ವಿರಾಟ್​ ಅವಾಯ್ಡ್​ ಕ್ಯಾಪ್ಟನ್ಸಿ, ಬಟ್​ ಕ್ಯಾಪ್ಟನ್ಸಿ ಲೈಕ್ಸ್​ ಕೊಹ್ಲಿ​: ವಿಡಿಯೋ

ವಿರಾಟ್​ ಕೊಹ್ಲಿ ಕ್ಯಾಪ್ಟನ್ಸಿ ಬಿಟ್ಟರೂ, ಅವರನ್ನು ಅದು ಬಿಟ್ಟಿಲ್ಲ ಎಂಬುದಕ್ಕೆ ಇಂಗ್ಲೆಂಡ್​ನಿಂದ ಹೊರಬಿದ್ದ ವಿಡಿಯೋ ಸಾಕ್ಷಿ.

ಇಂಗ್ಲೆಂಡ್​ ವಿರುದ್ಧ ಮರುನಿಗದಿಯಾದ ಏಕೈಕ ಟೆಸ್ಟ್​ ಪಂದ್ಯಕ್ಕೆ ಭಾರತ ಈಗಾಗಲೇ ಕಸರತ್ತು ಶುರು ಮಾಡಿದೆ. ಜುಲೈ 1 ರಿಂದ ನಡೆಯುವ ಪಂದ್ಯವನ್ನು ಗೆದ್ದು ಐತಿಹಾಸಿಕ ಸರಣಿ ಜಯ ಸಾಧಿಸಲು ರೋಹಿತ್​ ಶರ್ಮಾ ಬಳಗ ಅಭ್ಯಾಸದಲ್ಲಿ ನಿರತವಾಗಿದೆ. ಪಂದ್ಯದ ಬಗ್ಗೆ ರಣತಂತ್ರ ರೂಪಿಸುವ ಭಾಗವಾಗಿ ಮಾಜಿ ನಾಯಕ ವಿರಾಟ್​ ಕೊಹ್ಲಿ ಆಟಗಾರರನ್ನು ಹುರಿದುಂಬಿಸುತ್ತಿರುವ ವಿಡಿಯೋ ಹೊರಬಿದ್ದಿದೆ.

ಲೈಸೆಸ್ಟರ್‌ಶೈರ್ ಕೌಂಟಿ ಕ್ರಿಕೆಟ್ ಕ್ಲಬ್ ಈ ವಿಡಿಯೋವನ್ನು ಟ್ವೀಟ್ ಮಾಡಿದೆ. ಅಭ್ಯಾಸದ ಅವಧಿಯಲ್ಲಿ ವಿರಾಟ್​ ಕೊಹ್ಲಿ ಅವರು ತಂಡದ ಸಹ ಆಟಗಾರರೊಂದಿಗೆ ಚರ್ಚಿಸುತ್ತಿದ್ದು, ಆಟಗಾರರನ್ನು ಹುರಿದುಂಬಿಸುತ್ತಿದ್ದಾರೆ. ಕ್ರಿಕೆಟ್​ ಕ್ಲಬ್​ ಇದನ್ನು 'ವೃತ್ತಿಪರ ತಂಡದ ಉತ್ಸಾಹಭರಿತ ಮಾತುಕತೆ' ಎಂದು ಬಣ್ಣಿಸಿದೆ.

• Game mode = 𝒂𝒄𝒕𝒊𝒗𝒂𝒕𝒆𝒅 💪@imVkohli gives a 𝗽𝗮𝘀𝘀𝗶𝗼𝗻𝗮𝘁𝗲 team talk ahead of a busy day of preparations before @BCCI's Tour Match 🆚 @leicsccc.
  
  🎟️- https://t.co/uu0mGLEuym
  
  🦊 #IndiaTourMatch | #LEIvIND pic.twitter.com/zDxP53Slxd

  — Leicestershire Foxes 🏏 (@leicsccc) June 21, 2022 " class="align-text-top noRightClick twitterSection" data="

  Game mode = 𝒂𝒄𝒕𝒊𝒗𝒂𝒕𝒆𝒅 💪@imVkohli gives a 𝗽𝗮𝘀𝘀𝗶𝗼𝗻𝗮𝘁𝗲 team talk ahead of a busy day of preparations before @BCCI's Tour Match 🆚 @leicsccc.
  
  🎟️- https://t.co/uu0mGLEuym
  
  🦊 #IndiaTourMatch | #LEIvIND pic.twitter.com/zDxP53Slxd

  — Leicestershire Foxes 🏏 (@leicsccc) June 21, 2022

  ">

  Game mode = 𝒂𝒄𝒕𝒊𝒗𝒂𝒕𝒆𝒅 💪@imVkohli gives a 𝗽𝗮𝘀𝘀𝗶𝗼𝗻𝗮𝘁𝗲 team talk ahead of a busy day of preparations before @BCCI's Tour Match 🆚 @leicsccc.
  
  🎟️- https://t.co/uu0mGLEuym
  
  🦊 #IndiaTourMatch | #LEIvIND pic.twitter.com/zDxP53Slxd

  — Leicestershire Foxes 🏏 (@leicsccc) June 21, 2022

ಕಳೆದ ವರ್ಷ ಇಂಗ್ಲೆಂಡ್ ವಿರುದ್ಧದ 5 ಪಂದ್ಯಗಳ ಟೆಸ್ಟ್ ಸರಣಿಯನ್ನು ವಿರಾಟ್​ ಕೊಹ್ಲಿ ಮುನ್ನಡೆಸಿದ್ದರು. ಬಳಿಕ ದಕ್ಷಿಣ ಆಫ್ರಿಕಾ ವಿರುದ್ಧದ ಸರಣಿಯಲ್ಲಿ ಸೋಲುಂಡ ಬಳಿಕ ನಾಯಕತ್ವಕ್ಕೆ ದಿಢೀರ್​ ರಾಜೀನಾಮೆ ನೀಡಿದ್ದರು. ಇದೀಗ ರೋಹಿತ್​ ಶರ್ಮಾ ತಂಡದ ಸಾರಥ್ಯ ವಹಿಸಿದ್ದಾರೆ.

ಕೋವಿಡ್​ ಕಾರಣಕ್ಕಾಗಿ ಇಂಗ್ಲೆಂಡ್​ ವಿರುದ್ಧದ 5ನೇ ಪಂದ್ಯ ರದ್ದಾಗಿತ್ತು. ಇದೀಗ ಆ ಪಂದ್ಯವನ್ನು ಜುಲೈ 1 ರಿಂದ 5 ರವರೆಗೆ ನಿಗದಿ ಮಾಡಲಾಗಿದೆ. ಭಾರತ ಸರಣಿಯಲ್ಲಿ 2-1 ಮುನ್ನಡೆ ಸಾಧಿಸಿದೆ.

ಅಶ್ವಿನ್​ಗೆ ಕೋವಿಡ್​, ಕ್ವಾರಂಟೈನ್​: ಭಾರತದ ಟೆಸ್ಟ್ ತಂಡದ​ ಪರಿಣತ ಸ್ಪಿನ್ನರ್​ ಆರ್​.ಅಶ್ವಿನ್​ಗೆ ಕೋವಿಡ್​ ಕಾಣಿಸಿಕೊಂಡಿದ್ದು, ಕ್ವಾರಂಟೈನ್​ಗೆ ಒಳಗಾಗಿದ್ದಾರೆ. ಇಂಗ್ಲೆಂಡ್​ ಪ್ರವಾಸದ ಮುನ್ನ ಅವರಿಗೆ ಕೋವಿಡ್​ ಪರೀಕ್ಷೆ ನಡೆಸಿದಾಗ ಪಾಸಿಟಿವ್​ ಕಂಡು ಬಂದಿದೆ. ಹೀಗಾಗಿ ಅವರು ಇಂಗ್ಲೆಂಡ್‌ಗೆ ಪಯಣಿಸಲು ಸಾಧ್ಯವಾಗಿಲ್ಲ.

ಭಾರತ ಟೆಸ್ಟ್ ತಂಡದ ಉಳಿದ ಸದಸ್ಯರು ಈಗಾಗಲೇ ಇಂಗ್ಲೆಂಡ್​ ತಲುಪಿದ್ದು, ಲೈಸೆಸ್ಟರ್‌ಶೈರ್ ಕೌಂಟಿ ಮೈದಾನದಲ್ಲಿ ಅಭ್ಯಾಸ ಆರಂಭಿಸಿದ್ದಾರೆ. ಇದೇ ಕೌಂಟಿ ವಿರುದ್ಧವೇ ಜೂನ್ 24 ರಿಂದ 4 ದಿನಗಳ ಅಭ್ಯಾಸ ಪಂದ್ಯವನ್ನಾಡಲಿದ್ದಾರೆ.

ಇದನ್ನೂ ಓದಿ: ನಾಳೆಯಿಂದ ರಣಜಿ ಟ್ರೋಫಿ ಫೈನಲ್: ಬಲಾಢ್ಯ ಮುಂಬೈ vs ಮಧ್ಯಪ್ರದೇಶ ಪೈಪೋಟಿ