ಮಹಿಳಾ ಟಿ20 ವಿಶ್ವಕಪ್: ಇಂಗ್ಲೆಂಡ್‌ ಮಣಿಸಿ ಮೊದಲ ಬಾರಿಗೆ ಫೈನಲ್‌ಗೇರಿದ ದ.ಆಫ್ರಿಕಾ

ಮಹಿಳಾ ಟಿ20 ವಿಶ್ವಕಪ್​ನಲ್ಲಿ ಇದೇ ಮೊದಲ ಬಾರಿಗೆ ದಕ್ಷಿಣ ಆಫ್ರಿಕಾದ ವನಿತೆಯರು ಫೈನಲ್​ಗೆ ಪ್ರವೇಶಿಸಿದ್ದಾರೆ. ಫೆ.26ರಂದು ಫೈನಲ್ ಪಂದ್ಯ ನಡೆಯಲಿದೆ.

ಕೇಪ್​ಟೌನ್​ (ದಕ್ಷಿಣ ಆಫ್ರಿಕಾ): ಮಹಿಳಾ ಟಿ20 ವಿಶ್ವಕಪ್​ನ ಎರಡನೇ ಸೆಮಿಫೈನಲ್​ ಪಂದ್ಯದಲ್ಲಿ ಇಂಗ್ಲೆಂಡ್​ ವಿರುದ್ಧ ಆತಿಥೇಯ ದಕ್ಷಿಣ ಆಫ್ರಿಕಾ 6 ರನ್​ಗಳಿಂದ ಗೆಲುವು ಸಾಧಿಸಿತು. ಈ ಮೂಲಕ ಪ್ರಶಸ್ತಿ ಸುತ್ತಿಗೆ ಲಗ್ಗೆ ಇಟ್ಟಿದ್ದು, ಫೈನಲ್​ನಲ್ಲಿ ಆಸ್ಟ್ರೇಲಿಯಾ ತಂಡದೊಂದಿಗೆ ಸೆಣಸಾಡಲಿದೆ.

ಕೇಪ್​ಟೌನ್​ನಲ್ಲಿಂದು ನಡೆದ ಪಂದ್ಯದಲ್ಲಿ ದ.ಆಫ್ರಿಕಾದ ನಾಯಕಿ ಸುನೆ ಲೂಸ್ ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ದುಕೊಂಡರು. ಆರಂಭಿಕ ಬ್ಯಾಟರ್​ಗಳಾದ ವೊಲ್ವಾರ್ಡ್ಟ್ ಹಾಗೂ ತಜ್ಮಿನ್ ಬ್ರಿಟ್ಸ್ ಇಬ್ಬರೂ 96 ರನ್​ಗಳ ಜೊತೆಯಾಟ ನೀಡಿ, ಆಕರ್ಷಕ ಅರ್ಧಶತಕಗಳನ್ನೂ ಬಾರಿಸಿದರು. ವೊಲ್ವಾರ್ಡ್ಟ್ 44 ಎಸೆತಗಳಲ್ಲಿ ಒಂದು ಸಿಕ್ಸರ್​, ಐದು ಬೌಂಡರಿಗಳೊಂದಿಗೆ 53 ರನ್​ ಸಿಡಿಸಿದರು.

• South Africa triumphed in a stunning finish at Newlands!
  
  The second semi-final was a thriller 🔥
  
  📝: https://t.co/UK4bVZVXBk#ENGvSA | #T20WorldCup | #TurnItUp pic.twitter.com/4OG9KFqlvE

  — ICC (@ICC) February 24, 2023 " class="align-text-top noRightClick twitterSection" data="

  South Africa triumphed in a stunning finish at Newlands!
  
  The second semi-final was a thriller 🔥
  
  📝: https://t.co/UK4bVZVXBk#ENGvSA | #T20WorldCup | #TurnItUp pic.twitter.com/4OG9KFqlvE

  — ICC (@ICC) February 24, 2023

  ">

  South Africa triumphed in a stunning finish at Newlands!
  
  The second semi-final was a thriller 🔥
  
  📝: https://t.co/UK4bVZVXBk#ENGvSA | #T20WorldCup | #TurnItUp pic.twitter.com/4OG9KFqlvE

  — ICC (@ICC) February 24, 2023

ಮತ್ತೊಂದೆಡೆ, 55 ಬಾಲ್​ಗಳಲ್ಲಿ ಎರಡು ಸಿಕ್ಸರ್​ ಮತ್ತು ಆರು ಬೌಂಡರಿಗಳ ಸಮೇತ ತಜ್ಮಿನ್ ಬ್ರಿಟ್ಸ್ 68 ರನ್​ ಕಲೆ ಹಾಕಿದರು. ಮೂರನೇ ಕ್ರಮಾಂಕದಲ್ಲಿ ಬಂದ ಮರಿಜಾನ್ನೆ ಕಪ್ಪ್ ಕೂಡ ಬಿರುಸಿನ ಬ್ಯಾಟಿಂಗ್​ ಪ್ರದರ್ಶನ ನೀಡಿದರು. ಕೇವಲ 13 ಎಸೆತಗಳಲ್ಲಿ ನಾಲ್ಕು ಬೌಂಡರಿ ನೆರವಿನೊಂದಿಗೆ 27 ರನ್​ ಬಾರಿಸಿ ಅಜೇಯರಾಗುಳಿದರು. ಒಟ್ಟಾರೆ, ಆತಿಥೇಯ ತಂಡ ನಿಗದಿತ 20 ಓವರ್​ಗಳಲ್ಲಿ ಕೇವಲ 4 ವಿಕೆಟ್​ ವಿಕೆಟ್​ ನಷ್ಟಕ್ಕೆ 164 ರನ್​ಗಳನ್ನು ಪೇರಿಸಿತು. ಇಂಗ್ಲೆಂಡ್​ ಪರವಾಗಿ ಎಕ್ಲೆಸ್ಟೋನ್ ಮೂರು ವಿಕೆಟ್​ ಕಿತ್ತರೆ, ಲಾರೆನ್ ಬೆಲ್ ಒಂದು ವಿಕೆಟ್​ ಪಡೆದರು.

165 ರನ್​ಗಳ ಸವಾಲಿನ ಗುರಿ ಬೆನ್ನಟ್ಟಿದ ಇಂಗ್ಲೆಂಡ್​ ನಿಗದಿತ 20 ಓವರ್​ಗಳಲ್ಲಿ 8 ವಿಕೆಟ್​ ನಷ್ಟಕ್ಕೆ 158 ರನ್​ಗಳನ್ನು ಪೇರಿಸಲು ಮಾತ್ರ ಶಕ್ತವಾಯಿತು. ಓಪನರ್​ಗಳಾದ ಡೇನಿಯಲ್ ವ್ಯಾಟ್ ಮತ್ತು ಸೋಫಿಯಾ ಡಂಕ್ಲಿ ಮೊದಲ ವಿಕೆಟ್​ಗೆ 53 ರನ್​ ಕಲೆ ಹಾಕಿ ತಂಡಕ್ಕೆ ಉತ್ತಮ ಆರಂಭ ಒದಗಿಸಿದರು. ಆದರೆ, ಈ ನಡುವೆ 16 ಎಸೆತಗಳಲ್ಲಿ ಆರು ಬೌಂಡರಿಗಳೊಂದಿಗೆ 28 ರನ್​ ಗಳಿಸಿದ್ದ ಸೋಫಿಯಾ ಡಂಕ್ಲಿ ವಿಕೆಟ್​ ಒಪ್ಪಿಸಿದರು. ಮೂರನೇ ಕ್ರಮಾಂಕದಲ್ಲಿ ಬಂದ ಆಲಿಸ್ ಕ್ಯಾಪ್ಸಿ ಶೂನ್ಯ ಸುತ್ತಿದರು. ಇದಾದ ಸ್ವಲ್ಪ ಹೊತ್ತಲ್ಲೇ ಡೇನಿಯಲ್ ವ್ಯಾಟ್ (34) ಕೂಡ ಪೆವಿಲಿಯನ್​ ಸೇರಿದರು.

ನಂತರದಲ್ಲಿ ನ್ಯಾಟ್ ಸ್ಕಿವರ್ ಬ್ರಂಟ್ (40) ಹಾಗೂ ನಾಯಕಿ ಹೀದರ್ ನೈಟ್ (31) ಕೂಡ ಉತ್ತಮವಾಗಿ ಬ್ಯಾಟ್​ ಬೀಸಿದರು. ಆದರೆ, ಬಳಿಕ ಬಂದ ಯಾವುದೇ ಬ್ಯಾಟರ್​ಗಳಿಂದ ಒಳ್ಳೆಯ ಆಟ ಮೂಡಿ ಬರಲಿಲ್ಲ. ಹೀಗಾಗಿ ಕೊನೆಗೆ 158 ರನ್ ಗಳಿಸಲಷ್ಟೇ ಇಂಗ್ಲೆಂಡ್​ ಶಕ್ತವಾಯಿತು. ದಕ್ಷಿಣ ಆಫ್ರಿಕಾ ಪರವಾಗಿ ಅಯಬೊಂಗ ಖಾಕಾ 4 ವಿಕೆಟ್​, ಶಬ್ನಿಮ್ ಇಸ್ಮಾಯಿಲ್ 3 ವಿಕೆಟ್​ ಪಡೆದು ಮಿಂಚಿದರು. ನಾಡಿನ್ ಡಿ ಕ್ಲರ್ಕ್ 1 ವಿಕೆಟ್​ ಪಡೆದರು. ಫೆ.26ರಂದು ವಿಶ್ವಕಪ್​ ಫೈನಲ್​ ಪಂದ್ಯ ನಡೆಯಲಿದೆ. ದಕ್ಷಿಣ ಆಫ್ರಿಕಾದ ವನಿತೆಯರು ಮೊದಲ ಬಾರಿ ಫೈನಲ್​ಗೆ ಪ್ರವೇಶಿಸಿ ಇತಿಹಾಸ ಬರೆದರು.

ಇದನ್ನೂ ಓದಿ: 3ನೇ ಟೆಸ್ಟ್: ಸ್ಟೀವ್​ ಸ್ಮಿತ್‌ ಹೆಗಲಿಗೆ ಆಸ್ಟ್ರೇಲಿಯಾ ನಾಯಕತ್ವ ಹೊಣೆ