ಮುಂಬೈ: ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಟ್ರಂಪ್ ಕಾರ್ಡ್ ಬೌಲರ್ ಹರ್ಷಲ್ ಪಟೇಲ್ ನಿನ್ನೆ ನಡೆದ ರಾಜಸ್ಥಾನ ತಂಡದ ವಿರುದ್ಧದ ಪಂದ್ಯದಲ್ಲಿ ಮೂರು ವಿಕೆಟ್ ಪಡೆದು ಮೊದಲ ಸ್ಥಾನ ಉಳಿಸಿಕೊಂಡಿದ್ದಲ್ಲದೇ ಪರ್ಪಲ್ ಕ್ಯಾಪ್ ಸಹ ಹರ್ಷಲ್ ಬಳಿ ಉಳಿದಿದೆ.
ನಿನ್ನೆಯ ಪಂದ್ಯದಲ್ಲಿ ಹರ್ಷಲ್ ತುಸು ದುಬಾರಿ ಬೌಲರ್ ಎನಿಸಿದರೂ ಮೂರು ಪ್ರಮುಖ ವಿಕೆಟ್ ಪಡೆಯುವಲ್ಲಿ ಯಶಸ್ವಿಯಾಗಿದ್ದರು. 4 ಓವರ್ ಬೌಲಿಂಗ್ ಮಾಡಿದ್ದ ಹರ್ಷಲ್ 47 ರನ್ ನೀಡಿ 3 ವಿಕೆಟ್ ಕಬಳಿಸಿದ್ದು, ಇದೀಗ ಟೂರ್ನಿಯಲ್ಲಿ ಒಟ್ಟು 12 ವಿಕೆಟ್ ಪಡೆದಿರುವ ಹರ್ಷಲ್ ಪರ್ಪಲ್ ಕ್ಯಾಪ್ ತಮ್ಮಲ್ಲೇ ಉಳಿಸಿಕೊಂಡಿದ್ದಾರೆ.
ಇತ್ತ ಹರ್ಷಲ್ಗೆ ಟಫ್ ಕಾಂಪಿಟೇಟರ್ ಆಗಿ ಚೆನ್ನೈ ಸೂಪರ್ ಕಿಂಗ್ಸ್ನ ದೀಪಕ್ ಚಾಹರ್ 2ನೇ ಸ್ಥಾನಪಡೆದಿದ್ದು, ಒಟ್ಟು 4 ಪಂದ್ಯದಲ್ಲಿ 8 ವಿಕೆಟ್ ಪಡೆದಿದ್ದಾರೆ. ಇವರ ನಂತರದ ಸ್ಥಾನದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ನ ಅವೇಶ್ ಖಾನ್ 8 ವಿಕೆಟ್ ಪಡೆದು ಸ್ಪರ್ಧೆಯಲ್ಲಿದ್ದರೆ, 8 ವಿಕೆಟ್ ಪಡೆದ ಮುಂಬೈನ ರಾಹುಲ್ ಚಾಹರ್ 4ನೇ ಸ್ಥಾನದಲ್ಲಿದ್ದಾರೆ.
