ಗುಜರಾತ್​ ಟೈಟಾನ್ಸ್​ಗೆ ಬಲಿಷ್ಠ ಬ್ಯಾಟಿಂಗ್​ ಬಲ: ರಾಹುಲ್​ ತೆವಾಟಿಯಾಗೆ ಕಡಿಮೆ ಆಯಿತೇ ಅವಕಾಶ?

ಎಂಟನೇ ಕ್ರಮಾಂಕದ ವರೆಗೆ ಬ್ಯಾಟಿಂಗ್​ ಹೊಂದಿರುವ ಗುಜರಾತ್​ ಟೈಟಾನ್ಸ್​ ಬ್ಯಾಟಿಂಗ್​ನಲ್ಲಿ ಕೆಲ ಆಟಗಾರರನ್ನು ಮೇಲ್ಪಂಕ್ತಿಯಲ್ಲಿ ಇಳಿಸುವುದರಿಂದ ಇನ್ನಷ್ಟು ತಂಡ ಬಲಿಷ್ಠವಾಗುವ ಸಾಧ್ಯತೆ ಇದೆ.

ಅಹಮದಾಬಾದ್​: 2022ರ ಆವೃತ್ತಿಯ ಚಾಂಪಿಯನ್​ ತಂಡ ಗುಜರಾತ್​ ಟೈಟಾನ್ಸ್​ ಈ ಬಾರಿಯು ತಮ್ಮ ಉತ್ತಮ ಪ್ರದರ್ಶನ ಮುಂದುವರಿಸಿದೆ. ಆಡಿದ 7 ಪಂದ್ಯಗಳಲ್ಲಿ 2ನ್ನು ಮಾತ್ರ ಸೋತಿರುವ ತಂಡ 10 ಅಂಕದೊಂದಿಗೆ ಸದ್ಯಕ್ಕೆ ಅಂಕ ಪಟ್ಟಿಯ ಎರಡನೇ ಸ್ಥಾನದಲ್ಲಿದೆ. ಈ ಆವೃತ್ತಿಯಲ್ಲಿ ಗುಜರಾತ್​ ಹಾರ್ದಿಕ್​ ನಾಯಕತ್ವದಲ್ಲಿ ಆಲ್​ರೌಂಡರ್​ ಪದರ್ಶನ ನೀಡುತ್ತಾ ಬಂದಿದೆ.

ನಿನ್ನೆ ನಡೆದ ಪಂದ್ಯದಲ್ಲಿ ಗುಜರಾತ್​ ಟೈಟಾನ್ಸ್​ ಮತ್ತು ಮುಂಬೈ ಇಂಡಿಯನ್ಸ್​ ಅನ್ನು ಬಲಿಷ್ಠ ಬೌಲಿಂಗ್​ನಿಂದ ಕಟ್ಟಿಹಾಕಿ ಗೆದ್ದುಕೊಂಡಿತು. ಆರಂಭಿಕ ಜೊತೆಯಾಟ ತಂಡಕ್ಕೆ ಸಿಗದಿದ್ದರೂ ನಂತರದ ಬ್ಯಾಟರ್​ಗಳಿಂದ ತಂಡ ಯಶಸ್ಸು ಸಾಧಿಸುತ್ತಿದೆ. ಆರಂಭಿಕ ಆಟಗಾರ ಶುಭಮನ್​ ಗಿಲ್​ ಈ ಆವೃತ್ತಿಯಲ್ಲೂ ತಮ್ಮ ಫಾರ್ಮ್​ ಮುಂದುವರೆಸಿದ್ದಾರೆ. ಆದರೆ ಅವರಿಗೆ ವೃದ್ಧಿಮಾನ್​ ಸಹಾ ಸರಿಯಾದ ಸಾಥ್​ ನೀಡುವಲ್ಲಿ ಎಡವುತ್ತಿದ್ದಾರೆ.

ಆದರೆ ತಂಡಕ್ಕೆ ಯಾವುದೇ ಸಮಸ್ಯೆ ಇಲ್ಲದೇ ಬೃಹತ್​ ರನ್​ ಕಲೆಹಾಕುತ್ತಿದೆ. ಇದಕ್ಕೆ ಮುಖ್ಯ ಕಾರಣ ಮಧ್ಯಮ ಕ್ರಮಾಂಕದ ಬ್ಯಾಟರ್​ಗಳು ಸ್ಕೋರ್​ ಗಳಿಸುತ್ತಿರುವುದು. ನಿನ್ನೆಯ ಪಂದ್ಯದಲ್ಲಿ ಕೊನೆಯ ಐದು ಓವರ್​ನಲ್ಲಿ ತಂಡ ಬರೋಬ್ಬರಿ 77 ರನ್​ ಕಲೆಹಾಕುವ ಮೂಲಕ ಗುರಿಯನ್ನು 200ರ ಗಡಿ ದಾಟಿಸಿತು. ಕೊನೆಯಲ್ಲಿ ಬಂದ ತೆವಾಟಿಯ 5 ಬಾಲ್​ನಲ್ಲಿ 20 ರನ್​ ಗಳಿಸಿದ್ದು ತಂಡ ಬೃಹತ್​ ಟಾರ್ಗೆಟ್​ ನೀಡುವಲ್ಲಿ ಸಹಕಾರಿಯಾಯಿತು.

ಹಾರ್ದಿಕ್​ ಪಾಂಡ್ಯ ತಂಡದಲ್ಲಿ ಹೆಚ್ಚಿನ ಬೌಲರ್​ಗಳನ್ನು ಇಟ್ಟುಕೊಳ್ಳದೇ ಇದ್ದ ಬೌಲಿಂಗ್​ ಪಡೆಯನ್ನೇ ಉತ್ತಮವಾಗಿ ರೊಟೆಟ್​​ ಮಾಡಿ ಗೆಲುವು ಕಾಣುತ್ತಿದ್ದಾರೆ. ಪಾಂಡ್ಯ ಸಹ ಕೋಟಾದ ಸಂಪೂರ್ಣ ಓವರ್​ ನಿರ್ವಹಿಸದಿದ್ದರೂ, ಎರಡು ಮೂರು ಓವರ್​ಗಳನ್ನಷ್ಟೇ ಮಾಡುತ್ತಿದ್ದಾರೆ. ಮಿಕ್ಕಂತೆ ಶಮಿ ಮತ್ತು ಮೋಹಿತ್​ ಶರ್ಮಾ ಪ್ರಬಲವಾದ ಬೌಲಿಂಗ್​ ಮಾಡಿ ಎದುರಾಳಿಗಳನ್ನು ನಿಯಂತ್ರಿಸುತ್ತಿದ್ದಾರೆ.

7ನೇ ಬ್ಯಾಟರ್​ ಆಗಿ ಕಣಕ್ಕಿಳಿಯುತ್ತಿರುವ ತೆವಾಟಿಯ: ರಾಹುಲ್​ ತೆವಾಟಿಯ ಪಂದ್ಯಗಳಲ್ಲಿ ಏಳನೇ ಬ್ಯಾಟರ್​ ಆಗಿ ಬರುತ್ತಿದ್ದಾರೆ. ಅವರಿಗೆ ಮೇಲ್ಪಂಕ್ತಿಯಲ್ಲಿ ಸ್ಥಾನ ಸಿಕ್ಕಿದರೆ ತಂಡಕ್ಕೆ ಇನ್ನಷ್ಟೂ ರನ್​ ಗಳಿಸುವ ಸಾಧ್ಯತೆ ಇದೆ. ನಿನ್ನೆ ನಡೆದ ಪಂದ್ಯದಲ್ಲಿ ಕೊನೆ 19ನೇ ಓವರ್​ನಲ್ಲಿ ಕ್ರೀಸ್​ಗೆ ಬಂದ ತೆವಾಟಿಯ 5 ಬಾಲ್​ ಎದುರಿಸಿ 3 ಸಿಕ್ಸ್​​ನಿಂದ 20 ರನ್​ ಕಲೆಹಾಕಿದ್ದಾರೆ. ಈ ಆವೃತ್ತಿಯಲ್ಲಿ 7 ಪಂದ್ಯದಲ್ಲಿ 5 ಇನ್ನಿಂಗ್ಸ್​ ಆಡಿದ ರಾಹುಲ್​ 43ರನ್​ ಕಲೆಹಾಕಿದ್ದಾರೆ. ಅವರು ಏಳನೇ ಬ್ಯಾಟರ್​ ಆಗಿ ಕಣಕ್ಕಿಳಿಯುತ್ತಿರುವುದರಿಂದ ಇದುವರೆಗೆ ಕೇವಲ 24 ಬಾಲ್​ ಎದುರಿಸಿದ್ದು, ಅದರಲ್ಲಿ 43 ರನ್​ ಗಳಿಸಿದ್ದಾರೆ. ಹೆಚ್ಚಿನ ಅವಕಾಶ ಸಿಕ್ಕರೆ ಅವರಿಂದ ಇನ್ನಷ್ಟು ರನ್​ ಕೊಡುಗೆ ಸಾಧ್ಯತೆ ಇದೆ.

8ನೇ ಸ್ಥಾನದ ವರೆಗೆ ಬ್ಯಾಟಿಂಗ್​ ಗುಜರಾತ್​ ಬಲ: ಗುಜರಾತ್​ನಲ್ಲಿ ಆರಂಭಿಕರ ಜೊತೆಗೆ ​3ರಿಂದ 8ರ ವರೆಗೆ ಘಟಾನುಘಟಿ ಬ್ಯಾಟರ್​ಗಳಿದ್ದಾರೆ. ಆರಂಭಿಕ ಶುಭಮನ್​ ಗಿಲ್​ ನಂತರ, ನಾಯಕ ಹಾರ್ದಿಕ್, ಅಭಿನವ್, ವಿಜಯ್ ಶಂಕರ್, ಮಿಲ್ಲರ್, ತೆವಾಟಿಯಾ ಮತ್ತು ರಶೀದ್ ನಂ.3 ರಿಂದ 8 ವರೆಗೆ ಆಳವಾದ ಬ್ಯಾಟಿಂಗ್ ಮಾಡುವುದರಿಂದ ಟೈಟಾನ್ಸ್ ಈ ಜೋಡಿಗಳಲ್ಲಿ ಯಾವುದಾದರೂ ಒಂದು ಆದರೂ ತಂಡಕ್ಕೆ ಹೆಚ್ಚಿನ ರನ್​ ಹರಿದು ಬರುತ್ತದೆ.

ಇದನ್ನೂ ಓದಿ: ಗುಜರಾತ್​ ಆಲ್​​ರೌಂಡ್​ ಆಟಕ್ಕೆ ಮುಂಬೈ ಬೆಚ್ಚು: ಹಾರ್ದಿಕ್​ ಪಡೆಗೆ 55 ರನ್​ಗಳ ಭರ್ಜರಿ ಜಯ