Asia Cup 2023: ಕಿಂಗ್​ ಅಂಕ ಮೀರಿದ ಪ್ರಿನ್ಸ್​.. ಯೋ - ಯೋ ಟೆಸ್ಟ್​ನಲ್ಲಿ ಶುಭಮನ್​ ಗಿಲ್​ ಟಾಪರ್​​

indian cricket team yo yo test: ಭಾರತ ತಂಡ ಇನ್ನು ಹೆಚ್ಚು ಕಡಿಮೆ ಮೂರು ತಿಂಗಳ ಕಾಲ ಏಕದಿನ ಕ್ರಿಕೆಟ್ ಆಡಲಿದೆ. ಏಷ್ಯಾಕಪ್​, ಆಸ್ಟ್ರೇಲಿಯಾ ಜೊತೆಗೆ ಸರಣಿ ಮತ್ತು ವಿಶ್ವಕಪ್​ ಪಂದ್ಯಗಳು ಭಾರತದ ಮುಂದಿರುವ ಸಾವಾಲುಗಳಾಗಿವೆ. ಇದಕ್ಕಾಗಿ ಭಾರತ ತಂಡದ ಆಟಗಾರರ ಫಿಟ್​ನೆಸ್​​ ಟೆಸ್ಟ್​ ಮಾಡಲಾಗುತ್ತಿದೆ.

ನವದೆಹಲಿ: ಭಾರತ ಕ್ರಿಕೆಟ್​ ತಂಡದ ಯುವ ಆಟಗಾರ ಶುಭಮನ್​ ಗಿಲ್ ಅಂತಾರಾಷ್ಟ್ರೀಯ ಕ್ರಿಕೆಟ್​ನಲ್ಲಿ ಭರವಸೆಯ ಆಟಗಾರ ಆಗಿದ್ದಾರೆ. ಭಾರತದ ಮೂರು ಮಾದರಿಯ ತಂಡದಲ್ಲಿ ತಮ್ಮದೇ ಆದ ಛಾಪನ್ನು ಮೂಡಿಸಿದ್ದಾರೆ. ಹೀಗಾಗಿ ಗಿಲ್​​ನ್ನು "ಪ್ರಿನ್ಸ್"​ ಎಂದೇ ಕರೆಯಲಾಗುತ್ತಿದೆ. ವಿರಾಟ್​ ನಂತರ ಭಾರತ ತಂಡದಲ್ಲಿ ಉತ್ತಮ ಬ್ಯಾಟರ್​ ಆಗಿ ಬೇಳೆಯಲಿದ್ದಾರೆ ಎಂದು ದಿಗ್ಗಜ ಆಟಗಾರರು ಅಭಿಪ್ರಾಯ ಪಡುತ್ತಿದ್ದಾರೆ.

• All the Indian players who have appeared in the Yo-Yo Test have passed - most of them scored between 16.5 to 18 [PTI]
  
  - Gill has the highest with 18.7 pic.twitter.com/T1n2Vg26dw

  — Johns. (@CricCrazyJohns) August 25, 2023 " class="align-text-top noRightClick twitterSection" data="

  All the Indian players who have appeared in the Yo-Yo Test have passed - most of them scored between 16.5 to 18 [PTI]
  
  - Gill has the highest with 18.7 pic.twitter.com/T1n2Vg26dw

  — Johns. (@CricCrazyJohns) August 25, 2023

  ">

  All the Indian players who have appeared in the Yo-Yo Test have passed - most of them scored between 16.5 to 18 [PTI]
  
  - Gill has the highest with 18.7 pic.twitter.com/T1n2Vg26dw

  — Johns. (@CricCrazyJohns) August 25, 2023

ಇದಕ್ಕೆ ಪುಷ್ಟಿ ನೀಡುವಂತೆ ಗಿಲ್​ ತಮ್ಮ ಮೊನಚಾದ ಪ್ರದರ್ಶನವನ್ನು ತಂಡದಲ್ಲಿ ನೀಡುತ್ತಿದ್ದಾರೆ. ಇದೇ ತಿಂಗಳಾಂತ್ಯದಿಂದ ಆರಂಭವಾಗಲಿರುವ ಏಷ್ಯಾಕಪ್​ನಲ್ಲಿ ರೋಹಿತ್​ ಶರ್ಮಾ ಅವರ ಜೊತೆಗೆ ಆರಂಭಿಕರಾಗಿ ಮೈದಾನಕ್ಕಿಳಿಯಲಿದ್ದಾರೆ. ಇದಲ್ಲದೇ ಆಸ್ಟ್ರೇಲಿಯಾ ಎದುರಿನ ಏಕದಿನ ಸರಣಿ ಮತ್ತು ವಿಶ್ವಕಪ್​ನಲ್ಲೂ ಆರಂಭಿಕರಾಗಿ ತಂಡದಲ್ಲಿ ಪ್ರದರ್ಶನ ನೀಡಲಿದ್ದಾರೆ. ಈ ಎಲ್ಲ ಏಕದಿನ ಸರಣಿಯಲ್ಲಿ ಗಿಲ್​ ಬ್ಯಾಟ್​ನಿಂದ ದೊಡ್ಡ ಮೊತ್ತದ ನಿರೀಕ್ಷೆಯೇ ಇದೆ.

ಭಾರತ ತಂಡ ಮುಂದಿನ ಮೂರು ತಿಂಗಳ ಕಾಲ ಏಕದಿನ ಕ್ರಿಕೆಟ್​ನಲ್ಲಿ ಸಕ್ರೀಯವಾಗಿರಲಿದ್ದು, ಇದಕ್ಕಾಗಿ ಆಟಗಾರರ ಫಿಟ್​ನೆಸ್​ ತಿಳಿದುಕೊಳ್ಳಲು ಯೋ-ಯೋ ಪರೀಕ್ಷೆಯನ್ನು ಮಾಡಲಾಗುತ್ತಿದೆ. ಏಷ್ಯಾಕಪ್​ಗೆ ತೆರಳುವ ತಂಡದ ಆಟಗಾರರು ಈ ಪರೀಕ್ಷೆಗೆ ಒಳಗಾಗಿದ್ದಾರೆ. ಈ ಪರೀಕ್ಷೆಯಲ್ಲಿ ಎಲ್ಲರೂ ಪಾಸ್​ ಆಗಿದ್ದಾರೆ ಎಂಬ ಮಾಹಿತಿಯನ್ನು ಬಿಸಿಸಿಯ ಮೂಲಗಳು ತಿಳಿಸಿವೆ. ಇದರಲ್ಲಿ ವಿರಾಟ್​ ಕೊಹ್ಲಿ 17.2 ಅಂಕವನ್ನು ಪಡೆದಿದ್ದಾರೆ. ಶುಭಮನ್​ ಗಿಲ್​ 18.7 ಅಂಕವನ್ನು ಪಡೆದು ಟಾಪ್​ ಸ್ಕೋರರ್​ ಎಂದು ತಿಳಿದು ಬಂದಿದೆ. ಬಿಸಿಸಿಐ 16.5 ಅನ್ನು ಅರ್ಹತಾ ಮಟ್ಟ ಎಂದು ಸೂಚಿಸಿತ್ತು.

ಏಷ್ಯಾಕಪ್​ ತಂಡದಲ್ಲಿರುವ ಜಸ್​ಪ್ರಿತ್ ಬುಮ್ರಾ, ಪ್ರಸಿದ್ಧ್ ಕೃಷ್ಣ, ತಿಲಕ್ ವರ್ಮ, ಸಂಜು ಸ್ಯಾಮ್ಸನ್ ಇಂದು ಐರ್ಲೆಂಡ್​ನಿಂದ ಮರಳಲಿದ್ದು, ತಂಡವನ್ನು ಸೇರಿಕೊಳ್ಳಲಿದ್ದಾರೆ. ಉಳಿದಂತೆ ಸಂಪೂರ್ಣವಾಗಿ ಚೇತರಿಸಿಕೊಳ್ಳದ ಕೆ ಎಲ್​ ರಾಹುಲ್​ ಅವರ ಯೋ-ಯೋ ಟೆಸ್ಟ್​ ಸಹ ಬಾಕಿ ಇದೆ. ಮಿಕ್ಕಂತೆ ಉಳಿದ ಎಲ್ಲ ಆಟಗಾರರು ಬಿಸಿಸಿಐ ನಿಗದಿ ಪಡಿಸಿದ ಅರ್ಹತಾ ಅಂಕವನ್ನು ಸಾಧಿಸಿದ್ದಾರೆ ಎನ್ನಲಾಗಿದೆ.

ಎನ್​ಸಿಎಯಲ್ಲಿ ಭರ್ಜರಿ ತಯಾರಿ: ಬೆಂಗಳೂರಿನಲ್ಲಿರುವ ರಾಷ್ಟ್ರೀಯ ಕ್ರಿಕೆಟ್​ ಅಕಾಡೆಮಿ (ಎನ್​ಸಿಎ)ಯಲ್ಲಿ ಆಟಗಾರರು ಏಷ್ಯಾಕಪ್​ಗೆ ಭರ್ಜರಿ ತಯಾರಿ ನಡೆಸುತ್ತಿದ್ದಾರೆ. ಮೂಲಗಳಿಂದ ಸಿಕ್ಕ ಮಾಹಿತಿಯ ಪ್ರಕಾರ 13 ರಿಂದ 15 ನೆಟ್​ ಬೌಲರ್​ಗಳನ್ನು ಆಟಗಾರರ ಎದುರಿಸುತ್ತಿದ್ದಾರೆ. ​ವಿಶ್ವಕಪ್​ ಮತ್ತು ಏಷ್ಯಾಕಪ್​ ಹಿನ್ನಲೆಯಲ್ಲಿ ತಯಾರಿಗೆ ಹೆಚ್ಚು ಒತ್ತು ನೀಡಲಾಗುತ್ತಿದೆ. ಅನಿಕೇತ್ ಚೌಧರಿ, ಉಮ್ರಾನ್ ಮಲಿಕ್, ಕುಲದೀಪ್ ಸೇನ್, ಯಶ್ ದಯಾಳ್, ಸಾಯಿ ಕಿಶೋರ್, ರಾಹುಲ್ ಚಾಹರ್, ತುಷಾರ್ ದೇಶಪಾಂಡೆ ಸೇರಿದಂತೆ ಇತರರು ಬೌಲಿಂಗ್​ ಮಾಡುತ್ತಿದ್ದಾರೆ.

ಏಷ್ಯಾಕಪ್​ಗಾಗಿ ಬೆಂಗಳೂರಿನಲ್ಲಿ 24 ರಿಂದ ಅಭ್ಯಾಸವನ್ನು ತಂಡ ಆರಂಭಿಸಿದೆ. 29ರ ವರೆಗೆ ತಯಾರಿಗಳು ನಡೆಯಲಿದ್ದು, 30 ರಂದು ಭಾರತ ತಂಡ ಶ್ರೀಲಂಕಾಗೆ ತೆರಳಲಿದೆ. ಭಾರತ ಏಷ್ಯಾಕಪ್​ನ ಮೊದಲ ಪಂದ್ಯವನ್ನು ಸಪ್ಟೆಂಬರ್​ 2 ರಂದು ಪಾಕಿಸ್ತಾನದ ವಿರುದ್ಧ ಕ್ಯಾಂಡಿಯಲ್ಲಿ ಆಡಲಿದೆ.

ಇದನ್ನೂ ಓದಿ: ಕೌಂಟಿ ಕ್ರಿಕೆಟ್: ಎಸೆಕ್ಸ್ ತಂಡ ಸೇರಿಕೊಂಡ​ ಉಮೇಶ್​ ಯಾದವ್