ಟಿ20 ವಿಶ್ವಕಪ್ ಸೆಮಿಫೈನಲ್: ಪಾಕ್​ ವಿರುದ್ಧ ಟಾಸ್​ ಗೆದ್ದ ನ್ಯೂಜಿಲೆಂಡ್ ಬ್ಯಾಟಿಂಗ್​ ಆಯ್ಕೆ

ಆಸ್ಟ್ರೇಲಿಯಾದಲ್ಲಿ ನಡೆಯುತ್ತಿರುವ ಟಿ20 ವಿಶ್ವಕಪ್​ ಟೂರ್ನಿಯ ಸೆಮಿಫೈನಲ್​ ಪಂದ್ಯವು ಪಾಕಿಸ್ತಾನ ಹಾಗೂ ನ್ಯೂಜಿಲೆಂಡ್ ನಡುವೆ ಸಿಡ್ನಿ ಕ್ರಿಕೆಟ್​ ಮೈದಾನದಲ್ಲಿ ನಡೆಯುತ್ತಿದೆ.

ಸಿಡ್ನಿ: ಟಿ20 ವಿಶ್ವಕಪ್​ ಟೂರ್ನಿಯ ಮೊದಲ ಸೆಮಿಫೈನಲ್​ ಪಂದ್ಯದಲ್ಲಿ ಪಾಕಿಸ್ತಾನ ವಿರುದ್ಧ ಟಾಸ್​ ಗೆದ್ದ ​ನ್ಯೂಜಿಲೆಂಡ್ ತಂಡವು ಮೊದಲು ಬ್ಯಾಟಿಂಗ್​ ಆಯ್ದುಕೊಂಡಿದೆ. ಸಿಡ್ನಿ ಕ್ರಿಕೆಟ್​ ಮೈದಾನವು ಪ್ರೇಕ್ಷಕರಿಂದ ಕಿಕ್ಕಿರಿದು ತುಂಬಿದ್ದು, ರೋಚಕ ಹಣಾಹಣಿಯ ನಿರೀಕ್ಷೆ ಇದೆ.

ಟೂರ್ನಿಯ ಗ್ರೂಪ್-1ರಲ್ಲಿನ ಅಗ್ರ ತಂಡವಾಗಿ ​ನ್ಯೂಜಿಲೆಂಡ್ ಸೆಮೀಸ್​ಗೆ ತಲುಪಿದ್ದರೆ, ಇನ್ನೊಂದೆಡೆ ಪಾಕಿಸ್ತಾನವು ಸೂಪರ್​ -12 ಹಂತದ ಅಂತಿಮ ದಿನ ಗ್ರೂಪ್-2ರಲ್ಲಿ 2ನೇ ಸ್ಥಾನ ಪಡೆದು ಈ ಹಂತಕ್ಕೆ ದಾಪುಗಾಲಿಟ್ಟಿದೆ.

• New Zealand have opted to bat against Pakistan in semi-final 1 at the SCG 🏏
  
  Who are you cheering for?#T20WorldCup | #NZvPAK | 📝: https://t.co/7EuauryZFX pic.twitter.com/Zrrr3VZsRc

  — T20 World Cup (@T20WorldCup) November 9, 2022 " class="align-text-top noRightClick twitterSection" data="

  New Zealand have opted to bat against Pakistan in semi-final 1 at the SCG 🏏
  
  Who are you cheering for?#T20WorldCup | #NZvPAK | 📝: https://t.co/7EuauryZFX pic.twitter.com/Zrrr3VZsRc

  — T20 World Cup (@T20WorldCup) November 9, 2022

  ">

  New Zealand have opted to bat against Pakistan in semi-final 1 at the SCG 🏏
  
  Who are you cheering for?#T20WorldCup | #NZvPAK | 📝: https://t.co/7EuauryZFX pic.twitter.com/Zrrr3VZsRc

  — T20 World Cup (@T20WorldCup) November 9, 2022

ಸೆಮಿಫೈನಲ್​ಗಳಲ್ಲಿ ಪಾಕ್​ ಸೋತಿಲ್ಲ: ನ್ಯೂಜಿಲೆಂಡ್ ಎದುರು ಈ ಹಿಂದಿನ ಸೆಮಿಫೈನಲ್ ಮುಖಾಮುಖಿಗಳಲ್ಲಿ ಪಾಕ್‌ ತಂಡ ಪ್ರಾಬಲ್ಯ ಸಾಧಿಸಿದೆ. 1992ರ ಏಕದಿನ ವಿಶ್ವಕಪ್ ಸೆಮಿಫೈನಲ್‌ನಲ್ಲಿ ಪಾಕ್ ಎದುರು ಕಿವೀಸ್ ಸೋತಿದೆ. ಬಳಿಕ 1992, 1999ರಲ್ಲಿನ ಸೆಮಿಫೈನಲ್‌ ಪಂದ್ಯಗಳಲ್ಲೂ ಪಾಕಿಸ್ತಾನವು ಬ್ಲ್ಯಾಕ್​ ಕ್ಯಾಪ್ಸ್​ ವಿರುದ್ಧ ಮೇಲುಗೈ ಸಾಧಿಸಿತ್ತು. ತದನಂತರ 2007ರ ಟಿ20 ವಿಶ್ವಕಪ್​ನಲ್ಲೂ ಸಹ ಸೆಮೀಸ್​ನಲ್ಲಿ ಕಿವೀಸ್ ಎದುರು ಪಾಕಿಸ್ತಾನ ಜಯ ಕಂಡಿತ್ತು. ಈ ಗೆಲುವಿನ ದಾಖಲೆಯನ್ನು ಪಾಕಿಸ್ತಾನ ಮುಂದುವರೆಸುವ ವಿಶ್ವಾಸದಲ್ಲಿದೆ.

ಎರಡೂ ತಂಡಗಳು ಬಲಿಷ್ಠ ಬೌಲಿಂಗ್​ ಹಾಗೂ ಬ್ಯಾಟಿಂಗ್​ ಪಡೆಯನ್ನು ಹೊಂದಿದ್ದು, ಫೈನಲ್​ಗಾಗಿ ಕಠಿಣ ಹೋರಾಟ ನಡೆಸಲಿವೆ. ಗೆದ್ದ ತಂಡವು ಟಿ20 ವಿಶ್ವಕಪ್​ ಪ್ರಶಸ್ತಿ ಸುತ್ತಿಗೆ ತಲುಪಲಿದೆ. ಫೈನಲ್​ ಪಂದ್ಯವು ನ.13ರಂದು ಮೆಲ್ಬೋರ್ನ್​ ಮೈದಾನದಲ್ಲಿ ನಡೆಯಲಿದೆ.

11ರ ಬಳಗ: ಪಾಕಿಸ್ತಾನ : ಮೊಹಮ್ಮದ್ ರಿಜ್ವಾನ್ (ವಿ.ಕೀ), ಬಾಬರ್ ಅಜಮ್ (ನಾಯಕ), ಮೊಹಮ್ಮದ್ ಹ್ಯಾರಿಸ್, ಶಾನ್ ಮಸೂದ್, ಇಫ್ತಿಕರ್ ಅಹ್ಮದ್, ಶದಾಬ್ ಖಾನ್, ಮೊಹಮ್ಮದ್ ನವಾಜ್, ಮೊಹಮ್ಮದ್ ವಾಸಿಮ್ ಜೂನಿಯರ್, ನಸೀಮ್ ಶಾ, ಹ್ಯಾರಿಸ್ ರೌಫ್, ಶಾಹೀನ್ ಅಫ್ರಿದಿ

ನ್ಯೂಜಿಲೆಂಡ್ : ಫಿನ್ ಅಲೆನ್, ಡೆವೊನ್ ಕಾನ್ವೇ(ವಿ.ಕೀ), ಕೇನ್ ವಿಲಿಯಮ್ಸನ್(ನಾಯಕ), ಗ್ಲೆನ್ ಫಿಲಿಪ್ಸ್, ಡೆರ್ಲ್​ ಮಿಚೆಲ್, ಜೇಮ್ಸ್ ನೀಶಮ್, ಮಿಚೆಲ್ ಸ್ಯಾಂಟ್ನರ್, ಟಿಮ್ ಸೌಥಿ, ಇಶ್ ಸೋಧಿ, ಲಾಕಿ ಫರ್ಗುಸನ್, ಟ್ರೆಂಟ್ ಬೌಲ್ಟ್

ಇದನ್ನೂ ಓದಿ: ಟಿ20 ವಿಶ್ವಕಪ್: ಇಂಗ್ಲೆಂಡ್ ವಿರುದ್ಧ ಸೆಮೀಸ್‌, ರಿಷಭ್​​ ಪಂತ್ OR ದಿನೇಶ್ ಕಾರ್ತಿಕ್?