ಐಸಿಸಿ ರ್‍ಯಾಂಕಿಂಗ್​: 4ನೇ ಸ್ಥಾನಕ್ಕೇರಿದ ಶುಭಮನ್​ 'ಗಿಲ್'ಖುಷ್​

ಐಸಿಸಿ ಏಕದಿನ ಶ್ರೇಯಾಂಕ ಬಿಡುಗಡೆಗೊಂಡಿದ್ದು ದ್ವಿಶತಕ ವೀರ ಶುಭಮನ್​ ಗಿಲ್​ 4ನೇ ಸ್ಥಾನಕ್ಕೆ ಏರಿಕೆ ಕಂಡಿದ್ದಾರೆ.

ಪ್ರಸ್ತುತ ಭಾರತ ಕ್ರಿಕೆಟಿಗರು ಲೀಗ್​ ಪಂದ್ಯದಲ್ಲಿ ಆಡುತ್ತಿದ್ದರೂ ಐಸಿಸಿ ರ್‍ಯಾಂಕಿಂಗ್​ನಲ್ಲಿ ಏರಿಕೆ ಕಂಡಿದ್ದಾರೆ. ಇಂದು (ಬುಧವಾರ) ಐಸಿಸಿ ಶ್ರೇಯಾಂಕ ಪಟ್ಟಿ ನವೀಕರಿಸಿದೆ. ಗಿಲ್ ಬ್ಯಾಟಿಂಗ್ ರ್‍ಯಾಂಕಿಂಗ್​ನಲ್ಲಿ 4ನೇ ಸ್ಥಾನಕ್ಕೇರಿದ್ದು, ಇದು ಅವರ ವೃತ್ತಿಜೀವನದ ಅತ್ಯುತ್ತಮ ಸ್ಥಾನವಾಗಿದೆ. ಗಿಲ್ 738 ಅಂಕಗಳನ್ನು ಹೊಂದಿದ್ದು, ಮೂರನೇ ಸ್ಥಾನದಲ್ಲಿರುವ ಪಾಕಿಸ್ತಾನದ ಇಮಾಮ್-ಉಲ್-ಹಕ್ ಅವರಿಗಿಂತ ಕೇವಲ 2 ಅಂಕ ಕಡಿಮೆ ಇದ್ದಾರೆ.

ಬ್ಯಾಟಿಂಗ್ ಪಟ್ಟಿಯಲ್ಲಿ ಕ್ವಿಂಟನ್ ಡಿ ಕಾಕ್ ನಂ. 4 ರಿಂದ 7 ನೇ ಸ್ಥಾನಕ್ಕೆ ಕುಸಿತದೊಂದಿಗೆ ಶುಭಮನ್ ಗಿಲ್ ಅವರಿಗೆ ಏರಿಕೆ ಸಿಕ್ಕಿದೆ. ದಕ್ಷಿಣ ಆಫ್ರಿಕಾದ ವಿಕೆಟ್​ ಕೀಪರ್​ ಅವರ ಕುಸಿತದಿಂದ ವಿರಾಟ್​ ಕೊಹ್ಲಿ ಸಹ ಒಂದು ಸ್ಥಾನದ ಏರಿಕೆ ಕಂಡಿದ್ದಾರೆ. ಮೂರನೇ ಸ್ಥಾನದಲ್ಲಿದ್ದ ಡೇವಿಡ್​ ವಾರ್ನರ್​ 5ಕ್ಕೆ ಜಾರಿದ್ದಾರೆ.

• New Zealand and Sri Lanka make merry in the recent @MRFWorldwide ICC Men’s Player Rankings ✨
  
  More 👇https://t.co/vGc9VLxqqw

  — ICC (@ICC) April 5, 2023 " class="align-text-top noRightClick twitterSection" data="

  New Zealand and Sri Lanka make merry in the recent @MRFWorldwide ICC Men’s Player Rankings ✨
  
  More 👇https://t.co/vGc9VLxqqw

  — ICC (@ICC) April 5, 2023

  ">

  New Zealand and Sri Lanka make merry in the recent @MRFWorldwide ICC Men’s Player Rankings ✨
  
  More 👇https://t.co/vGc9VLxqqw

  — ICC (@ICC) April 5, 2023

ಮಾರ್ಚ್‌ನಲ್ಲಿ ತವರಿನಲ್ಲಿ ನಡೆದ ಆಸ್ಟ್ರೇಲಿಯಾ ವಿರುದ್ಧದ ಏಕದಿನ ಸರಣಿಯಲ್ಲಿ ಭಾರತ 2-1 ರಿಂದ ಸೋಲು ಕಂಡಿತ್ತು. ಗಿಲ್​ ಮೂರು ಏಕದಿನ ಪಂದ್ಯಗಳಿಂದ 57 ರನ್​ ಗಳಿಸಿದ್ದರು. ಆದರೆ ಈ ವರ್ಷ ಏಕದಿನದಲ್ಲಿ 3 ಶತಕ ಗಳಿಸಿದ್ದು ಅವರನ್ನು ರ್‍ಯಾಂಕಿಂಗ್ ಪಟ್ಟಿಯಲ್ಲಿ ಅಗ್ರ ಐದು ಸ್ಥಾನದೊಳಗೆ ತಂದು ಕೂರಿಸಿದೆ. ಕೊಹ್ಲಿ ಪ್ರಸಕ್ತ ವರ್ಷದಲ್ಲಿ ಏಕದಿನ ಪಂದ್ಯಗಳಲ್ಲಿ 2 ಶತಕ ಮತ್ತು ಅರ್ಧಶತಕ ಸೇರಿದಂತೆ 427 ರನ್ ಗಳಿಸಿದ್ದಾರೆ. ನಾಯಕ ರೋಹಿತ್ ಶರ್ಮಾ ಕೂಡ 8ನೇ ಸ್ಥಾನದಲ್ಲಿ ತಮ್ಮ ಸ್ಥಾನವನ್ನು ಉಳಿಸಿಕೊಂಡಿರುವುದರಿಂದ ಭಾರತ ಅಗ್ರ 10ರಲ್ಲಿ 3 ಬ್ಯಾಟರ್​ಗಳನ್ನು ಹೊಂದಿದೆ.

ಮಿಕ್ಕಂತೆ ಯಾವ ದೇಶಗಳೂ ಟೆಸ್ಟ್​ ಕ್ರಿಕೆಟ್​ ಆಡುತ್ತಿಲ್ಲವಾದ್ದರಿಂದ ಯಾವುದೇ ಬದಲಾವಣೆ ಆಗಿಲ್ಲ. ಅಶ್ವಿನ್​ ಬೌಲಿಂಗ್​ನಲ್ಲಿ ಅಗ್ರಸ್ಥಾನದಲ್ಲಿ ಮುಂದುವರೆದರೆ ಜಡೇಜಾ ಆಲ್​ರೌಂಡರ್​ನಲ್ಲಿ ನಂ.1 ಆಗಿದ್ದಾರೆ. ಟಿ 20ಯಲ್ಲಿ ಸೂರ್ಯ ಕುಮಾರ್​ ಯಾದವ್​ ಅಗ್ರಸ್ಥಾನದಲ್ಲೇ ಮುಂದುವರೆದಿದ್ದಾರೆ. ದಕ್ಷಿಣ ಆಫ್ರಿಕಾದ ಬಲಗೈ ಆಟಗಾರ ಏಡೆನ್ ಮಾರ್ಕ್ರಾಮ್ ಏಕದಿನ ಬ್ಯಾಟರ್ ಶ್ರೇಯಾಂಕದಲ್ಲಿ ವೃತ್ತಿಜೀವನದ ಉನ್ನತ ರೇಟಿಂಗ್ ಪಡೆದುಕೊಂಡಿದ್ದಾರೆ. ಹರಿಣಗಳ ಮೂರನೇ ಮತ್ತು ಅಂತಿಮ ಪಂದ್ಯದಲ್ಲಿ ಅವರ ಅದ್ಭುತ 175 ನಂತರ ಒಟ್ಟಾರೆ 13 ಸ್ಥಾನಗಳನ್ನು ಜಿಗಿದು 41 ನೇ ಸ್ಥಾನ ತಲುಪಿದ್ದಾರೆ.

ICC ODI ಬ್ಯಾಟಿಂಗ್ ಶ್ರೇಯಾಂಕ: 1.ಬಾಬರ್ ಆಜಮ್ - 887 ಅಂಕಗಳು 2. ರಾಸ್ಸಿ ವ್ಯಾನ್ ಡೆರ್ ಡುಸ್ಸೆನ್ - 777 ಅಂಕಗಳು 3. ಇಮಾಮ್-ಉಲ್-ಹಕ್ - 740 ಅಂಕಗಳು 4. ಶುಬ್ಮನ್ ಗಿಲ್ - 738 ಅಂಕಗಳು 5. ಡೇವಿಡ್ ವಾರ್ನರ್ - 726 ಅಂಕಗಳು 6. ವಿರಾಟ್ ಕೊಹ್ಲಿ - 719 ಅಂಕಗಳು 7. ಕ್ವಿಂಟನ್ ಡಿ ಕಾಕ್ - 718 ಅಂಕಗಳು 8. ರೋಹಿತ್ ಶರ್ಮಾ - 707 ಅಂಕಗಳು 9. ಸ್ಟೀವ್ ಸ್ಮಿತ್ - 702 ಅಂಕಗಳು 10. ಫಖರ್ ಜಮಾನ್ - 699 ಅಂಕಗಳು

ಇದನ್ನೂ ಓದಿ: ಪುರುಷರ ಅಂತಾರಾಷ್ಟ್ರೀಯ ಕ್ರಿಕೆಟ್‌ ಪಂದ್ಯಕ್ಕೆ ಮೊದಲ ಮಹಿಳಾ ಅಂಪೈರ್‌ ಕಿಮ್ ಕಾಟನ್!