ನೀರಸ ಡ್ರಾನಲ್ಲಿ ಅಂತ್ಯಗೊಂಡ ಬಾಂಗ್ಲಾದೇಶ-ಶ್ರೀಲಂಕಾ ನಡುವಿನ ಮೊದಲ ಟೆಸ್ಟ್​

ಮೊದಲು ಬ್ಯಾಟಿಂಗ್ ಮಾಡಿದ್ದ ಬಾಂಗ್ಲಾದೇಶ ನಜ್ಮುಲ್ ಹುಸೇನ್ ಶಾಂಟೊ(163) ಮತ್ತು ನಾಯಕ ಮೊಮಿನುಲ್ ಹಕ್(127) ಶತಕ ಹಾಗೂ ತಮೀಮ್​(90) ರಹೀಮ್(68) ಮತ್ತು ಲಿಟನ್ ದಾಸ್(50) ಅರ್ಧಶತಕಗಳ ನೆರವಿನಿಂದ 7 ವಿಕೆಟ್ ಕಳೆದುಕೊಂಡು 541 ರನ್​ ಗಳಿಸಿ ಮೊದಲ ಇನ್ನಿಂಗ್ಸ್​ ಡಿಕ್ಲೇರ್ ಘೋಷಿಸಿಕೊಂಡಿತು. ​

ಪಲ್ಲೆಕಲ್ಲೆ: ಬಾಂಗ್ಲಾದೇಶ ಮತ್ತು ಶ್ರೀಲಂಕಾ ನಡುವಿನ ಮೊದಲ ಟೆಸ್ಟ್​ ಪಂದ್ಯ ನೀರಸ ಡ್ರಾನಲ್ಲಿ ಅಂತ್ಯಗೊಂಡಿದೆ. 5 ದಿನವೂ ಬ್ಯಾಟ್ಸ್​ಮನ್​ಗಳೇ ಪ್ರಾಬಲ್ಯ ಸಾಧಿಸಿದ್ದು, ಒಂದೂ ಇನ್ನಿಂಗ್ಸ್​ನಲ್ಲೂ ಯಾವುದೇ ತಂಡವನ್ನು ಬೌಲರ್​ಗಳು ಆಲೌಟ್​ ಮಾಡಲು ಸಾಧ್ಯವಾಗಲಿಲ್ಲ.

ಮೊದಲು ಬ್ಯಾಟಿಂಗ್ ಮಾಡಿದ್ದ ಬಾಂಗ್ಲಾದೇಶ ನಜ್ಮುಲ್ ಹುಸೇನ್ ಶಾಂಟೊ(163) ಮತ್ತು ನಾಯಕ ಮೊಮಿನುಲ್ ಹಕ್(127) ಶತಕ ಹಾಗೂ ತಮೀಮ್​(90) ರಹೀಮ್(68) ಮತ್ತು ಲಿಟನ್ ದಾಸ್(50) ಅರ್ಧಶತಕಗಳ ನೆರವಿನಿಂದ 7 ವಿಕೆಟ್ ಕಳೆದುಕೊಂಡು 541 ರನ್ ​ಗಳಿಸಿ ಮೊದಲ ಇನ್ನಿಂಗ್ಸ್​ ಡಿಕ್ಲೇರ್ ಘೋಷಿಸಿಕೊಂಡಿತು. ​

ಮೂರನೇ ದಿನ ಬ್ಯಾಟಿಂಗ್ ಆರಂಭಿಸಿದ್ದ ಅತಿಥೇಯ ಶ್ರೀಲಂಕಾ 73 ಓವರ್​ಗಳಲ್ಲಿ 3 ವಿಕೆಟ್ ಕಳೆದುಕೊಂಡು 229 ರನ್​ಗಳಿಸಿತ್ತು. ನಾಲ್ಕನೇ ದಿನವೂ ಸಂಪೂರ್ಣವಾಗಿ ಬ್ಯಾಟಿಂಗ್ ನಡೆಸಿದ ಕರುಣರತ್ನೆ ಮತ್ತು ಧನಂಜಯ 4ನೇ ವಿಕೆಟ್​ ಜೊತೆಯಾಟದಲ್ಲಿ ಬರೋಬ್ಬರಿ 345 ರನ್​ ಸೇರಿಸಿದರು. ಕರುಣರತ್ನೆ 437 ಎಸೆತಗಳಲ್ಲಿ 26 ಬೌಂಡರಿ ಸಹಿತ 244 ರನ್​ಗಳಿಸಿ 5ನೇ ದಿನ ಔಟಾದರು. ಇದು ಅವರ ಚೊಚ್ಚಲ ದ್ವಿಶತಕವಾಗಿದೆ. ಜೊತೆಗೆ ಪಲ್ಲೆಕೆಲೆ ಸ್ಟೇಡಿಯಂನಲ್ಲಿ ಮೊದಲ ಡಬಲ್ ಸೆಂಚುರಿ ಸಿಡಿಸಿದ ಶ್ರೇಯ ಕೂಡ ಅವರಿಗೆ ಸಂದಿದೆ.

• 🌧️ 🌧️
  
  The final session has been washed off due to persistent rain and the first #SLvBAN Test is drawn!#WTC21 | Scorecard: https://t.co/o4z3X6g7HL pic.twitter.com/rrxcnSZ61x

  — ICC (@ICC) April 25, 2021 " class="align-text-top noRightClick twitterSection" data="

  🌧️ 🌧️
  
  The final session has been washed off due to persistent rain and the first #SLvBAN Test is drawn!#WTC21 | Scorecard: https://t.co/o4z3X6g7HL pic.twitter.com/rrxcnSZ61x

  — ICC (@ICC) April 25, 2021

  ">

  🌧️ 🌧️
  
  The final session has been washed off due to persistent rain and the first #SLvBAN Test is drawn!#WTC21 | Scorecard: https://t.co/o4z3X6g7HL pic.twitter.com/rrxcnSZ61x

  — ICC (@ICC) April 25, 2021

ಕರುಣರತ್ನೆಗೆ ಸಾಥ್ ನೀಡಿದ ಧನಂಜಯ 166ರನ್ ​ಗಳಿಸಿ ಔಟಾದರು. ನಂತರ ಬಂದ ಡಿಕ್ವೆಲ್ಲಾ 31, ಹಸರಂಗ 43 ರನ್​ ಗಳಿಸಿ ತಂಡದ ಮೊತ್ತವನ್ನು 600ರ ಗಡಿ ದಾಟಿಸಿದರು. ಒಟ್ಟಾರೆ ಶ್ರೀಲಂಕಾ 179 ಓವರ್​ಗಳಲ್ಲಿ 8 ವಿಕೆಟ್ ಕಳೆದುಕೊಂಡು 648 ರನ್ ​ಗಳಿಸಿತು.

ಬಾಂಗ್ಲಾದೇಶದ ಪರ ತಸ್ಕಿನ್ ಅಹ್ಮದ್​ 3, ತಾಜುಲ್ ಇಸ್ಲಾಮ್ 2, ಮೆಹೆದಿ ಹಸನ್ ಮತ್ತು ಎಬಾದತ್ ಹುಸೇನ್ ತಲಾ ಒಂದು ವಿಕೆಟ್ ಪಡೆದರು.

101 ರನ್​ಗಳ ಇನ್ನಿಂಗ್ಸ್​ ಹಿನ್ನಡೆಯೊಂದಿಗೆ ಎರಡನೇ ಇನ್ನಿಂಗ್ಸ್ ಆರಂಭಿಸಿದ ಬಾಂಗ್ಲಾದೇಶ ಕೇವಲ 27ರನ್​ಗಳಿಗೆ 2 ವಿಕೆಟ್ ಕಳೆದುಕೊಂಡು ಆಘಾತ ಅನುಭವಿಸಿತ್ತು. ಆದರೆ ತಮೀಮ್ ಇಕ್ಬಾಲ್(74) ಮತ್ತು ನಾಯಕ ಮೊಮಿನುಲ್ ಹಕ್​ 3ನೇ ವಿಕೆಟ್​ಗೆ ಮುರಿಯದ 73 ರನ್​ ಸೇರಿಸಿದರು. ಕೊನೆಯ ದಿನಕ್ಕೆ ಇನ್ನೂ 20+ ಓವರ್​ಗಳು ಬಾಕಿಯಿರುವಾಗ ಮಳೆ ಸುರಿದಿದ್ದರಿಂದ ಈ ಪಂದ್ಯವನ್ನು ಡ್ರಾ ಎಂದು ಘೋಷಿಸಲಾಯಿತು.

ಆಕರ್ಷಕ ದ್ವಿಶತಕ ಸಿಡಿಸಿದ ದಿಮುತ್ ಕರುಣರತ್ನೆ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರು.

ಇದನ್ನು ಓದಿ:ಟಿ20 ಕ್ರಿಕೆಟ್​ನಲ್ಲಿ ವೇಗವಾಗಿ 2000 ರನ್ : ಕೊಹ್ಲಿ ಹಿಂದಿಕ್ಕಿ ವಿಶ್ವದಾಖಲೆ ಬರೆದ ಬಾಬರ್ ಅಜಮ್