ICC Ranking: ರೋಹಿತ್​, ಶುಭಮನ್ ಮಧ್ಯೆ ಅಗ್ರಸ್ಥಾನಕ್ಕಾಗಿ ತೀವ್ರ ಪೈಪೋಟಿ: ಭಾರಿ ಕುಸಿತ ಕಂಡ ಪಾಕ್​ ತಂಡ

ವಿಶ್ವಕಪ್​ನಲ್ಲಿ ಉತ್ತಮ ಪ್ರದರ್ಶನ ನೀಡುತ್ತಿರುವ ಭಾರತದ ಬ್ಯಾಟರ್​​​ಗಳು ಐಸಿಸಿ ಶ್ರೇಯಾಂಕದಲ್ಲಿ ಏರಿಕೆ ಕಂಡಿದ್ದಾರೆ.

ದುಬೈ: ವಿಶ್ವಕಪ್​ನ 15 ಪಂದ್ಯಗಳು ಮುಗಿದಿದ್ದು, ತಂಡಗಳು ತಲಾ ಎರಡು ಪಂದ್ಯಗಳನ್ನು ಪೂರ್ಣಗೊಳಿಸಿ, ಮೂರನೇ ಪಂದ್ಯಗಳನ್ನು ಆಡುತ್ತಿವೆ. ಈ ಹಂತದಲ್ಲಿ ಐಸಿಸಿ ಏಕದಿನ ಶ್ರೇಯಾಂಕವನ್ನು ನವೀಕರಿಸಿದ್ದು, ಭಾರತ ಹಿಟ್​ಮ್ಯಾನ್​ ರೋಹಿತ್​ ಶರ್ಮಾ ಮತ್ತು ವಿರಾಟ್​ ಕೊಹ್ಲಿ ಶ್ರೇಯಾಂಕದಲ್ಲಿ ಏರಿಕೆ ಆಗಿದೆ. ದಕ್ಷಿಣ ಆಫ್ರಿಕಾದ ಆರಂಭಿಕ ಆಟಗಾರ ಕ್ವಿಂಟನ್ ಡಿ ಕಾಕ್ ಮತ್ತು ನ್ಯೂಜಿಲೆಂಡ್​ ವೇಗಿ ಟ್ರೆಂಟ್ ಬೌಲ್ಟ್ ಸ್ಥಾನದಲ್ಲೂ ಏರಿಕೆ ಕಂಡಿದೆ.

• Big movement at the top of the @MRFWorldwide ODI Player Rankings for a host of ICC Men's Cricket World Cup stars 💥#CWC23https://t.co/2sLZxpEB5f

  — ICC Cricket World Cup (@cricketworldcup) October 18, 2023 " class="align-text-top noRightClick twitterSection" data="

  Big movement at the top of the @MRFWorldwide ODI Player Rankings for a host of ICC Men's Cricket World Cup stars 💥#CWC23https://t.co/2sLZxpEB5f

  — ICC Cricket World Cup (@cricketworldcup) October 18, 2023

  ">

  Big movement at the top of the @MRFWorldwide ODI Player Rankings for a host of ICC Men's Cricket World Cup stars 💥#CWC23https://t.co/2sLZxpEB5f

  — ICC Cricket World Cup (@cricketworldcup) October 18, 2023

ತಂಡದ ಶ್ರೇಯಾಂಕದಲ್ಲಿ ವಿಶ್ವಕಪ್​ಗೂ ಒಂದು ತಿಂಗಳ ಮೊದಲು ಅಗ್ರಸ್ಥಾನದಲ್ಲಿದ್ದು ಬೀಗುತ್ತಿದ್ದ ಪಾಕಿಸ್ತಾನ ನಾಲ್ಕನೇ ಸ್ಥಾನಕ್ಕೆ ಕುಸಿತ ಕಂಡಿದೆ. ಏಷ್ಯಾಕಪ್​ ಚಾಂಪಿಯನ್​ ಪಟ್ಟವನ್ನು ಅಲಂಕರಿಸುವುದರೊಂದಿಗೆ ಐಸಿಸಿ ಶ್ರೇಯಾಂಕದಲ್ಲಿ ಅಗ್ರ ಸ್ಥಾನಕ್ಕೇರಿದ್ದ ಭಾರತ ತಂಡ ವಿಶ್ವಕಪ್​ನ ಹ್ಯಾಟ್ರಿಕ್​ ಗೆಲುವಿನ ಪರಿಣಾಮ ನಂ.1 ಪಟ್ಟವನ್ನು ಉಳಿಸಿಕೊಂಡಿದೆ.

2019ರ ವಿಶ್ವಕಪ್​ನ ಟಾಪ್​ ರನ್​ ಸ್ಕೋರರ್​ ಆಗಿದ್ದ ರೋಹಿತ್​ ಶರ್ಮಾ ಐಸಿಸಿ ಈವೆಂಟ್​ನ ತಮ್ಮ ಬ್ಯಾಟಿಂಗ್​ ಛಾಪನ್ನು ಮುಂದುವರೆಸಿದ್ದಾರೆ. ಆಸ್ಟ್ರೇಲಿಯಾ ವಿರುದ್ಧದ ಪಂದ್ಯದಲ್ಲಿ ಶೂನ್ಯಕ್ಕೆ ವಿಕೆಟ್​ ಒಪ್ಪಿಸಿದರೂ ನಂತರದ ಪಂದ್ಯಗಳಲ್ಲಿ ಭರ್ಜರಿ ಬ್ಯಾಟಿಂಗ್​ ಮಾಡಿದ್ದರು. ನಂತರದ ಎರಡು ಇನ್ನಿಂಗ್ಸ್​ನಲ್ಲಿ 131 ಮತ್ತು 86ರನ್​ ಉತ್ತಮ ಪ್ರದರ್ಶನ ನೀಡಿದ್ದು, ಬ್ಯಾಟಿಂಗ್​ ರ್‍ಯಾಂಕಿಂಗ್​ನಲ್ಲಿ 11 ರಿಂದ 6ನೇ ಸ್ಥಾನಕ್ಕೆ ಏರಿಕೆ ಕಂಡಿದ್ದಾರೆ. ರೋಹಿತ್​ ಶರ್ಮಾ ತಮ್ಮ ಫಾರ್ಮ್​ನ್ನು ಹೀಗೆ ಮುಂದುವರೆಸಿದಲ್ಲಿ ಅಗ್ರಸ್ಥಾನಕ್ಕೆ ಪೈಪೋಟಿ ನೀಡುವ ಎಲ್ಲ ಸಾಧ್ಯತೆಗಳು ಇವೆ. ವಿರಾಟ್​ ಕೊಹ್ಲಿ ಮೂರು ಇನ್ನಿಂಗ್ಸ್​ನಲ್ಲಿ ಎರಡು ಅರ್ಧಶತಕದ ಗಳಿಸಿದ್ದು, ಡೇವಿಡ್​ ಮಲಾನ್​ ಜೊತೆಗೆ 8ನೇ ಸ್ಥಾನವನ್ನು ಹಂಚಿಕೊಂಡಿದ್ದಾರೆ.

ಉಳಿದಂತೆ ಭಾರತದ ಯುವ ಸ್ಟಾರ್​ ಬ್ಯಾಟರ್​ ಶುಭಮನ್​ ಗಿಲ್ ಎರಡನೇ ಸ್ಥಾನದಲ್ಲಿ ಮುಂದುವರೆದಿದ್ದಾರೆ. ಪಾಕ್​ ನಾಯಕ ಬಾಬರ್​ ಅಜಮ್​ ನಂ.1 ಸ್ಥಾನವನ್ನು ಕಾಯ್ದುಕೊಂಡಿದ್ದಾರೆ. ಗಿಲ್​ ಮತ್ತು ಬಾಬರ್​ ನಡುವೆ 18 ರೇಟಿಂಗ್​ನ ವ್ಯತ್ಯಾಸವಿದೆ. ವಿಶ್ವಕಪ್​ ಆರಂಭಕ್ಕೂ ಮುನ್ನ ನಾಲ್ಕನೇ ಸ್ಥಾನದಲ್ಲಿದ್ದ ಪಾಕ್​ ಬ್ಯಾಟರ್​ ಇಮಾಮ್​ ಉಲ್​ ಹಕ್​​​ 10ನೇ ಸ್ಥಾನಕ್ಕೆ ಕುಸಿತ ಕಂಡಿದ್ದಾರೆ.

ವಿಶ್ವಕಪ್​ನಲ್ಲಿ ಅಚ್ಚರಿಯ ಫಲಿತಾಂಶಕ್ಕೆ ಕಾರಣರಾದ ಆಫ್ಘನ್​ನ ರಹಮಾನುಲ್ಲಾ ಗುರ್ಬಾಜ್ 1 ಸ್ಥಾನದ ಏರಿಕೆಯಿಂದ 18ನೇ ರ್‍ಯಾಂಕಿಂಗ್​ ಪಡೆದರೆ, ನೆದರ್ಲೆಂಡ್​ ಕ್ಯಾಪ್ಟನ್​ ಸ್ಕಾಟ್ ಎಡ್ವರ್ಡ್ಸ್ 16 ಸ್ಥಾನಗಳ ಏರಿಕೆ ಕಂಡು 27ನೇ ಶ್ರೇಯಾಂಕವನ್ನು ಪಡೆದುಕೊಂಡಿದ್ದಾರೆ. ಇಂಗ್ಲೆಂಡ್​ ವಿರುದ್ಧ ಗುರ್ಬಾಜ್​ 80 ರನ್​ನ ಇನ್ನಿಂಗ್ಸ್​ ಕಟ್ಟಿದರೆ, ದಕ್ಷಿಣ ಆಫ್ರಿಕಾ ವಿರುದ್ಧ ಸ್ಕಾಟ್ ಎಡ್ವರ್ಡ್ಸ್ 78 ರನ್​ ಗಳಿಸಿದ್ದರು.

ಬೌಲಿಂಗ್​ ಶ್ರೇಯಾಂಕ: ನ್ಯೂಜಿಲೆಂಡ್ ಅನುಭವಿ ವೇಗಿ ಬೌಲ್ಟ್ ಬಾಂಗ್ಲಾದೇಶ ವಿರುದ್ಧದ ಮಾಡಿದ ಬೆಸ್ಟ್​ ಸ್ಪೆಲ್​ನ ಪರಿಣಾಮ ಬೌಲಿಂಗ್ ಶ್ರೇಯಾಂಕದಲ್ಲಿ ನಂ.2 ಸ್ಥಾನವನ್ನು ತಲುಪಿದ್ದಾರೆ. ನಂ.1 ಪಟ್ಟಕ್ಕೇರಲು ಒಂದು ರೇಟಿಂಗ್​ ಪಾಯಿಂಟ್​ನಿಂದ ಹಿಂದಿದ್ದಾರೆ. ಆಸ್ಟ್ರೇಲಿಯಾ ವೇಗಿ ಜೋಶ್ ಹ್ಯಾಜಲ್‌ವುಡ್ 660 ಪಾಯಿಂಟ್​ ಪಡೆದು ಅಗ್ರಸ್ಥಾನದಲ್ಲಿದ್ದಾರೆ.

ಏಷ್ಯಾಕಪ್​ನಲ್ಲಿ ಊಹೆಗೂ ಮೀರಿದ ಪ್ರದರ್ಶನ ನೀಡಿ ಅಗ್ರಸ್ಥಾನ ಪಡೆದುಕೊಂಡಿದ್ದ ಮೊಹಮ್ಮದ್​ ಸಿರಾಜ್​ 3ನೇ ಶ್ರೇಯಾಂಕದಲ್ಲಿದ್ದಾರೆ. ಕುಲ್ದೀಪ್​ ಯಾದವ್​ 8, ಜಸ್ಪ್ರೀತ್ ಬುಮ್ರಾ 14ನೇ ರ್‍ಯಾಂಕಿಂಗ್​ನಲ್ಲಿದ್ದಾರೆ.

ಇದನ್ನೂ ಓದಿ: ಬೆಂಗಳೂರಿನಲ್ಲಿ ಆಸ್ಟ್ರೇಲಿಯಾ-ಪಾಕಿಸ್ತಾನ ವಿಶ್ವಕಪ್ ಕ್ರಿಕೆಟ್ ಪಂದ್ಯ: ಚಿನ್ನಸ್ವಾಮಿ ಕ್ರೀಡಾಂಗಣಕ್ಕೆ ಬಿಗಿ ಭದ್ರತೆ