ಅಹಮದಾಬಾದ್​ ಟೆಸ್ಟ್​: ಆಸಿಸ್​ ವಿರುದ್ಧ 'ವಿರಾಟ'​ ರನ್​, ಭಾರತಕ್ಕೆ 88 ಮುನ್ನಡೆ

28ನೇ ಟೆಸ್ಟ್​ ಶತಕ ದಾಖಲಿಸಿದ ವಿರಾಟ್​ ಕೊಹ್ಲಿ - ಮೊದಲ ಇನ್ನಿಂಗ್ಸ್​ನಲ್ಲಿ 91ರನ್​ ಮುನ್ನಡೆ ಸಾಧಿಸಿ ರೋಹಿತ್​ ಪಡೆ - ಆಸಿಸ್​​ ನೈಟ್​ ವಾಚ್​ಮೆನ್​ಗಳಿಂದ ಆಟ ಎರಡನೇ ಇನ್ನಿಂಗ್ಸ್​ ಪ್ರಾರಂಭ

ಅಹಮದಾಬಾದ್​: ಇಲ್ಲಿನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಬಾರ್ಡರ್​-ಗವಾಸ್ಕರ್​ ಟ್ರೋಫಿಯ ಅಂತಿಮ ಟೆಸ್ಟ್​ ಪಂದ್ಯದಲ್ಲಿ ಭಾರತದ ಬ್ಯಾಟರ್​ಗಳು ಆಸಿಸ್​ನ ಬೃಹತ್​ ಮೊತ್ತಕ್ಕೆ ಸೆಡ್ಡು ಹೊಡೆದು ನಿಂತಿದ್ದಾರೆ. ಅಂತಿಮ ಟೆಸ್ಟ್​ನ ನಾಲ್ಕನೇ ದಿನದಾಟದ ಅಂತ್ಯಕ್ಕೆ ಭಾರತ 571ಕ್ಕೆ ಆಲ್​ಔಟ್​ ಆಗಿದ್ದು, ಆಸಿಸ್​ ಬ್ಯಾಟಿಂಗ್​ ಆರಂಭಿಸಿದ್ದು 3 ರನ್​ ಗಳಿಸಿದೆ. ಕ್ರೀಸ್​ನಲ್ಲಿ ಮ್ಯಾಥ್ಯೂ ಕುಹ್ನೆಮನ್ (0*) ಮತ್ತು ಟ್ರಾವೆಸ್​ ಹೆಡ್​ (3*) ಇದ್ದಾರೆ.

ಎರಡನೇ ಸೆಷನ್​ ವೇಳೆಗೆ 5 ವಿಕೆಟ್​ ನಷ್ಟಕ್ಕೆ 472 ರನ್​ ಗಳಿಸಿದ್ದ ಭಾರತ ಆಸಿಸ್​ ನೀಡಿದ್ದ ಮೊತ್ತದಿಂದ 8 ರನ್​ ಹಿನ್ನಡೆಯಲ್ಲಿತ್ತು. ಮೂರನೇ ಸೆಷನ್​​ನಲ್ಲಿ ಭಾರತದ ಆಟಗಾರರು ಬಿರುಸಿನ ಆಟಕ್ಕೆ ಮುಂದಾದರು ಇದರಿಂದ ವಿಕೆಟ್​ ನಷ್ಟ ಅನುಭವಿಸಿದರು. ಮೂರನೇ ಅವಧಿಯಲ್ಲಿ ಭಾರತ ನಾಲ್ಕು ವಿಕೆಟ್​ಗಳನ್ನು ಕಳೆದುಕೊಂಡಿತು.

ಮೊದಲ ಇನ್ನಿಂಗ್ಸ್​ನಲ್ಲಿ ಜಡೇಜ 28 ರನ್​ಗೆ ವಿಕೆಟ್​ ಒಪ್ಪಿಸಿದರು. ನಂತರ ಬಂದ ವಿಕೆಟ್​ ಕೀಪರ್​ ಶ್ರೀಕರ್​ ಭರತ್ 44ಕ್ಕೆ ಔಟ್ ಆದರು. ವಿರಾಟ್​ ಜೊತೆಗೂಡಿದ ಅಕ್ಷರ್​ ಪಟೇಲ್​ ಬಿರುಸಿನ ಬ್ಯಾಟಿಂಗ್​ ಮಾಡಿದರು. ಇಬ್ಬರು 50+ ರನ್​ ಜೊತೆಯಾಟ ಮಾಡಿದ್ದು ತಂಡ ಮುನ್ನಡೆ ಪಡೆಯಲು ಸಹಕಾರಿಯಾಯಿತು. 113 ಎಸೆತಗಳನ್ನು ಎದುರಿಸಿದ ಅಕ್ಷರ್​ 4 ಸಿಕ್ಸ್​ ಮತ್ತು ಐದು ಬೌಂಡರಿಯಿಂದ 79 ರನ್ ಕೊಡುಗೆ ನೀಡಿ ಔಟ್ ಆದರು. ಇವರ ನಂತರ ಬಂದ ಅಶ್ವಿನ್​ (7) ಮತ್ತು ಉಮೇಶ್​​ (0) ಬೇಗ ವಿಕೆಟ್​ ಒಪ್ಪಿಸಿದರು. 186 ರನ್​ ಗಳಿಸಿದ್ದ ವಿರಾಟ್​ ಮಾರ್ಫಿ ಬೌಲಿಂಗ್​ನಲ್ಲಿ ವಿಕೆಟ್​ ಒಪ್ಪಿಸಿದರು. ಅಯ್ಯರ್​ ಅನಾರೋಗ್ಯದ ಕಾರಣ ಬ್ಯಾಟಿಂಗ್​ ಬರಲಿಲ್ಲ.

• Stumps on Day 4⃣ of the Fourth #INDvAUS Test!#TeamIndia 🇮🇳 88 runs ahead in the Final Test and Australia will resume batting tomorrow at 3/0.
  
  We will back tomorrow with Day 5 action!
  
  Scorecard - https://t.co/8DPghkx0DE @mastercardindia pic.twitter.com/Rf72OD81YR

  — BCCI (@BCCI) March 12, 2023 " class="align-text-top noRightClick twitterSection" data="

  Stumps on Day 4⃣ of the Fourth #INDvAUS Test!#TeamIndia 🇮🇳 88 runs ahead in the Final Test and Australia will resume batting tomorrow at 3/0.
  
  We will back tomorrow with Day 5 action!
  
  Scorecard - https://t.co/8DPghkx0DE @mastercardindia pic.twitter.com/Rf72OD81YR

  — BCCI (@BCCI) March 12, 2023

  ">

  Stumps on Day 4⃣ of the Fourth #INDvAUS Test!#TeamIndia 🇮🇳 88 runs ahead in the Final Test and Australia will resume batting tomorrow at 3/0.
  
  We will back tomorrow with Day 5 action!
  
  Scorecard - https://t.co/8DPghkx0DE @mastercardindia pic.twitter.com/Rf72OD81YR

  — BCCI (@BCCI) March 12, 2023

ಬ್ಯಾಟಿಂಗ್​ಗೆ ಬಾರದ ಅಯ್ಯರ್​: ಜಡೇಜ ನಂತರ ಬ್ಯಾಟಿಂಗ್​ ಬರಬೇಕಾಗಿದ್ದ ಅಯ್ಯರ್​ ಬೆನ್ನು ನೋವಿನ ಬ್ಯಾಟಿಂಗ್​ ಬರಲಿಲ್ಲ. ಈ ಬಗ್ಗೆ ಬಿಸಿಸಿಐ ಮಾಹಿತಿ ನೀಡಿತ್ತು. ಸ್ಕ್ಯಾನಿಂಗ್​ಗೆ ಹೋದ ಅಯ್ಯರ್​ ಆರೋಗ್ಯ ಸ್ಥಿತಿಯ ಬಗ್ಗೆ ನಾಳೆ ತಿಳಿದು ಬರಲಿದೆ.

ಆಸಿಸ್​ ವಿರುದ್ಧ ವಿರಾಟ್​ ದಾಖಲೆಯ ರನ್​: ವಿರಾಟ್​ ಕೊಹ್ಲಿ ಆಸಿಸ್​ ವಿರುದ್ಧ 169 ರನ್​ ಗಳಿಸಿದ್ದು ಹೆಚ್ಚಿನ ರನ್​ ಆಗಿತ್ತು. 186 ರನ್​ ಗಳಿಸಿದ ವಿರಾಟ್​ ತಮ್ಮ ಆಸ್ಟ್ರೇಲಿಯಾ ವಿರುದ್ಧ ಅತಿ ಹೆಚ್ಚು ರನ್​ ದಾಖಲೆ ಮುರಿದು ಹೊಸಾ ಮೈಲಿಗಲ್ಲು ಸೃಷ್ಠಿಸಿಕೊಂಡರು. ಈ ಪಂದ್ಯದಲ್ಲಿ 3 ವರೆ ವರ್ಷದ ನಂತರ ವಿರಾಟ್ ಬ್ಯಾಟ್​ನಿಂದ​ ಶತಕ ದಾಖಲಾಯಿತು. ಇದು ವಿರಾಟ್​ ಕೊಹ್ಲಿಯ ಟೆಸ್ಟ್​ನ 28ನೇ ಶತಕವಾದರೆ, ಮೂರು ವಿಭಾಗದ ಅಂತರಾಷ್ಟ್ರೀಯ ಕ್ರಿಕೆಟ್​ನ 75ನೇ ಶತಕವಾಗಿದೆ.

• The Man. The Celebration.
  
  Take a bow, @imVkohli 💯🫡#INDvAUS #TeamIndia pic.twitter.com/QrL8qbj6s9

  — BCCI (@BCCI) March 12, 2023 " class="align-text-top noRightClick twitterSection" data="

  The Man. The Celebration.
  
  Take a bow, @imVkohli 💯🫡#INDvAUS #TeamIndia pic.twitter.com/QrL8qbj6s9

  — BCCI (@BCCI) March 12, 2023

  ">

  The Man. The Celebration.
  
  Take a bow, @imVkohli 💯🫡#INDvAUS #TeamIndia pic.twitter.com/QrL8qbj6s9

  — BCCI (@BCCI) March 12, 2023

ಭೋಜನದ ನಂತರ ವಿರಾಟ್​ ಕೊಹ್ಲಿ 6 ರನ್​ ಪೂರೈಸಿ ಟೆಸ್ಟ್​ ಕ್ರಿಕೆಟ್​ನ 28ನೇ ಶತಕ ದಾಖಲಿಸಿದರು. ಊಟದ ವಿರಾಮಕ್ಕೂ ಮುನ್ನ ವಿರಾಟ್​ 94 ರನ್​ ಗಳಿಸಿ ಆಡುತ್ತಿದ್ದರು. ನಾಲ್ಕನೇ ದಿನದ ಮೊದಲ ಅವಧಿಯಲ್ಲಿ ಭಾರತ ಒಂದು ವಿಕೆಟ್​ ಕಳೆದುಕೊಂಡು 73 ರನ್​ ಕಲೆಹಾಕಿತ್ತು. ಇಂದಿನ ಎರಡನೇ ಅವದಿಯಲ್ಲಿ 1 ವಿಕೆಟ್ ಕಳೆದುಕೊಂಡು 110 ರನ್​ ಕಲೆಹಾಕಿದೆ. ಮೂರನೇ ಅವಧಿಯಲ್ಲಿ ಭಾರತ 4 ವಿಕೆಟ್​ ಕಳೆದುಕೊಂಡು 99 ರನ್​ ಗಳಸಿತು.

ವಿಕೆಟ್​ ಕೀಪರ್​ ಶ್ರೀಕರ್​ ಭರತ್​ 44 ರನ್​ ಗಳಿಸಿ ಔಟ್​ ಆಗಿದ್ದಾರೆ. ಇದು ಭರತ್​ ಅವರ ಟೆಸ್ಟ್​ನ ಅತ್ಯುತ್ತಮ ರನ್​ ಆಗಿದೆ. ನಿನ್ನೆ ದಿನದಾಟದ ಅಂತ್ಯದ ವೇಳೆಗೆ ಜಡೇಜಾ 16 ರನ್​ ಗಳಿಸಿದ್ದರು. ಇಂದು ಬೆಳಗ್ಗಿನ ಸೆಷನ್​ನಲ್ಲಿ 28 ರನ್​ ಗಳಿಸಿ ಆಡುತ್ತಿದ್ದ ಜಡೇಜಾ ಇಂದು ಮಾರ್ಫಿ ಬೌಲಿಂಗ್​ನಲ್ಲಿ ವಿಕೆಟ್​ ಒಪ್ಪಿಸಿದರು.

ಅಯ್ಯರ್ ಬೆನ್ನು ನೋವು​: ಭಾರತದ ನಾಲ್ಕನೇ ವಿಕೆಟ್​ ಜಡೇಜಾ ಔಟ್​ ಆದ ನಂತರ ಅಯ್ಯರ್​ ಬದಲು ಶ್ರೀಕರ್​ ಭರತ್​ ಕ್ರೀಸ್​ಗೆ ಬಂದಿದ್ದಾರೆ. ಅಯ್ಯರ್​ಗೆ ಬೆನ್ನಿನ ಕೆಳಬಾಗದಲ್ಲಿ ನೋವು ಕಾಣಿಸಿಕೊಂಡಿರುವ ಕಾರಣ ಅವರ ಸ್ಥಾನದಲ್ಲಿ ಭರತ್​ ಕಣಕ್ಕಿಳಿದಿದ್ದಾರೆ. ಗಾಯದ ಸಮಸ್ಯೆಯಿಂದ ಚೇತರಿಸಿಕೊಂಡು ಎರಡನೇ ಟೆಸ್ಟ್​​ಗೆ ಅಯ್ಯರ್​ ತಂಡಕ್ಕೆ ಸೇರಿದ್ದರು. ಮೊದಲ ಟೆಸ್ಟ್​​ನಲ್ಲಿ ಅಯ್ಯರ್​ ಜಾಗದಲ್ಲಿ ಸೂರ್ಯ ಕುಮಾರ್​ ಯಾದವ್​ ಅವರನ್ನು ಆಡಿಸಲಾಗಿತ್ತು. ನಾಗ್ಪುರ ಟೆಸ್ಟ್​ನಲ್ಲಿ 'ಸ್ಕೈ' ಪದಾರ್ಪಣೆ ಮಾಡಿದ್ದರು. ಎರಡನೇ ಟೆಸ್ಟ್​ ವೇಳೆ ಚೇತರಿಸಿಕೊಂಡು ತಂಡ ಸೇರಿದ್ದ ಅಯ್ಯರ್​ಗೆ​ ಅವಕಾಶ ಕೊಡಲಾಗಿತ್ತು.

ಅಯ್ಯರ್​ ಅವರಿಗೆ ಬೆನ್ನು ನೋವಿನ ಸಮಸ್ಯೆ ಕಾಡುತ್ತಿರುವ ಬಗ್ಗೆ ಬಿಸಿಸಿಐ ಸ್ಪಷ್ಟನೆ ನೀಡಿದ್ದು, ಅವರಿಗೆ ಸ್ಕ್ಯಾನಿಂಗ್​ ಮಾಡಲಾಗುತ್ತಿದೆ ಎಂದು ತಿಳಿಸಿದೆ. ಅದರ ಜೊತೆಗೆ ವೈದ್ಯಕೀಯ ಸಲಹೆ ಪಡೆಯಲಾಗುವುದು ಎಂದೂ ಸಹ ತಿಳಿಸಿದೆ. ಐಸಿಸಿಯ ಹೊಸ ನಿಯಮದಂತೆ ಪಂದ್ಯದ ನಡುವಿನಲ್ಲಿ ಆಟಗಾರರನ್ನು ಬದಲಾಯಿಸಬಹುದಾಗಿದೆ. ತೀವ್ರ ಸಮಸ್ಯೆ ಕಾಡಿದಲ್ಲಿ ಮತ್ತೆ ಸೂರ್ಯ ಕುಮಾರ್​ ಯಾದವ್​ಗೆ ಬ್ಯಾಟಿಂಗ್​ ಅವಕಾಶ ಸಿಗುವ ಸಾಧ್ಯತೆ ಇದೆ.

ಇದನ್ನೂ ಓದಿ: ತವರಿನಲ್ಲಿ 4000 ರನ್​ ಪೂರೈಸಿದ ವಿರಾಟ್​