ಅಬುಧಾಬಿ: ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಆರ್ಸಿಬಿ ತನ್ನ ಕೊನೆಯ ಲೀಗ್ ಪಂದ್ಯದಲ್ಲಿ ಡೆಲ್ಲಿ ವಿರುದ್ಧ 6 ವಿಕೆಟ್ಗಳ ಸೋಲು ಕಂಡಿದ್ದು, ಇದರ ಹೊರತಾಗಿ ಕೂಡ ಕೊಹ್ಲಿ ಪಡೆ ಪ್ಲೇ-ಆಫ್ಗೆ ಲಗ್ಗೆ ಹಾಕಿದೆ.
ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಆರ್ಸಿಬಿ, ಪಡಿಕ್ಕಲ್ 50, ಎಬಿಡಿ 35 ರನ್ಗಳ ನೆರವಿನಿಂದ 152 ರನ್ ಗಳಿಕೆ ಮಾಡಿ, ಎದುರಾಳಿ ತಂಡಕ್ಕೆ 153 ರನ್ ಗಳ ಟಾರ್ಗೆಟ್ ನೀಡಿತು.
ಟಾರ್ಗೆಟ್ ಬೆನ್ನತ್ತಿದ್ದ ಡೆಲ್ಲಿ ಆರಂಭಿಕ ಆಘಾತದ ನಡುವೆ ಕೂಡ ಶಿಖರ್ ಧವನ್ ಹಾಗೂ ರಹಾನೆ ಶತಕದಾಟ ಆಡಿ ತಂಡಕ್ಕೆ ಜಯ ಸುಲಭಗೊಳಿಸಿದರು. ಧವನ್(54), ರಹಾನೆ(60)ರನ್ಗಳಿಕೆ ಮಾಡಿದರು. ಬಳಿಕ ಬಂದ ಅಯ್ಯರ್(7), ಪಂತ್(7), ಅಜೇಯ ಹಾಗೂ ಸ್ಟೋನಿಸ್(10) ಅಜೇಯ ರನ್ಗಳಿಕೆ ಮಾಡಿ ಗೆಲುವಿನ ದಡ ಸೇರಿದರು. ಇನ್ನು ಡೆಲ್ಲಿ ತಂಡ 19 ಓವರ್ಗಳಲ್ಲಿ ಗೆಲುವು ದಾಖಲು ಮಾಡಿದ್ದರಿಂದ ಆರ್ಸಿಬಿ ಪ್ಲೇ-ಆಫ್ ಹಂತಕ್ಕೆ ಲಗ್ಗೆ ಹಾಕಿದೆ.
ನಾಳೆ ಹೈದರಾಬಾದ್ ಹಾಗೂ ಮುಂಬೈ ತಂಡಗಳ ನಡುವೆ ಐಪಿಎಲ್ನ ಕೊನೆಯ ಲೀಗ್ ಪಂದ್ಯ ನಡೆಯಲಿದ್ದು, ಒಂದು ವೇಳೆ ಹೈದರಾಬಾದ್ ಗೆಲುವು ದಾಖಲು ಮಾಡಿದರೆ ಮೂರನೇ ತಂಡವಾಗಿ ಪ್ಲೇ-ಆಫ್ಗೆ ಲಗ್ಗೆ ಹಾಕಲಿದ್ದು, ಮುಂಬೈ ಈಗಾಗಲೇ ಮುಂದಿನ ಹಂತಕ್ಕೆ ಎಂಟ್ರಿ ಕೊಟ್ಟಿದೆ.
ಇನ್ನು ನಾಳೆಯ (ನ.3) ಪಂದ್ಯದಲ್ಲಿ ಸನ್ರೈಸರ್ಸ್ ಸೋಲು ಕಂಡರೆ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡ ಮುಂದಿನ ಹಂತ ಪ್ರವೇಶಿಸಲಿದೆ.
