ವಿಶ್ವಕಪ್​ ಕ್ರಿಕೆಟ್​: ರೋಹಿತ್, ಸೂರ್ಯ ಜವಾಬ್ದಾರಿಯುತ ಇನ್ನಿಂಗ್ಸ್​.. ಆಂಗ್ಲರಿಗೆ 230 ರನ್​ ಗುರಿ

ಲಖನೌನ ಏಕನಾ ಕ್ರೀಡಾಂಗಣದಲ್ಲಿ ಭಾರತ ತಂಡ ಇಂಗ್ಲೆಂಡ್​ ವಿರುದ್ಧ ಸೆಣಸುತ್ತಿದ್ದು, ಮೊದಲು ಬ್ಯಾಟ್​ ಮಾಡಿದ ಟೀಮ್​ ಇಂಡಿಯಾ 230 ರನ್​ನ ಗುರಿಯನ್ನು ಆಂಗ್ಲರಿಗೆ ನೀಡಿದೆ.

ಲಖನೌ (ಉತ್ತರ ಪ್ರದೇಶ): ವಿಶ್ವಕಪ್​ ಲೀಗ್​ನ ಐದು ಪಂದ್ಯಗಳಲ್ಲಿ ಎರಡನೇ ಇನ್ನಿಂಗ್ಸ್​ ಬ್ಯಾಟ್​ ಮಾಡಿ ಗೆದ್ದಿದ್ದ ಭಾರತ ಇಂದು ಇಲ್ಲಿನ ಏಕನಾ ಕ್ರೀಡಾಂಗಣದಲ್ಲಿ ಮೊದಲು ಬ್ಯಾಟಿಂಗ್​​ಗೆ ಇಳಿದು ದೊಡ್ಡ ಮೊತ್ತ ಕಲೆಹಾಕುವಲ್ಲಿ ವಿಫಲವಾಯಿತು. ನಾಯಕ ರೋಹಿತ್​ ಶರ್ಮಾ ಮತ್ತು ಸೂರ್ಯಕುಮಾರ್​ ಯಾದವ್​ ಅವರ ಅರ್ಧಶತಕದ ಇನ್ನಿಂಗ್ಸ್​ನ ನೆರವಿನಿಂದ ಟೀಮ್​ ಇಂಡಿಯಾ ನಿಗದಿ ಓವರ್​ ಅಂತ್ಯಕ್ಕೆ 9 ವಿಕೆಟ್​ ನಷ್ಟಕ್ಕೆ 229 ರನ್​ ಗಳಿಸಿತು. ಹಾಲಿ ಚಾಂಪಿಯನ್​ ಇಂಗ್ಲೆಂಡ್​ ಗೆಲುವಿಗೆ 230 ರನ್​ ಭೇದಿಸಬೇಕಿದೆ.

ಈ ವಿಶ್ವಕಪ್​ನಲ್ಲಿ ಸತತ ಐದು ಸೋಲು ಕಂಡಿರುವ ಹಾಲಿ ಚಾಂಪಿಯನ್​ ಲಯಕ್ಕೆ ಮರಳಲು ಸತತ ಪ್ರಯತ್ನ ಮಾಡುತ್ತಿದ್ದು, ಕಳೆದೆಲ್ಲಾ ಪಂದ್ಯಗಳಿಗಿಂತ ಇಂದು ಆಂಗ್ಲರ ತಂಡ ಬೌಲಿಂಗ್​ನಲ್ಲಿ ಉತ್ತಮ ಪ್ರದರ್ಶನ ನೀಡಿದೆ. ಲಖನೌ ಪಿಚ್​ನ ಸ್ವಿಂಗ್​ ಬಳಸಿಕೊಂಡ ಇಂಗ್ಲೆಂಡ್​ ವೇಗಿಗಳು ನಾಯಕನ ಬೌಲಿಂಗ್​ ನಿರ್ಣಯವನ್ನು ಸಮರ್ಥಿಸಿಕೊಂಡರು.

• Innings Break!
  
  Captain Rohit Sharma top-scores with 87 as #TeamIndia set a 🎯 of 2⃣3⃣0⃣
  
  Second innings coming up shortly ⏳
  
  Scorecard ▶️ https://t.co/etXYwuCQKP#CWC23 | #MenInBlue | #INDvENG pic.twitter.com/cbycovA0Mk

  — BCCI (@BCCI) October 29, 2023 " class="align-text-top noRightClick twitterSection" data="

  Innings Break!
  
  Captain Rohit Sharma top-scores with 87 as #TeamIndia set a 🎯 of 2⃣3⃣0⃣
  
  Second innings coming up shortly ⏳
  
  Scorecard ▶️ https://t.co/etXYwuCQKP#CWC23 | #MenInBlue | #INDvENG pic.twitter.com/cbycovA0Mk

  — BCCI (@BCCI) October 29, 2023

  ">

  Innings Break!
  
  Captain Rohit Sharma top-scores with 87 as #TeamIndia set a 🎯 of 2⃣3⃣0⃣
  
  Second innings coming up shortly ⏳
  
  Scorecard ▶️ https://t.co/etXYwuCQKP#CWC23 | #MenInBlue | #INDvENG pic.twitter.com/cbycovA0Mk

  — BCCI (@BCCI) October 29, 2023

ಟಾಸ್​ ಸೋತು ಮೊದಲು ಬ್ಯಾಟಿಂಗ್​ಗೆ ಇಳಿದ ಭಾರತ ಸತತ ಮೂರು ಶಾಕ್​ ಎದುರಿಸಬೇಕಾಯಿತು. ಪವರ್​ ಪ್ಲೇಯಲ್ಲಿ ಉತ್ತಮ ರನ್​ ಗಳಿಸಿದ ಟೀಮ್​ ಇಂಡಿಯಾ ಸತತ ವಿಕೆಟ್​ ನಷ್ಟಕ್ಕೆ ಗುರಿಯಾಯಿತು. ರೋಹಿತ್ ಶರ್ಮಾ ಏಕಾಂಗಿಯಾಗಿ ಬ್ಯಾಟ್​​ ಬೀಸುತ್ತಿದ್ದರೆ ಇತ್ತ ವಿಕೆಟ್​ಗಳು ಉರುಳುತ್ತಿದ್ದವು. ಆರಂಭಿಕ ಶುಭಮನ್​ ಗಿಲ್​ 9 ರನ್​ಗೇ ಔಟ್​ ಆದರೆ, ಸತತ ಉತ್ತಮ ಇನ್ನಿಂಗ್ಸ್​ ಆಡುತ್ತಾ ಫಾರ್ಮ್​ನಲ್ಲಿದ್ದ ವಿರಾಟ್ ಕೊಹ್ಲಿ​ 9 ಬಾಲ್​ ಆಡಿ ಶೂನ್ಯಕ್ಕೆ ವಿಕೆಟ್​ ಒಪ್ಪಿಸಿದರು. ಎರಡು ವಿಕೆಟ್​ ಕಳೆದುಕೊಂಡು ಸಂಕಷ್ಟದಲ್ಲಿದ್ದ ಭಾರತಕ್ಕೆ ಶ್ರೇಯಸ್​ ಅಯ್ಯರ್​ ಆಸರೆ ಆಗಲೇ ಇಲ್ಲ. ಇದರಿಂದ ಭಾರತ 12ನೇ ಓವರ್​​ ಅಂತ್ಯಕ್ಕೆ 40 ರನ್​ಗೆ 3 ವಿಕೆಟ್​ ಕಳೆದುಕೊಂಡು ಸಂಕಷ್ಟದಲ್ಲಿತ್ತು.

ರಾಹುಲ್​ - ರೋಹಿತ್​ ಜತೆಯಾಟ: ಐಪಿಎಲ್​ ತವರು ಮೈದಾನದಲ್ಲಿ ರಾಹುಲ್​ ನಾಯಕ ರೋಹಿತ್​ ಜತೆ ಸೇರಿಕೊಂಡು ಇನ್ನಿಂಗ್ಸ್​ ಕಟ್ಟಿದರು. ಈ ಜೋಡಿ ನಾಲ್ಕನೇ ವಿಕೆಟ್​ಗೆ 91 ರನ್​ನ ಪಾಲುದಾರಿಕೆಯನ್ನು ಮಾಡಿತು. ರಾಹುಲ್​ ವಿಕೆಟ್​ ಕಾಯ್ದರೆ, ನಾಯಕ ರೋಹಿತ್​ ಸಿಕ್ಕ ಅವಕಾಶಗಳಲ್ಲಿ ದೊಡ್ಡ ಹೊಡೆತಗಳ ಮೂಲಕ ರನ್​ ಪಡೆದರು. 91 ರನ್​ನ ಜತೆಯಾಟ ಆಗಿದ್ದಾಗ ವಿಕೆಟ್​ ಕೀಪರ್​ ಕೆ ಎಲ್​ ರಾಹುಲ್​ (39) ವಿಲ್ಲಿ ಬೌಲಿಂಗ್​ ದಾಳಿಗೆ ಬಲಿಯಾದರು.

ಅತ್ತ ವಿಕೆಟ್​ಗಳ ಪತನವಾಗುತ್ತಿದ್ದರೂ 100ನೇ ಅಂತಾರಾಷ್ಟ್ರೀಯ ಪಂದ್ಯದ ನಾಯಕತ್ವ ವಹಿಸಿರುವ ರೋಹಿತ್​ ತಮ್ಮ ಜವಾಬ್ದಾರಿಯನ್ನು ಮೆರೆದರು. ಅಲ್ಲದೇ 48 ರನ್​ ಗಳಿಸಿದ್ದಾಗ 18,000 ಅಂತಾರಾಷ್ಟ್ರೀಯ ರನ್​ ಪೂರೈಸಿದ ದಾಖಲೆಯನ್ನೂ ಮಾಡಿದರು. 13 ರನ್​ನಿಂದ ಇನ್ನಿಂಗ್ಸ್​ನಲ್ಲಿ ಶತಕ ವಂಚಿತರಾದರು. ಪಂದ್ಯದಲ್ಲಿ ಹಿಟ್​ ಮ್ಯಾನ್​ 101 ಬಾಲ್​ಗಳನ್ನು ಆಡಿ 10 ಬೌಂಡರಿ ಮತ್ತು 3 ಸಿಕ್ಸ್​ನಿಂದ 87 ರನ್​ ಕಲೆಹಾಕಿದರು.

ಸೂರ್ಯ ಆಸರೆಯ ಇನ್ನಿಂಗ್ಸ್​: ಹಾರ್ದಿಕ್​ ಅನುಪಸ್ಥಿತಿಯಲ್ಲಿ 6ನೇ ಬ್ಯಾಟರ್​ ಆಗಿ ಬಂದ ಸೂರ್ಯಕುಮಾರ್​ ಯಾದವ್​ ಕೆಳ ಹಂತದಲ್ಲಿ ತಂಡಕ್ಕೆ ಆಸರೆ ಆದರು. ಅಲ್ಲದೇ ತಂಡ 200 ಗಡಿ ತಲುಪುವಲ್ಲಿ ಪ್ರಮುಖ ಪಾತ್ರ ವಹಿಸಿದರು. ನಾಯಕನ ಜತೆ ಪುಟ್ಟ ಜತೆಯಾಟ ಮಾಡಿದ ಅವರು ಕೊನೆಯಲ್ಲಿ ಬಾಲಂಗೋಚಿಗಳ ಒಟ್ಟಿಗೆ ಇನ್ನಿಂಗ್ಸ್​ ಬೆಳೆಸಿದರು. 1 ರನ್​ನಿಂದ ವಿಶ್ವಕಪ್​ನ ಚೊಚ್ಚಲ ಅರ್ಧಶತಕ ತಪ್ಪಿಸಿಕೊಂಡರು. 47 ಬಾಲ್​ ಎದುರಿಸಿದ ಸೂರ್ಯ 4 ಬೌಂಡರಿ ಮತ್ತು 1 ಸಿಕ್ಸ್​ನಿಂದ 49 ರನ್ ಗಳಿಸಿ​ ಔಟ್​ ಆದರು. ಕೊನೆಯಲ್ಲಿ ಜಸ್ಪ್ರೀತ್​ ಬುಮ್ರಾ ಮತ್ತು ಕಲ್ದೀಪ್​ ಯಾದವ್​ ವಿಕೆಟ್​ ಕಾಯ್ದು ಆಲ್​ಔಟ್​ನಿಂದ ತಪ್ಪಿಸಿದರು.

ಇಂಗ್ಲೆಂಡ್​ ಪರ ಡೇವಿಡ್​ ವಿಲ್ಲಿ 3 ಮತ್ತು ಕ್ರಿಸ್​ ವೋಕ್ಸ್, ಆದಿಲ್​ ರಶೀದ್​​ 2 ವಿಕೆಟ್​ ಪಡೆದರೆ, ಮಾರ್ಕ್​ ವುಡ್​ ಒಂದು ವಿಕೆಟ್​ ಕಬಳಿಸಿದರು.

ಇದನ್ನೂ ಓದಿ: ವಿಶ್ವಕಪ್ 2023: ಸಚಿನ್​, ವಿರಾಟ್​ ಪಟ್ಟಿ ಸೇರಿದ ರೋಹಿತ್​​.. ಇಂಗ್ಲೆಂಡ್ ವಿರುದ್ಧದ ಪಂದ್ಯದಲ್ಲಿ ಹೊಸ ಮೈಲಿಗಲ್ಲು ತಲುಪಿದ ನಾಯಕ