ಕೊಹ್ಲಿ ಜೊತೆ ಸ್ಟಾರ್​ ಆಟಗಾರನ ಫೋಟೋ ಶೇರ್​ ಮಾಡಿದ ಆರ್​ಸಿಬಿ: ಇವರೇನಾ ಕ್ಯಾಪ್ಟನ್?

14 ಆವೃತ್ತಿಗಳಲ್ಲಿ ಮೂರು ಬಾರಿ ಫೈನಲ್ ತಲುಪಿರುವ ಆರ್​ಸಿಬಿಗೆ ಇನ್ನೂ ಕೂಡಾ ಚಾಂಪಿಯನ್ ಪಟ್ಟ ಮರೀಚಿಕೆಯಾಗಿಯೇ ಉಳಿದಿದೆ. ವಿರಾಟ್​ 2021ರಲ್ಲಿ ನಾಯಕತ್ವ ತ್ಯಜಿಸಿರುವುದರಿಂದ ಮೆಗಾ ಹರಾಜಿನಲ್ಲಿ ಕೆಲವು ಸ್ಟಾರ್ ಆಟಗಾರರನ್ನು ಖರೀದಿಸಿರುವ ಬೆಂಗಳೂರು ಫ್ರಾಂಚೈಸಿ ಇದೀಗ ಹೊಸ ಆಟಗಾರರಿಗೆ ನಾಯಕತ್ವ ನೀಡುವುದಕ್ಕೆ ಮುಂದಾಗಿದೆ.

ಹೈದರಾಬಾದ್​(ಡೆಸ್ಕ್​): 2022ರ ಬಹುನಿರೀಕ್ಷಿತ ಇಂಡಿಯನ್​ ಪ್ರೀಮಿಯರ್ ಲೀಗ್​ನಲ್ಲಿ ಹೊಸ ಆರಂಭವನ್ನು ಕಾಣಲು ಎದುರು ನೋಡುತ್ತಿರುವ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಫ್ರಾಂಚೈಸಿ ಹೊಸ ನಾಯಕನನ್ನು ಹುಡುಕುತ್ತಿದೆ.

14 ಆವೃತ್ತಿಗಳಲ್ಲಿ ಮೂರು ಬಾರಿ ಫೈನಲ್ ತಲುಪಿರುವ ಆರ್​ಸಿಬಿಗೆ ಚಾಂಪಿಯನ್ ಪಟ್ಟ ಮರೀಚಿಕೆಯಾಗಿಯೇ ಉಳಿದಿದೆ. ವಿರಾಟ್​ ಕೊಹ್ಲಿ 2021ರಲ್ಲಿ ನಾಯಕತ್ವ ತ್ಯಜಿಸಿರುವುದರಿಂದ ಮೆಗಾ ಹರಾಜಿನಲ್ಲಿ ಕೆಲವು ಸ್ಟಾರ್ ಆಟಗಾರರನ್ನು ಖರೀದಿಸಿರುವ ಬೆಂಗಳೂರು ಫ್ರಾಂಚೈಸಿ ಇದೀಗ ಹೊಸ ಆಟಗಾರರಿಗೆ ನಾಯಕತ್ವ ನೀಡುವುದಕ್ಕೆ ಮುಂದಾಗಿದೆ.

ಈ ಮೆಗಾ ಹರಾಜಿನಲ್ಲಿ ಆರ್​ಸಿಬಿ ದಕ್ಷಿಣ ಆಫ್ರಿಕಾದ ಸ್ಟಾರ್ ಬ್ಯಾಟರ್​ ಫಾಫ್​ ಡು ಪ್ಲೆಸಿಸ್​ ಅವರನ್ನು 7 ಕೋಟಿ ರೂಗಳಿಗೆ ಖರೀದಿಸಿದೆ. ಅನುಭವಿ ಬ್ಯಾಟರ್​ ಆಗಿರುವ ಡುಪ್ಲೆಸಿಸ್​ರನ್ನು ಸಿಎಸ್​ಕೆ ಖರೀದಿಸಲು ಬಯಸಿತ್ತಾದರೂ, ಆರ್​ಸಿಬಿ ಭಾರಿ ಪೈಪೋಟಿ ನೀಡಿ ತನ್ನ ತೆಕ್ಕೆಗೆ ಹಾಕಿಕೊಂಡಿತ್ತು. ಹಾಗಾಗಿ ನಾಯಕತ್ವದ ಹುಡುಕಾಟದಲ್ಲಿರುವ ಫ್ರಾಂಚೈಸಿ ನಾಯಕನಾಗಿ ಅಪಾರ ಅನುಭವ ಹೊಂದಿರುವ ಪ್ಲೆಸಿಸ್​ರನ್ನು ಪ್ರಬಲ ಪೈಪೋಟಿಯ ಹೊರತಾಗಿಯೂ ಖರೀದಿಸಿದ್ದರಿಂದ ಕೆಲವು ಕ್ರಿಕೆಟ್ ಪಂಡಿತರು ನಾಯಕನ ಸ್ಥಾನಕ್ಕಾಗಿ ಆವರ ಆಯ್ಕೆ ಇರಬಹುದು ಎಂದು ಅಭಿಪ್ರಾಯಪಟ್ಟಿದ್ದರು. ಇದೀಗ ಅದಕ್ಕೆ ಪುಷ್ಠಿ ನೀಡುವ ಫೋಟೋವನ್ನು ಶೇರ್​ ಮಾಡಕೊಂಡಿರುವುದರಿಂದ ಕ್ರಿಕೆಟ್ ತಜ್ಞರ ಅಭಿಪ್ರಾಯ ನಿಜವಾಗಬಹುದೇ ಎನ್ನಲಾಗುತ್ತಿದೆ.

• Just a picture from the future. 😉
  
  Excited to see these✌🏻stars in a partnership, 12th Man Army? 🤜🏻🤛🏻#PlayBold #WeAreChallengers #IPL2022 pic.twitter.com/NB7NpogCWE

  — Royal Challengers Bangalore (@RCBTweets) March 2, 2022 " class="align-text-top noRightClick twitterSection" data="

  Just a picture from the future. 😉
  
  Excited to see these✌🏻stars in a partnership, 12th Man Army? 🤜🏻🤛🏻#PlayBold #WeAreChallengers #IPL2022 pic.twitter.com/NB7NpogCWE

  — Royal Challengers Bangalore (@RCBTweets) March 2, 2022

  ">

  Just a picture from the future. 😉
  
  Excited to see these✌🏻stars in a partnership, 12th Man Army? 🤜🏻🤛🏻#PlayBold #WeAreChallengers #IPL2022 pic.twitter.com/NB7NpogCWE

  — Royal Challengers Bangalore (@RCBTweets) March 2, 2022

"ಇದು ಭವಿಷ್ಯದ ಒಂದು ಚಿತ್ರ. ಈ ಇಬ್ಬರು ಸ್ಟಾರ್​ಗಳ ಜೊತೆಯಾಟವನ್ನು ನೋಡಲು ಉತ್ಸುಕರಾಗಿದ್ದೇವೆ. ನೀವು ಕೂಡ ಉತ್ಸಾಹದಿಂದ ಇದ್ದೀರಾ?" ಎಂದು ಅಭಿಮಾನಿಗಳಿಗೆ ಟ್ವೀಟ್‌ ಪ್ರಶ್ನೆ ಮಾಡಿದೆ.

​​ವಿರಾಟ್​ ಕೊಹ್ಲಿ 2021ರ ಆವೃತ್ತಿ ಮುಗಿಯುತ್ತಿದ್ದಂತೆ ಆರ್​ಸಿಬಿ ನಾಯಕತ್ವದಿಂದ ಕೆಳಗಿಳಿದಿದ್ದರು. ಅಂದಿನಿಂದಲೂ ಕ್ರಿಕೆಟ್​ ವಲಯದಲ್ಲಿ ಬೆಂಗಳೂರು ಪ್ರಾಂಚೈಸಿಯನ್ನು ಮುನ್ನಡೆಸುವುದಕ್ಕೆ ಯಾರು ಸೂಕ್ತ ಎನ್ನುವ ಚರ್ಚೆ ಸಾಗುತ್ತಲೇ ಇದೆ.

ತಂಡದಲ್ಲಿ ಫಾಫ್ ಡು ಪ್ಲೆಸಿಸ್​ ಅಲ್ಲದೇ, ಆಲ್​ರೌಂಡರ್​ ಗ್ಲೆನ್ ಮ್ಯಾಕ್ಸ್​ವೆಲ್ ಮತ್ತು ದಿನೇಶ್​ ಕಾರ್ತಿಕ್ ಅವರ ಹೆಸರುಗಳು ಆರ್​ಸಿಬಿ ನಾಯಕತ್ವದ ಚರ್ಚೆಯಲ್ಲಿ ಬಳಕೆಯಾಗುತ್ತಿದೆ. ಆದರೆ ಗ್ಲೇನ್​ ಮ್ಯಾಕ್ಸ್​ವೆಲ್​ ವಿವಾಹವಾಗುತ್ತಿದ್ದು ಸೀಸನ್​ ಆರಂಭಕ್ಕೆ ಅಲಭ್ಯರಾಗಲಿದ್ದಾರೆ. ಹಾಗಾಗಿ ಫ್ರಾಂಚೈಸಿ ಪ್ಲೆಸಿಸ್​ ಅಥವಾ ದಿನೇಶ್ ಕಾರ್ತಿಕ್​ ಇಬ್ಬರಲ್ಲಿ ಒಬ್ಬರನ್ನು ಆಯ್ಕೆ ಮಾಡುವ ಸಾಧ್ಯತೆಯಿದೆ ಎನ್ನಲಾಗುತ್ತಿತ್ತು, ಇದೀಗ ಆರ್​ಸಿಬಿ ಫೋಟೋವೊಂದನ್ನು ಶೇರ್​ ಮಾಡಿ ಅಭಿಮಾನಿಗಳ ಮನಸ್ಸಲ್ಲಿ ಗೊಂದಲ ತಂದಿಟ್ಟಿದೆ.

ಈಗಾಗಲೆ 10 ತಂಡಗಳಲ್ಲಿ 9 ತಂಡಗಳು ತಮ್ಮ ನಾಯಕನನ್ನು ಘೋಷಣೆ ಮಾಡಿಕೊಂಡಿವೆ. ಗಮನಾರ್ಹ ಸಂಗತಿಯೆಂದರೆ, 9ರಲ್ಲಿ 8 ನಾಯಕರು ಭಾರತದವರೇ ಆಗಿದ್ದಾರೆ. ಐಪಿಎಲ್ ಆರಂಭಕ್ಕೆ 3 ವಾರ ಸಮಯವಿದ್ದು, ಆರ್​ಸಿಬಿ ಮಾತ್ರ ಇನ್ನೂ ತನ್ನ ನಾಯಕನನ್ನು ಘೋಷಣೆ ಮಾಡಿಲ್ಲ.

ಇದನ್ನೂ ಓದಿ:ಮಾರ್ಚ್​ 14 ಅಥವಾ 15ರಿಂದ ಈ ಸ್ಥಳಗಳಲ್ಲಿ ಐಪಿಎಲ್ ತಂಡಗಳ ತರಬೇತಿ ಆರಂಭ