ನವದೆಹಲಿ: ಸ್ವೀಡನ್ ಸಾಕರ್ ಫೆಡರೇಷನ್ ಉಕ್ರೇನ್ ಮೇಲೆ ದಾಳಿ ಮಾಡಿರುವ ರಷ್ಯಾ ತಂಡವನ್ನು ಇನ್ನೂ ವಿಶ್ವಕಪ್ ಕ್ಯಾಲಿಫೈಯಿಂಗ್ನಲ್ಲಿ ಮುಂದುವರಿಸುತ್ತಿರುವುದಕ್ಕೆ ಫಿಫಾ ವಿರುದ್ಧ ಬೇಸರ ವ್ಯಕ್ತಪಡಿಸಿದೆ.
ಪೋಲೆಂಡ್ ಮತ್ತು ಜೆಕ್ ಗಣರಾಜ್ಯಗಳು ಕ್ವಾಲಿಫೈಯರ್ನಲ್ಲಿ ರಷ್ಯಾ ಜೊತೆಗೆ ಯಾವುದೇ ಪಂದ್ಯಗಳನ್ನು ಆಡುವುದಿಲ್ಲ ಎಂದು ನಿರಾಕರಿಸಿದ ನಂತರ ಸ್ವೀಡನ್ ರಷ್ಯಾ ವಿರುದ್ಧ ಈ ಮಹತ್ವದ ನಿರ್ಧಾರ ತೆಗೆದುಕೊಂಡಿದೆ.
ರಷ್ಯಾ-ಉಕ್ರೇನ್ ಯುದ್ಧ ಆರಂಭವಾದ ನಂತರ ರಷ್ಯಾ ಫುಟ್ಬಾಲ್ ತಂಡ ತನ್ನ ರಾಷ್ಟ್ರೀಯ ಧ್ವಜ ಮತ್ತು ರಾಷ್ಟ್ರೀಯ ಗೀತೆಯನ್ನು ಬಳಸದೆ ಫುಟ್ಬಾಲ್ ಯೂನಿಯನ್ ಆಫ್ ರಷ್ಯಾ ಎಂಬ ಹೆಸರಿನಲ್ಲಿ ತಟಸ್ಥ ಸ್ಥಳದಲ್ಲಿ ವಿಶ್ವಕಪ್ ಕ್ವಾಲಿಫೈಯರ್ನಲ್ಲಿ ಆಡುವುದಕ್ಕೆ ಅವಕಾಶ ಕೊಡಲು ಫಿಫಾ ಪ್ರಯತ್ನಿಸಿತ್ತು. ಇದಕ್ಕೆ ಪೋಲೆಂಡ್ ಮತ್ತು ಜೆಕ್ ಗಣರಾಜ್ಯ ವಿರೋಧ ವ್ಯಕ್ತಪಡಿಸಿವೆ.
"ಸ್ವೀಡಿಷ್ ಫುಟ್ಬಾಲ್ ಮಂಡಳಿ ಫಿಫಾದ ನಿರ್ಧಾರದಿಂದ ನಿರಾಶೆಗೊಂಡಿದೆ. ಆದರೆ ಮುಂಬರುವ ವಿಶ್ವಕಪ್ ಅರ್ಹತಾ ಪಂದ್ಯಗಳಲ್ಲಿ ರಷ್ಯಾದ ಪಂದ್ಯಗಳನ್ನು ರದ್ದುಗೊಳಿಸಲು ಇತರ ಫೆಡರೇಶನ್‌ಗಳೊಂದಿಗೆ ಒಟ್ಟಾಗಿ ಕೆಲಸ ಮಾಡಲು ನಿರ್ಧರಿಸಿದೆ" ಎಂದು ಮಂಡಳಿ ಹೇಳಿಕೆ ಬಿಡುಗಡೆ ಮಾಡಿದೆ.
ಸ್ವೀಡನ್ ಫುಟ್ಬಾಲ್ ಅಸೋಸಿಯೇಷನ್ ಉಕ್ರೇನ್ ಮೇಲಿನ ಅನ್ಯಾಯದ ಆಕ್ರಮಣದ ಹಿನ್ನೆಲೆಯಲ್ಲಿ ನಾವು ರಷ್ಯಾ ವಿರುದ್ಧ ಯಾವುದೇ ಪಂದ್ಯಗಳನ್ನು ಆಡಿಸುವುದಕ್ಕೆ ಬಯಸುವುದಿಲ್ಲ. ಈ ಆಕ್ರಮಣದ ನಂತರವೂ ವಿಶ್ವ ಫುಟ್ಬಾಲ್ ಮೌನವಾಗಿ ಅದನ್ನು ವೀಕ್ಷಿಸಲು ಮತ್ತು ಕಾರ್ಯನಿರ್ವಹಿಸಲು ಸಾಧ್ಯವಿಲ್ಲ ಎಂದು ಫೆಡರೇಶನ್ ಹೇಳಿದೆ.
ಇದನ್ನೂ ಓದಿ:ಕೊಹ್ಲಿ ಸ್ಥಾನದಲ್ಲಿ ಆಡಿದ್ದಲ್ಲದೇ ಅವರ ಹೆಸರಲ್ಲಿದ್ದ ದಾಖಲೆ ಪುಡಿಗಟ್ಟಿದ ಶ್ರೇಯಸ್ ಅಯ್ಯರ್!
