ಮುಂಬೈ: ವಾಂಖೆಡೆಯಲ್ಲಿ 2ನೇ ಟೆಸ್ಟ್ ಪಂದ್ಯದ ವೇಳೆ ಮೊದಲ ಇನ್ನಿಂಗ್ಸ್ನಲ್ಲಿ ಭಾರತದ ಎಲ್ಲ 10 ವಿಕೆಟ್ಗಳನ್ನು ಪಡೆದು ದಾಖಲೆ ಬರೆದಿದ್ದ ಭಾರತೀಯ ಮೂಲದ ಅಜಾಜ್ ಪಟೇಲ್ ಅವಕಾಶ ಸಿಕ್ಕರೆ ಐಪಿಎಲ್ನಲ್ಲಿ ಆಡುವುದಕ್ಕೆ ಇಷ್ಟಪಡುತ್ತೇನೆ ಎಂದು ಹೇಳಿದ್ದಾರೆ.
ಐಪಿಎಲ್ನಲ್ಲಿ ಆಡುವುದಕ್ಕೆ ಅವಕಾಶ ಸಿಕ್ಕರೆ ಅದು ದೊಡ್ಡ ಗೌರವ ಎಂದು ಭಾವಿಸುತ್ತೇನೆ. ಒಂದು ವೇಳೆ ಅವಕಾಶ ಸಿಕ್ಕರೆ ಭಾರತದಲ್ಲಿ ಐಪಿಎಲ್ ಆಡುವುದಕ್ಕೆ ಇಷ್ಟಪಡುತ್ತೇನೆ ಎಂದು ಖಾಸಗಿ ಮಾಧ್ಯಮಕ್ಕೆ ನೀಡಿದ ಸಂದರ್ಶನದಲ್ಲಿ ಹೇಳಿದ್ದಾರೆ.
ಇದೊಂದು ಅದ್ಭುತವಾದ ಟೂರ್ನಮೆಂಟ್, ಪ್ರತಿಯೊಬ್ಬರೂ ತುಂಬಾ ಹತ್ತಿರದಿಂದ ನೋಡುತ್ತಾರೆ. ವಿಶ್ವಾದ್ಯಂತ ಸಾಕಷ್ಟು ಪ್ರಶಂಸೆ ಮತ್ತು ರೋಮಾಂಚನವನ್ನುಂಟು ಮಾಡುತ್ತದೆ. ಆದ್ದರಿಂದ, ಇದು ಅತ್ಯುತ್ತಮ ಟೂರ್ನಮೆಂಟ್ ಮತ್ತು ನನಗೇನಾದರೂ ಅವಕಾಶ ಸಿಕ್ಕರೆ ಅದೃಷ್ಟ ಎಂದು ಭಾವಿಸುತ್ತೇನೆ ಎಂದು ಪಟೇಲ್ ಐಪಿಎಲ್ನಲ್ಲಿ ಆಡುವ ಬಯಕೆ ವ್ಯಕ್ತಪಡಿಸಿದ್ದಾರೆ.
ಭಾರತದ ವಿರುದ್ಧ 10 ವಿಕೆಟ್ ಸಾಧನೆ ಮಾಡಿದ ನಂತರ ವಿಶ್ವಾದ್ಯಂತ ಅಭಿಮಾನಿಗಳು ಮತ್ತು ಕ್ರಿಕೆಟ್ ಪಂಡಿತರಿಂದ ಮೆಚ್ಚುಗೆ ಪಡೆದಿದ್ದರು. ಅನಿಲ್ ಕುಂಬ್ಳೆ ಮತ್ತು ಜಿಮ್ ಲೇಕರ್ ಮಾತ್ರ ಈ ಹಿಂದೆ ಈ ಸಾಧನೆ ಮಾಡಿದ್ದರು.
MCAಗೆ ಜರ್ಸಿ ಉಡುಗೊರೆ ನೀಡಿದ ಪಟೇಲ್
ಭಾರತ ವಿರುದ್ಧ 10 ವಿಕೆಟ್ ಪಡೆದು ದಾಖಲೆ ಬರೆದ ಅಜಾಜ್ ಪಟೇಲ್ ತಮ್ಮ ತಮ್ಮ ಸಹಿ ಇರುವ ನ್ಯೂಜಿಲ್ಯಾಂಡ್ ಟೆಸ್ಟ್ ಜರ್ಸಿಯನ್ನು ಮುಂಬೈ ಕ್ರಿಕೆಟ್ ಅಸೋಸಿಯೇಷನ್ ಅಧ್ಯಕ್ಷ ವಿಜಯ್ ಪಾಟಿಲ್ ಅವರಿಗೆ ನೀಡಿದ್ದಾರೆ. ಎಂಸಿಎನಲ್ಲಿ ಅಭಿವೃದ್ಧಿ ಪಡಿಸಲಾಗುತ್ತಿರುವ ಕ್ರಿಕೆಟ್ ಮಂಡಳಿಯ ಹೊಸ ಮ್ಯೂಸಿಯಂನಲ್ಲಿ ಈ ಜರ್ಸಿ ಇಡಲಾಗುತ್ತದೆ. ಎಂಸಿಎ ಕೂಡ 10 ವಿಕೆಟ್ ಪಡೆದ ನೆನಪಿಗಾಗಿ ಪಂದ್ಯದಲ್ಲಿ ಬಳಿಸಿದ್ದ ಸ್ಕೋರ್ ಶೀಟ್ ಮತ್ತು ಒಂದು ಮೆಮೆಂಟೋವನ್ನು ಅಜಾಜ್ಗೆ ಉಡುಗೊರೆಯಾಗಿ ನೀಡಿ ಗೌರವಿಸಿದರು.
ಇದನ್ನೂ ಓದಿ:ಭಾರತ ಇಲ್ಲದಿದ್ದರೆ ನನ್ನ ಬ್ರ್ಯಾಂಡ್ ಈಗಿರುವ ಅರ್ಧದಷ್ಟೂ ಇರುತ್ತಿರಲಿಲ್ಲ: ಡ್ವೇನ್ ಬ್ರಾವೋ
