West Indies tour: ಟೀಂ ಇಂಡಿಯಾ ವೆಸ್ಟ್​ ಇಂಡೀಸ್​ ಪ್ರವಾಸ- ಟಿ20 ತಂಡದಲ್ಲಿ ರಿಂಕು ಸಿಂಗ್‌ಗೆ ಅವಕಾಶ ಸಾಧ್ಯತೆ

ವೆಸ್ಟ್​ ಇಂಡೀಸ್​ ಪ್ರವಾಸಕ್ಕೆ ಭಾರತದ ಟೆಸ್ಟ್​​ ಮತ್ತು ಏಕದಿನ ತಂಡವನ್ನು ಈಗಾಗಲೇ ಬಿಸಿಸಿಐ ಪ್ರಕಟಿಸಿದೆ. 5 ಟಿ20 ಪಂದ್ಯಗಳಿಗೆ ಆಟಗಾರರ ಪಟ್ಟಿ ಬಿಡುಗಡೆ ಮಾಡಿಲ್ಲ. ಹಾರ್ದಿಕ್​ ನಾಯಕತ್ವದಲ್ಲಿ ಯುವ ಟಿ20 ಪಡೆಯನ್ನು ಬಿಸಿಸಿಐ ಮಾಡಲಿದೆಯೇ? ಎಂಬುದು ಕುತೂಹಲ.

ಎರಡು ತಿಂಗಳ ಐಪಿಎಲ್ ಕ್ರಿಕೆಟ್ ಹಬ್ಬದ​ ಬಳಿಕ ಇಂಗ್ಲೆಂಡ್​ನಲ್ಲಿ ಆಸ್ಟ್ರೇಲಿಯಾ ವಿರುದ್ಧದ ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ ಫೈನಲ್​ ಪಂದ್ಯದಲ್ಲಿ ಭಾರತ ಸೋಲು ಅನುಭವಿಸಿತ್ತು. ಇದಾದ ನಂತರದ ಒಂದು ತಿಂಗಳ ಬಿಡುವಿನ ಬಳಿಕ ಭಾರತ ತಂಡವು ವೆಸ್ಟ್​ ಇಂಡೀಸ್​ ಪ್ರವಾಸ ಕೈಗೊಳ್ಳಲಿದೆ. ಜುಲೈ 12ರಿಂದ ಪಂದ್ಯಗಳು ಆರಂಭವಾಗಲಿವೆ. ಈ ಪ್ರವಾಸದಲ್ಲಿ ಭಾರತ ತಂಡ ವಿಂಡೀಸ್ ವಿರುದ್ಧ 2 ಟೆಸ್ಟ್​​, 3 ಏಕದಿನ ಮತ್ತು ಐದು ಟಿ20 ಪಂದ್ಯಗಳನ್ನು ಆಡಲಿದೆ.

ಟೆಸ್ಟ್​ ಮತ್ತು ಏಕದಿನ ಪಂದ್ಯಕ್ಕೆ ಬಿಸಿಸಿಐ ಈಗಾಗಲೇ ತಂಡಗಳನ್ನು ಪ್ರಕಟಿಸಿದೆ. ಟೆಸ್ಟ್​ ತಂಡಕ್ಕೆ ರೋಹಿತ್​ ಶರ್ಮಾ ನಾಯಕ ಮತ್ತು ಅಜಿಂಕ್ಯ ರಹಾನೆ ಉಪನಾಯಕರಾಗಿದ್ದಾರೆ. ಏಕದಿನ ಪಂದ್ಯಕ್ಕೆ ರೋಹಿತ್​ ಶರ್ಮಾ ನಾಯಕ ಮತ್ತು ಹಾರ್ದಿಕ್​ ಪಾಂಡ್ಯ ಉಪನಾಯಕರಾಗಿದ್ದಾರೆ. ಆಗಸ್ಟ್​​ 3ರಿಂದ 13ರ ವರೆಗೆ ನಡೆಯಲಿರುವ 5 ಟಿ20ಗೆ ತಂಡವನ್ನು ಇನ್ನೂ ಪ್ರಕಟಿಸಿಲ್ಲ. ಈ ತಂಡದಲ್ಲಿ ಹೊಸ ಆಟಗಾರರಿಗೆ ಮಣೆ ಹಾಕುವ ಸಾಧ್ಯತೆ ಇದೆ.

• Rinku Singh set to be picked for the T20i series against West Indies. (Reported by TOI). pic.twitter.com/kTdBh2fFcm

  — Mufaddal Vohra (@mufaddal_vohra) June 26, 2023 " class="align-text-top noRightClick twitterSection" data="

  Rinku Singh set to be picked for the T20i series against West Indies. (Reported by TOI). pic.twitter.com/kTdBh2fFcm

  — Mufaddal Vohra (@mufaddal_vohra) June 26, 2023

  ">

  Rinku Singh set to be picked for the T20i series against West Indies. (Reported by TOI). pic.twitter.com/kTdBh2fFcm

  — Mufaddal Vohra (@mufaddal_vohra) June 26, 2023

ವಿರಾಟ್ ​ಕೊಹ್ಲಿ ನಾಯಕತ್ವದಲ್ಲಿ ಇದ್ದಾಗಲೇ ಮೂರು ಮಾದರಿಯ ಕ್ರಿಕೆಟ್‌ಗೆ​ ಬೇರೆ ಬೇರೆ ನಾಯಕರನ್ನು ನೇಮಿಸಬೇಕು ಎಂದು ಅಭಿಪ್ರಾಯವಿತ್ತು. ಆದರೆ ವಿರಾಟ್​ ನಂತರ ರೋಹಿತ್​ ಶರ್ಮಾಗೆ ಕ್ಯಾಪ್ಟನ್ಸಿ ಹೊಣೆ ನೀಡಲಾಯಿತಾದರೂ ಅವರೇ ಮೂರೂ ಮಾದರಿಯನ್ನು ನಿರ್ವಹಿಸುತ್ತಿದ್ದಾರೆ. ರೋಹಿತ್​ ಅನುಪಸ್ಥಿತಿಯಲ್ಲಿ ಹಾರ್ದಿಕ್​ ನಾಯಕತ್ವ ನಿರ್ವಹಿಸಿದ್ದರು. ಹಾರ್ದಿಕ್​ ಮುಂದಾಳತ್ವದಲ್ಲಿ ಐಪಿಎಲ್​ನಲ್ಲಿ ಗುಜರಾತ್​ ಟೈಟಾನ್ಸ್​ ಚೊಚ್ಚಲ ಆವೃತ್ತಿಯಲ್ಲೇ ಚಾಂಪಿಯನ್​​ ಮತ್ತು ಈ ವರ್ಷ ರನ್ನರ್​ ಅಪ್​ ಆಗಿದೆ. ಹೀಗಾಗಿ ವೆಸ್ಟ್​ ಇಂಡೀಸ್​ ಪ್ರವಾಸಕ್ಕೆ ಹಾರ್ದಿಕ್​ಗೆ ನಾಯಕತ್ವ ಕೊಡುವ ಸಾಧ್ಯತೆ ಹೆಚ್ಚಿದೆ. ಸತತ ಪಂದ್ಯಗಳನ್ನು ಆಡುತ್ತಿರುವ ರೋಹಿತ್​ ಶರ್ಮಾಗೆ ಏಷ್ಯಾಕಪ್​ ಮತ್ತು ವಿಶ್ವಕಪ್ ಹಿನ್ನೆಲೆಯಲ್ಲಿ ವಿಶ್ರಾಂತಿ ನೀಡುವ ಸಾಧ್ಯತೆ ಇದೆ.

ರಿಂಕು ಸಿಂಗ್​​ಗೆ ಅವಕಾಶ?: ​ಉತ್ತರ ಪ್ರದೇಶ ಮತ್ತು ಕೋಲ್ಕತ್ತಾ ನೈಟ್ ರೈಡರ್ಸ್‌ನ ಬ್ಯಾಟರ್​ ರಿಂಕು ಸಿಂಗ್ ಅವರಿನಗೆ ವೆಸ್ಟ್​ ಇಂಡೀಸ್​ ಪ್ರವಾಸದ ಟಿ20 ತಂಡದಲ್ಲಿ ಅವಕಾಶ ಕೊಡಲಾಗುತ್ತದೆ ಎಂದು ಬಿಸಿಸಿಐ ಮೂಲಗಳು ತಿಳಿಸಿವೆ. ರಿಂಕು ಐಪಿಎಲ್​ನಲ್ಲಿ ಉತ್ತಮ ಬ್ಯಾಟಿಂಗ್​ ಪ್ರದರ್ಶನ ನೀಡಿದರು. ಐಪಿಎಲ್​ನಲ್ಲಿ 14 ಪಂದ್ಯಗಳನ್ನು ಆಡಿದ್ದು, 59.25 ರ ಸರಾಸರಿಯಲ್ಲಿ, 149.52 ಸ್ಟ್ರೈಕ್ ರೇಟ್​ನಿಂದ 474 ರನ್ ಕಲೆಹಾಕಿದ್ದಾರೆ. ಏಪ್ರಿಲ್​ 9ರಂದು ಸಂಜೆಯ ಪಂದ್ಯದಲ್ಲಿ ರಿಂಕು ಸಿಂಗ್​ 5 ಸಿಕ್ಸ್ ಬಾರಿಸಿ ಗುಜರಾತ್​ ವಿರುದ್ಧ ಕೋಲ್ಕತ್ತಾಗೆ ಗೆಲುವಿನ ಕಾಣಿಕೆ ನೀಡಿದ್ದರು.

ಇದಲ್ಲದೇ ಐಪಿಎಲ್​ನಲ್ಲಿ ಮಿಂಚಿದ ಇತರೆ ಯುವ ಆಟಗಾರಿಗೂ ಈ ಪ್ರವಾಸದಲ್ಲಿ ಅವಕಾಶ ಸಿಗುವ ಸಾಧ್ಯತೆ ಇದೆ. ಏಷ್ಯಾಕಪ್​ ಮತ್ತು ವಿಶ್ವಕಪ್​ ಹಿನ್ನೆಲೆಯಲ್ಲಿ ಹಿರಿಯ ಆಟಗಾರರನ್ನು ಏಕದಿನ ಮಾದರಿಯ ಕ್ರಿಕೆಟ್​ಗೆ ಮಾತ್ರ ಆಡಿಸುವ ಚಿಂತನೆ ಇದೆ. ವೆಸ್ಟ್ ಇಂಡೀಸ್ ಟೆಸ್ಟ್ ಮತ್ತು ಏಕದಿನ ಪಂದ್ಯಗಳಿಂದ ವಿಶ್ರಾಂತಿ ಪಡೆದಿರುವ ಮೊಹಮ್ಮದ್ ಶಮಿ, ಟಿ20 ಪಂದ್ಯಗಳಿಂದಲೂ ವಿಶ್ರಾಂತಿ ಪಡೆಯುವ ಸಾಧ್ಯತೆ ತೋರುತ್ತಿದೆ.

ಇದನ್ನೂ ಓದಿ: ವೆಸ್ಟ್​ ಇಂಡೀಸ್​ ಪ್ರವಾಸದಿಂದ ಉಮೇಶ್ ಯಾದವ್​ ಕೈಬಿಟ್ಟಿಲ್ಲ.. ಹಿರಿಯ ಆಟಗಾರರಿಗೆ ತಂಡದ ಬಾಗಿಲು ಮುಚ್ಚಿಲ್ಲ: BCCI ​