ಕಾರಣ ಹೇಳದೇ ನಾಯಕತ್ವದಿಂದ ಕೆಳಗಿಳಿಸಿದ್ದು ಈಗಲೂ ನುಂಗಲಾರದ ತುತ್ತಾಗಿದೆ: ಡೇವಿಡ್ ವಾರ್ನರ್​

ವಾರ್ನರ್​ ಅವರನ್ನು ಫ್ರಾಂಚೈಸಿ ಐಪಿಎಲ್ ಮಧ್ಯೆಯೆ ನಾಯಕತ್ವದಿಂದ ವಜಾಗೊಳಿಸಿ ನ್ಯೂಜಿಲ್ಯಾಂಡ್ ನಾಯಕ ಕೇನ್ ವಿಲಿಯಮ್ಸನ್​ ಅವರನ್ನು ನಾಯಕನನ್ನಾಗಿ ನೇಮಿಸಿತ್ತು. ಆದರೆ, ನಾಯಕತ್ವ ಬದಲಾವಣೆ ಫ್ರಾಂಚೈಸಿಗೆ ಯಾವುದೇ ಅದೃಷ್ಟ ತಂದುಕೊಡಲಿಲ್ಲ. ಆಡಿದ 14 ಪಂದ್ಯಗಳಲ್ಲಿ ಕೇವಲ 3 ಪಂದ್ಯಗಳಲ್ಲಿ ಗೆಲುವು ಸಾಧಿಸಿ ಅಂಕಪಟ್ಟಿಯಲ್ಲಿ ಕೊನೆಯ ಸ್ಥಾನದೊಂದಿಗೆ ತನ್ನ ಅಭಿಯಾನ ಅಂತ್ಯಗೊಳಿಸಿತ್ತು.

ನವದೆಹಲಿ: ಸನ್​ರೈಸರ್ಸ್ ಹೈದರಾಬಾದ್​ ಮ್ಯಾನೇಜ್​ಮೆಂಟ್​ ತಮ್ಮನ್ನು ನಾಯಕತ್ವದಿಂದ ಏಕೆ ವಜಾಗೊಳಿಸಿದೆ ಎಂಬುದಕ್ಕೆ ಯಾವುದೇ ಕಾರಣವನ್ನು ನೀಡಲಿಲ್ಲ ಎಂದು ಆಸ್ಟ್ರೇಲಿಯಾದ ಸ್ಟಾರ್ ಬ್ಯಾಟರ್​ ಡೇವಿಡ್ ವಾರ್ನರ್​ ಮಂಗಳವಾರ ಬಹಿರಂಗಪಡಿಸಿದ್ದಾರೆ.

ವಾರ್ನರ್​ ಅವರನ್ನು ಫ್ರಾಂಚೈಸಿ ಐಪಿಎಲ್ ಮಧ್ಯೆಯೆ ನಾಯಕತ್ವದಿಂದ ವಜಾಗೊಳಿಸಿ ನ್ಯೂಜಿಲ್ಯಾಂಡ್ ನಾಯಕ ಕೇನ್ ವಿಲಿಯಮ್ಸನ್​ ಅವರನ್ನು ನಾಯಕನನ್ನಾಗಿ ನೇಮಿಸಿತ್ತು. ಆದರೆ, ನಾಯಕತ್ವ ಬದಲಾವಣೆ ಫ್ರಾಂಚೈಸಿಗೆ ಯಾವುದೇ ಅದೃಷ್ಟವನ್ನು ತಂದುಕೊಡಲಿಲ್ಲ. ಆಡಿದ 14 ಪಂದ್ಯಗಳಲ್ಲಿ ಕೇವಲ 3 ಪಂದ್ಯಗಳಲ್ಲಿ ಗೆಲುವು ಸಾಧಿಸಿ ಅಂಕಪಟ್ಟಿಯಲ್ಲಿ ಕೊನೆಯ ಸ್ಥಾನದೊಂದಿಗೆ ತನ್ನ ಅಭಿಯಾನ ಅಂತ್ಯಗೊಳಿಸಿತ್ತು.

ಫ್ರಾಂಚೈಸಿ ಮಾಲೀಕರು, ಕೋಚ್​ಗಳಾದ ಟ್ರೆವರ್ ಬೈಲಿಸ್, ಲಕ್ಷ್ಮಣ್, ಮೂಡಿ ಮತ್ತು ಮುರಳಿ ಎಲ್ಲರೂ ನಿರ್ಧಾರವನ್ನು ತೆಗೆದುಕೊಂಡಾಗ ಅದು ಸರ್ವಾನುಮತದ ನಿರ್ಧಾರವಾಗಿರಬೇಕು ಎಂದು ಭಾವಿಸಿದೆ. ಆದರೆ, ಅಲ್ಲಿ ಯಾವ ವ್ಯಕ್ತಿ ನಿಮ್ಮ ಪರವಾಗಿದ್ದಾರೆ, ಯಾರು ನಿಮ್ಮ ಪರ ಇಲ್ಲ ಎಂಬುದು ತಿಳಿಯಲು ಸಾಧ್ಯವಾಗಲಿಲ್ಲ "ಎಂದು ವಾರ್ನರ್ ಹೇಳಿದ್ದಾರೆ.

ನನ್ನೇಕೆ ಕೆಳಗಿಳಿಸಿದಿರಿ?

ಆದರೆ ನನಗೆ ನಿರಾಸದಾಯಕ ವಿಷಯವೆಂದರೆ, ನನ್ನನ್ನು ಏಕೆ ನಾಯಕತ್ವದಿಂದ ಕೆಳಗಿಳಿಸಲಾಗುತ್ತಿದೆ ಎಂಬುದನ್ನು ಅವರು ಮನವರಿಕೆ ಮಾಡಲಿಲ್ಲ. ಕೇವಲ ಫಾರ್ಮ್​ನಲ್ಲಿಲ್ಲ ಎಂಬುದೇ ಕಾರಣವಾದರೆ, ಅದು ಸ್ವೀಕರಿಸಲು ಕಷ್ಟಕರವಾದದ್ದು. ಏಕೆಂದರೆ ನೀವು ಹಿಂದೆ ನಾನು ತಂಡಕ್ಕಾಗಿ ಏನೂ ಮಾಡಿದೆ ಎಂಬುದನ್ನು ನೋಡಿದಾಗ ಅದಕ್ಕೆ ಸ್ವಲ್ಪ ತೂಕವಿರುತ್ತದೆ ಎಂದು ನೀವು ಭಾವಿಸುವಿರಿ ಎಂದು ವಾರ್ನರ್​ ತಿಳಿಸಿದ್ದಾರೆ.

ತಮ್ಮನ್ನು ನಾಯಕತ್ವದಿಂದ ಕೆಳಗಿಳಿಸಿದ್ದ ತಮಗೆ ನುಂಗಲಾರದ ತುತ್ತಾಗಿದೆ. ಆದರೆ ತಾನು ಅದರಿಂದ ಮುಂದೆ ಹೋಗಲು ಬಯಸಿದ್ದೇನೆ ಎಂದು 34 ವರ್ಷದ ಆಟಗಾರ ಹೇಳಿಕೊಂಡಿದ್ದಾರೆ.

’ಎಲ್ಲವನ್ನು ಇಲ್ಲಿ ಬಿಟ್ಟು ಮುಂದುವರೆಯಬೇಕಷ್ಟೆ’

"ವಿಶೇಷವಾಗಿ ನೀವು ಫ್ರಾಂಚೈಸಿಗಾಗಿ ಸುಮಾರು 100 ಪಂದ್ಯಗಳನ್ನು ಆಡಿದ್ದು, ಚೆನ್ನೈನಲ್ಲಿ ನಡೆದ ಈ ಆವೃತ್ತಿ ಐದು ಪಂದ್ಯಗಳಲ್ಲಿ ನಾನು ನಾಲ್ಕರಲ್ಲಿ ಕೆಟ್ಟ ಪ್ರದರ್ಶನ ತೋರಿದ್ದೇನೆ ಎಂದು ನಾನು ಭಾವಿಸುತ್ತೇನೆ. ಈ ಕಾರಣಕ್ಕೆ ನನ್ನನ್ನು ಕಡೆಗಣಿಸಿದ್ದು ನನಗೆ ನುಂಗಲಾರದ ತುತ್ತುಗಿದೆ. ನನ್ನಲ್ಲಿ ಎಂದಿಗೂ ಉತ್ತರ ಸಿಗದ ಇಂತಹ ಅನೇಕ ಪ್ರಶ್ನೆಗಳು ಇನ್ನೂ ಇವೆ, ಆದರೆ ನೀವು ಎಲ್ಲವನ್ನು ಇಲ್ಲಿ ಬಿಟ್ಟು ಮುಂದುವರೆಯಬೇಕಷ್ಟೆ" ಎಂದು ಹೇಳಿದ್ದಾರೆ.

ಇಷ್ಟೆಲ್ಲಾ ಆದರೂ ಆಸೀಸ್​ ಓಪನರ್​ ಮುಂದಿನ ಆವೃತ್ತಿಗಳಲ್ಲಿ ಹೈದರಾಬಾದ್ ಆಡುವುದಕ್ಕೆ ಇಷ್ಟಪಡುತ್ತೇನೆ ಎಂದಿದ್ದಾರೆ."ಈ​ ಫ್ರಾಂಚೈಸಿಯಲ್ಲಿ ಆಡಲು ಇಷ್ಟಪಡುತ್ತೇನೆ. ಆದರೆ ಅದೆಲ್ಲಾ ನನ್ನ ಕೈಯಲ್ಲಿಲ್ಲ. ಆದರೆ, ಸನ್​ರೈಸರ್ಸ್​ನಲ್ಲಿ ನಾನು ತುಂಬಾ ಎಂಜಾಯ್ ಮಾಡಿದ್ದೇನೆ, ಇದೊಂದು ಕುಟುಂಬ ಎಂಬ ಭಾವನೆಯಿದೆ. ಮುಂದಿನ ಬಾರಿ ನಾನು ಇಲ್ಲಿಗೆ ಬರಲಿದ್ದೇನೆ, ಅದು ಎಸ್​ಆರ್​ಹೆಚ್​ ಜರ್ಸಿಯಲ್ಲಾಗಬಹುದು ಅಥವಾ ಬೇರೆ ಜರ್ಸಿಯಲ್ಲಾಗಬಹುದು. ಇಲ್ಲಿಗೆ ಆಡಲು ಬಂದಾಗ ನಿಮ್ಮೆಲ್ಲರಿಗೂ ಸೆಲ್ಯೂಟ್ ಮಾಡುತ್ತೇನೆ ಎಂದು ವಾರ್ನರ್​ ಹೇಳಿದ್ದಾರೆ.

ಇದನ್ನು ಓದಿ:ಧೋನಿ ಭಾಯ್ ಐಪಿಎಲ್​ನಲ್ಲಿ ಆಡದಿದ್ದರೆ, ನಾನೂ ಆಡುವುದಿಲ್ಲ : ಸುರೇಶ್ ರೈನಾ