ಮೆಲ್ಬರ್ನ್​ನಲ್ಲಿ ವಿರಾಟ ಪರ್ವ.. ಪಾಕ್​ ಸವಾಲು ಗೆದ್ದ 'ಕಿಂಗ್​ ಕೊಹ್ಲಿ'

ಪಾಕಿಸ್ತಾನದ ಬೌಲಿಂಗ್​ ದಾಳಿಯನ್ನು ಪುಡಿಗಟ್ಟಿದ ಬ್ಯಾಟಿಂಗ್​ ಕಿಂಗ್​ ವಿರಾಟ್​ ಕೊಹ್ಲಿ ಮೆಲ್ಬರ್ನ್​ ಕ್ರೀಡಾಂಗಣದಲ್ಲಿ ಮೆರೆದಾಡಿದರು. ಪಾಕಿಸ್ತಾನ ನೀಡಿದ 160 ರನ್​ಗಳ ಸವಾಲನ್ನು ಮೆಟ್ಟಿನಿಂತ ಭಾರತ ಜಯದ ನಗೆ ಬೀರಿತು.

ಮೆಲ್ಬರ್ನ್​(ಆಸ್ಟ್ರೇಲಿಯಾ): ಪಾಕಿಸ್ತಾನದ ಬೌಲಿಂಗ್​ ದಾಳಿಯನ್ನು ಪುಡಿಗಟ್ಟಿದ ಬ್ಯಾಟಿಂಗ್​ ಕಿಂಗ್​ ವಿರಾಟ್​ ಕೊಹ್ಲಿ ಮೆಲ್ಬರ್ನ್​ ಕ್ರೀಡಾಂಗಣದಲ್ಲಿ ಮೆರೆದಾಡಿದರು. ಪಾಕಿಸ್ತಾನ ನೀಡಿದ 160 ರನ್​ಗಳ ಸವಾಲನ್ನು ಮೆಟ್ಟಿನಿಂತ ಭಾರತ ಜಯದ ನಗೆ ಬೀರಿತು.

ಅಭಿಮಾನಿಗಳನ್ನು ತುದಿಗಾಲ ಮೇಲೆ ನಿಲ್ಲಿಸಿದ್ದ ಭಾರತ- ಪಾಕಿಸ್ತಾನದ ಪಂದ್ಯ ರಣರೋಚಕತೆಗೆ ಸಾಕ್ಷಿಯಾಯಿತು. ಕೊನೆಯ ಎಸೆತದವರೆಗೂ ಪಂದ್ಯವನ್ನು ಜೀವಂತವಾಗಿಟ್ಟಿತ್ತು.

ಬೌಲರ್​ಗಳಿಗೆ ನೆರವಾಗುತ್ತಿದ್ದ ಪಿಚ್​ನಲ್ಲಿ ಮೊದಲು ಬ್ಯಾಟ್​ ಮಾಡಿದ ಪಾಕಿಸ್ತಾನ 20 ಓವರ್​ಗಳಲ್ಲಿ 159 ರನ್​ ಗಳಿಸಿತು. ಇದನ್ನು ಬೆನ್ನತ್ತಿದ ಭಾರತ ತಂಡವು ವಿರಾಟ್​ ಕೊಹ್ಲಿಯ ಏಕಾಂಗಿ ಹೋರಾಟದಿಂದ 6 ವಿಕೆಟ್​ಗೆ 160 ರನ್​ ಬಾರಿಸಿ, ವಿಶ್ವಕಪ್​ನಲ್ಲಿ ಗೆಲುವಿನ ಅಭಿಯಾನ ಆರಂಭಿಸಿತು.

ವಿರಾಟ್​ ರಶ್​, ಪಾಕಿಸ್ತಾನ್​ ಕ್ರಶ್​: ಬ್ಯಾಟಿಂಗ್​ ಲಯಕ್ಕೆ ಮರಳಿರುವ ವಿರಾಟ್​ ಕೊಹ್ಲಿ ಹಳೆಯ ಖದರ್​ ತೋರಿಸಿದರು. ಆರಂಭಿಕ ಬ್ಯಾಟರ್​ಗಳು ಕೈಕೊಟ್ಟು ಕುಸಿತದ ಭೀತಿಯಲ್ಲಿದ್ದ ಭಾರತವನ್ನು ಏಕಾಂಗಿಯಾಗಿ ಹೋರಾಡಿ ವಿರಾಟ್​ ಕೊನೆಯವರೆಗೂ ಔಟಾಗದೇ ಪಂದ್ಯ ಗೆಲ್ಲಿಸಿದರು. 53 ಎಸೆತಗಳಲ್ಲಿ 82 ರನ್​ ಚಚ್ಚಿದ ವಿರಾಟ್​ ಇನ್ನಿಂಗ್ಸ್​ನಲ್ಲಿ ಅತ್ಯಮೂಲ್ಯ 4 ಸಿಕ್ಸರ್​, 6 ಬೌಂಡರಿಗಳಿದ್ದವು. ಕೊಹ್ಲಿಗೆ ಸಾಥ್​ ನೀಡಿದ ಹಾರ್ದಿಕ್​ ಪಾಂಡ್ಯಾ 2 ಸಿಕ್ಸರ್​ 1 ಬೌಂಡರಿ ಸಮೇತ 40 ರನ್​ ಬಾರಿಸಿದರು.

• For his stunning match-winning knock, @imVkohli bags the Player of the Match award. 👏 👏
  
  Scorecard ▶️ https://t.co/mc9usehEuY #TeamIndia | #T20WorldCup | #INDvPAK pic.twitter.com/xF7LfA4Od5

  — BCCI (@BCCI) October 23, 2022 " class="align-text-top noRightClick twitterSection" data="

For his stunning match-winning knock, @imVkohli bags the Player of the Match award. 👏 👏

Scorecard ▶️ https://t.co/mc9usehEuY #TeamIndia | #T20WorldCup | #INDvPAK pic.twitter.com/xF7LfA4Od5

— BCCI (@BCCI) October 23, 2022 ">

For his stunning match-winning knock, @imVkohli bags the Player of the Match award. 👏 👏

Scorecard ▶️ https://t.co/mc9usehEuY #TeamIndia | #T20WorldCup | #INDvPAK pic.twitter.com/xF7LfA4Od5

— BCCI (@BCCI) October 23, 2022

ಮೊದಲು 45, ಬಳಿಕ 115: ರೋಹಿತ್​ ಶರ್ಮಾ, ಕೆಎಲ್​ ರಾಹುಲ್​, ಸೂರ್ಯಕುಮಾರ್​ ಯಾದವ್​, ಅಕ್ಸರ್​ ಪಟೇಲ್​ ಔಟಾದಾಗ ಭಾರತದ ಬೋರ್ಡ್​ನಲ್ಲಿ 31 ರನ್​ ಮಾತ್ರ ಇತ್ತು. ಬಳಿಕ ಜೊತೆಗೂಡಿದ ವಿರಾಟ್ ಕೊಹ್ಲಿ ಮತ್ತು ಹಾರ್ದಿಕ್​ ಪಾಂಡ್ಯಾ ಎಚ್ಚರಿಕೆಯ ಆಟವಾಡುವುದರ ಜೊತೆಗೆ ಶತಕದ ಜೊತೆಯಾಟ ಮುಗಿಸಿದರು.

ಭಾರತ ಮೊದಲ 10 ಓವರ್​ಗಳಲ್ಲಿ ಕೇವಲ 45 ರನ್​ ಮಾತ್ರ ಗಳಿಸಿತ್ತು. ಬಳಿಕದ 10 ಓವರ್​ಗಳಲ್ಲಿ ವಿರಾಟ್​, ಪಾಂಡ್ಯಾ ಬ್ಯಾಟಿಂಗ್​ ವೈಭವದಿಂದ 115 ರನ್​ಗಳು ಹರಿದುಬಂದವು. ಪಾಕಿಸ್ತಾನದ ಪರವಾಗಿ ಮೊಹಮದ್​ ನವಾಜ್​, ಹ್ಯಾರೀಸ್​ ರೌಫ್​ ತಲಾ 2 ವಿಕೆಟ್​ ಕಿತ್ತರೆ, ನಸೀಮ್​ ಶಾ 1 ವಿಕೆಟ್​ ಪಡೆದರು.

ಓದಿ: T20 World Cup: ಟೀಂ ಇಂಡಿಯಾ ಬೌಲಿಂಗ್​ ದಾಳಿಗೆ ಪಾಕ್ ತತ್ತರ​.. ಭಾರತಕ್ಕೆ 160 ರನ್​ ಗುರಿ