ನಿರ್ಣಾಯಕ ಪಂದ್ಯದಲ್ಲಿ ಟಾಸ್​ ಗೆದ್ದ ಕೆಕೆಆರ್​ ಬೌಲಿಂಗ್​ ಆಯ್ಕೆ ... ರಸೆಲ್ ಬದಲಿಗೆ ಸೌಥಿ ಕಣಕ್ಕೆ

ಇಂದಿನ ಪಂದ್ಯದಲ್ಲಿ ಗಾಯಾಳು ಆ್ಯಂಡ್ರೆ ರಸೆಲ್ ಬದಲಿಗೆ ಟಿಮ್ ಸೌಥಿ, ಪ್ರಸಿಧ್ ಕೃಷ್ಣ ಬದಲಿಗೆ ಸಂದೀಪ್ ವಾರಿಯರ್ ಕಣಕ್ಕಿಳಿದರೆ, ಡೆಲ್ಲಿ ಪರ ಪೃಥ್ವಿ ಶಾ ಬದಲಿಗೆ ಸ್ಟೀವ್ ಸ್ಮಿತ್ ಕಣಕ್ಕಿಳಿಯುತ್ತಿದ್ದಾರೆ.

ಶಾರ್ಜಾ: 14ನೇ ಆವೃತ್ತಿಯಲ್ಲಿ ಅಮೋಘ ಪ್ರದರ್ಶನ ತೋರುತ್ತಿರುವ ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ವಿರುದ್ಧ ಟಾಸ್​ ಗೆದ್ದ ಕೆಕೆಆರ್​ ಬೌಲಿಂಗ್ ಆಯ್ಕೆ ಮಾಡಿಕೊಂಡಿದೆ.

ಇನ್ನು ಪ್ಲೇ ಆಫ್​ ರೇಸ್​ನಲ್ಲಿ ಮುಂಬೈ, ಪಂಜಾಬ್ ಮತ್ತು ರಾಜಸ್ಥಾನ್​ ಜೊತೆ ಪೈಪೋಟಿಯಲ್ಲಿ ಕೆಕೆಆರ್​ ಇಂದಿನ ಪಂದ್ಯದಲ್ಲಿ ಶತಾಯಗತಾಯವಾಗಿ ಗೆಲ್ಲಲೇಬೇಕಾಗಿದೆ. ಇಂದಿನ ಪಂದ್ಯದಲ್ಲಿ ಗಾಯಾಳು ಆ್ಯಂಡ್ರೆ ರಸೆಲ್ ಬದಲಿಗೆ ಟಿಮ್ ಸೌಥಿ ಕಣಕ್ಕಿಳಿಯುತ್ತಿದ್ದಾರೆ. ಕಳೆದ ಪಂದ್ಯದಲ್ಲಿ ನಿರ್ಣಾಯಕ ಹಂತದಲ್ಲಿ ರನ್​ ಬಿಟ್ಟುಕೊಟ್ಟ ಸೋಲಿಗೆ ಕಾರಣವಾಗಿದ್ದ ಪ್ರಸಿಧ್ ಕೃಷ್ಣ ಅವರನ್ನು ಹೊರಗಿಟ್ಟಿರುವ ಕೆಕೆಆರ್​ ಸಂದೀಪ್​ ವಾರಿಯರ್​​ಗೆ ಅವಕಾಶ ನೀಡಿದೆ.

• 🚨 Toss News from Sharjah 🚨@KKRiders have elected to bowl against @DelhiCapitals. #VIVOIPL #KKRvDC
  
  Follow the match 👉 https://t.co/TVHaNszqnd pic.twitter.com/D9FdPl610T

  — IndianPremierLeague (@IPL) September 28, 2021 " class="align-text-top noRightClick twitterSection" data="

  🚨 Toss News from Sharjah 🚨@KKRiders have elected to bowl against @DelhiCapitals. #VIVOIPL #KKRvDC
  
  Follow the match 👉 https://t.co/TVHaNszqnd pic.twitter.com/D9FdPl610T

  — IndianPremierLeague (@IPL) September 28, 2021

  ">

  🚨 Toss News from Sharjah 🚨@KKRiders have elected to bowl against @DelhiCapitals. #VIVOIPL #KKRvDC
  
  Follow the match 👉 https://t.co/TVHaNszqnd pic.twitter.com/D9FdPl610T

  — IndianPremierLeague (@IPL) September 28, 2021

ಇತ್ತ ಚೆನ್ನೈ ಸೂಪರ್​ ಕಿಂಗ್ಸ್​ ತಂಡದೊಂದಿಗೆ ಅಗ್ರಸ್ಥಾನಕ್ಕೆ ಪೈಪೋಟಿ ನಡೆಸುತ್ತಿರುವ ಡೆಲ್ಲಿ ಆಡಿರುವ 10 ಪಂದ್ಯಗಳಲ್ಲಿ 8ರಲ್ಲಿ ಜಯ ಸಾಧಿಸಿ ಕೇವಲ 2ರಲ್ಲಿ ಸೋಲು ಕಂಡಿದೆ. ಇಂದು ಕೋಲ್ಕತ್ತಾ ನೈಟ್​ ರೈಡರ್ಸ್​ ವಿರುದ್ಧವೂ ಗೆಲುವು ಸಾಧಿಸಿ ಅಗ್ರಸ್ಥಾನವನ್ನು ಮರಳಿ ಪಡೆಯುವ ಯೋಜನೆಯಲ್ಲಿದೆ. ಇಂದಿನ ಪಂದ್ಯದಲ್ಲಿ ಪೃಥ್ವಿ ಶಾ ಬದಲು ಸ್ಟೀವ್ ಸ್ಮಿತ್​ ಕಣಕ್ಕಿಳಿಯುತ್ತಿದ್ದಾರೆ. ಶಾ ಗಾಯಗೊಂಡಿದ್ದಾರೆಂದು ಪಂತ್ ಮಾಹಿತಿ ನೀಡಿದ್ದಾರೆ.

ಮುಖಾಮುಖಿ:

ಎರಡು ತಂಡಗಳು 26 ಪಂದ್ಯಗಳಲ್ಲಿ ಮುಖಾಮುಖಿಯಾಗಿದ್ದು ಕೆಕೆಆರ್ 14 ಮತ್ತು ಡೆಲ್ಲಿ 12 ಪಂದ್ಯಗಳಲ್ಲಿ ಗೆಲುವು ಸಾಧಿಸಿವೆ.

ಡೆಲ್ಲಿ ಕ್ಯಾಪಿಟಲ್ಸ್ : ಶಿಖರ್ ಧವನ್, ಸ್ಟೀವ್ ಸ್ಮಿತ್, ಶ್ರೇಯಸ್ ಅಯ್ಯರ್, ರಿಷಭ್ ಪಂತ್ (ನಾಯಕ & ವಿಕೀ), ಶಿಮ್ರಾನ್ ಹೆಟ್ಮಾಯಿರ್, ಲಲಿತ್ ಯಾದವ್, ಅಕ್ಷರ್ ಪಟೇಲ್, ರವಿಚಂದ್ರನ್ ಅಶ್ವಿನ್, ಕಗಿಸೊ ರಬಾಡ, ಎನ್ರಿಚ್ ನಾರ್ಟ್ಜ್​, ಅವೇಶ್ ಖಾನ್

ಕೋಲ್ಕತ್ತಾ ನೈಟ್​ ರೈಡರ್ಸ್: ಶುಬ್ಮನ್ ಗಿಲ್, ವೆಂಕಟೇಶ್ ಅಯ್ಯರ್, ರಾಹುಲ್ ತ್ರಿಪಾಠಿ, ಇಯಾನ್ ಮಾರ್ಗನ್ (ನಾಯಕ), ನಿತೀಶ್ ರಾಣಾ, ದಿನೇಶ್ ಕಾರ್ತಿಕ್ (ವಿಕೀ), ಟಿಮ್ ಸೌಥಿ, ಸುನೀಲ್ ನರೈನ್, ಲಾಕಿ ಫರ್ಗುಸನ್, ವರುಣ್ ಚಕ್ರವರ್ತಿ, ಸಂದೀಪ್ ವಾರಿಯರ್