ಪ್ರಸಿದ್ಧ ಕೃಷ್ಣ ಬದಲಿಯಾಗಿ ಸಂದೀಪ್ ಶರ್ಮಾ ರಾಯಲ್ಸ್​ಗೆ

ರಾಜಸ್ಥಾನ ರಾಯಲ್ಸ್​ನ ಸ್ಟಾರ್ ಬೌಲರ್​ ಪ್ರಸಿದ್ಧ ಕೃಷ್ಣ ಬದಲಿಗೆ ಅನುಭವಿ ಸಂದೀಪ್​ ಶರ್ಮಾರನ್ನು ಆರ್​ಆರ್​ ತಂಡಕ್ಕೆ ಸೇರಿಸಿಕೊಂಡಿದೆ.

ಜೈಪುರ (ರಾಜಸ್ಥಾನ): ಮಾರ್ಚ್ 31 ರಿಂದ ಆರಂಭವಾಗಲಿರುವ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 2023 ಕ್ಕೆ ಗಾಯಗೊಂಡ ಪ್ರಸಿದ್ಧ್ ಕೃಷ್ಣ ಬದಲಿಗೆ ವೇಗಿ ಸಂದೀಪ್ ಶರ್ಮಾ ಅವರನ್ನು ರಾಜಸ್ಥಾನ್ ರಾಯಲ್ಸ್ (ಆರ್​ಆರ್​) ತಂಡಕ್ಕೆ ಸೇರಿಸಿಕೊಂಡಿದೆ. ಈ ಬಗ್ಗೆ ಇಂದು ಆರ್​ಆರ್​ ತನ್ನ ಟ್ವಿಟರ್​ ಖಾತೆಯಲ್ಲಿ ಮಾಹಿತಿ ಹಂಚಿಕೊಂಡಿದೆ. "ಸರಿ ಹಾಗಾದರೆ, ಇದನ್ನು ಅಧಿಕೃತಗೊಳಿಸುವುದು" ಎಂದು ರಾಯಲ್ಸ್ ಟ್ವಿಟ್​ನಲ್ಲಿ ಬರೆದುಕೊಂಡಿದೆ.

ಪ್ರಸಿದ್ ಕೃಷ್ಣ ಅವರ ಬದಲಿ ಆಟಗಾರನಾಗಿ ವೇಗದ ಬೌಲರ್ ಸಂದೀಪ್ ಶರ್ಮಾ ಈ ಋತುವಿನಲ್ಲಿ ರಾಜಸ್ಥಾನ ರಾಯಲ್ಸ್ ಅನ್ನು ಪ್ರತಿನಿಧಿಸುತ್ತಾರೆ. ಅವರ ಮೂಲ ಬೆಲೆ 50 ಲಕ್ಷಕ್ಕೆ ರಾಜಸ್ಥಾನ್​ ತಂಡಕ್ಕೆ ಸೇರ್ಪಡೆಯಾಗಿದ್ದಾರೆ. ಸಂದೀಪ್ ಶರ್ಮಾ ಐಪಿಎಲ್​ನಲ್ಲಿ 100 ಕ್ಕೂ ಹೆಚ್ಚು ವಿಕೆಟ್​ ಗಳನ್ನು ಪಡೆದುಕೊಂಡಿದ್ದಾರೆ. 104 ಪಂದ್ಯಗಳಲ್ಲಿ ಸಂದೀಪ್ ಶರ್ಮಾ 26.33 ಸರಾಸರಿ ಮತ್ತು 7.77 ಎಕಾನಮಿ ರೇಟ್‌ನಲ್ಲಿ ಒಟ್ಟು 114 ವಿಕೆಟ್‌ಗಳನ್ನು ಪಡೆದಿದ್ದಾರೆ. 4 ವಿಕೆಟ್​ ತೆಗೆದು 20 ರನ್​ ಬಿಟ್ಟುಕೊಟ್ಟದ್ದು ಅವರ ಅತ್ಯುತ್ತಮ ಬೌಲಿಂಗ್ ಅಂಕಿಅಂಶವಾಗಿದೆ. ಅವರು ಐಪಿಎಲ್​ನಲ್ಲಿ ಈ ಹಿಂದೆ ಪಂಜಾಬ್ ಕಿಂಗ್ಸ್ ಮತ್ತು ಸನ್‌ರೈಸರ್ಸ್ ಹೈದರಾಬಾದ್‌ಗಳನ್ನು ಪ್ರತಿನಿಧಿಸಿದ್ದಾರೆ.

ಭಾರತದ ವೇಗದ ಬೌಲರ್ ಪ್ರಸಿದ್ಧ್ ಕೃಷ್ಣ ಅವರು ಸೊಂಟದ ಒತ್ತಡದ ಮುರಿತದೊಂದಿಗೆ ಐಪಿಎಲ್​ನಿಂದ ದೂರ ಉಳಿದಿದ್ದಾರೆ. 2023ರ ಅಕ್ಟೋಬರ್-ನವೆಂಬರ್‌ನಲ್ಲಿ ಭಾರತದಲ್ಲಿ ನಡೆಯುವ ವಿಶ್ವಕಪ್​ನಲ್ಲಿ ಪ್ರಸಿದ್ಧ ಕೃಷ್ಣಾ ಭಾಗವಹಿಸುವ ನಿರೀಕ್ಷೆ ಇದ್ದು ಅವರಿಗೆ ಸೂಕ್ತ ಚಿಕಿತ್ಸೆ ನೀಡಲಾಗುತ್ತಿದೆ. ಆಗಸ್ಟ್‌ನಲ್ಲಿ ಭಾರತದ ಜಿಂಬಾಬ್ವೆಯ ಏಕದಿನ ಪ್ರವಾಸದ ನಂತರ ಪ್ರಸಿದ್ಧ್ ಅವರು ಕ್ರಿಕೆಟ್ ಆಡಿಲ್ಲ. ಅವರು ಸೆಪ್ಟೆಂಬರ್‌ನಲ್ಲಿ ನ್ಯೂಜಿಲೆಂಡ್ ಎ ವಿರುದ್ಧದ ಭಾರತ ಎ ತಂಡದ ವೈಟ್-ಬಾಲ್ ಸರಣಿಗೆ ಆಯ್ಕೆಯಾದರು. ತಂಡಕ್ಕೆ ಆಯ್ಕೆ ಆದ ನಂತರ ಗಾಯಗೊಂಡರು.

ಅಂದಿನಿಂದ ಪ್ರಸಿದ್ಧ್ ಬೆಂಗಳೂರಿನ ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿಯಲ್ಲಿ ಪುನರ್ವಸತಿಗೆ ಒಳಗಾಗಿದ್ದಾರೆ. ಜನವರಿ-ಫೆಬ್ರವರಿಯಲ್ಲಿ ನಡೆಯಲಿರುವ ರಣಜಿ ಟ್ರೋಫಿ ನಾಕೌಟ್‌ಗಳ ಸಮಯದಲ್ಲಿ ಸಂಪೂರ್ಣವಾಗಿ ಚೇತರಿಸಿಕೊಳ್ಳುತ್ತಾರೆ ಎಂದು ಆರಂಭದಲ್ಲಿ ನಿರೀಕ್ಷಿಸಲಾಗಿತ್ತು. ದುರದೃಷ್ಟವಶಾತ್, ಗಾಯವು ಸಮರ್ಪಕವಾಗಿ ವಾಸಿಯಾಗಿಲ್ಲ.

• Okay then, making this official. 👍💗 https://t.co/FAjBB6808I pic.twitter.com/Rf3ZwI0bSH

  — Rajasthan Royals (@rajasthanroyals) March 27, 2023 " class="align-text-top noRightClick twitterSection" data="

  Okay then, making this official. 👍💗 https://t.co/FAjBB6808I pic.twitter.com/Rf3ZwI0bSH

  — Rajasthan Royals (@rajasthanroyals) March 27, 2023

  ">

  Okay then, making this official. 👍💗 https://t.co/FAjBB6808I pic.twitter.com/Rf3ZwI0bSH

  — Rajasthan Royals (@rajasthanroyals) March 27, 2023

ಕಳೆದ ವರ್ಷ ಐಪಿಎಲ್ ಹರಾಜಿನಲ್ಲಿ ರಾಯಲ್ಸ್ 10 ಕೋಟಿ ರೂ. ಕೊಟ್ಟು 2022ರ ಆವೃತ್ತಿಗೆ ಪ್ರಸಿದ್ಧ ಅವರನ್ನು ಖರೀದಿಸಿತು. ಪ್ರಸಿದ್ಧ್ ಅವರು 2022 ರ ಋತುವಿನಲ್ಲಿ ರಾಯಲ್ಸ್‌ನ ಎರಡನೇ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಆಗಿದ್ದರು. 2008ರಲ್ಲಿ ರಾಯಲ್ಸ್​ ಮೊದಲ ಫೈನಲ್ಸ್​ ತಲುಪಿತು. ಆ ಆವೃತ್ತಿಯಲ್ಲಿ ಕೃಷ್ಣ 17 ಪಂದ್ಯಗಳಲ್ಲಿ 19 ವಿಕೆಟ್ ಪಡೆದರು.

ರಾಜಸ್ಥಾನ್ ರಾಯಲ್ಸ್ ತಮ್ಮ ಐಪಿಎಲ್​ 2023 ಅಭಿಯಾನವನ್ನು ಏಪ್ರಿಲ್ 2 ರಂದು ಹೈದರಾಬಾದ್‌ನಲ್ಲಿ ಸನ್‌ರೈಸರ್ಸ್ ಹೈದರಾಬಾದ್ ವಿರುದ್ಧ ಆಡಲಿದೆ. ಆರ್‌ಆರ್ ತನ್ನ ಮೊದಲ ಹೋಮ್ ಪಂದ್ಯವನ್ನು ಜೈಪುರದ ಸವಾಯಿ ಮಾನ್ಸಿಂಗ್ ಸ್ಟೇಡಿಯಂನಲ್ಲಿ ಏಪ್ರಿಲ್ 19 ರಂದು ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧ ಆಡಲಿದೆ. ಕಳೆದ ವರ್ಷದ ಫೈನಲ್‌ನಲ್ಲಿ ರಾಯಲ್ಸ್ ತಂಡವು ಚೊಚ್ಚಲ ಆಟಗಾರ ಗುಜರಾತ್ ಟೈಟಾನ್ಸ್ ವಿರುದ್ಧ ಏಳು ವಿಕೆಟ್‌ಗಳಿಂದ ಸೋತಿತ್ತು.

ಕಳೆದ ವರ್ಷ ಐಪಿಎಲ್​ 2023 ಹರಾಜಿನಲ್ಲಿ ಆರ್​ಆರ್​ ಖರೀದಿಸಿದ ಆಟಗಾರರು: ಜೇಸನ್ ಹೋಲ್ಡರ್ (5.75 ಕೋಟಿ), ಡೊನೊವನ್ ಫೆರೇರಾ (50 ಲಕ್ಷ), ಕುನಾಲ್ ರಾಥೋರ್ (20 ಲಕ್ಷ), ಆಡಮ್ ಝಂಪಾ (1.5 ಕೋಟಿ), ಕೆಎಂ ಆಸಿಫ್ (30 ಲಕ್ಷ) , ಮುರುಗನ್ ಅಶ್ವಿನ್ (20 ಲಕ್ಷ), ಅಬ್ದುಲ್ ಪಿಎ (20 ಲಕ್ಷ), ಆಕಾಶ್ ವಶಿಷ್ಟ್ (20 ಲಕ್ಷ), ಜೋ ರೂಟ್ (2 ಕೋಟಿ)

ಉಳಿಸಿಕೊಂಡ ಆಟಗಾರರು: ಸಂಜು ಸ್ಯಾಮ್ಸನ್ (ನಾಯಕ), ಯಶಸ್ವಿ ಜೈಸ್ವಾಲ್, ಶಿಮ್ರೋನ್ ಹೆಟ್ಮೆಯರ್, ದೇವದತ್ ಪಡಿಕ್ಕಲ್, ಜೋಸ್ ಬಟ್ಲರ್, ಧ್ರುವ ಜುರೆಲ್, ರಿಯಾನ್ ಪರಾಗ್, ಪ್ರಸಿದ್ಧ್ ಕೃಷ್ಣ, ಟ್ರೆಂಟ್ ಬೌಲ್ಟ್, ಒಬೆದ್ ಮೆಕಾಯ್, ನವದೀಪ್ ಸೈನಿ, ಕುಲದೀಪ್ ಸೇನ್, ಕುಲದೀಪ್ ಯಾದವ್, ಆರ್ ಅಶ್ವಿನ್, ಯುಜ್ವೇಂದ್ರ, ಯುಜ್ವೇಂದ್ರ , ಕೆ ಸಿ ಕಾರಿಯಪ್ಪ

ಇದನ್ನೂ ಓದಿ: IPL 2023: ಐಪಿಎಲ್​ನಲ್ಲಿ ಯಾರೂ ಮುರಿಯಲಾಗದ "ವಿರಾಟ್"​ ದಾಖಲೆ ಇದು..