ಶ್ರೀಲಂಕಾ ವಿರುದ್ಧ ಗೆಲುವಿನ ದಡ ಸೇರಿಸಿದ ರಾಹುಲ್:​ ಏಕದಿನ ಸರಣಿ ಭಾರತದ ಕೈವಶ

ಶ್ರೀಲಂಕಾ ವಿರುದ್ಧ ಟಿ20 ಸರಣಿ ಗೆದ್ದಿದ್ದ ಟೀಂ ಇಂಡಿಯಾ, ಏಕದಿನ ಸರಣಿಯನ್ನೂ ತನ್ನ ಕೈವಶ ಮಾಡಿಕೊಂಡಿದೆ. ಇಂದು ನಡೆದ ಎರಡನೇ ಪಂದ್ಯದಲ್ಲಿ ಟೀಂ ಇಂಡಿಯಾ 4 ವಿಕೆಟ್​ಗಳಿಂದ ಗೆಲುವು ಸಾಧಿಸಿದೆ.

ಕೋಲ್ಕತ್ತಾ (ಪಶ್ಚಿಮ ಬಂಗಾಳ): ಶ್ರೀಲಂಕಾ ವಿರುದ್ಧ ಏಕದಿನ ಕ್ರಿಕೆಟ್​ ಸರಣಿಯನ್ನು ಭಾರತ ತಂಡ ಗೆದ್ದಿದೆ. ಮೂರು ಪಂದ್ಯಗಳ ಸರಣಿಯ ಮೊದಲ ಪಂದ್ಯದಲ್ಲಿ 67 ರನ್​ಗಳಿಂದ ಗೆದ್ದು ಮುನ್ನಡೆ ಸಾಧಿಸಿದ್ದ ಟೀಂ ಇಂಡಿಯಾ ಇಂದು ಕೋಲ್ಕತ್ತಾದಲ್ಲಿ ನಡೆದ ಎರಡನೇ ಪಂದ್ಯವನ್ನೂ ಗೆದ್ದು ಬೀಗಿದೆ. 4 ವಿಕೆಟ್​ಗಳಿಂದ ಭಾರತ ತಂಡ ಜಯ ದಾಖಲಿಸಿ ಇನ್ನೂ ಒಂದು ಪಂದ್ಯ ಬಾಕಿಯಿರುವಾಗಲೇ ಸರಣಿ ಕೈವಶ ಮಾಡಿಕೊಂಡಿದೆ.

ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ್ದ ಶ್ರೀಲಂಕಾ 39.4 ಓವರ್​ಗಳಲ್ಲಿ 215 ರನ್​ಗಳಿಗೆ ಆಲೌಟ್​ ಆಗಿತ್ತು. ಭಾರತದ ಬೌಲರ್​ಗಳು ಎದುರಾಳಿ ತಂಡವನ್ನು ಆರಂಭದಿಂದಲೂ ಇನ್ನಿಲ್ಲದಂತೆ ಕಾಡಿದರು. ಇದರ ನಡುವೆಯೂ ಲಂಕಾ ಪರ ನುವಾನಿದು ಫೆರ್ನಾಂಡೋ (50), ಕುಸಲ್ ಮೆಂಡಿಸ್ (34), ದುನಿತ್ ವೆಲ್ಲಲಗೆ (32), ವನಿಂದು ಹಸರಂಗ(21) ಮತ್ತು ಅವಿಷ್ಕ ಫೆರ್ನಾಂಡೋ 20 ರನ್​ ಬಾರಿಸಿ ತಂಡಕ್ಕೆ ನೆರವಾಗಿದ್ದರು. ಭಾರತ ಪರವಾಗಿ ಮೊಹಮ್ಮದ್​ ಸಿರಾಜ್​, ಕುಲ್​ದೀಪ್​ ಯಾದವ್​ ತಲಾ ಮೂರು ವಿಕೆಟ್​ ಮತ್ತು ಉಮ್ರಾನ್​ ಮಲಿಕ್​ ಎರಡು ವಿಕೆಟ್​, ಅಕ್ಷರ್​ ಪಟೇಲ್ ಒಂದು ವಿಕೆಟ್​ ಕಬಳಿಸಿದ್ದರು. ಈ ಮೂಲಕ ಅಲ್ಪ ಮೊತ್ತಕ್ಕೆ ಕಟ್ಟಿಹಾಕಲು ಯಶಸ್ವಿಯಾಗಿದ್ದರು.

• A victory by 4️⃣ wickets for #TeamIndia in the second #INDvSL ODI here in Kolkata and the series is sealed 2️⃣-0️⃣ 👏👏
  
  Scorecard ▶️ https://t.co/jm3ulz5Yr1 @mastercardindia pic.twitter.com/f8HvDZRJIY

  — BCCI (@BCCI) January 12, 2023 " class="align-text-top noRightClick twitterSection" data="

  A victory by 4️⃣ wickets for #TeamIndia in the second #INDvSL ODI here in Kolkata and the series is sealed 2️⃣-0️⃣ 👏👏
  
  Scorecard ▶️ https://t.co/jm3ulz5Yr1 @mastercardindia pic.twitter.com/f8HvDZRJIY

  — BCCI (@BCCI) January 12, 2023

  ">

  A victory by 4️⃣ wickets for #TeamIndia in the second #INDvSL ODI here in Kolkata and the series is sealed 2️⃣-0️⃣ 👏👏
  
  Scorecard ▶️ https://t.co/jm3ulz5Yr1 @mastercardindia pic.twitter.com/f8HvDZRJIY

  — BCCI (@BCCI) January 12, 2023

ಇತ್ತ, ಲಂಕಾ ನೀಡಿದ್ದ 216 ರನ್​ಗಳ ಗೆಲುವಿನ ಗುರಿ ಬೆನ್ನಟ್ಟಿದ್ದ ಭಾರತ 43 ಓವರ್​ಗಳಲ್ಲಿ 6 ವಿಕೆಟ್​​ಗಳನ್ನು ಕಳೆದುಕೊಂಡರೂ 4 ವಿಕೆಟ್​ಗಳ ಗೆಲುವು ಸಾಧಿಸಿತು. ಟೀಂ ಇಂಡಿಯಾ ಪರ ಕೆಎಲ್​ ರಾಹುಲ್​ ಅಜೇಯ 64 ರನ್​ಗಳನ್ನು ಸಿಡಿಸಿ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಹಾರ್ದಿಕ್​ ಪಾಂಡ್ಯ (36), ಶ್ರೇಯಸ್​ ಅಯ್ಯರ್​ (28), ಶುಭಮನ್​ ಗಿಲ್ ಮತ್ತು ಅಕ್ಷರ್ ಪಟೇಲ್​ ತಲಾ 21 ರನ್​ಗಳ ಕೊಡುಗೆ ನೀಡಿದರು.

ಆರಂಭಿಕ ಆಘಾತ: ಆದರೆ, ಟೀಂ ಇಂಡಿಯಾದ ಆರಂಭದ ಅಷ್ಟೊಂದು ಉತ್ತಮವಾಗಿರಲಿಲ್ಲ. ತಂಡದ ಮೊತ್ತ 41 ರನ್​ಗಳು ಆಗುವಷ್ಟರಲ್ಲೇ ಇಬ್ಬರು ಆರಂಭಿಕರು ಪೆವಿಲಿಯನ್​ ಸೇರಿಕೊಂಡರು. ಶುಭಮನ್​ ಗಿಲ್ ಜೊತೆ ಕಣಕ್ಕಿಳಿದ ನಾಯಕ ರೋಹಿತ್ ಶರ್ಮಾ 21 ಎಸೆತಗಳಲ್ಲಿ ಒಂದು ಸಿಕ್ಸರ್​​, 2 ಬೌಂಡರಿಗಳೊಂದಿಗೆ 17 ರನ್​ ಗಳಿಸಿ ಚಾಮಿಕಾ ಕರುಣಾರತ್ನೆ ಎಸೆತದಲ್ಲಿ ಕ್ಯಾಚ್​ ಕೊಟ್ಟರು. ಇದರ ಬೆನ್ನಲ್ಲೇ ಶುಭಮನ್​ ಗಿಲ್ ಓಟಾದರು. 12 ಎಸೆತಗಳಲ್ಲಿ ಐದು ಬೌಂಡರಿಗಳೊಂದಿಗೆ ಬಿರುಸಿನ ಬ್ಯಾಟ್​ ಬೀಸಿದರೂ ಗಿಲ್​ 21 ರನ್​ಗಳನ್ನು ಮಾತ್ರ ಕಲೆ ಹಾಕಿದರು.

ಮತ್ತೊಂದೆಡೆ ಭರವಸೆ ಆಟಗಾರ, ಮೊದಲ ಪಂದ್ಯದಲ್ಲಿ ಶತಕ ಬಾರಿಸಿ ಮಿಂಚಿದ್ದ ವಿರಾಟ್​ ಕೊಹ್ಲಿ ಎರಡನೇ ಪಂದ್ಯದಲ್ಲಿ ಬೇಗನೇ ಪೆವಿಲಿಯನ್​ ಮರಳಿದರು. 9 ಎಸತೆಗಳಲ್ಲಿ ಕೇವಲ ಒಂದು ಬೌಂಡರಿಯನ್ನು ಬಾರಿಸಿ ಲಹಿರು ಕುಮಾರ ಬೌಲಿಂಗ್​ನಲ್ಲಿ ಬೋಲ್ಡ್​ ಆದರು. ನಂತರ ಬಂದ ಶ್ರೇಯಸ್​ ಅಯ್ಯರ್ ಮತ್ತು ಕೆಎಲ್​ ರಾಹುಲ್​ 24 ರನ್​ಗಳು ಜೊತೆಯಾಟ ನೀಡಿದರು. ಈ ವೇಳೆ 28 ರನ್​​ ಗಳಿಸಿದ್ದ ಶ್ರೇಯಸ್​ ಕಸುನ್ ರಜಿತ ಅವರ ಎಲ್​ಬಿ ಬಲೆಗೆ ಬಿದ್ದರು.

ಕೆಎಲ್​ ರಾಹುಲ್ ಅರ್ಧ ಶತಕ: ಶ್ರೇಯಸ್​ ನಂತರ ರಾಹುಲ್​ ಜೊತೆಗೂಡಿದ ಹಾರ್ದಿಕ್​ ಪಾಂಡ್ಯ ಉತ್ತಮವಾಗಿ ಬ್ಯಾಟ್​ ಬೀಸಿದರು. ಐದನೇ ವಿಕೆಟ್​ಗೆ ಈ ಜೋಡಿ 119 ಎಸತೆಗಳಲ್ಲಿ 75 ರನ್​ಗಳನ್ನು ಪೇರಿಸಿ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿತು. ಆದರೆ, 53 ಎಸೆತಗಳಲ್ಲಿ ಐದು ಬೌಂಡರಿಗಳೊಂದಿಗೆ 36 ರನ್​ಗಳನ್ನು ಬಾರಿಸಿದ್ದ ಪಾಂಡ್ಯ ಚಾಮಿಕಾ ಕರುಣಾರತ್ನೆ ವಿಕೆಟ್​ ಒಪ್ಪಿಸಿದರು. ಇತ್ತ, ಕೆಎಲ್​ ರಾಹುಲ್​ ಯಾವುದೇ ಒತ್ತಡಕ್ಕೆ ಒಳಗಾದೆ ತಮ್ಮ ಆಟ ಮುಂದುವರಿಸಿ, ಅರ್ಧ ಶತಕ ಸಿಡಿಸಿದರು.

ಜೊತೆಗೆ ಅಕ್ಷರ್​ ಪಟೇಲ್​ ಜೊತೆಗೂಡಿ 30 ರನ್​ ಮತ್ತು ಕುಲ್​ದೀಪ್​ ಯಾದವ್​ ಜೊತೆ ಸೇರಿ 28 ರನ್​ಗಳನ್ನು ಸೇರಿಸಿದ ರಾಹುಲ್​ ತಂಡವನ್ನು ಗೆಲುವಿನ ತಡ ಸೇರಿಸಿದರು. ಅಜೇಯರಾಗಿ ಉಳಿದ ರಾಹುಲ್​, 103 ಎಸೆತಗಳಲ್ಲಿ ಆರು ಬೌಂಡರಿಗಳೊಂದಿಗೆ 64 ರನ್​ ಕಲೆ ಹಾಕಿದರು. ಮತ್ತೊಬ್ಬ ಅಜೇಯ ಆಟಗಾರರ 10 ಎಸೆತಗಳಲ್ಲಿ 10 ರನ್​ ಬಾರಿಸಿದರು. ಇತ್ತ, ಲಂಕಾ ಪರವಾಗಿ ಚಾಮಿಕಾ ಕರುಣಾರತ್ನೆ, ಲಹಿರು ಕುಮಾರ ತಲಾ ಎರಡು ವಿಕೆಟ್​ ಮತ್ತು ಕಸುನ್ ರಜಿತ, ಧನಂಜಯ ಡಿ ಸಿಲ್ವ ತಲಾ ಒಂದು ವಿಕೆಟ್​ ಪಡೆದರು. ಜನವರಿ 15ರಂದು ತಿರುವನಂತಪುರಂನಲ್ಲಿ ಕೊನೆಯ ಮತ್ತು ಮೂರನೇ ಪಂದ್ಯ ನಡೆಯಲಿದೆ.

ಇದನ್ನೂ ಓದಿ: IND vs SL 2nd ODI: 39.4 ಓವರ್​​ಗಳಲ್ಲಿ 215 ರನ್ ಗಳಿಸಿ ಸರ್ವ ಪತನ ಕಂಡ ಲಂಕಾ