ಲಂಡನ್: ಜೂನ್ನಲ್ಲಿ ಪುನಾರಾಂಭಿಸಲು ಸಿದ್ದವಾಗುತ್ತಿರುವ ಪ್ರೀಮಿಯರ್ ಲೀಗ್ಗೆ ಆರಂಭಕ್ಕೂ ಮುನ್ನವೇ ಆಘಾತವಾಗಿದೆ. ತರಬೇತಿ ಪಾಲ್ಗೊಳ್ಳುವ ಮುನ್ನ ನಡೆಸಿದ ಪರೀಕ್ಷೆಯಲ್ಲಿ ಮೂರು ಕ್ಲಬ್ಗಳ ಆರು ಆಟಗಾರರಿಗೆ ಕೋವಿಡ್ 19 ಇರುವುದು ಪತ್ತೆಯಾಗಿದೆ.
ಮಾರ್ಚ್ನಲ್ಲಿ ಕೋವಿಡ್ 19 ಭೀತಿಯಿಂದ ಮುಂದೂಡಲ್ಪಟ್ಟಿದ್ದ ಪ್ರೀಮಿಯರ್ ಲೀಗ್ ಜೂನ್ನಲ್ಲಿ ಪುನಾರಾರಂಭಿಸಲು ತೀರ್ಮಾನಿಸಲಾಗಿತ್ತು.
ಮೇ 17 ಮತ್ತು 18ರಂದು ಸುಮಾರು 748 ಆಟಗಾರರು ಹಾಗೂ ಕ್ಲಬ್ಗಳ ಸಿಬ್ಬಂದಿಯನ್ನು ಕೋವಿಡ್ 19 ಪರೀಕ್ಷೆಗ ಒಳಪಡಿಸಲಾಗಿತ್ತು. ಈ ಪರೀಕ್ಷೆಯಲ್ಲಿ ಒಟ್ಟು ಆರು ಮಂದಿಗೆ ಪಾಸಿಟಿವ್ ರಿಪೋರ್ಟ್ ಬಂದಿದೆ ಎಂದು ಪ್ರೀಮಿಯರ್ ಲೀಗ್ ತಿಳಿಸಿದೆ.
ಕೋವಿಡ್ 19 ಪಾಸಿಟಿವ್ ಖಚಿತವಾಗಿರುವ ಆಟಗಾರರು ಅಥವಾ ಸಿಬ್ಬಂದಿಗೆ 7 ದಿನಗಳ ಕಾಲ ಸ್ವಯಂ ಐಸೋಲೇಷನ್ ನಲ್ಲಿರಲಿದ್ದಾರೆ. "ಪ್ರೀಮಿಯರ್ ಲೀಗ್ ಸ್ಪರ್ಧೆಯ ಸಮಗ್ರತೆ ಮತ್ತು ಮೇಲ್ವಿಚಾರಣೆಯ ಉದ್ದೇಶಗಳಿಗಾಗಿ ಈ ಮಾಹಿತಿಯನ್ನ ನೀಡಿದೆ. ಆದರೆ ಯಾವ ಕ್ಲಬ್ ಅಥವಾ ಕೋವಿಡ್ ಸೋಂಕಿಗೆ ಒಳಗಾಗಿರುವವರ ಮಾಹಿತಿಯನ್ನು ಪ್ರೀಮಿಯರ್ ಲೀಗ್ ಬಿಟ್ಟುಕೊಟ್ಟಿಲ್ಲ.
