ಪದಾರ್ಪಣೆ ಪಂದ್ಯದಲ್ಲಿ ಹರ್ಷಲ್​ಗೆ 2 ವಿಕೆಟ್​... ಟೀಂ ಇಂಡಿಯಾ ಗೆಲುವಿಗೆ 154ರನ್​ ಟಾರ್ಗೆಟ್​

ಟೀಂ ಇಂಡಿಯಾ(Team India) ಸಂಘಟಿತ ಬೌಲಿಂಗ್ ದಾಳಿಯಿಂದ ನ್ಯೂಜಿಲ್ಯಾಂಡ್ ತಂಡ 2ನೇ ಟಿ20 ಪಂದ್ಯದಲ್ಲಿ 153ರನ್​ಗಳಿಕೆ ಮಾಡಿದ್ದು, ರೋಹಿತ್ ಪಡೆ ಗೆಲುವಿಗೆ 154ರನ್​ಗಳ ಸ್ಪರ್ಧಾತ್ಮಕ ರನ್​ಗಳ ಟಾರ್ಗೆಟ್ ನೀಡಿದೆ.

ರಾಂಚಿ: ಆತಿಥೇಯ ಭಾರತ ವಿರುದ್ಧ ನಡೆದ ಎರಡನೇ ಟಿ20 ಪಂದ್ಯದಲ್ಲಿ ಟಾಸ್​ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ನ್ಯೂಜಿಲ್ಯಾಂಡ್ ತಂಡ ನಿಗದಿತ 20 ಓವರ್​ಗಳಲ್ಲಿ 6ವಿಕೆಟ್​ನಷ್ಟಕ್ಕೆ 153ರನ್​ಗಳಿಕೆ ಮಾಡಿದೆ. ಈ ಮೂಲಕ ಟೀಂ ಇಂಡಿಯಾ ಜಯ ದಾಖಲಿಸಲು 154ರನ್​ಗಳ ಟಾರ್ಗೆಟ್​ ನೀಡಿದೆ.

ಟೀಂ ಇಂಡಿಯಾ ಗೆಲುವಿಗೆ 154ರನ್​ ಟಾರ್ಗೆಟ್​

ರಾಂಚಿಯ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್​ ಸೋತು ಮೊದಲು ಬ್ಯಾಟಿಂಗ್​ ಆರಂಭಿಸಿದ ನ್ಯೂಜಿಲ್ಯಾಂಡ್(IND vs NZ, 2nd T20I)​ ಆರಂಭದಲ್ಲೇ ಸ್ಫೋಟಕ ಆರಂಭ ಪಡೆದುಕೊಂಡಿತು. ಆರಂಭಿಕರಾಗಿ ಕಣಕ್ಕಿಳಿದ ಮಾರ್ಟಿನ್​ ಗಪ್ಟಿಲ್ ಹಾಗೂ ಮೆಚೆಲ್​ ಉತ್ತಮ ಆರಂಭ ನೀಡಿದರು. ಭುವನೇಶ್ವರ್​ ಕುಮಾರ್​ ಎಸೆದ ಮೊದಲ ಓವರ್​ನಲ್ಲಿ ಗಪ್ಟಿಲ್​ 3 ಬೌಂಡರಿ ಸೇರಿ 14 ರನ್​ಗಳಿಸಿದರು. ನಂತರ ಚಹರ್ ಎಸೆದ ಓವರ್​ನಲ್ಲಿ 10ರನ್​ಗಳಿಕೆ ಮಾಡಲಾಯಿತು. ನ್ಯೂಜಿಲ್ಯಾಂಡ್ ತಂಡ(New Zealand) ಪವರ್​ಪ್ಲೇ ವೇಳೆಗೆ 1ವಿಕೆಟ್​ನಷ್ಟಕ್ಕೆ 64ರನ್​ಗಳಿಕೆ ಮಾಡಿತು.

ಪದಾರ್ಪಣೆ ಪಂದ್ಯದಲ್ಲಿ ಹರ್ಷಲ್ ಪಟೇಲ್ ಮಿಂಚು

31ರನ್​ಗಳಿಕೆ ಮಾಡಿದ್ದ ಗಪ್ಟಿಲ್​ ವಿಕೆಟ್ ಪಡೆದುಕೊಳ್ಳುವಲ್ಲಿ ಚಹರ್ ಯಶಸ್ವಿಯಾದರೆ, ಇದರ ಬೆನ್ನಲ್ಲೇ ಅಕ್ಷರ್ ಎಸೆದ ಓವರ್​ನಲ್ಲಿ 21ರನ್​ಗಳಿಕೆ ಚಾಪ್ಮನ್ ವಿಕೆಟ್ ಒಪ್ಪಿಸಿದರು. ಇದಾದ ಬಳಿಕ ಮಿಚೆಲ್​​ 31ರನ್​ಗಳಿಕೆ ಮಾಡಿ ಹರ್ಷಲ್​ಗೆ ಬಲಿಯಾದರು.

• Superb death bowling from India helps restrict New Zealand to 153/6 after their flying start.
  
  Can the hosts clinch the series today?#INDvNZ | https://t.co/lFuMngLmTs pic.twitter.com/qoWToPP3CS

  — ICC (@ICC) November 19, 2021 " class="align-text-top noRightClick twitterSection" data="

  Superb death bowling from India helps restrict New Zealand to 153/6 after their flying start.
  
  Can the hosts clinch the series today?#INDvNZ | https://t.co/lFuMngLmTs pic.twitter.com/qoWToPP3CS

  — ICC (@ICC) November 19, 2021

  ">

  Superb death bowling from India helps restrict New Zealand to 153/6 after their flying start.
  
  Can the hosts clinch the series today?#INDvNZ | https://t.co/lFuMngLmTs pic.twitter.com/qoWToPP3CS

  — ICC (@ICC) November 19, 2021

ಮಧ್ಯಮ ಕ್ರಮಾಂಕದಲ್ಲಿ ಮಿಂಚಿದ ಪಿಲಿಪ್ಸ್​​ ಕೇವಲ 21 ಎಸೆತಗಳಲ್ಲಿ 3ಸಿಕ್ಸರ್​, 1 ಬೌಂಡರಿ ಸೇರಿ 34ರನ್​ಗಳಿಸಿದರು. ಇವರಿಗೆ ವಿಕೆಟ್ ಕೀಪರ್​ ಸಿಫರ್ಟ್​​ 13ರನ್​ ಉತ್ತಮ ಸಾಥ್ ನೀಡಿದರು. ಆರಂಭದಲ್ಲಿ ಉತ್ತಮ ರನ್​ರೇಟ್​ ಹೊಂದಿದ್ದ ನ್ಯೂಜಿಲ್ಯಾಂಡ್​ ದ್ವೀತಿಯಾರ್ಧದಲ್ಲಿ ರನ್​ಗಳಿಕೆ ಮಾಡುವಲ್ಲಿ ಪರದಾಡಿತು. ಹೀಗಾಗಿ 20 ಓವರ್​ಗಳಲ್ಲಿ 153ರನ್ ಮಾತ್ರ ಗಳಿಕೆ ಮಾಡಿತು.

ಟೀಂ ಇಂಡಿಯಾ ಪರ ಪದಾರ್ಪಣೆ ಪಂದ್ಯದಲ್ಲೇ ಹರ್ಷಲ್ ಪಟೇಲ್​ 2ವಿಕೆಟ್ ಪಡೆದು ಮಿಂಚಿದ್ರೆ, ಭುವನೇಶ್ವರ್ ಕುಮಾರ್​, ದೀಪಕ್​ ಚಹರ್, ಅಕ್ಸರ್ ಪಟೇಲ್​ ಹಾಗೂ ಆರ್​​ ಅಶ್ವಿನ್ ತಲಾ 1 ವಿಕೆಟ್ ಪಡೆದುಕೊಂಡರು.