ಸಿಡ್ನಿಯಲ್ಲಿ ಸಿಡಿದ ನ್ಯೂಜಿಲೆಂಡ್​​.. ಆಸ್ಟ್ರೇಲಿಯಾ​ ವಿರುದ್ಧ 89 ರನ್​ಗಳ 'ಸೂಪರ್​' ಗೆಲುವು

ಆಸ್ಟ್ರೇಲಿಯಾ ವಿರುದ್ಧದ ಮೊದಲ ಸೂಪರ್​ 12 ಪಂದ್ಯದಲ್ಲಿ ನ್ಯೂಜಿಲೆಂಡ್​ 89 ರನ್​ಗಳ ಬೃಹತ್​ ಗೆಲುವು ದಾಖಲಿಸಿದೆ. 2011 ರ ಬಳಿಕ ಆಸ್ಟ್ರೇಲಿಯಾ ನೆಲದಲ್ಲಿ ನ್ಯೂಜಿಲ್ಯಾಂಡ್​ ಮೊದಲ ಗೆಲುವು ದಾಖಲಿಸಿತು.

ಸಿಡ್ನಿ(ಆಸ್ಟ್ರೇಲಿಯಾ): ಹಾಲಿ ವಿಶ್ವ ಚಾಂಪಿಯನ್ ಆಸ್ಟ್ರೇಲಿಯಾ ತನ್ನದೇ ನೆಲದಲ್ಲಿ ನಡೆದ ಟಿ20 ವಿಶ್ವಕಪ್​-2022 ರ ಮೊದಲ ಸೂಪರ್​ 12 ಪಂದ್ಯದಲ್ಲಿ ನ್ಯೂಜಿಲೆಂಡ್​ ವಿರುದ್ಧ ಹೀನಾಯ ಸೋಲನುಭವಿಸಿದೆ. ಡೆವೋನ್​ ಕಾನ್ವೇ, ಮಿಚೆಲ್​ ಸ್ಯಾಂಟ್ನರ್​, ಟಿಮ್​ ಸೌಥಿ ಹೋರಾಟದಿಂದ ಡಾರ್ಕ್​ಹಾರ್ಸ್​ ಕುಖ್ಯಾತಿಯ ನ್ಯೂಜಿಲೆಂಡ್ 89 ರನ್​ಗಳ ಭರ್ಜರಿ ಜಯ ಸಾಧಿಸಿತು.

ಮೊದಲು ಬ್ಯಾಟ್​ ಮಾಡಿದ ನ್ಯೂಜಿಲೆಂಡ್ ಭರ್ಜರಿ ಪ್ರದರ್ಶನ ನೀಡಿ 20 ಓವರ್​ಗಳಲ್ಲಿ 200 ರನ್ ಗಳಿಸಿತು. ಬೌಲಿಂಗ್​ಗೆ ನೆರವಾಗುವ ಸಿಡ್ನಿ ಮೈದಾನದಲ್ಲಿ ಕಠಿಣ ಗುರಿ ಬೆನ್ನತ್ತಿದ್ದ ತವರು ತಂಡ ಆಸ್ಟ್ರೇಲಿಯಾ ಬ್ಯಾಟಿಂಗ್​ ವೈಫಲ್ಯದಿಂದ ತನ್ನೆಲ್ಲಾ ವಿಕೆಟ್​ ಕಳೆದುಕೊಂಡು 111 ರನ್​ಗಳಿಗೆ ಆಲೌಟ್ ಆಯಿತು. ಇದು ಚುಟುಕು ಕ್ರಿಕೆಟ್​ನಲ್ಲಿ ತವರಿನಲ್ಲಿ ತಂಡ ದಾಖಲಿಸಿದ ಅತಿ ಕಡಿಮೆ ಮೊತ್ತವಾಗಿದೆ. ಇದಕ್ಕೂ ಮೊದಲು ಪಾಕಿಸ್ತಾನ ವಿರುದ್ಧ 127 ರನ್​ ಗಳಿಸಿದ್ದೇ ಕನಿಷ್ಠ ಮೊತ್ತವಾಗಿತ್ತು.

• New Zealand win their first men's international game on Australian soil since 2011 🔥#T20WorldCup | #AUSvNZ | 📝 Scorecard: https://t.co/1mYxKgn4aP pic.twitter.com/D784MzZbam

  — T20 World Cup (@T20WorldCup) October 22, 2022 " class="align-text-top noRightClick twitterSection" data="

  New Zealand win their first men's international game on Australian soil since 2011 🔥#T20WorldCup | #AUSvNZ | 📝 Scorecard: https://t.co/1mYxKgn4aP pic.twitter.com/D784MzZbam

  — T20 World Cup (@T20WorldCup) October 22, 2022

  ">

  New Zealand win their first men's international game on Australian soil since 2011 🔥#T20WorldCup | #AUSvNZ | 📝 Scorecard: https://t.co/1mYxKgn4aP pic.twitter.com/D784MzZbam

  — T20 World Cup (@T20WorldCup) October 22, 2022

ಆಸೀಸ್​ ಬ್ಯಾಟಿಂಗ್​ ಧೂಳಿಪಟ: ವಿಶ್ವಕಪ್​ ಗೆಲ್ಲುವ ನೆಚ್ಚಿನ ತಂಡಗಳಲ್ಲಿ ಒಂದಾದ ವಿಶ್ವಕಪ್​ ಆಯೋಜಕ ತಂಡ ಆಸ್ಟ್ರೇಲಿಯಾದ ಬ್ಯಾಟಿಂಗ್​ ಪಡೆ ಅಕ್ಷರಶಃ ಧೂಳೀಪಟ ಕಂಡಿತು. ನ್ಯೂಜಿಲ್ಯಾಂಡ್​ ಬೌಲರ್​ಗಳ ಬೆಂಕಿಚೆಂಡಿಗೆ ತರಗೆಲೆಗಳಂತೆ ಉದುರಿದರು. ಆಸೀಸ್​ ಪಡೆಯ ಬ್ಯಾಟಿಂಗ್​ ದೈತ್ಯ ಡೇವಿಡ್​ ವಾರ್ನರ್​ 5 ರನ್​ಗೆ ಔಟ್​ ಆದರು. ಇದಾದ ಬಳಿಕ ತಂಡದ ಯಾವುದೇ ಬ್ಯಾಟರ್​ ಪ್ರತಿರೋಧ ತೋರಲಿಲ್ಲ. ಗ್ಲೆನ್​ ಮ್ಯಾಕ್ಸವೆಲ್​ 28, ಪ್ಯಾಟ್​ ಕಮಿನ್ಸ್​ 21 ರನ್​ ಗಳಿಸಿದ್ದೇ ಅಧಿಕ ಮೊತ್ತವಾಗಿತ್ತು.

ಬ್ಲ್ಯಾಕ್​ಕ್ಯಾಪ್ಸ್​​ ತ್ರಿವಳಿ ದಾಳಿ: ಬಲಾಢ್ಯ ಆಸೀಸ್​ ತಂಡವನ್ನು ನ್ಯೂಜಿಲೆಂಡ್ ಸ್ಪಿನ್​, ವೇಗದ ಬಲ ಬಳಸಿ ಖೆಡ್ಡಾಗೆ ಕೆಡವಿತು. ವೇಗಿ ಟಿಮ್​ ಸೌಥಿ ಆರಂಭದಲ್ಲೇ ನಡುಕ ಹುಟ್ಟಿಸಿ 3 ವಿಕೆಟ್​ ಕೆಡವಿದರೆ, ಸ್ಪಿನ್ನರ್​ ಮಿಚೆಲ್​ ಸ್ಯಾಂಟ್ನರ್​ 3, ಟ್ರೆಂಟ್​ ಬೌಲ್ಟ್​​ 2 ವಿಕೆಟ್​ ಕಿತ್ತರು.

ಸಿಡಿಲ ಮರಿ ಡೆವೋನ್​ ಕಾನ್ವೇ: ಇದಕ್ಕೂ ಮೊದಲು ಬ್ಯಾಟ್​ ಮಾಡಿದ ನ್ಯೂಜಿಲೆಂಡ್​ಗೆ ಡೆವೋನ್​ ಕಾನ್ವೇ ಸಿಡಿಲಿ ಬ್ಯಾಟಿಂಗ್​ ನೆರವಿನಿಂದ 200 ರನ್​ಗಳ ಬೃಹತ್​ ಮೊತ್ತ ದಾಖಲಿಸಿತು. ಆರಂಭಿಕ ಆಟಗಾರ ಕಾನ್ವೇ ಔಟಾಗದೇ 92 ರನ್​ ಗಳಿಸಿದರು. ಇನ್ನೊಬ್ಬ ಆರಂಭಿಕ ಆಟಗಾರ ಫಿನ್​ ಅಲೆನ್​ 16 ಎಸೆತಗಳಲ್ಲಿ 3 ಸಿಕ್ಸರ್​, 5 ಬೌಂಡರಿಗಳಿಂದ 42 ರನ್​ ಬಾರಿಸಿದರು. ನಾಯಕ ಕೇನ್ಸ್​ ವಿಲಿಯಮ್ಸನ್​ 23, ಗ್ಲೆನ್​ ಫಿಲಿಪ್ಸ್​ 12, ಜಿಮ್ಮಿ ನೀಶಂ 26 ರನ್​ ಗಳಿಸಿ ತಂಡವನ್ನು 200 ರ ಗಡಿ ಮುಟ್ಟಿಸಿದರು. ಆಸೀಸ್​ ಪರವಾಗಿ ಜೋಸ್​ ಹೇಜಲ್​ವುಡ್​ 2, ಆ್ಯಡಂ ಜಂಪಾ 1 ವಿಕೆಟ್​ ಪಡೆದರು.

ಓದಿ: ವಿಶ್ವಕಪ್​ಗೆ 'ಸೂಪರ್​' ಆರಂಭ.. ನ್ಯೂಜಿಲ್ಯಾಂಡ್ ವಿರುದ್ಧ ಆಸೀಸ್​ಗೆ​ 201 ರನ್​ ಗುರಿ