Cup (@FIFAWorldCup) December 10, 2022 " class="align-text-top noRightClick twitterSection" data="

  The final four teams are set! 🇦🇷🇭🇷🇫🇷🇲🇦#FIFAWorldCup | #Qatar2022

  — FIFA World Cup (@FIFAWorldCup) December 10, 2022

  ">

  The final four teams are set! 🇦🇷🇭🇷🇫🇷🇲🇦#FIFAWorldCup | #Qatar2022

  — FIFA World Cup (@FIFAWorldCup) December 10, 2022

ತಂಡಗಳ ಬಲಾಬಲ: ಕೊನೆಯ ವಿಶ್ವಕಪ್​ ಆಡುತ್ತಿರುವ ವಿಶ್ವಶ್ರೇಷ್ಠ ಫುಟ್ಬಾಲಿಗ ಲಿಯೋನೆಲ್​ ಮೆಸ್ಸಿ ನೇತೃತ್ವದ ಅರ್ಜೆಂಟೀನಾ ಮೊದಲ ಪಂದ್ಯದಲ್ಲೇ ಸೌದಿ ಅರೇಬಿಯಾ ವಿರುದ್ಧ ಆಘಾತಕಾರಿ ಸೋಲು ಅನುಭವಿಸಿತು. ಬಳಿಕ ಪುಟಿದೆದ್ದ ತಂಡ ನಂತರದ ಎಲ್ಲ ಪಂದ್ಯಗಳಲ್ಲಿ ಪಾರಮ್ಯ ಮೆರೆದು ಸೆಮೀಸ್​ ಪ್ರವೇಶಿಸಿತು. ಇನ್ನು, ಪ್ರಬಲ ಹೋರಾಟ ನಡೆಸಿದ ಕ್ರೊವೇಷಿಯಾ ಗುಂಪು ಹಂತದಿಂದಲೂ ಅದ್ಭುತ ಪ್ರದರ್ಶನ ನೀಡುತ್ತಾ ಬಂದಿದೆ. ಇದು ಅರ್ಜೆಂಟೀನಾಗೆ ಎಚ್ಚರಿಕೆಯ ಗಂಟೆಯೂ ಹೌದು.

ಕ್ರಿಶ್ಚಿಯಾನೊ ರೊನಾಲ್ಡೊ ನೇತೃತ್ವದ ಬಲಿಷ್ಠ ಪಡೆಯನ್ನು ಗೆದ್ದ ಹುಮ್ಮಸ್ಸಿನಲ್ಲಿರುವ ಮೊರಾಕ್ಕೊ ಹಾಲಿ ಚಾಂಪಿಯನ್​ ಫ್ರಾನ್ಸ್​ ತಂಡವನ್ನು ಎದುರಿಸಲಿದೆ. ಇದು ಉಭಯ ತಂಡಗಳ ಮೊದಲ ಸೆಮಿಫೈನಲ್​ ಮುಖಾಮುಖಿಯಾಗಿದೆ. ಇಲ್ಲಿ ಗೆದ್ದ ತಂಡಗಳು ಫೈನಲ್​ನಲ್ಲಿ ಪ್ರಶಸ್ತಿಗಾಗಿ ಕಾದಾಡಲಿವೆ.

ಫಿಫಾ ವಿಶ್ವಕಪ್‌ನ ಎರಡು ಸೂಪರ್ ಪವರ್‌ಗಳಾದ ಬ್ರೆಜಿಲ್ ಮತ್ತು ಇಂಗ್ಲೆಂಡ್ ಟೂರ್ನಿಯಿಂದ ಈಗಾಗಲೇ ಹೊರಬಿದ್ದಿವೆ. ಬ್ರೆಜಿಲ್‌ನ ಸೋಲು ಆಟಗಾರರು, ಅಭಿಮಾನಿಗಳಿಗೆ ಆಘಾತವನ್ನುಂಟು ಮಾಡಿದರೆ, ಇಂಗ್ಲೆಂಡ್​ ದ್ವಿತೀಯಾರ್ಧದಲ್ಲಿ ಸಿಕ್ಕ ಪೆನಾಲ್ಟಿಯನ್ನು ಗೋಲಾಗಿ ಪರಿವರ್ತಿಸದೇ ಟೂರ್ನಿಯಿಂದ ಹೊರಬಿತ್ತು.

ವಿವಿಧ ಕಾರಣಕ್ಕೆ ಫಿಫಾಗೆ ದೂರು: ಟೂರ್ನಿಯಲ್ಲಿ ಕೆಲವು ದೂರುಗಳೂ ಕೇಳಿಬಂದಿವೆ. ಮೈದಾನದ ರೆಫ್ರಿಗಳ ವಿರುದ್ಧ ತಂಡಗಳು ಆರೋಪಗಳನ್ನು ಮಾಡಿವೆ. ಕ್ವಾರ್ಟರ್​ ಫೈನಲ್​ ಪಂದ್ಯದಲ್ಲಿ ಅತಿಹೆಚ್ಚು ಕಾರ್ಡ್​ಗಳನ್ನು ಪಡೆದ ಅರ್ಜೆಂಟೀನಾ, ಪಕ್ಷಪಾತ ಧೋರಣೆ ಮಾಡಿದ ಆರೋಪ ಮಾಡಿರುವ ಪೋರ್ಚುಗಲ್ ಹಾಗು ಗೋಲಿನ ವಿವಾದಕ್ಕಾಗಿ ಇಂಗ್ಲೆಂಡ್​ ಫಿಫಾಗೆ ದೂರು ಸಲ್ಲಿಸಿವೆ.

ಇದನ್ನೂ ಓದಿ: ಪೋರ್ಚುಗಲ್​ ಮಣಿಸಿ ಸೆಮೀಸ್​ ತಲುಪಿದ ಮೊರಾಕ್ಕೊ; ವಿಶ್ವಕಪ್​ ಗೆಲ್ಲದೇ ರೊನಾಲ್ಡೊ ನಿವೃತ್ತಿ?