ಲಂಡನ್: ಭಾರತದ ಬ್ಯಾಟ್ಸ್ಮನ್ಗಳು 3ನೇ ಟೆಸ್ಟ್ನಲ್ಲಿ ಹೀನಾಯ ಸೋಲು ಕಂಡ ಬಳಿಕ ಬಹಳಷ್ಟು ಟೀಕೆಗಳನ್ನು ಎದುರಿಸಿದೆ. ಹಾಗಾಗಿ 4ನೇ ಟೆಸ್ಟ್ನಲ್ಲಿ ಖಂಡಿತ ಅವರು ಬಲಿಷ್ಠರಾಗಿ ಕಮ್ಬ್ಯಾಕ್ ಮಾಡುವ ನಿರೀಕ್ಷೆಯಿದ್ದು, ನಾವು ನಾಲ್ಕನೇ ಪಂದ್ಯದಲ್ಲಿ ಅವರನ್ನು ಎದುರಿಸಲು ಸನ್ನದ್ಧರಾಗುತ್ತಿದ್ದೇವೆ ಎಂದು ಗುರುವಾರ ಇಂಗ್ಲೆಂಡ್ ಸಹಾಯಕ ಕೋಚ್ ಪಾಲ್ ಕಾಲಿಂಗ್ವುಡ್ ತಿಳಿಸಿದ್ದಾರೆ.
ಭಾರತ ತಂಡ ಲೀಡ್ಸ್ನಲ್ಲಿ ನಡೆದ 3ನೇ ಟೆಸ್ಟ್ ಪಂದ್ಯದಲ್ಲಿ ಇನ್ನಿಂಗ್ಸ್ ಮತ್ತು 151 ರನ್ಗಳಿಂದ ಸೋಲು ಕಂಡಿತು. 5 ಪಂದ್ಯಗಳ ಸರಣಿಯಲ್ಲಿ ಎರಡು ತಂಡಗಳು 1-1ರಲ್ಲಿ ಸಮಬಲ ಸಾಧಿಸಿವೆ. ಓವಲ್ನಲ್ಲಿ ಸೆಪ್ಟೆಂಬರ್ 2ರಿಂದ 4ನೇ ಟೆಸ್ಟ್ ಆರಂಭವಾಗಲಿದ್ದು, ಎರಡು ತಂಡಗಳೂ ಮುನ್ನಡೆ ಸಾಧಿಸಲು ತಮ್ಮದೇ ಆದ ಸಿದ್ಧತೆಯಲ್ಲಿ ತೊಡಗಿವೆ.
ನಾವು ಅದ್ಭುತವಾಗಿ ಬೌಲಿಂಗ್ ಮಾಡಿದೆವು ಎಂದು ನಾನು ಭಾವಿಸುತ್ತೇನೆ. ನೀವು ಭಾರತ ತಂಡದ ಬೆಂಬಲಿಗರಾದರೇ ಅವರನ್ನು ಟೀಕೆ ಮಾಡುವುದು ತುಂಬಾ ಸುಲಭ. ಆದರೆ, 3ನೇ ಟೆಸ್ಟ್ನ ಮೊದಲ ದಿನ ಪಿಚ್ ತುಂಬಾ ಚಂಚಲವಾಗಿತ್ತು. ಅಂತಹ ಪರಿಸ್ಥಿತಿಯಲ್ಲಿ ಬ್ಯಾಟ್ಸ್ಮನ್ಗಳಿಗೆ ಆಡುವುದು ತುಂಬಾ ಕಠಿಣವಾಗಿರುತ್ತದೆ. ನಮ್ಮ ಬೌಲರ್ಗಳು ಕೂಡ ಅದ್ಭುತವಾಗಿ ಬೌಲಿಂಗ್ ಮಾಡಿದೆವು. ವಿರಾಟ್ ಕೂಡ ನಮ್ಮ ಬೌಲರ್ಗಳ ನಿಖರತೆ ಮತ್ತು ಪಟ್ಟುಹಿಡಿದು ಹೋರಾಡಿದರೆಂದು ತಿಳಿಸಿದ್ದರು. ನಮ್ಮ ಬೌಲರ್ಗಳ ನಿಖರತೆ ನಿಜಕ್ಕೂ ಅದ್ಭುತವಾಗಿತ್ತು ಎಂದು ಕಾಲಿಂಗ್ವುಡ್ ಹೇಳಿದ್ದಾರೆ.
ಲಾರ್ಡ್ಸ್ನಲ್ಲಿ 151 ರನ್ಗಳಿಂದ ಇಂಗ್ಲೆಂಡ್ ಸೋತ ಬಳಿಕ ಮುಂದಿನ ಪಂದ್ಯದಲ್ಲಿ ಅದ್ಭುತವಾಗಿ ಹಿಂತಿರುಗಿತ್ತು. ಇದೀಗ ಭಾರತ ಕೂಡ ಅದೇ ರೀತಿ ಬೌನ್ಸ್ಬ್ಯಾಕ್ ಮಾಡಬಹುದೇ ಎಂದು ಕೇಳಿದ್ದಕ್ಕೆ, ನಾವು ಅದಕ್ಕೆಲ್ಲಾ ಸಿದ್ಧರಾಗಿದ್ದೇವೆ ಎಂದು ಇಂಗ್ಲೆಂಡ್ ಮಾಜಿ ನಾಯಕ ತಿಳಿಸಿದ್ದಾರೆ.
ಅವರು(ಭಾರತ) ಬೌನ್ಸ್ ಬ್ಯಾಕ್ ಮಾದಬಹುದಲ್ವಾ?. ನಾವು ಖಂಡಿತವಾಗಿಯೂ ಭಾರತೀಯ ಬೌನ್ಸ್ ಬ್ಯಾಕ್‌ಗೆ ಉತ್ತರಿಸಲು ನಮ್ಮನ್ನು ನಾವು ಸಿದ್ಧಪಡಿಸುತ್ತಿದ್ದೇವೆ ಎಂಬುದರಲ್ಲಿ ನನಗೆ ಖಾತ್ರಿಯಿದೆ. ಭಾರತ ಅತ್ಯುತ್ತಮ ಗುಣಮಟ್ಟವುಳ್ಳ ತಂಡ ಎಂಬುದು ನಮಗೆ ತಿಳಿದಿದೆ. ಹಾಗಾಗಿ ಓವಲ್ನಲ್ಲಿ ನಾವು ಶೇಕಡಾ 100 ಪ್ರತಿಶತದೊಂದಿದೆ ಹೋರಾಡಲು ಸಿದ್ಧಗೊಳ್ಳುತ್ತಿದ್ದೇವೆ ಎಂದು ಇಂಗ್ಲೆಂಡ್ ತಂಡದ ಪರ 68 ಟೆಸ್ಟ್ ಮತ್ತು 197 ಏಕದಿನ ಪಂದ್ಯಗಳನ್ನಾಡಿರುವ ಪಾಲ್ ಕಾಲಿಂಗ್ವುಡ್ ಹೇಳಿದ್ದಾರೆ.
ಇದನ್ನು ಓದಿ:2 ಹೊಸ IPL ತಂಡಗಳಿಗೆ ಬಿಡ್ಡಿಂಗ್: 2000 ಕೋಟಿ ರೂ. ಮೂಲಬೆಲೆ ನಿಗದಿ, 5000 ಕೋಟಿ ಆದಾಯ ನಿರೀಕ್ಷೆಯಲ್ಲಿ BCCI
