ದೀಪ್ತಿ, ರಿಚಾ ಹೋರಾಟ ವ್ಯರ್ಥ: ಆಸೀಸ್​ಗೆ 3 ರನ್​ಗಳ ರೋಚಕ ಜಯ

AUSW vs INDW 2nd ODI: ಆಸ್ಟ್ರೇಲಿಯಾ ಆತಿಥೇಯ ಭಾರತದ ವಿರುದ್ಧ 3 ರನ್​ಗಳ ರೋಚಕ ಜಯ ಸಾಧಿಸಿ ಸರಣಿ ವಶಪಡಿಸಿಕೊಂಡಿದೆ.

ಮುಂಬೈ (ಮಹಾರಾಷ್ಟ್ರ): ಇಲ್ಲಿನ ವಾಂಖೆಡೆ ಮೈದಾನದಲ್ಲಿ ಭಾರತದ ವನಿತೆಯರ ಶ್ರಮಕ್ಕೆ ತಕ್ಕ ಫಲ ಸಿಗಲಿಲ್ಲ. ಕಠಿಣ ಹೋರಾಟದ ನಡುವೆಯೂ 3 ರನ್​ಗಳಿಂದ ಸೋತು ಸರಣಿಯನ್ನು ಹರ್ಮನ್​​ಪ್ರೀತ್​ ಕೌರ್​ ಪಡೆ ಕಳೆದುಕೊಂಡಿತು. ಮೊದಲ ಇನ್ನಿಂಗ್ಸ್​ನಲ್ಲಿ ದೀಪ್ತಿ ಶರ್ಮಾ ಕಿತ್ತ ವಿಕೆಟ್​ ಮತ್ತು ರಿಚಾ ಘೋಷ್ ಅವರ 96 ರನ್​ಗಳ ಇನ್ನಿಂಗ್ಸ್​ ವ್ಯರ್ಥವಾಯಿತು. 259 ರನ್​ಗಳ ಗುರಿ ಬೆನ್ನತ್ತಿದ ಭಾರತ 50 ಓವರ್​ ಮುಕ್ತಾಯಕ್ಕೆ 8 ವಿಕೆಟ್​ ಕಳೆದುಕೊಂಡು 255 ರನ್​ ಗಳಿಸಷ್ಟೇ ಶಕ್ತವಾಯಿತು.

ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್​ ಮಾಡಿದ ಆಸ್ಟ್ರೇಲಿಯಾ ತಂಡ 50 ಓವರ್​ಗೆ 8 ವಿಕೆಟ್​ ನಷ್ಟಕ್ಕೆ 258 ರನ್​ ಕಲೆಹಾಕಿ ಸ್ಪರ್ಧಾತ್ಮಕ ಗುರಿಯನ್ನು ನೀಡಿತು. ಆಸೀಸ್ ಆರಂಭಿಕ ಆಟಗಾರ್ತಿ ಫೋಬೆ ಲಿಚ್‌ಫೀಲ್ಡ್ (63 ರನ್) ಮತ್ತು ಎಲ್ಲಿಸ್ ಪೆರ್ರಿ (50 ರನ್) ಅವರ ಅರ್ಧಶತಕ ತಂಡಕ್ಕೆ ಬಲ ನೀಡಿತು. ಭಾರತ ಈ ಇನ್ನಿಂಗ್ಸ್​ನಲ್ಲಿ 7 ಕ್ಯಾಚ್​ ಕೈಚೆಲ್ಲಿತು. ಬೌಲಿಂಗ್​ನಲ್ಲಿ ದೀಪ್ತಿ ಶರ್ಮಾ 10 ಓವರ್​ ಮಾಡಿ 38 ರನ್​ ಕೊಟ್ಟು 5 ವಿಕೆಟ್​ ಕಿತ್ತರೆ, ಪೂಜಾ, ಶ್ರೇಯಾಂಕಾ ಪಾಟೀಲ್ ಮತ್ತು ಸ್ನೇಹಾ ರಾಣಾ ತಲಾ ಒಂದು ವಿಕೆಟ್ ಪಡೆದರು.

259 ರನ್​ಗಳ ಗುರಿ ಬೆನ್ನತ್ತಿದ ಭಾರತಕ್ಕೆ ಉತ್ತಮ ಆರಂಭ ದೊರೆಯಲಿಲ್ಲ. 14 ರನ್​ಗಳಿಸಿ ಯಾಸ್ತಿಕಾ ಭಾಟಿಯಾ ಔಟ್​ ಆದರೆ, 34 ರನ್​ಗೆ ಸ್ಮೃತಿ ಮಂಧಾನ ಪೆವಿಲಿಯನ್​ ಹಾದಿ ಹಿಡಿದರು. ಸ್ಪರ್ಧಾತ್ಮಕ ಗುರಿಯನ್ನು ಬೆನ್ನತ್ತಿದ ತಂಡಕ್ಕೆ ಆರಂಭಿಕ ವಿಕೆಟ್​ ಪತನ ಒತ್ತಡಕ್ಕೆ ಕಾರಣವಾಯಿತು.

• The match went down to the very last over but it's Australia who win by 3 runs at the end. #TeamIndia will aim to bounce back in the 3rd & Final ODI.
  
  Scorecard ▶️ https://t.co/yDjyu27FoW#INDvAUS | @IDFCFIRSTBank pic.twitter.com/6j0EHRUlsw

  — BCCI Women (@BCCIWomen) December 30, 2023 " class="align-text-top noRightClick twitterSection" data="

  The match went down to the very last over but it's Australia who win by 3 runs at the end. #TeamIndia will aim to bounce back in the 3rd & Final ODI.
  
  Scorecard ▶️ https://t.co/yDjyu27FoW#INDvAUS | @IDFCFIRSTBank pic.twitter.com/6j0EHRUlsw

  — BCCI Women (@BCCIWomen) December 30, 2023

  ">

  The match went down to the very last over but it's Australia who win by 3 runs at the end. #TeamIndia will aim to bounce back in the 3rd & Final ODI.
  
  Scorecard ▶️ https://t.co/yDjyu27FoW#INDvAUS | @IDFCFIRSTBank pic.twitter.com/6j0EHRUlsw

  — BCCI Women (@BCCIWomen) December 30, 2023

ರಾಡ್ರಿಗಸ್​, ರಿಚಾ ಘೋಷ್ ಆಸರೆ: ಎರಡು ವಿಕೆಟ್​ ಕಳೆದುಕೊಂಡು ಒತ್ತಡದಲ್ಲಿದ್ದ ತಂಡಕ್ಕೆ ಮೂರನೇ ವಿಕೆಟ್​ಗೆ ಜೆಮಿಮಾ ರಾಡ್ರಿಗಸ್ ಮತ್ತು ರಿಚಾ ಘೋಷ್ ಆಸರೆಯಾದರು. ಈ ಜೋಡಿ 88 ರನ್​ಗಳ ಪಾಲುದಾರಿಕೆ ಹಂಚಿಕೊಂಡಿತು. ಜೆಮಿಮಾ ರಾಡ್ರಿಗಸ್ ​​ಅರ್ಧಶತಕದಂಚಿನಲ್ಲಿ ಎಡವಿದರು. ಅವರು ಇನ್ನಿಂಗ್ಸ್​ನಲ್ಲಿ 55 ಬಾಲ್​ ಎದುರಿಸಿ 3 ಬೌಂಡರಿ ಸಹಾಯದಿಂದ 44 ರನ್​ ಗಳಿಸಿ ವಿಕೆಟ್​ ಒಪ್ಪಿಸಿದರು. ಅವರ ಬೆನ್ನಲ್ಲೇ ಬಂದ ನಾಯಕಿ ಹರ್ಮನ್​ಪ್ರೀತ್​ ಕೌರ್​ 5 ರನ್​ಗೆ ಔಟ್​ ಆದರು.

ಶತಕ ವಂಚಿತ ರಿಚಾ: ಆಸ್ಟ್ರೇಲಿಯಾದ ಬೌಲಿಂಗ್​ ವಿರುದ್ಧ ಯಶಸ್ವಿ ಬ್ಯಾಟಿಂಗ್​ ಮಾಡಿದ್ದು ರಿಚಾ ಘೋಷ್​​. ವಿಕೆಟ್​ ಪತನದ ನಡುವೆಯೂ ಮೈದಾನದ ಮೂಲೆ ಮೂಲೆಗಳಿಂದ ಬೌಂಡರಿ ಪಡೆದು ಶತಕದತ್ತ ಧಾವಿಸುತ್ತಿದ್ದರು. ಇನ್ನು 4 ರನ್​ ಬೇಕು ಎನ್ನುವಾಗ ಕ್ಯಾಚ್​ ಇತ್ತು ಪೆವಿಲಿಯನ್​ ದಾರಿ ಹಿಡಿದರು. ಇನ್ನಿಂಗ್ಸ್​ನಲ್ಲಿ 117 ಬಾಲ್ ಆಡಿ 13 ಬೌಂಡರಿಯಿಂದ 96 ರನ್​ ಗಳಿಸಿದರು.

ಕೆಳ ಕ್ರಮಾಂಕ ವಿಫಲ: ಬೌಲಿಂಗ್​​ನಲ್ಲಿ ಮಿಂಚಿದ್ದ ದೀಪ್ತಿ ಶರ್ಮಾ ಪಂದ್ಯವನ್ನು ಗೆಲ್ಲಿಸಲು ಶತಾಯ ಗತಾಯ ಪ್ರಯತ್ನಿಸಿದರಾದರೂ ಅವರಿಗೆ ಯಾರೂ ಜೊತೆಯಾಗಲಿಲ್ಲ. ಅಮಂಜೋತ್ ಕೌರ್ (4), ಪೂಜಾ ವಸ್ತ್ರಾಕರ್ (8) ಮತ್ತು ಹರ್ಲಿನ್​ ಡಿಯೋಲ್​ (1) ವಿಫಲತೆ ಎದುರಿಸಿದರು. 50 ಓವರ್​ ಅಂತ್ಯಕ್ಕೆ ಭಾರತ 255 ರನ್​ಗಳಿಸಲಷ್ಟೇ ಶಕ್ತವಾಯಿತು.

ಇದನ್ನೂ ಓದಿ: ಕರ್ತವ್ಯ ಪಥದಲ್ಲಿ ಖೇಲ್ ರತ್ನ, ಅರ್ಜುನ ಪ್ರಶಸ್ತಿ ಇಟ್ಟ ವಿನೇಶ್ ಫೋಗಟ್