ಹೋಬರ್ಟ್: ಭಾರತ ತಂಡದ ಆಸ್ಟ್ರೇಲಿಯಾ ವಿರುದ್ಧ ಸರಣಿ ಸೋಲು ಕಂಡಿರಬಹುದು. ಆದರೆ, ಈ ಪ್ರವಾಸದಲ್ಲಿ ತಂಡ ಸಾಕಷ್ಟು ಗಳಿಸಿಕೊಂಡಿದೆ ಮತ್ತ ಭಾರತೀಯ ಬೌಲರ್ಗಳು ಆಸೀಸ್ ಬ್ಯಾಟರ್ಗಳ ವಿರುದ್ಧ ಪ್ರಾಬಲ್ಯ ಸಾಧಿಸಿರುವುದು ಬಹುದೊಡ್ಡ ಸಕಾರಾತ್ಮಕ ಬೆಳವಣಿಗೆ ಎಂದು ಆರಂಭಿಕ ಬ್ಯಾಟರ್ ಸ್ಮೃತಿ ಮಂದಾನ ತಿಳಿಸಿದ್ದಾರೆ.
ಆಸ್ಟ್ರೇಲಿಯಾ ಪ್ರವಾಸದಲ್ಲಿ ಭಾರತ ಟೆಸ್ಟ್ ಸರಣಿಯನ್ನು ಡ್ರಾ ಮಾಡಿಕೊಂಡರೆ, ಏಕದಿನ ಸರಣಿಯನ್ನು 2-1ರಲ್ಲಿ ಮತ್ತು ಟಿ-20 ಸರಣಿಯನ್ನು 2-0ಯಲ್ಲಿ ಕಳೆದುಕೊಂಡಿತು. ನಾವು ಈ ಪ್ರವಾಸದಲ್ಲಿ ಸಾಕಷ್ಟು ಧನಾತ್ಮಕ ಅಂಶಗಳನ್ನು ಪಡೆದುಕೊಂಡೆವು. ಪ್ರತಿಯೊಬ್ಬರು ಉತ್ತಮವಾಗಿ ಆಡಿದ್ದಾರೆ.
ವಿಶೇಷವಾಗಿ ನಮ್ಮ ಬೌಲರ್ಗಳು. ಇದೊಂದು ವಿಭಾಗದಲ್ಲಿ ನಾವು ಆಸೀಸ್‌ಗಿಂತ ಉತ್ತಮವಾಗಿದ್ದೇವೆ. ಇದು ಭಾರತ ತಂಡಕ್ಕೆ ಒಂದು ದೊಡ್ಡ ವಿಷಯವಾಗಿದೆ ಎಂದು ಸ್ಮೃತಿ ಮಂದಾನ ರೆಡ್ಬುಲ್ 10 ವರ್ಷಗಳ ಸಂಭ್ರಮದ ಕ್ಲಬ್ಹೌಸ್ ಸೆಷನ್ನಲ್ಲಿ ಮಂದಾನ ಹೇಳಿದ್ದಾರೆ.
ಆಸ್ಟ್ರೇಲಿಯಾಕ್ಕೆ ಬಂದು, ಅವರ ಬೌಲರ್ಗಳನ್ನು ಮೀರಿಸುವುದು ಅದ್ಭುತವಾಗಿದೆ. ಜೂಲನ್ ಗೋಸ್ವಾಮಿ, ಪೂಜಾ ಏಕದಿ ಸರಣಿಯಲ್ಲಿ, ರೇಣುಕಾ ಮತ್ತು ಶಿಖಾ ಪಾಂಡೆ ಟಿ-20 ಮಾದರಿಯಲ್ಲಿ ಬೌಲಿಂಗ್ ಮಾಡಿದ ರೀತಿ ಅಮೋಘವಾಗಿತ್ತು. ನಮ್ಮ ಬೌಲರ್ಗಳು ಆಸ್ಟ್ರೇಲಿಯಾ ಬ್ಯಾಟರ್ಗಳ ವಿರುದ್ಧ ಮೇಲುಗೈ ಸಾಧಿಸುತ್ತಿರುವುದನ್ನು ನೋಡುವುದೇ ಅದ್ಭುತವಾಗಿದೆ, ಅದು ಈ ಪ್ರವಾಸದ ದೊಡ್ಡ ಪಾಸಿಟಿವ್ ಎಂದು ಮಂದಾನ ಹೇಳಿದ್ದಾರೆ.
ಇದನ್ನು ಓದಿ:ಐಪಿಎಲ್ ಪ್ರಸಾರ ಹಕ್ಕುಗಳಿಂದಲೇ 37 ಸಾವಿರ ಕೋಟಿ ರೂ.ಗಳಿಸುವ ನಿರೀಕ್ಷೆಯಲ್ಲಿದೆ ಬಿಸಿಸಿಐ!!
