ಚೆನ್ನೈ: ಶಹ್ಬಾಜ್ ಅಹ್ಮದ್ ಬೌಲಿಂಗ್ಗೆ ತತ್ತರಿಸಿದ ಸನ್ರೈಸರ್ಸ್ ಹೈದರಾಬಾದ್ ತಂಡ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧ 6 ರನ್ಗಳ ಸೋಲು ಕಂಡಿದೆ.
ಆರ್ಸಿಬಿ ಇನ್ನಿಂಗ್ಸ್...
ಚೆನ್ನೈನ ಎಂಎ ಚಿದಂಬರಂ ಸ್ಟೇಡಿಯಂನಲ್ಲಿ ನಡೆದ 6ನೇ ಪಂದ್ಯದಲ್ಲಿ ಟಾಸ್ ಗೆದ್ದ ಹೈದರಾಬಾದ್ ತಂಡ ಬೌಲಿಂಗ್ ಆಯ್ಕೆ ಮಾಡಿಕೊಂಡಿದ್ದಲ್ಲದೆ ಆರಂಭದಲ್ಲೇ ಪಡಿಕ್ಕಲ್(11) ವಿಕೆಟ್ ಪಡೆಯಲು ಯಶಸ್ವಿಯಾಯಿತು. ನಂತರ 3ನೇ ಕ್ರಮಾಂಕಕ್ಕೆ ಬಡ್ತಿ ಪಡೆದು ಬಂದ ಶಹ್ಬಾಜ್ ಅಹ್ಮದ್ 10 ಎಸೆತಗಳಲ್ಲಿ 14 ರನ್ಗಳಿಸಿ ನದೀಮ್ಗೆ ವಿಕೆಟ್ ಒಪ್ಪಿಸಿದರು. ನಂತರ 3ನೇ ವಿಕೆಟ್ಗೆ ಒಂದಾದ ಕೊಹ್ಲಿ ಮತ್ತು ಮ್ಯಾಕ್ಸ್ವೆಲ್ 44 ರನ್ ಜೊತೆಯಾಟ ನೀಡಿ ಚೇತರಿಕೆ ನೀಡಿದರು.
ಆದರೆ, ಈ ಹಂತದಲ್ಲಿ ಕಣಕ್ಕಿಳಿದ ಹೋಲ್ಡರ್, 29 ಎಸೆತಗಳಲ್ಲಿ 33 ರನ್ಗಳಿಸಿದ್ದ ಆರ್ಸಿಬಿ ನಾಯಕ ವಿರಾಟ್ ಕೊಹ್ಲಿ ವಿಕೆಟ್ ಪಡೆದು ಆರ್ಸಿಬಿಗೆ ಮರ್ಮಾಘಾತ ನೀಡಿದರು. ನಂತರದ ಓವರ್ನಲ್ಲೇ ವಿಲಿಯರ್ಸ್ ಅವರನ್ನು 1 ರನ್ಗೆ ಔಟ್ ಮಾಡುವ ಮೂಲಕ ರಶೀದ್ ಖಾನ್ ಆರ್ಸಿಬಿಯ ಬೃಹತ್ ಮೊತ್ತದ ಕನಸು ನುಚ್ಚುನೂರು ಮಾಡಿದರು.
-
Yet another sensational finish at The Chepauk as #RCB beat #SRH by 6 runs.
— IndianPremierLeague (@IPL) April 14, 2021 " class="align-text-top noRightClick twitterSection" data="
Scorecard - https://t.co/apVryOzIWv #SRHvRCB #VIVOIPL pic.twitter.com/G3cVkk4GJr
">Yet another sensational finish at The Chepauk as #RCB beat #SRH by 6 runs.
— IndianPremierLeague (@IPL) April 14, 2021
Scorecard - https://t.co/apVryOzIWv #SRHvRCB #VIVOIPL pic.twitter.com/G3cVkk4GJrYet another sensational finish at The Chepauk as #RCB beat #SRH by 6 runs.
— IndianPremierLeague (@IPL) April 14, 2021
Scorecard - https://t.co/apVryOzIWv #SRHvRCB #VIVOIPL pic.twitter.com/G3cVkk4GJr
ವಿಲಿಯರ್ಸ್ ವಿಕೆಟ್ ನಂತರ ಆರ್ಸಿಬಿ ನಿರಂತರವಾಗಿ ವಿಕೆಟ್ ಕಳೆದುಕೊಂಡಿತು. ಆಲ್ರೌಂಡರ್ ವಾಷಿಂಗ್ಟನ್ ಸುಂದರ್ 8, ಡೇನಿಯಲ್ ಕ್ರಿಸ್ಚಿಯನ್ 1, ಕೈಲ್ ಜೇಮಿಸನ್ 12 ರನ್ಗಳಿಸಿ ಔಟಾದರು. ಏಕಾಂಗಿಯಾಗಿ ಹೋರಾಡಿದ ಗ್ಲೇನ್ ಮ್ಯಾಕ್ಸ್ವೆಲ್ 41 ಎಸೆತಗಳಲ್ಲಿ 3 ಸಿಕ್ಸರ್ ಮತ್ತು 5 ಬೌಂಡರಿ ಸೇರಿದಂತೆ 59 ರನ್ಗಳಿಸಿ ಕೊನೆಯ ಎಸೆತದಲ್ಲಿ ಔಟಾದರು. ಒಟ್ಟಾರೆ, 20 ಓವರ್ಗಳಲ್ಲಿ 8 ವಿಕೆಟ್ ಕೆಳದುಕೊಂಡ ಬೆಂಗಳೂರು 150 ಗಡಿ ದಾಟಲು ವಿಫಲವಾಯಿತು.
ಸನ್ರೈಸರ್ಸ್ ಹೈದರಾಬಾದ್ ಪರ ಜೇಸನ್ ಹೋಲ್ಡರ್ 30ಕ್ಕೆ 3, ರಶೀದ್ ಖಾನ್ 18ಕ್ಕೆ 2ಮ ನದೀಮ್ 36ಕ್ಕೆ 1, ಭುವನೇಶ್ವರ್ ಕುಮಾರ್ 30ಕ್ಕೆ1 ಮತ್ತು ನಟರಾಜನ್ 32ಕ್ಕೆ 1 ವಿಕೆಟ್ ಪಡೆದು ಆರ್ಸಿಬಿಯನ್ನು 149ಕ್ಕೆ ಕಟ್ಟಿ ಹಾಕಿದರು.
ಸನ್ರೈಸರ್ಸ್ ಹೈದರಾಬಾದ್ ಇನ್ನಿಂಗ್ಸ್...
ಆರ್ಸಿಬಿ ನಿಡಿದ ಟಾರ್ಗೇಟ್ನ್ನು ಬೆನ್ನತ್ತಿದ್ದ ಹೈದರಾಬಾದ್ ತಂಡಕ್ಕೆ ಆರ್ಸಿಬಿ ಆರಂಭಿಕ ಆಘಾತ ನೀಡಿತ್ತು. ವೃದ್ಧಿಮಾನ್ ಸಹಾ 1 ರನ್ ಗಳಿಸಿ ಸಿರಾಜ್ಗೆ ವಿಕೆಟ್ವೊಪ್ಪಿಸಿ ಪೆವಿಲಿಯನ್ ಹಾದಿ ಹಿಡಿದರು. ಬಳಿಕ ಬಂದ ಕನ್ನಡಿಗ ಮನೀಷ್ ಪಾಂಡೆ ಕ್ಯಾಪ್ಟನ್ ಡೇವಿಡ್ ವಾರ್ನರ್ ಜೊತೆಗೂಡಿ ತಂಡದ ಮೊತ್ತ ಹೆಚ್ಚಿಸುವಲ್ಲಿ ಸಫಲರಾದರು. ಈ ಆಟಗಾರರಿಬ್ಬರು ಸೇರಿ ತಂಡಕ್ಕೆ 83 ರನ್ಗಳ ಕಾಣಿಕೆ ನೀಡಿದರು. ಏಳು ಬೌಂಡರಿ, ಒಂದು ಸಿಕ್ಸ್ ನೆರವಿನಿಂದ 57 ರನ್ಗಳನ್ನು ಗಳಿಸಿದ್ದ ನಾಯಕ ಡೆವಿಡ್ ವಾರ್ನರ್ ಕೈಲ್ ಜೇಮಿಸನ್ ಬೌಲಿಂಗ್ಗೆ ಔಟಾದರು.
ಶಹ್ಬಾಜ್ ಅಹ್ಮದ್ ಕಮಾಲ್...
ವಾರ್ನರ್ ಔಟಾದ ಬಳಿಕ ಬಂದ ಜಾನಿ ಬೈರ್ಸ್ಟೋವ್ ಹೆಚ್ಚು ಹೊತ್ತು ಕ್ರೀಸ್ನಲ್ಲಿ ಉಳಿಯದೇ 12 ರನ್ಗಳನ್ನು ಕಲೆ ಹಾಕಿ ಶಹ್ಬಾಜ್ಗೆ ವಿಕೆಟ್ ನೀಡಿದರು. ಜಾನಿ ಬೈರ್ಸ್ಟೋವ್ ಬಳಿಕ 2 ಸಿಕ್ಸರ್ ಮತ್ತು 2 ಬೌಂಡರಿ ನೆರವಿನಿಂದ 39 ಎಸೆತಕ್ಕೆ 38 ರನ್ಗಳನ್ನು ಗಳಿಸಿದ್ದ ಮನೀಷ್ ಪಾಂಡೆ ಶಹ್ಬಾಜ್ ಬೌಲಿಂಗ್ನಲ್ಲಿ ಔಟಾದರು. ಕಳೆದ ಪಂದ್ಯದಲ್ಲಿ ಮಿಂಚಿದ ಅಬ್ದುಲ್ ಸಮದ್ ಸಹ ಶಹ್ಬಾಜ್ ಬೌಲಿಂಗ್ನಲ್ಲಿ ಶೂನ್ಯಕ್ಕೆ ಔಟಾಗಿ ಪೆವಿಲಿಯನ್ ಹಾದಿ ಹಿಡಿದರು. ಒಂದೇ ಓವರ್ನಲ್ಲಿ ಮೂರು ವಿಕೆಟ್ಗಳನ್ನು ಪಡೆದು ಶಹ್ಬಾಜ್ ಅಹ್ಮದ್ ಮಿಂಚಿದಲ್ಲದೇ ತಂಡವನ್ನು ಗೆಲುವಿನ ದಡ ಸೇರಿಸುವಲ್ಲಿ ಪ್ರಮುಖರಾದರು.
ಇನ್ನು ಅಬ್ದಲ್ ಸಮದ್ ಔಟಾದ ಬಳಿಕ ಬಂದ ಬ್ಯಾಟ್ಸ್ಮನ್ಗಳು ಹೆಚ್ಚು ಹೊತ್ತು ಕ್ರೀಸ್ನಲ್ಲಿ ನಿಲ್ಲದೇ ಒಬ್ಬರ ಹಿಂದೆ ಒಬ್ಬರು ಪೆವಿಲಿಯನ್ ಹಾದಿ ಹಿಡಿದರು. ನಿಗದಿತ 20 ಓವರ್ಗಳಲ್ಲಿ 9 ವಿಕೆಟ್ಗಳನ್ನು ಕಳೆದುಕೊಂಡ ಹೈದರಾಬಾದ್ ತಂಡ ಕೇವಲ 143 ರನ್ಗಳನ್ನು ಗಳಿಸಲಷ್ಟೇ ಶಕ್ತವಾಯಿತು. ಈ ಮೂಲಕ ಹೈದರಾಬಾದ್ ತಂಡ ಆರ್ಸಿಬಿ ವಿರುದ್ಧ 6 ರನ್ಗಳ ಸೋಲುಂಡಿತು.
ಆರ್ಸಿಬಿ ತಂಡದ ಪರ ಶಹ್ಬಾಜ್ ಅಹ್ಮದ್ ಮೂರು ವಿಕೆಟ್ಗಳನ್ನು ಪಡೆದು ಮಿಂಚಿದ್ರೆ, ಮೊಹಮ್ಮದ್ ಸಿರಾಜ್ ಮತ್ತು ಹರ್ಷಲ್ ಪಟೇಲ್ ತಲಾ ಎರಡು ವಿಕೆಟ್ ಪಡೆದರು. ಇನ್ನು ಕೈಲ್ ಜೇಮಿಸನ್ ಒಂದು ವಿಕೆಟ್ ಪಡೆದು ತಂಡಕ್ಕೆ ಆಸರೆಯಾದರು.
ಸತತ ಎರಡು ಪಂದ್ಯಗಳನ್ನು ಗೆದ್ದಿರುವ ಆರ್ಸಿಬಿ ತಂಡ ಪಾಯಿಂಟ್ ಟೇಬಲ್ನಲ್ಲಿ ಅಗ್ರಸ್ಥಾನ ಪಟ್ಟವೇರಿದೆ. ಗುರುವಾರ ಸಂಜೆ 7.30ಕ್ಕೆ ಮುಂಬೈನಲ್ಲಿ ರಾಜಸ್ಥಾನ ವಿರುದ್ಧ ಡೆಲ್ಲಿ ಕಾದಾಟ ನಡೆಸಲಿದೆ.
