ಇಂದೋರ್: ವಿಶ್ವ ಟೆಸ್ಟ್ ಚಾಂಪಿಯನ್ ಶಿಪ್ ಫೈನಲ್ಗೆ ತಲುಪುವ ಗುರಿಯೊಂದಿಗೆ ಕಣಕ್ಕಿಳಿದ ಭಾರತ ಮೂರನೇ ಟೆಸ್ಟ್ ಪಂದ್ಯದಲ್ಲಿ ಹೀನಾಯ ಸೋಲನುಭವಿಸಿದೆ. ತವರಿನ ಸ್ಪಿನ್ ಪಿಚ್ನಲ್ಲಿ ನಮ್ಮವರೇ ಬ್ಯಾಟಿಂಗ್ ಮಾಡಲು ತಿಣುಕಾಡಿದರು. ಬ್ಯಾಟಿಂಗ್ನಲ್ಲಿ ಪೆವಿಲಿಯನ್ ಪರೇಡ್ ಪ್ರಾರಂಭಿಸಿದರು. ಎರಡು ದಿನ ಬರೋಬ್ಬರಿ ಒಂದೇ ಪಿಚ್ನಲ್ಲಿ 30 ವಿಕೆಟ್ಗಳ ಪತನವಾಯಿತು. ಆಸಿಸ್ 9 ವಿಕೆಟ್ಗಳಿಂದ ಮೂರನೇ ಪಂದ್ಯಗೆದ್ದು ವಿಶ್ವ ಟೆಸ್ಟ್ ಚಾಂಪಿಯನ್ ಶಿಪ್ಗೆ ಅಧಿಕೃತ ಪ್ರವೇಶ ಪಡೆದುಕೊಂಡಿತು. ಭಾರತಕ್ಕೆ ನಾಲ್ಕನೇ ಪಂದ್ಯ WTCಗೆ ನಿರ್ಣಾಯವಾಗಿದೆ.
ಟೆಸ್ಟ್ ಸೋಲಿನ ಬಗ್ಗೆ ಮಾತನಾಡಿದ ಭಾರತದ ನಾಯಕ ರೋಹಿತ್ ಶರ್ಮಾ,' ಒಂದು ಕಹಿ ನೆನಪಿನ ಪಂದ್ಯವಾಗಿದೆ. ಸವಾಲಿನ ಪಿಚ್‌ಗಳಲ್ಲಿ ಆಡುವಾಗ, ನಾವು ಧೈರ್ಯಶಾಲಿಗಳಾಗಿರಬೇಕು. ನಾಥನ್ ಲಿಯಾನ್ ಈ ಪಿಚ್ನಲ್ಲಿ ತುಂಬಾ ಕಠಿಣವಾದರು. ಅವರ ಲೈನ್ ಮತ್ತು ಲೆಂಥ್ನ್ನು ಅರಿಯಲು ಕಷ್ಟವಾಯಿತು. ಬೌಲಿಂಗ್ ಕ್ರೆಡಿಟ್ ಲಿಯಾನ್ಗೆ ಸಲ್ಲುತ್ತದೆ. ನಾವು ಧೈರ್ಯವಾಗಿ ಎದುರಿಸುವಲ್ಲಿ ವಿಫಲರಾದೆವು' ಎಂದಿದ್ದಾರೆ.
ಭಾರತವನ್ನು ಆಸಿಸ್ನ ಸ್ಪಿನ್ನರ್ಗಳಾದ ಮ್ಯಾಥ್ಯೂ ಕುಹ್ನೆಮನ್ ಮತ್ತು ನಾಥನ್ ಲಿಯಾನ್ ಹೋಳ್ಕರ್ ಪಿಚ್ನಲ್ಲಿ ಪ್ರಾಬಲ್ಯ ಸಾಧಿಸಿದರು. ಮೊದಲ ಇನ್ನಿಂಗ್ಸ್ನಲ್ಲಿ ಮ್ಯಾಥ್ಯೂ ಕುಹ್ನೆಮನ್ 5 ವಿಕೆಟ್ ಪಡೆದರೆ, ಎರಡನೇ ಇನ್ನಿಂಗ್ಸ್ನಲ್ಲಿ ಲಿಯಾನ್ 8 ವಿಕೆಟ್ ಪಡೆದರು. ಪಂದ್ಯದಲ್ಲಿ ಒಟ್ಟು 11 ವಿಕೆಟ್ ಕಬಳಿಸಿದ ನಾಥನ್ ಲಿಯಾನ್ ಅವರಿಗೆ ಪಂದ್ಯ ಶ್ರೆಷ್ಠ ಪ್ರಶಸ್ತಿ ನೀಡಿ ಗೌರವಿಸಲಾಯಿತು.
'ನಾವು 1 ನೇ ಇನ್ನಿಂಗ್ಸ್ನಲ್ಲಿ ಉತ್ತಮವಾಗಿ ಬ್ಯಾಟ್ ಮಾಡಲಿಲ್ಲ. ಮೊದಲ ಇನ್ನಿಂಗ್ಸ್ನಲ್ಲಿ ಬೃಹತ್ ರನ್‌ಗಳನ್ನು ಕಲೆ ಹಾಕುವುದು ಎಷ್ಟು ಮುಖ್ಯ ಎಂದು ನಾವು ಅರ್ಥಮಾಡಿಕೊಂಡಿದ್ದೇವೆ. ಆಸಿಸ್ ಮೊದಲ ಇನ್ನಿಂಗ್ಸ್ನಲ್ಲಿ ಅವರನ್ನು ಕಟ್ಟಿ ಹಾಕುವಲ್ಲಿ ವಿಫಲರಾದೆವು. ಅವರು 80-90 ರನ್ ಲೀಡ್ ಪಡೆದಾಗ, ನಾವು ಎರಡನೇ ಇನ್ನಿಂಗ್ಸ್ನಲ್ಲಿ ಹೆಚ್ಚಿನ ರನ್ ಗಳಿಸುವ ಅಗತ್ಯ ಇತ್ತು ಆದರೆ, ಟಫ್ ಲಕ್ ನಾವು ಕೇವಲ 70-80ರನ್ಗಳ ಗುರಿ ಅವರಿಗೆ ನೀಡಿದೆವು. ನಮ್ಮ ಈ ಬ್ಯಾಟಿಂಗ್ ವೈಫಲ್ಯ ಪಂದ್ಯದ ಸೋಲಿಗೆ ಕಾರಣವಾಯಿತು' ಎಂದು ರೋಹಿತ್ ಹೇಳಿದ್ದಾರೆ.
ವಿಶ್ವ ಟೆಸ್ಟ್ ಚಾಂಪಿಯನ್ ಶಿಪ್ ಬಗ್ಗೆ ಇನ್ನೂ ನಾವು ಯೋಚಿಸಿಲ್ಲ. ನಮ್ಮ ಮುಂದೆ ನಾಲ್ಕನೇ ಟೆಸ್ಟ್ ಮತ್ತು ಸರಣಿ ಗೆಲ್ಲುವ ತವಕ ಇದೆ. ಇನ್ನಷ್ಟು ತಂಡವನ್ನು ಬಲಿಷ್ಟವಾಗಿಸಿ ಕಣಕ್ಕಿಳಿಯುವ ಯೋಜನೆ ಇದೆ. ಅಹಮದಾಬಾದ್ ಟೆಸ್ಟ್ಗಾಗಿ ಸಿದ್ಧತೆಗಳನ್ನು ಮಾಡಿಕೊಳ್ಳಬೇಕಿದೆ. ಮೊದಲೆರಡು ಟೆಸ್ಟ್ನಲ್ಲಿ ನಾವು ಏನು ಮಾಡಿದ್ದೆವೋ ಅದರ ಬಗ್ಗೆ ಹೆಚ್ಚು ಗಮನ ಹರಿಸಿ ಮುಂದಿನ ಪಂದ್ಯಕ್ಕೆ ಅಳವಡಿಸಿಕೊಳ್ಳುತ್ತೆವೆ ಎಂದರು.
ತಾಯಿಯ ಅನಾರೋಗ್ಯದ ಕಾರಣ ಪಂದ್ಯದಿಂದ ಕಮಿನ್ಸ್ ಹೊರಗುಳಿದಿದ್ದು ಅವರ ಬದಲಿಯಾಗಿ ಆಸಿಸ್ ನಾಯಕತ್ವ ವಹಿಸಿದ್ದ ಸ್ಟೀವ್ ಸ್ಮಿತ್ ಮಾತನಾಡಿ,' ನಮ್ಮ ಬೌಲರ್‌ಗಳು ನಿಜವಾಗಿಯೂ ಉತ್ತಮವಾಗಿ ಕಾರ್ಯನಿರ್ವಹಿಸಿದರು, ವಿಶೇಷವಾಗಿ ಮ್ಯಾಥ್ಯೂ ಕುಹ್ನೆಮನ್ ಮತ್ತು ಎರಡನೇ ಇನ್ನಿಂಗ್ಸ್ನಲ್ಲಿ ಲಿಯಾನ್. ಮೊದಲ ಇನ್ನಿಂಗ್ಸ್ನಲ್ಲಿ ಉಸ್ಮಾನ್ ಖವಾಜಾರ ರನ್ ತಂಡಕ್ಕೆ ಹೆಚ್ಚಿನ ಬಲ ನೀಡಿತು ಇದು ಕೂಡ ಗೆಲುವಿಗೆ ಕಾರಣ. ನಾವು ವಿಶ್ವ ಟೆಸ್ಟ್ ಚಾಂಪಿಯನ್ ಶಿಪ್ ಫೈನಲ್ಗೆ ತಲುಪಿರುವುದು ಸಂತಸ ತಂದಿದೆ' ಎಂದಿದ್ದಾರೆ.
ಇದನ್ನೂ ಓದಿ: IND Vs AUS 3rd Test: ಆಸೀಸ್ ಸ್ಪಿನ್ನರ್ಗಳೆದುರು ಎಡವಿಡ ಭಾರತ, 109ಕ್ಕೆ ಸರ್ವ ಪತನ
