T20 ವಿಶ್ವಕಪ್ ​​: ಅ.23ರಂದು ಭಾರತ-ಪಾಕ್​​ ಫೈಟ್​​; ಹೈವೊಲ್ಟೇಜ್​ ಕದನಕ್ಕೆ ಸಾಕ್ಷಿಯಾಗಲಿದೆ ಎಂಸಿಜಿ!

2022ರ ಐಸಿಸಿ ಪುರುಷರ ಟಿ-20 ವಿಶ್ವಕಪ್​ನ ವೇಳಾಪಟ್ಟಿ ರಿಲೀಸ್​ ಆಗಿದೆ. ಮೊದಲ ಪಂದ್ಯದಲ್ಲೇ ಭಾರತ ಮತ್ತೊಮ್ಮೆ ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನದ ವಿರುದ್ಧ ಸೆಣಸಾಟ ನಡೆಸಲಿದೆ..

ಮೆಲ್ಬೋರ್ನ್(ಆಸ್ಟ್ರೇಲಿಯಾ) : ಐಸಿಸಿ ಟಿ-20 ವಿಶ್ವಕಪ್​​ 2022ರ ವೇಳಾಪಟ್ಟಿ ರಿಲೀಸ್​​ ಆಗಿದೆ. ಕಾಂಗರೂಗಳ ನಾಡು ಆಸ್ಟ್ರೇಲಿಯಾದಲ್ಲಿ ಅಕ್ಟೋಬರ್​​ 16ರಿಂದ ಚುಟುಕು ಕ್ರಿಕೆಟ್​​ ಟೂರ್ನಿ ಆರಂಭಗೊಳ್ಳಲಿದೆ.

ವಿಶ್ವಕಪ್​ ಟೂರ್ನಿಯಲ್ಲಿ ಒಟ್ಟು 45 ಪಂದ್ಯ ನಡೆಯಲಿವೆ. ಅಕ್ಟೋಬರ್​​​​​​ 23ರಂದು ಮೆಲ್ಬೋರ್ನ್​​ ಕ್ರಿಕೆಟ್ ಮೈದಾನದಲ್ಲಿ ಸಾಂಪ್ರದಾಯಿಕ ಎದುರಾಳಿ ತಂಡಗಳಾಗಿರುವ ಭಾರತ-ಪಾಕಿಸ್ತಾನ ಮುಖಾಮುಖಿಯಾಗಲಿವೆ.

ಕಳೆದ ವರ್ಷ ದುಬೈನಲ್ಲಿ ನಡೆದ ಐಸಿಸಿ ಟಿ-20 ವಿಶ್ವಕಪ್​ನಲ್ಲಿ ಭಾರತ-ಪಾಕ್​ ಮುಖಾಮುಖಿಯಾಗಿವೆ. ಈ ಪಂದ್ಯದಲ್ಲಿ ಟೀಂ ಇಂಡಿಯಾ ಹೀನಾಯ ಸೋಲು ಕಂಡಿತ್ತು. ಇದೀಗ ಅದಕ್ಕೆ ತಿರುಗೇಟು ನೀಡುವ ತವಕದಲ್ಲಿದೆ.

ಹೈವೋಲ್ಟೆಜ್​​ ಪಂದ್ಯದಲ್ಲಿ ಭಾರತ-ಪಾಕಿಸ್ತಾನ ಮುಖಾಮುಖಿ

ಆಸ್ಟ್ರೇಲಿಯಾದ ಮೆಲ್ಬೋರ್ನ್​, ಸಿಡ್ನಿ, ಬ್ರಿಸ್ಬೇನ್​, ಅಡಿಲೇಡ್​, ಜಿಲಾಂಗ್,ಹೋಬರ್ಟ್​​ ಮತ್ತು ಪರ್ತ್​ ಮೈದಾನಗಳಲ್ಲಿ ಪಂದ್ಯ ಆಯೋಜನೆಗೊಂಡಿದೆ. ಈ ಟೂರ್ನಿಯಲ್ಲಿ ಹಾಲಿ ಚಾಂಪಿಯನ್​​ ಆಸ್ಟ್ರೇಲಿಯಾ, ರನ್ನರ್​ ಅಪ್​ ನ್ಯೂಜಿಲ್ಯಾಂಡ್​​ ಜೊತೆಗೆ ಭಾರತ, ಇಂಗ್ಲೆಂಡ್​, ಪಾಕಿಸ್ತಾನ, ದಕ್ಷಿಣ ಆಫ್ರಿಕಾ, ಆಫ್ಘಾನಿಸ್ತಾನ, ಬಾಂಗ್ಲಾದೇಶ ತಂಡಗಳು ನೇರವಾಗಿ ಅರ್ಹತೆ ಪಡೆದಿವೆ. ಉಳಿದಂತೆ ಶ್ರೀಲಂಕಾ, ವೆಸ್ಟ್​​ ಇಂಡೀಸ್​​, ಸ್ಕಾಟ್ಲೆಂಡ್​​ ಮತ್ತು ನಮೀಬಿಯಾ ತಂಡಗಳು ಅರ್ಹತಾ ಸುತ್ತಿನಲ್ಲಿ ಸೆಣಸಾಡಲಿವೆ.

• ICC T20 World Cup full Fixtures Announced.#T20WorldCup #T20WorldCup2022 pic.twitter.com/IhSdWnI446

  — The Cricket Followers (@cricfollowers_1) January 21, 2022 " class="align-text-top noRightClick twitterSection" data="

  ICC T20 World Cup full Fixtures Announced.#T20WorldCup #T20WorldCup2022 pic.twitter.com/IhSdWnI446

  — The Cricket Followers (@cricfollowers_1) January 21, 2022

  ">

  ICC T20 World Cup full Fixtures Announced.#T20WorldCup #T20WorldCup2022 pic.twitter.com/IhSdWnI446

  — The Cricket Followers (@cricfollowers_1) January 21, 2022

ಟೀಂ ಇಂಡಿಯಾ ಅಕ್ಟೋಬರ್​ 23ರಂದು ಪಾಕಿಸ್ತಾನ, ಅಕ್ಟೋಬರ್​ 27ರಂದು ಅರ್ಹತೆ ಪಡೆದುಕೊಳ್ಳುವ ತಂಡ, ಅಕ್ಟೋಬರ್​ 30ರಂದು ದಕ್ಷಿಣ ಆಫ್ರಿಕಾ​ ನವೆಂಬರ್​ 2ರಂದು ಬಾಂಗ್ಲಾದೇಶ ಹಾಗೂ ನವೆಂಬರ್​​ 6ರಂದು ಅರ್ಹತೆ ಪಡೆದುಕೊಳ್ಳುವ ಎರಡನೇ ತಂಡದೊಂದಿಗೆ ಕಾದಾಟ ನಡೆಸಲಿವೆ. ಕಳೆದ ವರ್ಷದ ಟಿ-20 ವಿಶ್ವಕಪ್​​ನಲ್ಲಿ ಪ್ರಶಸ್ತಿ ಗೆಲ್ಲುವ ನೆಚ್ಚಿನ ತಂಡವಾಗಿದ್ದ ಭಾರತ ಲೀಗ್ ಹಂತದಲ್ಲೇ ಹೊರಬಿದ್ದು ನಿರಾಶೆ ಅನುಭವಿಸಿದೆ.

ಬಿ ಗ್ರೂಪ್​ನಲ್ಲಿ ಭಾರತ, ಪಾಕಿಸ್ತಾನ, ದಕ್ಷಿಣ ಆಫ್ರಿಕಾ, ಬಾಂಗ್ಲಾದೇಶ ಈಗಾಗಲೇ ನೇರ ಅರ್ಹತೆ ಪಡೆದುಕೊಂಡಿವೆ. ಎ ಗ್ರೂಪ್​​ನಲ್ಲಿ ಆಸ್ಟ್ರೇಲಿಯಾ, ಇಂಗ್ಲೆಂಡ್​, ನ್ಯೂಜಿಲ್ಯಾಂಡ್​, ಆಫ್ಘಾನಿಸ್ತಾನ ತಂಡಗಳಿವೆ.

ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ