ನ್ಯೂಜಿಲೆಂಡ್ ಸರಣಿ ಕ್ಲೀನ್​ ಸ್ವೀಪ್​ ಮಾಡಿದರೆ ಭಾರತವೇ ಏಕದಿನ ಶ್ರೇಯಾಂಕದಲ್ಲಿ ನಂ. 1

ರಾಯ್​ಪುರದಲ್ಲಿ ನಡೆದ ಇಂದಿನ ಪಂದ್ಯದಲ್ಲಿ ಗೆಲುವು ಸಾಧಿಸಿದ ಭಾರತ ತಂಡ ಐಸಿಸಿ ಶ್ರೇಯಾಂಕದಲ್ಲಿ ಮೂರನೇ ಸ್ಥಾನಕ್ಕೆ ಏರಿದೆ. ಭಾರತ ಏಕದಿನ ಕ್ರಿಕೆಟ್​ ಶ್ರೇಯಾಂಕದಲ್ಲಿ ಮೊದಲ ಸ್ಥಾನಕ್ಕೇರಲು ಇನ್ನು ಒಂದು ಪಂದ್ಯ ಗೆಲ್ಲ ಬೇಕಿದೆ.

ದುಬೈ: ಭಾರತ ಮತ್ತು ನ್ಯೂಜಿಲೆಂಡ್ ನಡುವಿನ ಎರಡನೇ ಏಕದಿನ ಪಂದ್ಯದಲ್ಲಿ ಕಿವೀಸ್ ಅಲ್ಪಮೊತ್ತದ ಗುರಿಯನ್ನು ನೀಡಿ ಸೋಲನುಭವಿಸಿತು. ಮೂರು ಪಂದ್ಯಗಳ ಸರಣಿಯಲ್ಲಿ ಭಾರತ 2-0ಯಿಂದ ಸೀರಿಸನ್ನು ವಶ ಪಡಿಸಿಕೊಂಡಿದೆ. ಈ ಮೂಲಕ ತವರಿನಲ್ಲಿ ಸತತ 6ನೇ ಸರಣಿಯನ್ನು ತನ್ನ ತೆಕ್ಕೆಗೆ ತೆಗೆದು ಕೊಂಡು ವಿಶ್ವಕಪ್​ನ ಪ್ರಬಲ ತಂಡ ಎಂಬ ಸಂದೇಶವನ್ನು ನೀಡಿದೆ. ಭಾರತೀಯ ಬೌಲರ್​ಗಳಿಗೆ ನಲುಗಿದ ಬ್ಲಾಕ್​ಕ್ಯಾಪ್ಸ್​ 108 ರನ್​ಗೆ ಆಲ್​ ಔಟ್​ ಆದರು. ಭಾರತ ಈ ಗುರಿಯನ್ನು 20.1 ಓವರ್​ನಲ್ಲಿ ಎರಡು ವಿಕೆಟ್​ ನಷ್ಟದಲ್ಲಿ ಸಾಧಿಸಿತು.

ಭಾರತದ ಪರ ನಾಯಕ ರೋಹಿತ್​ ಶರ್ಮಾ(51) ಅರ್ಧ ಶತಕಗಳಿಸಿದರೆ. ಪ್ರಥಮ ಪಂದ್ಯದ ದ್ವಿಶತಕ ವೀರ ಶುಭಮನ್​ ಗಿಲ್ ಅಜೇಯರಾಗಿ 40 ರನ್​ ಗಳಿಸಿದರು. ಉಳಿದಂತೆ ವಿರಾಟ್​ 11 ಕ್ಕೆ ಔಟ್​ ಆದರೆ ಕಿಶನ್​ 8 ರನ್​ಗಳಿಸಿ ಅಝೇಯರಾಗಿ ಉಳಿದಿದ್ದರು. 8 ವಿಕೆಟ್​ಗಳ ಸುಲಭ ಜಯ ಭಾರತಕ್ಕೆ ಲಭಿಸಿತ್ತು. ಆದರೆ ಈ ಪಂದ್ಯದ ಸೋಲಿನಿಂದ ನ್ಯೂಜಿಲೆಂಡ್ ದೊಡ್ಡ ನಷ್ಟವನ್ನು ಅನುಭವಿಸಿದೆ.

ರ್‍ಯಾಕಿಂಗ್​ ಕುಸಿತ ಕಂಡ ಬ್ಲಾಕ್​ಕ್ಯಾಪ್ಸ್​: ಇಂದು ರಾಯ್​ಪುರದ ಪಂದ್ಯದಲ್ಲಿ ಹೀನಾಯವಾಗಿ ಸೋತ ನ್ಯೂಜಿಲೆಂಡ್ ತಂಡ ಐಸಿಸಿ ಏಕದಿನ ರ್‍ಯಾಂಕಿಂಗ್​ನಿಂದ ಕುಸಿತ ಕಂಡಿದೆ. ಏಕದಿನ ಶ್ರೇಯಾಂಕದಲ್ಲಿ ಮೊದಲ ಸ್ಥಾನದಲ್ಲಿದ್ದ ಕಿವೀಸ್​ ಈಗ ಎರಡಕ್ಕೆ ಇಳಿದಿದೆ. ಇಂಗ್ಲೆಂಡ್​ ಪ್ರಥಮ ಸ್ಥಾನ ಅಲಂಕರಿಸಿದೆ. ಇಂಗ್ಲೆಂಡ್​ 30 ಪಂದ್ಯಗಳಿಂದ 3,400 ಅಂಕಗಳೊಂದಿಗೆ 113 ರೇಟಿಂಗ್​ ಗಳಿಸಿದೆ. ನ್ಯೂಜಿಲೆಂಡ್​ 20 ಪಂದ್ಯಗಳಿಂದ 3,166 ಅಂಕದಿಂದ 113 ರೇಟಿಂಗ್​ನಿಂದ ಎರಡನೇ ಸ್ಥಾನದಲ್ಲಿದೆ. ಮೂರನೇ ಸ್ಥಾನ ಭಾರತದ್ದಾಗಿದೆ.

• There's some movement at the top of the @MRFWorldwide Men's ODI Team Rankings after India's win over New Zealand 👀
  
  Details 👇https://t.co/uMdjXKupkc

  — ICC (@ICC) January 21, 2023 " class="align-text-top noRightClick twitterSection" data="

  There's some movement at the top of the @MRFWorldwide Men's ODI Team Rankings after India's win over New Zealand 👀
  
  Details 👇https://t.co/uMdjXKupkc

  — ICC (@ICC) January 21, 2023

  ">

  There's some movement at the top of the @MRFWorldwide Men's ODI Team Rankings after India's win over New Zealand 👀
  
  Details 👇https://t.co/uMdjXKupkc

  — ICC (@ICC) January 21, 2023

ಭಾರತ ತಂಡ ಅಭೂತ ಪೂರ್ವ ಪ್ರದರ್ಶನ: ಭಾರತ ಸತತವಾಗಿ ಏಕದಿನ ಕ್ರಿಕೆಟ್​ ಆಡುತ್ತಿದ್ದು, ಕಳೆದ ನಾಲ್ಕು ಇನ್ನಿಂಗ್ಸ್​ನಲ್ಲಿ ತಿಶತಕ ರನ್​ಗಳ ಗುರಿಯನ್ನು ಎದುರಾಳಿಗೆ ನೀಡುತ್ತಾ ಬಂದಿದೆ. ಬಾಂಗ್ಲಾ ಎದುರಿನ ಕೊನೆಯ ಪಂದ್ಯದಲ್ಲಿ 409 ರನ್​ ಗುರಿ ನೀಡಿತ್ತು. ಈ ಪಂದ್ಯದಲ್ಲಿ ಇಶನ್​ ಕಿಶನ್​ ದ್ವಿಶತಕ ಗಳಿಸಿದ್ದರು. ಲಂಕಾ ವಿರುದ್ಧದ ಮೊದಲ ಪಂದ್ಯದಲ್ಲಿ 373 ಮತ್ತು ಮೂರನೇ ಪಂದ್ಯದಲ್ಲಿ 390 ರನ್​ ಗುರಿ ನೀಡಿದ್ದರು. ನ್ಯೂಜಿಲೆಂಡ್​ ವಿರುದ್ಧದ ಮೊದಲ ಪಂದ್ಯದಲ್ಲಿ ಗಿಲ್​ ದ್ವಿಶತಕದ ಜೊತೆಗೆ 349ರನ್​ ಗುರಿ ನೀಡಲಾಗಿತ್ತು. ಕಿವೀಸ್​ ಎದುರಿನ ಮೊದಲ ಪಂದ್ಯ ಬಿಟ್ಟರೆ ಮತ್ತೆಲ್ಲಾ ಪಂದ್ಯಗಳಲ್ಲಿ 350 ಪ್ಲಸ್​ ರನ್​ಗಳಿಸಿತ್ತು.

ನಂಬರ್​ 1 ಆಗಲಿದೆ ಭಾರತ: ರ್‍ಯಾಕಿಂಗ್​ ಭಾರತ ಮತ್ತೆ ನಂಬರ್​ 1 ಆಗಲಿದೆ. ನ್ಯೂಜಿಲೆಂಡ್​ ವಿರುದ್ಧದ ಮೂರನೇ ಪಂದ್ಯದಲ್ಲಿ ಗೆದ್ದರೆ ಭಾರತ ಇಂಗ್ಲೆಂಡ್​ನ್ನೂ ಕೆಳಕ್ಕೆ ತಳ್ಳಿ ಮೊದಲ ಸ್ಥಾನಕ್ಕೆ ಏರಲಿದೆ. ಭಾರತ ರ್‍ಯಾಕಿಂಗ್​ನಲ್ಲಿ 43 ಪಂದ್ಯಗಳಲ್ಲಿ 4,847 ಅಂಕ ಗಳಿಸಿದ್ದು 113 ರೇಟಿಂಗ್​ ಗಳಿಸಿದೆ. ಮುಂದಿನ ಪಂದ್ಯದಲ್ಲಿ ಗೆದ್ದು ತವರಿನಲ್ಲಿ ಈ ವರ್ಷದ ಎರಡನೇ ಕ್ಲೀನ್​ಸ್ವೀಪ್​ ಸಾಧಿಸಿದರೆ ನಂ.1 ಪಟ್ಟ ಮುಡಿಗೇರಲಿದೆ.

ನಾಲ್ಕರಿಂದ ಮೂರಕ್ಕೆ ಜಿಗಿದ ಭಾರತ: ಇಂದಿನ ಪಂದ್ಯಕ್ಕೂ ಮೊದಲು ಭಾರತ 111 ರೇಟಿಂಗ್ ಪಾಯಿಂಟ್‌ಗಳೊಂದಿಗೆ ನಾಲ್ಕನೇ ಸ್ಥಾನದಲ್ಲಿತ್ತು. ಈ ಪಂದ್ಯಕ್ಕೂ ಮುನ್ನ ನ್ಯೂಜಿಲೆಂಡ್ 115 ರೇಟಿಂಗ್ ಪಾಯಿಂಟ್‌ಗಳೊಂದಿಗೆ ಅಗ್ರಸ್ಥಾನದಲ್ಲಿತ್ತು. ಇಂಗ್ಲೆಂಡ್ 113 ರೇಟಿಂಗ್ ಪಾಯಿಂಟ್‌ಗಳೊಂದಿಗೆ ಎರಡನೇ ಸ್ಥಾನದಲ್ಲಿದ್ದರೆ, 112 ರೇಟಿಂಗ್‌ನೊಂದಿಗೆ ಆಸ್ಟ್ರೇಲಿಯಾ ಮೂರರಲ್ಲಿತ್ತು.

ರಾಯ್​ಪುರದಲ್ಲಿ ಚೊಚ್ಚಲ ಅಂತಾರಾಷ್ಟ್ರೀಯ: ಚತ್ತೀಸ್​ಗಡದ ರಾತ್​ಪುರದಲ್ಲಿರುವ ವೀರ ನಾರಾಯಣ ಸಿಂಗ್​ ಕ್ರೀಡಾಂಗಣ ಇಂದು ಮೊದಲ ಅಂತಾರಾಷ್ಟ್ರೀಯ ಪಂದ್ಯಕ್ಕೆ ಆತಿಥ್ಯ ವಹಿಸಿತು. ಈ ಕ್ರೀಡಾಂಗಣ ಭಾರತದ ಅತೀ ದೊಡ್ಡ ಸ್ಟೇಡಿಯಂನಲ್ಲಿ ಒಂದಾಗಿದೆ. ಅಂತಾರಾಷ್ಟ್ರೀಯ ಏಕದಿನ ಪಂದ್ಯಕ್ಕೆ ಆತಿಥ್ಯ ವಹಿಸುತ್ತಿರುವ ದೇಶದ 50ನೇ ಕ್ರೀಡಾಂಗಣ ಇದಾಗಿದೆ.

ಇದನ್ನೂ ಓದಿ: 2028ರ ಒಲಿಂಪಿಕ್ಸ್ ಆರು ತಂಡಗಳನ್ನು ಶಿಫಾರಸು ಮಾಡಿದ ಐಸಿಸಿ: ಮುಂದಿನ ಒಲಿಂಪಿಕ್ಸ್​ನಲ್ಲಿ ಕ್ರಿಕೆಟ್​ ಇರಲಿದೆಯೇ?