ಆರ್​ಸಿಬಿ ಹಸಿರು ಅಭಿಯಾನ: ರಾಜಸ್ಥಾನ್ ರಾಯಲ್ಸ್​ ವಿರುದ್ಧ ಗ್ರೀನ್​ ಜರ್ಸಿ ಮ್ಯಾಚ್​

ಆರ್​ಸಿಬಿ ಏ.23 ರಂದು ರಾಜಸ್ಥಾನ ರಾಯಲ್ಸ್​ ವಿರುದ್ಧ ಗೋ ಗ್ರೀನ್ ಅಭಿಯಾನದ ಪ್ರಯುಕ್ತ ಹಸಿರು ಜರ್ಸಿಯಲ್ಲಿ ಕಣಕ್ಕಿಳಿಯಲಿದೆ.

ಬೆಂಗಳೂರು: ಆರ್​ಸಿಬಿ ತಂಡ ಪ್ರತಿ ವರ್ಷ ಹಸಿರು ಉಳಿಸಿ ಎಂಬ ಅಭಿಯಾನದಡಿಯಲ್ಲಿ ಒಂದು ಪಂದ್ಯವನ್ನು ಹಸಿರು ಜರ್ಸಿ ತೊಟ್ಟು ಆಡುತ್ತದೆ. ಜೂನ್​ ಸಮಯದಲ್ಲಿ ಐಪಿಎಲ್ ನಡೆದಾಗ ಪರಿಸರ ಸಂರಕ್ಷಣೆಯ ಮಹತ್ವ ಸಾರಲು ಹಸಿರು ದಿರಿಸಿನಲ್ಲಿ ಆಡುವುದು ವಾಡಿಕೆ. ಈ ಕುರಿತು ಟ್ವೀಟ್‌ ಮಾಡಿರುವ ಆರ್‌ಸಿಬಿ, ಆಟಗಾರರು ನೂತನ ಹಸಿರು ಜರ್ಸಿಯಲ್ಲಿರುವ ಫೋಟೋ ಹಂಚಿಕೊಂಡಿದೆ.

ಆರ್​ಸಿಬಿ ಏಪ್ರಿಲ್​ 23 ರಂದು ರಾಜಸ್ಥಾನ ರಾಯಲ್ಸ್​ ವಿರುದ್ಧ ಹಸಿರುಡುಗೆ ತೊಟ್ಟು ಕಣಕ್ಕಿಳಿಯಲಿದೆ. ಪಿಂಕ್​ ಪಡೆಯೆದುರು ಆರ್​ಸಿಬಿ ಇನ್​ ಗ್ರೀನ್​ನಲ್ಲಿ ಎದುರಿಸಲಿದೆ. ನಾಯಕ ಫಾಫ್ ಡು ಪ್ಲೆಸಿಸ್, ಬ್ಯಾಟರ್ ವಿರಾಟ್ ಕೊಹ್ಲಿ, ಆಲ್-ರೌಂಡರ್ ಗ್ಲೆನ್ ಮ್ಯಾಕ್ಸ್‌ವೆಲ್ ಮತ್ತು ಕೀಪರ್-ಬ್ಯಾಟರ್ ದಿನೇಶ್ ಕಾರ್ತಿಕ್ ಹಸಿರು ಜರ್ಸಿಯಲ್ಲಿರುವ ಫೋಟೋ ನೋಡಬಹುದು.

• Lookin’ fresh and oh so clean,
  For the right cause, we wear GREEN! 👊🟢
  
  How cool are the #RCBxPuma kits for the Go Green game, 12th Man Army? 🤩#PlayBold #ನಮ್ಮRCB #IPL2023 #GoGreen @pumacricket pic.twitter.com/uRRurfqMWk

  — Royal Challengers Bangalore (@RCBTweets) April 13, 2023 " class="align-text-top noRightClick twitterSection" data="

  Lookin’ fresh and oh so clean,
  For the right cause, we wear GREEN! 👊🟢
  
  How cool are the #RCBxPuma kits for the Go Green game, 12th Man Army? 🤩#PlayBold #ನಮ್ಮRCB #IPL2023 #GoGreen @pumacricket pic.twitter.com/uRRurfqMWk

  — Royal Challengers Bangalore (@RCBTweets) April 13, 2023

  ">

  Lookin’ fresh and oh so clean,
  For the right cause, we wear GREEN! 👊🟢
  
  How cool are the #RCBxPuma kits for the Go Green game, 12th Man Army? 🤩#PlayBold #ನಮ್ಮRCB #IPL2023 #GoGreen @pumacricket pic.twitter.com/uRRurfqMWk

  — Royal Challengers Bangalore (@RCBTweets) April 13, 2023

ನಿಮಗೂ ಗ್ರೀಸ್​ ಜರ್ಸಿ ಲಭ್ಯ: "ಗ್ರೀನ್ ಗೇಮ್ ಅನ್ನು ಏಪ್ರಿಲ್ 23 ರಂದು ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ರಾಜಸ್ಥಾನ್ ರಾಯಲ್ಸ್ ವಿರುದ್ಧ ಆಡಲಾಗುತ್ತದೆ. ನಮ್ಮ ವಿಶೇಷ ಹಸಿರು ಜೆರ್ಸಿಗಳು 100% ಮರುಬಳಕೆಯ ವಸ್ತುಗಳಿಂದ ಮಾಡಲ್ಪಟ್ಟಿವೆ. ನೀವು ಈಗ ಆರ್​ಸಿಬಿ ವೆಬ್‌ಸೈಟ್ ಮತ್ತು ಅಪ್ಲಿಕೇಶನ್‌ನಲ್ಲಿ ಈ ಜರ್ಸಿಯನ್ನು ಖರೀದಿಸಬಹುದು" ಎಂದು ಟ್ವಿಟರ್​ನಲ್ಲಿ ಬರೆದುಕೊಂಡಿದೆ.

2011 ರಿಂದ ಆರ್​ಸಿಬಿ ಹಸಿರು ಜರ್ಸಿಯಲ್ಲಿ ಆಡುವ ಮೂಲಕ ಗೋ ಗ್ರೀನ್ ಅಭಿಯಾನವನ್ನು ಆರಂಭಿಸಿತ್ತು. 2021ರಲ್ಲಿ ಆಕಾಶ ನೀಲಿ ಬಣ್ಣದ ವಸ್ತ್ರದಲ್ಲಿ ಮೈದಾನಕ್ಕಿಳಿಯುವ ಮೂಲಕ ಕೋವಿಡ್​ ಸಂದರ್ಭದಲ್ಲಿ ಮುಂಚೂಣಿಯಲ್ಲಿ ಕೆಲಸ ನಿರ್ವಹಿಸಿದ 'ಕೋವಿಡ್​ ವಾರಿಯರ್ಸ್'ಗೆ ಧನ್ಯವಾದ ಸಮರ್ಪಿಸಿತ್ತು.

ಗ್ರೀನ್​ ಜರ್ಸಿಯಲ್ಲಿ ಸೋಲು ಭೀತಿ: ಆರ್​ಸಿಬಿ ಇದುವರೆಗೆ 12 ಐಪಿಎಲ್​ ಪಂದ್ಯಗಳನ್ನು ಹಸಿರು ಜೆರ್ಸಿಯಲ್ಲಿ ಆಡಿದೆ. ಈ ಜರ್ಸಿಯಲ್ಲಿ ಆಡಿದ ಹೆಚ್ಚು ಪಂದ್ಯಗಳಲ್ಲಿ ಸೋಲನುಭವಿಸಿದೆ. 12 ರಲ್ಲಿ 8 ಪಂದ್ಯ ಸೋತಿದ್ದು, ಕೇವಲ ಮೂರು ಬಾರಿ ಗೆದ್ದಿದೆ. ಕಳೆದ ವರ್ಷದ ಐಪಿಎಲ್‌ನಲ್ಲಿ ಹಸಿರು ಜೆರ್ಸಿ ತೊಟ್ಟು ಆರ್​ಆರ್​ ವಿರುದ್ಧವೇ ಆಡಿತ್ತು. ಅಂದು 19 ರನ್‌ಗಳಿಂದ ಪರಾಜಯವಾಗಿತ್ತು.

2019ರಲ್ಲಿ ಕೋವಿಡ್​ ಬಂದ ಕಾರಣ ಐಪಿಎಲ್​ ಪಂದ್ಯಗಳನ್ನು ಹೊರದೇಶದಲ್ಲಿ ಆಯೋಜಿಸಲಾಗಿತ್ತು. ಅಭಿಮಾನಿಗಳಿಲ್ಲದೇ ಮ್ಯಾಚ್​ಗಳು ನಡೆಯುತ್ತಿದ್ದವು. ಮೂರು ವರ್ಷದ ನಂತರ ಅಭಿಮಾನಿಗಳಿಂದ ತುಂಬಿದ ಸ್ಟೇಡಿಯಂನಲ್ಲಿ ಪಂದ್ಯಗಳು ನಡೆಯುತ್ತಿವೆ.

ಈ ಆವೃತ್ತಿಯಲ್ಲಿ ಆರ್​ಸಿಬಿ..: ಈ ವರ್ಷ ಆರ್​ಸಿಬಿ ಮೊದಲ ಪಂದ್ಯದಲ್ಲಿ ಉತ್ತಮ ಗೆಲುವಿನಿಂದ ಲೀಗ್​ ಆರಂಭಿಸಿತ್ತು. ತವರಿನಲ್ಲಿ ಮುಂಬೈ ಇಂಡಿಯನ್ಸ್​ ವಿರುದ್ಧ 8 ವಿಕೆಟ್​ಗಳ ಜಯ ಸಾಧಿಸಿತ್ತು. ನಂತರದ ಕೋಲ್ಕತ್ತಾ ನೈಟ್​ ರೈಡರ್ಸ್​ ಮತ್ತು ಲಕ್ನೋ ಸೂಪರ್​ ಜೈಂಟ್ಸ್​ ವಿರುದ್ಧ ಸೋಲನುಭವಿಸಿದೆ. ನಾಳೆ ಚಿನನ ಸ್ವಾಮಿ ಕ್ರೀಡಾಂಗಣದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್​ ವಿರುದ್ಧ ಆಡಲಿದೆ.

ಏಪ್ರಿಲ್​ 17 ರಂದು ಚೆನ್ನೈ ವಿರುದ್ಧ ಚಿನ್ನಸ್ವಾಮಿಯಲ್ಲಿ​ ಮತ್ತು ಏಪ್ರಿಲ್​ 20ರಂದು ಪಂಜಾಬ್​ ಕಿಂಗ್ಸ್​ ವಿರುದ್ಧ ಮೊಹಾಲಿಯಲ್ಲಿ ಆಡಲಿದೆ. ಏ.23 ರಂದು ರಾಜಸ್ಥಾನ ರಾಯಲ್ಸ್​ ಅನ್ನು ಬೆಂಗಳೂರಿನಲ್ಲಿ ರಾಯಲ್​ ಚಾಲೆಂಜರ್ಸ್ ಎದುರಿಸಲಿದ್ದಾರೆ.

ಇದನ್ನೂ ಓದಿ: ಜೂ.ಪಾಂಟಿಂಗ್​ ಬ್ಯಾಟಿಂಗ್​: ಡೆಲ್ಲಿಯ ಮುಂದಿನ ಆಟಗಾರ ಎಂದ ಪಂತ್​