ಇಪೋಹ್: ಭಾರತ ಹಾಕಿ ತಂಡ ತನ್ನ ನಾಲ್ಕನೇ ಪಂದ್ಯದಲ್ಲಿ 7-3 ಗೋಲುಗಳಲ್ಲಿ ಕೆನಡಾ ತಂಡವನ್ನು ಬಗ್ಗುಬಡಿದು ಅಂಕಪಟ್ಟಿಯಲ್ಲಿ ಮೊದಲ ಸ್ಥಾನಕ್ಕೇರಿದೆ.
ಮಲೇಷ್ಯಾದಲ್ಲಿ ನಡೆಯುತ್ತಿರುವ ಸುಲ್ತಾನ್ ಅಜ್ಲಾನ್ ಶಾ ಕಪ್ ಹಾಕಿ ಟೂರ್ನಿಯಲ್ಲಿ ನಿನ್ನೆ 4-2ರಲ್ಲಿ ಮಲೇಷ್ಯಾ ವನ್ನು ಮಣಿಸಿದ್ದ ಭಾರತ ತನ್ನ ಗೆಲುವಿನ ಓಟವನ್ನು ಮುಂದುವರಿಸಿದ್ದು, ಕೆನಡಾಗೆ 7-3ರಲ್ಲಿ ಸೋಲಿನ ರುಚಿ ತೋರಿಸಿದೆ.
ಭಾರತದ ಪರ 12ನೇ ನಿಮಿಷದಲ್ಲಿ ವರುಣ್ ಕುಮಾರ್,20,27,29ನೇ ನಿಮಿಷದಲ್ಲಿ ಮಂದೀಪ್ ಸಿಂಗ್ ಹ್ಯಾಟ್ರಿಕ್,39, ನೇ ನಿಮಿಷದಲ್ಲಿ ಅಮಿತ್ ರೋಹಿದಾಸ್,55ನೇ ನಿಮಿಷದಲ್ಲಿ ವಿವೇಕ್ ಪ್ರಸಾದ್ ಹಾಗೂ 58 ನಿಮಿಷದಲ್ಲಿ ನೀಲಕಂಠ ಶರ್ಮಾ ಗೋಲುಗಳಿಸಿ ಭಾರತಕ್ಕೆ ಗೆಲುವು ತಂದುಕೊಟ್ಟರು.
ಕೆನಡಾ ಪರ 35 ನೇ ನಿಮಿಷದಲ್ಲಿ ಮಾರ್ಕ್ ಪಿಯರ್ಸನ್,50 ನಿಮಿಷದಲ್ಲಿ ಫಿನ್ ಬೂತ್ರಾಯ್ಡ್ ಹಾಗೂ 57 ನೇ ನಿಮಿಷದಲ್ಲಿ ಜೇಮ್ಸ್ ವೆಲ್ಲೆಸ್ ಗೋಲುಗಳಿಸಿ ಸೋಲಿನ ಅಂತರವನ್ನು ತಗ್ಗಿಸಿಕೊಂಡರು.
ಭಾರತ ತನ್ನ ಕೊನೆಯ ಲೀಗ್ ಪಂದ್ಯವನ್ನು ಪೋಲೆಂಡ್ ವಿರುದ್ಧ ಮಾರ್ಚ್ 29 ರಂದು ಆಡಲಿದೆ.
