ಭಾರತ-ನ್ಯೂಜಿಲ್ಯಾಂಡ್​ 2ನೇ ಟೆಸ್ಟ್​​: ಮಯಾಂಕ್​ ಶತಕ, ಮೊದಲ ದಿನ 221ರನ್ ​​ಗಳಿಸಿದ ಭಾರತ

ಮುಂಬೈನ ವಾಂಖೆಡೆ ಮೈದಾನದಲ್ಲಿ ನಡೆಯುತ್ತಿರುವ ಎರಡನೇ ಟೆಸ್ಟ್​​​ ಪಂದ್ಯದಲ್ಲಿ ಮೊದಲನೇ ದಿನದಾಟದ ಅಂತ್ಯಕ್ಕೆ ಟೀಂ ಇಂಡಿಯಾ 4 ವಿಕೆಟ್ ​​ನಷ್ಟಕ್ಕೆ 221ರನ್​​ಗಳಿಕೆ ಮಾಡಿದ್ದು, ಶತಕ ಸಿಡಿಸಿರುವ ಮಯಾಂಕ್​ ನಾಳೆಗೆ ಬ್ಯಾಟಿಂಗ್​ ಕಾಯ್ದಿರಿಸಿಕೊಂಡಿದ್ದಾರೆ.

ಮುಂಬೈ: ಪ್ರವಾಸಿ ನ್ಯೂಜಿಲ್ಯಾಂಡ್​​ ವಿರುದ್ಧ ಆರಂಭಗೊಂಡಿರುವ ಎರಡನೇ ಟೆಸ್ಟ್​​​​ ಪಂದ್ಯದಲ್ಲಿ ಟೀಂ ಇಂಡಿಯಾ ಮೊದಲ ದಿನದಾಟದ ಅಂತ್ಯಕ್ಕೆ 70 ಓವರ್​ಗಳ ಬ್ಯಾಟಿಂಗ್ ಮಾಡಿ, 4 ವಿಕೆಟ್​​ ನಷ್ಟಕ್ಕೆ 221ರನ್​ಗಳಿಕೆ ಮಾಡಿದ್ದು, ನಾಳೆಗೆ ಬ್ಯಾಟಿಂಗ್​​ ಕಾಯ್ದಿರಿಸಿಕೊಂಡಿದೆ.

ಮಳೆಯಿಂದಾಗಿ ಮುಂಬೈನ ವಾಂಖೆಡೆ ಮೈದಾನದಲ್ಲಿ ಪಂದ್ಯ ತಡವಾಗಿ ಆರಂಭಗೊಂಡಿತ್ತು. ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್​​​ ಆರಂಭಿಸಿದ ಟೀಂ ಇಂಡಿಯಾ ಪರ ಮಯಾಂಕ್​ ಅಗರವಾಲ್​​ ಹಾಗೂ ಶುಬ್ಮನ್ ಗಿಲ್​​ 80ರನ್​​ಗಳ ಜೊತೆಯಾಟವಾಡಿದರು. ಈ ವೇಳೆ, 44ರನ್​​ಗಳಿಕೆ ಮಾಡಿದ್ದ ಶುಬ್ಮನ್​ ಗಿಲ್​​​ ಅಜಾಜ್​ ಪಟೇಲ್​​​​ ಓವರ್​​ನಲ್ಲಿ ವಿಕೆಟ್​ ಒಪ್ಪಿಸಿ ಪೆವಿಲಿಯನ್​​ ಸೇರಿಕೊಂಡರು. ಇದರ ಬೆನ್ನಲ್ಲೇ ಬಂದ ಅನುಭವಿ ಆಟಗಾರ ಚೇತೇಶ್ವರ್​​ ಪೂಜಾರಾ ಹಾಗೂ ಕ್ಯಾಪ್ಟನ್​ ವಿರಾಟ್​​ ಕೊಹ್ಲಿ ಶೂನ್ಯಕ್ಕೆ ವಿಕೆಟ್​ ಒಪ್ಪಿಸಿ ನಿರಾಸೆ ಮೂಡಿಸಿದರು. ಈ ಮೂಲಕ ಭಾರತ 80 ರನ್​ಗಳಿಕೆ 3 ವಿಕೆಟ್​ ಕಳೆದುಕೊಂಡು ಆಘಾತಕ್ಕೊಳಗಾಯಿತು.

• Stumps in Mumbai 🏏
  
  Mayank Agarwal and Wriddhiman Saha’s unbeaten 61-run stand has taken India past the 220-run mark.#WTC23 | #INDvNZ | https://t.co/EdvFj8QtKD pic.twitter.com/h20r8JRaPM

  — ICC (@ICC) December 3, 2021 " class="align-text-top noRightClick twitterSection" data="

  Stumps in Mumbai 🏏
  
  Mayank Agarwal and Wriddhiman Saha’s unbeaten 61-run stand has taken India past the 220-run mark.#WTC23 | #INDvNZ | https://t.co/EdvFj8QtKD pic.twitter.com/h20r8JRaPM

  — ICC (@ICC) December 3, 2021

  ">

  Stumps in Mumbai 🏏
  
  Mayank Agarwal and Wriddhiman Saha’s unbeaten 61-run stand has taken India past the 220-run mark.#WTC23 | #INDvNZ | https://t.co/EdvFj8QtKD pic.twitter.com/h20r8JRaPM

  — ICC (@ICC) December 3, 2021

ಈ ವೇಳೆ, ಮಧ್ಯಮ ಕ್ರಮಾಂಕದಲ್ಲಿ ಮಯಾಂಕ್​ ಅಗರವಾಲ್​ ಜೊತೆಯಾದ ಮೊದಲ ಟೆಸ್ಟ್​​​ ಪಂದ್ಯದ ಹೀರೋ ಶ್ರೇಯಸ್​ ಅಯ್ಯರ್​ ಸ್ವಲ್ಪ ಹೊತ್ತು ಪ್ರತಿರೋಧ ನೀಡಿದ್ರು. ಆದರೆ 18ರನ್​​ಗಳಿಕೆ ಮಾಡಿದ ವೇಳೆ ಅಜಾಜ್​ ಪಟೇಲ್​​ ಓವರ್​​ನಲ್ಲಿ ಕ್ಯಾಚ್​ ನೀಡಿ ನಿರ್ಗಮಿಸಿದರು. ಹೀಗಾಗಿ ತಂಡ 160ರನ್​​ಗಳಿಕೆ ಮಾಡುವಷ್ಟರಲ್ಲಿ 4 ವಿಕೆಟ್​ ಕಳೆದುಕೊಂಡಿತು.

ಉತ್ತಮ ಸಾಥ್​​ ನೀಡಿದ ವೃದ್ಧಿಮಾನ್​

ಟೀಂ ಇಂಡಿಯಾದ 4ನೇ ವಿಕೆಟ್​ ಪತನಗೊಳ್ಳುತ್ತಿದ್ದಂತೆ ಮೈದಾನಕ್ಕೆ ಆಗಮಿಸಿದ ವೃದ್ಧಿಮಾನ್ ಸಾಹಾ ಉತ್ತಮ ಬ್ಯಾಟ್​ ಬೀಸಿದರು. ಮಯಾಂಕ್ ಜೊತೆ ಸೇರಿ ಕೊನೆಯವರೆಗೂ ಆಟವಾಡಿದ ವಿಕೆಟ್​ ಕೀಪರ್​​​​ 53 ಎಸೆತಗಳಲ್ಲಿ 25ರನ್​​ಗಳಿಕೆ ಮಾಡಿ ಅಜೇಯರಾಗಿ ಉಳಿದರು. ಇದೇ ವೇಳೆ ಮಯಾಂಕ್​​ ಸೊಗಸಾದ(120*) ಶತಕ ಸಿಡಿಸಿ ಮಿಂಚಿದರು. ಕಳೆದ ಕೆಲ ಟೆಸ್ಟ್​​ ಪಂದ್ಯಗಳಲ್ಲಿ ಬ್ಯಾಟಿಂಗ್​ ವೈಫಲ್ಯ ಅನುಭವಿಸಿರುವ ಮಯಾಂಕ್​ ಇಂದು ಇಡೀ ದಿನ ಬ್ಯಾಟಿಂಗ್ ಮಾಡಿದ್ದು, 246 ಎಸೆತಗಳಲ್ಲಿ 4 ಸಿಕ್ಸರ್​​, 14 ಬೌಂಡರಿ ಸೇರಿದಂತೆ 120ರನ್​​ಗಳಿಕೆ ಮಾಡಿದ್ದು, ನಾಳೆಗೆ ಬ್ಯಾಟಿಂಗ್​ ಕಾಯ್ದುಕೊಂಡಿದ್ದಾರೆ.

4 ವಿಕೆಟ್​ ಪಡೆದು ಮಿಂಚಿದ ಅಜಾಜ್ ಪಟೇಲ್​​​

ನ್ಯೂಜಿಲ್ಯಾಂಡ್​ ಪರ ಎಡಗೈ ಸ್ಪಿನ್ನರ್​​ ಅಜಾಜ್​ ಪಟೇಲ್​ 4ವಿಕೆಟ್ ಪಡೆದು ಮಿಂಚಿದ್ರೆ, ಉಳಿದಂತೆ ಯಾವೊಬ್ಬ ಬೌಲರ್​ ಕೂಡ ವಿಕೆಟ್​ ಪಡೆದುಕೊಳ್ಳುವಲ್ಲಿ ಯಶಸ್ವಿಯಾಗಲಿಲ್ಲ.