ದುಬೈ: ವಿರಾಟ್ ಕೊಹ್ಲಿ ಬಳಗ ಈಗಾಗಲೇ ಹಾಲಿ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ತಂಡವನ್ನು ಮಣಿಸಿದ್ದು, ಇಂದು ರಾಜಸ್ಥಾನ ರಾಯಲ್ಸ್ ತಂಡವನ್ನು ಸೋಲಿಸುವ ವಿಶ್ವಾಸದಲ್ಲಿದೆ. ಇಂದು ದುಬೈ ಇಂಟರ್ನ್ಯಾಷನಲ್ ಸ್ಟೇಡಿಯಂನಲ್ಲಿ ಪಂದ್ಯ ನಡೆಯಲಿದೆ.
ರಾಜಸ್ಥಾನ ರಾಯಲ್ಸ್ ವಿರುದ್ಧ ರಾಯಲ್ಸ್ ಚಾಲೆಂಜರ್ಸ್ ಬೆಂಗಳೂರು ತಂಡ ಗೆದ್ದರೆ ಪ್ಲೇ ಆಫ್ ಹಂತಕ್ಕೆ ಹಾದಿ ಮತ್ತಷ್ಟು ಸರಾಗವಾಗಲಿದೆ. ಆದರೆ, ರಾಜಸ್ಥಾನ ರಾಯಲ್ಸ್ಗೆ ಇದು ಅನಿವಾರ್ಯವಾಗಿ ಗೆಲ್ಲಬೇಕಾದ ಪಂದ್ಯ ಎಂದು ಹೇಳಲಾಗುತ್ತಿದ್ದು, ಈಗಾಗಲೇ ಎರಡು ಪಂದ್ಯಗಳನ್ನು ಸೋತಿದ್ದು, ಹ್ಯಾಟ್ರಿಕ್ ಸೋಲಿನ ಭೀತಿಯೂ ಕಾಡುತ್ತಿದೆ.
ಆರ್ಸಿಬಿ ಕೂಡಾ ಸೋಲುಗಳಿಂದ ತತ್ತರಿಸಿದ್ದು, ಮುಂಬೈ ವಿರುದ್ಧ ಜಯ ಕಂಡಿದ್ದು ವಿಶ್ವಾಸ ಹೆಚ್ಚಿಸಿಕೊಂಡಿದೆ. ಕೆಕೆಆರ್ ಮತ್ತು ಸಿಎಸ್ಕೆ ವಿರುದ್ಧ ಸೋಲು ಕಂಡಿರುವ ಆರ್ಸಿಬಿಯಲ್ಲಿ ವಿರಾಟ್ ಕೊಹ್ಲಿ ಉತ್ತಮ ಫಾರ್ಮ್ನಲ್ಲಿದ್ದಾರೆ. ಗ್ಲೇನ್ ಮ್ಯಾಕ್ಸ್ವೆಲ್ ಕೂಡಾ ಉತ್ತಮ ಆಟವಾಡುತ್ತಿದ್ದಾರೆ. ಎ ಬಿ ಡಿವಿಲಿಯರ್ಸ್ ಫಾರ್ಮ್ಗೆ ಬರಬೇಕಿದ್ದು, ಪಡಿಕ್ಕಲ್ ಕೂಡಾ ಉತ್ತಮ ಪ್ರದರ್ಶನ ತೋರಬೇಕಿದೆ.
ಬೌಲಿಂಗ್ ವಿಭಾಗದಲ್ಲಿ ಹರ್ಷಲ್ ಪಟೇಲ್ ಅದ್ಭುತವಾಗಿ ಆಡುತ್ತಿದ್ದು, ಯಜುವೇಂದ್ರ ಚಾಹಲ್ ಆಟದೊಂದಿಗೆ ಮೊಹಮ್ಮದ್ ಸಿರಾಜ್ ಇನ್ನೂ ಕೌಶಲ್ಯ ತೋರಬೇಕಿದೆ. ಇನ್ನು ಪಾಯಿಂಟ್ ಟೇಬಲ್ ವಿಚಾರಕ್ಕೆ ಬರುವುದಾದರೆ ಮೂರನೇ ಸ್ಥಾನದಲ್ಲಿ ಆರ್ಸಿಬಿ ಇದ್ದು, ಇಂದಿನ ಪಂದ್ಯ ಗೆದ್ದರೆ ಪ್ಲೆ ಆಫ್ ಖಚಿತಪಡಿಸಿಕೊಳ್ಳಲಿದೆ.
ಇದನ್ನೂ ಓದಿ: ವಿಶ್ವಕಪ್ಗೆ ತಿಂಗಳಿರುವಾಗ ಇಶಾನ್, ಸೂರ್ಯಕುಮಾರ್ ಕಳಪೆ ಫಾರ್ಮ್; ಟೀಂ ಇಂಡಿಯಾಗೆ ಅಯ್ಯರ್!
