WTC Final: ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್‌ನಲ್ಲಿಂದು ಅಂತಿಮ ಸೆಣಸಾಟ; ಭಾರತದ ಗೆಲುವಿಗೆ ಬೇಕು 280 ರನ್‌; ಕೊಹ್ಲಿ, ರಹಾನೆ ಮೇಲೆ ಗೆಲುವಿನ ಹೊಣೆ

ಐಸಿಸಿ ಡಬ್ಲ್ಯೂಟಿಸಿ ಚಾಂಪಿಯನ್​ ಘೋಷಣೆಗೆ ಇಂದೇ ಕೊನೆ ಮುಹೂರ್ತ. ಐದನೇ ದಿನದಾಟದಲ್ಲಿ ಆಸ್ಟ್ರೇಲಿಯಾ ಮತ್ತು ಭಾರತದ ಆಟವೇ ಚಾಂಪಿಯನ್​ ಯಾರು ಎಂಬುದನ್ನು ನಿರ್ಧರಿಸಲಿದೆ.

ಲಂಡನ್: ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ ಫೈನಲ್​ ಪಂದ್ಯ ಕುತೂಹಲದ ಘಟ್ಟಕ್ಕೆ ಬಂದು ನಿಂತಿದೆ. ಮೊದಲ ದಿನದಿಂದಲೂ ಹಿಡಿತ ಸಾಧಿಸುತ್ತಾ ಬಂದಿರುವ ಆಸ್ಟ್ರೇಲಿಯಾ ಭಾರತಕ್ಕೆ ಗೆಲ್ಲಲು ದಾಖಲೆಯ 444 ರನ್​ ಗುರಿ ನೀಡಿದೆ. ಸೋಲು- ಗೆಲುವಿಗೆ ಇಂದೇ ಕೊನೆಯ ದಿನವಾಗಿದೆ. ಇತ್ತ, 2ನೇ ಇನಿಂಗ್ಸ್​ ಆರಂಭಿಸಿರುವ ಭಾರತ ಕೆಚ್ಚೆದೆಯ ಹೋರಾಟ ನಡೆಸುತ್ತಿದ್ದು, 4ನೇ ದಿನದ ಅಂತ್ಯಕ್ಕೆ 3 ವಿಕೆಟ್​ಗೆ 164 ರನ್ ಗಳಿಸಿದೆ. ಗೆಲುವಿಗೆ ಇನ್ನೂ 280 ರನ್​ ಬೇಕಿದೆ. ಕೈಯಲ್ಲಿ 7 ವಿಕೆಟ್​ಗಳಿವೆ.

4 ದಿನದಾಟದಲ್ಲಿ ಮೇಲುಗೈ ಸಾಧಿಸಿದ ಆಸೀಸ್​ ಪಡೆಯನ್ನು ಅಲ್ಪಮೊತ್ತಕ್ಕೆ ಕಟ್ಟಿಹಾಕುವ ಪ್ಲಾನ್​ನಲ್ಲಿದ್ದ ಭಾರತಕ್ಕೆ ಅಲೆಕ್ಸ್​ ಕ್ಯಾರಿ ಮತ್ತು ಮಿಚೆಲ್​ ಸ್ಟಾರ್ಕ್​ ಬಲವಾದ ಪೆಟ್ಟು ಕೊಟ್ಟರು. ಈ ಇಬ್ಬರು ಸೇರಿ ದೊಡ್ಡ ಇನಿಂಗ್ಸ್ ಕಟ್ಟುವ ಮೂಲಕ ಭಾರತಕ್ಕೆ 444 ರನ್​ಗಳ ಸವಾಲಿನ ದಾಖಲೆಯ ಗುರಿ ನೀಡುವಂತೆ ಮಾಡಿದರು.

• 🔑 Kohli the key
  👊 Carey's crucial role
  🏏 Catch contention
  
  Plenty of discussion after Day 4 of the #WTC23 Final 🗣https://t.co/t8Hwp1avXs

  — ICC (@ICC) June 11, 2023 " class="align-text-top noRightClick twitterSection" data="

  🔑 Kohli the key
  👊 Carey's crucial role
  🏏 Catch contention
  
  Plenty of discussion after Day 4 of the #WTC23 Final 🗣https://t.co/t8Hwp1avXs

  — ICC (@ICC) June 11, 2023

  ">

  🔑 Kohli the key
  👊 Carey's crucial role
  🏏 Catch contention
  
  Plenty of discussion after Day 4 of the #WTC23 Final 🗣https://t.co/t8Hwp1avXs

  — ICC (@ICC) June 11, 2023

ಕೊನೆಯ ದಿನ ನಡೆಯುತ್ತಾ ಕಮಾಲ್​?: ಟೆಸ್ಟ್​ ವಿಶ್ವಕಪ್​ ಆಗಿರುವ ಡಬ್ಲ್ಯೂಟಿಸಿಯ ಐದನೇ ಮತ್ತು ಅಂತಿಮ ದಿನವಾದ ಇಂದು ಭಾರತ ಗೆಲ್ಲಬೇಕಾದರೆ, ಬಾಕಿ ಉಳಿದಿರುವ 280 ರನ್​ ಗಳಿಸಬೇಕು. ಆಸೀಸ್​ ದಾಳಿಕಾರರನ್ನು ಹಿಮ್ಮೆಟ್ಟಿ ಹಾಗೊಂದು ವೇಳೆ ಭಾರತ ಗುರಿ ಮುಟ್ಟಿದ್ದೇ ಆದಲ್ಲಿ ವಿಶ್ವದಾಖಲೆ ಸೃಷ್ಟಿಯಾಗೋದು ಖಚಿತ. ಅಲ್ಲದೇ, ಇದು ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ನಲ್ಲಿ ಅತ್ಯಧಿಕ ಗುರಿಯೂ ಆಗಿದೆ. ಟೆಸ್ಟ್​ ಇತಿಹಾಸದಲ್ಲಿ 414 ರನ್​ ಚೇಸ್​ ಮಾಡಿದ್ದೇ ಈವರೆಗಿನ ದಾಖಲೆ. 2003 ರಲ್ಲಿ ಆಂಟಿಗುವಾದಲ್ಲಿ ನಡೆದ ಪಂದ್ಯದಲ್ಲಿ ಆಸ್ಟ್ರೇಲಿಯಾ ವಿರುದ್ಧ ವೆಸ್ಟ್ ಇಂಡೀಸ್ 7 ವಿಕೆಟ್‌ಗಳ ನಷ್ಟಕ್ಕೆ ಗುರಿ ತಲುಪಿತ್ತು.

ಕೊಹ್ಲಿ, ರಹಾನೆಯೇ ಆಧಾರ: 4ನೇ ದಿನದಾಂತ್ಯಕ್ಕೆ ಕ್ರೀಸ್​ ಕಾಯ್ದುಕೊಂಡಿರುವ ಚೇಸ್​ ಮಾಸ್ಟರ್​ ವಿರಾಟ್​ ಕೊಹ್ಲಿ ಮತ್ತು ಮೊದಲ ಇನಿಂಗ್ಸ್​ನ ಆಪದ್ಬಾಂಧವ ಅಜಿಂಕ್ಯ ರಹಾನೆಯೇ ಭಾರತದ ಗೆಲುವಿಗಿರುವ ಆಶಾಕಿರಣ. ಇಬ್ಬರೂ ತಲಾ 44 ಮತ್ತು 20 ರನ್​ ಗಳಿಸಿದ್ದಾರೆ. ಇಂದು ಬ್ಯಾಟಿಂಗ್​ ಮುಂದುವರಿಸಿ ದೊಡ್ಡ ಇನಿಂಗ್ಸ್ ಕಟ್ಟಿದಲ್ಲಿ ಮಾತ್ರ ಗೆಲ್ಲುವ ಸಾಧ್ಯತೆ ಇದೆ. ಇದಲ್ಲದೇ, ಶ್ರೀಕರ್​ ಭರತ್​, ರವೀಂದ್ರ ಜಡೇಜಾ, ಶಾರ್ದೂಲ್​ ಠಾಕೂರ್​ ಕೂಡ ಮಿಂಚಬೇಕು.

• Stumps called with Kohli, Rahane keeping India in the hunt! 👊
  
  Follow the #WTC23 Final 👉 https://t.co/wJHUyVnX0r pic.twitter.com/Z9yMlvCLYA

  — ICC (@ICC) June 10, 2023 " class="align-text-top noRightClick twitterSection" data="

  Stumps called with Kohli, Rahane keeping India in the hunt! 👊
  
  Follow the #WTC23 Final 👉 https://t.co/wJHUyVnX0r pic.twitter.com/Z9yMlvCLYA

  — ICC (@ICC) June 10, 2023

  ">

  Stumps called with Kohli, Rahane keeping India in the hunt! 👊
  
  Follow the #WTC23 Final 👉 https://t.co/wJHUyVnX0r pic.twitter.com/Z9yMlvCLYA

  — ICC (@ICC) June 10, 2023

ಚೇತೇಶ್ವರ್​ ಪೂಜಾರಾ ವೈಫಲ್ಯ: ರಾಹುಲ್​ ದ್ರಾವಿಡ್​ ಬಳಿಕ ಸಿಕ್ಕ 'ಮತ್ತೊಂದು ಗೋಡೆ' ಎಂದೇ ಕರೆಸಿಕೊಳ್ಳುವ ಚೇತೇಶ್ವರ್ ಪೂಜಾರಾ ಕಳಪೆ ಆಟ ತಂಡಕ್ಕೆ ದುಬಾರಿಯಾಗಿದೆ. ಐಪಿಎಲ್​ ಆಡದೇ ನೇರವಾಗಿ ಡಬ್ಲ್ಯೂಟಿಸಿಯಲ್ಲಿ ಆಡುತ್ತಿರುವ ಏಕೈಕ ಆಟಗಾರನಾಗಿದ್ದ ಪೂಜಾರಾ ಮೇಲೆ ಹೆಚ್ಚಿನ ನಿರೀಕ್ಷೆ ಇತ್ತು. ಅಲ್ಲದೇ, ಕೌಂಟಿ ಕ್ರಿಕೆಟ್​ನಲ್ಲಿ ರಾಶಿ ರಾಶಿ ರನ್​ ಕಲೆ ಹಾಕಿ ಇಂಗ್ಲೆಂಡ್​ ವಾತಾವರಣಕ್ಕೆ ಒಗ್ಗಿದ್ದರು. ಆದರೆ, ಮೊದಲ ಇನಿಂಗ್ಸ್​ನಲ್ಲಿ 14 ರನ್​, 2ನೇ ಇನಿಂಗ್ಸ್​​ನ​ ಮಹತ್ವದ ಘಟ್ಟದಲ್ಲಿ 27 ರನ್​ಗೆ ಔಟಾದರು. ಅಲ್ಲಿ, ಚುಟುಕು ಮಾದರಿಯಲ್ಲಿ ಬಳಸುವ ಹೊಡೆತವಾದ 'ಅಪ್ಪರ್​ ಕಟ್​' ಮಾಡಲು ಹೋಗಿ ವಿಕೆಟ್​ ಕೀಪರ್​ಗೆ ಕ್ಯಾಚ್​ ನೀಡಿದ್ದೂ ಟೀಕೆಗೆ ಗುರಿಯಾಗಿದೆ.

ವಿವಾದಿತ ಕ್ಯಾಚ್​ಗೆ ಗಿಲ್​ ಬಲಿ: ಬೆಟ್ಟದಂತ ಗುರಿ ಮುಂದೆ ಇದ್ದಾಗ ಗೆಲ್ಲಬೇಕೆಂಬ ಹಠದಿಂದಲೇ ಇನಿಂಗ್ಸ್​ ಆರಂಭಿಸಿದ ಭಾರತಕ್ಕೆ 'ಅಂಪೈರಿಂಗ್​' ಆಘಾತ ನೀಡಿದೆ. ಭರ್ಜರಿ ಲಯದಲ್ಲಿರುವ ಶುಭಮನ್​ ಗಿಲ್​ 18 ರನ್​ ಗಳಿಸಿ ಉತ್ತಮವಾಗಿ ಆಡುತ್ತಿದ್ದಾಗ ಬೋಲೆಂಡ್​ ಎಸೆತದಲ್ಲಿ ಬ್ಯಾಟ್​ಗೆ ಸವರಿಕೊಂಡು ಹೋದ ಚೆಂಡು ಸ್ಲಿಪ್​​ನಲ್ಲಿದ್ದ ಕ್ಯಾಮರೂನ್​ ಗ್ರೀನ್​ ಕೈ ಸೇರಿತು. ಆದರೆ, ಚೆಂಡು ನೆಲಕ್ಕೆ ತಾಗಿದ ಅನುಮಾನವಿತ್ತು. ಮೂರನೇ ಅಂಪೈರ್​ ಹಲವು ರಿಪ್ಲೈಗಳ ಮೂಲಕ ಪರಿಶೀಲಿಸಿ ಔಟ್​ ನೀಡಿದರು. ದೃಶ್ಯಗಳಲ್ಲಿ ಚೆಂಡು ನೆಲಕ್ಕೆ ತಾಕುತ್ತಿರುವುದು ಕಂಡುಬಂದಿತ್ತು. ಆದರೆ, ಅಂಪೈರ್​ ಐಸಿಸಿ ನಿಯಮಗಳಡಿ ಔಟ್​ ನೀಡಿದರು. ಇದು ಭಾರತಕ್ಕೆ ದೊಡ್ಡ ಹೊಡೆತ ನೀಡಿತು.

• 🔎🔎🤦🏻‍♂️ pic.twitter.com/pOnHYfgb6L

  — Shubman Gill (@ShubmanGill) June 10, 2023 " class="align-text-top noRightClick twitterSection" data="

  🔎🔎🤦🏻‍♂️ pic.twitter.com/pOnHYfgb6L

  — Shubman Gill (@ShubmanGill) June 10, 2023

  ">

  🔎🔎🤦🏻‍♂️ pic.twitter.com/pOnHYfgb6L

  — Shubman Gill (@ShubmanGill) June 10, 2023

ಈ ಬಗ್ಗೆ ಹಲವು ಹಿರಿಯ ಆಟಗಾರರೂ ಸೇರಿದಂತೆ ನೆಟ್ಟಿಗರು ಸಾಮಾಜಿಕ ಜಾಲತಾಣದಲ್ಲಿ ದೊಡ್ಡ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಸ್ವತಃ ಗಿಲ್​ ಕ್ಯಾಚ್​ ಹಿಡಿದ ಚಿತ್ರವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡು ಬೇಸರಿಸಿದ್ದಾರೆ.

ಪಂದ್ಯ ಡ್ರಾ ಆದರೆ..: ಭಾರತದ ತನ್ನಲ್ಲಿರುವ 7 ವಿಕೆಟ್​ಗಳಿಂದ ಗೆಲುವು ಸಾಧಿಸಿದರೆ ಚರಿತ್ರೆ ಸೃಷ್ಟಿಸಲಿದೆ. ಹಾಗೊಂದು ವೇಳೆ ಸಾಧ್ಯವಾಗದೇ ಇದ್ದಲ್ಲಿ ಡ್ರಾ ಮಾಡಿಕೊಳ್ಳಲು ಪ್ರಯತ್ನಿಸಬಹುದು. ಅತ್ತ ಆಸ್ಟ್ರೇಲಿಯಾ ಗೆಲ್ಲಬೇಕಾದರೆ, ಭಾರತವನ್ನು ಆಲೌಟ್​ ಮಾಡಬೇಕು. ಇದ್ಯಾವುದೂ ಘಟಿಸದೇ ಪಂದ್ಯ ಡ್ರಾ ಆದಲ್ಲಿ ಉಭಯ ತಂಡಗಳನ್ನು ಜಂಟಿ ಚಾಂಪಿಯನ್​ ಆಗಿ ಘೋಷಿಸಲಾಗುತ್ತದೆ. ಉಭಯ ತಂಡಗಳಲ್ಲಿ ಯಾರೇ ಗೆದ್ದರೂ ಹೊಸ ಚಾಂಪಿಯನ್​ ಆಗಿ ಹೊರಹೊಮ್ಮಲಿದ್ದಾರೆ. ಕಳೆದ ಬಾರಿ ನ್ಯೂಜಿಲ್ಯಾಂಡ್​ ಚಾಂಪಿಯನ್​ ಆಗಿತ್ತು.

ಇದನ್ನೂ ಓದಿ: WTC Final 2023: ಆಸಿಸ್​ಗೆ ಕೊನೆಯಲ್ಲಿ ಕ್ಯಾರಿ - ಸ್ಟಾರ್ಕ್ ಬಲ..​ ಭಾರತಕ್ಕೆ 444 ರನ್​ ಗುರಿ ನೀಡಿದ ಆಸ್ಟ್ರೇಲಿಯಾ