ವಿಶ್ವಕಪ್​ ಕ್ರಿಕೆಟ್​: ಇಂಗ್ಲೆಂಡ್​ ಸುಧಾರಿತ ಬೌಲಿಂಗ್​ ದಾಳಿ - 286ಕ್ಕೆ ಸರ್ವಪತನ ಕಂಡ ಆಸ್ಟ್ರೇಲಿಯಾ

ಅಹಮದಾಬಾದ್​ನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ಆಸ್ಟ್ರೇಲಿಯಾ ಮತ್ತು ಇಂಗ್ಲೆಂಡ್​ ಮುಖಾಮುಖಿ ಆಗಿದ್ದು, ಮೊದಲು ಬ್ಯಾಟ್​ ಮಾಡಿದ ಆಸೀಸ್​ 286ಕ್ಕೆ ಆಲ್​ಔಟ್​ ಆಗಿದೆ.

ಅಹಮದಾಬಾದ್​​ (ಗುಜರಾತ್​): ಸ್ಟೀವನ್ ಸ್ಮಿತ್, ಮಾರ್ನಸ್ ಲ್ಯಾಬುಶೇನ್​ ಮತ್ತು ಕ್ಯಾಮೆರಾನ್ ಗ್ರೀನ್ ಅವರ ಇನ್ನಿಂಗ್ಸ್ ಬಲದಿಂದ ಕಾಂಗರೂ ಪಡೆ ಆಂಗ್ಲರ ವಿರುದ್ಧ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ನಿಗದಿತ ಓವರ್​ ಅಂತ್ಯಕ್ಕೆ ತನ್ನೆಲ್ಲಾ ವಿಕೆಟ್​ಗಳನ್ನು ಕಳೆದುಕೊಂಡು 286 ರನ್​​ಗಳನ್ನು​ ಕಲೆಹಾಕಿದೆ. 2023 ವಿಶ್ವಕಪ್​ನಲ್ಲಿ ಕಳಪೆ ಪ್ರದರ್ಶನದಿಂದ ಅಂಕಪಟ್ಟಿಯಲ್ಲಿ ತಳಮಟ್ಟಕ್ಕೆ ತಲುಪಿರುವ ಆಂಗ್ಲರು 2025ರ ಚಾಂಪಿಯನ್ಸ್​ ಟ್ರೋಫಿಯಲ್ಲಿ ಅವಕಾಶ ಪಡೆಯುವ ಉದ್ದೇಶದಿಂದ ಈ ಪಂದ್ಯದ ಜೊತೆ ಉಳಿದ ಪಂದ್ಯಗಳನ್ನು ಗೆಲ್ಲಬೇಕಿದೆ. ಬ್ಯಾಟಿಂಗ್​ನಲ್ಲಿ ಸತತವಾಗಿ ಕೆಟ್ಟ ಪ್ರದರ್ಶನ ನೀಡುತ್ತಿರುವ ಆಂಗ್ಲರಿಗೆ 287 ದೊಡ್ಡ ಮೊತ್ತವೇ ಆಗಿದೆ.

• Australia all out in Ahmedabad!
  
  Catch up on all of the first innings action from our Match Centre 👇
  
  🇦🇺 2️⃣8️⃣6️⃣#EnglandCricket | #CWC23

  — England Cricket (@englandcricket) November 4, 2023 " class="align-text-top noRightClick twitterSection" data="

  Australia all out in Ahmedabad!
  
  Catch up on all of the first innings action from our Match Centre 👇
  
  🇦🇺 2️⃣8️⃣6️⃣#EnglandCricket | #CWC23

  — England Cricket (@englandcricket) November 4, 2023

  ">

  Australia all out in Ahmedabad!
  
  Catch up on all of the first innings action from our Match Centre 👇
  
  🇦🇺 2️⃣8️⃣6️⃣#EnglandCricket | #CWC23

  — England Cricket (@englandcricket) November 4, 2023

ಟಾಸ್​ ಸೋತು ಮೊದಲು ಬ್ಯಾಟಿಂಗ್​​ಗೆ ಇಳಿದ ಆಸ್ಟ್ರೇಲಿಯಾ ಉತ್ತಮ ಆರಂಭವನ್ನೇನು ಪಡೆಯಲಿಲ್ಲ. 6ನೇ ಓವರ್​ಗೆ 38 ರನ್​ಗೆ ಆಸಿಸ್​​ ತನ್ನ ಆರಂಭಿಕರಾದ ಡೇವಿಡ್ ವಾರ್ನರ್ (15), ಟ್ರಾವಿಸ್ ಹೆಡ್ (11) ಅವರನ್ನು ಕಳೆದುಕೊಂಡಿತು. ಆದರೆ, ಮೂರನೇ ವಿಕೆಟ್​ಗೆ ಸ್ಟೀವ್​ ಸ್ಮಿತ್ ಮತ್ತು ಮಾರ್ನಸ್ ಲ್ಯಾಬುಶೇನ್​ 75 ರನ್​ನ ಪಾಲುದಾರಿಕೆಯನ್ನು ಮಾಡಿ ತಂಡಕ್ಕೆ ಆಸರೆ ಆದರು. ಮಾಜಿ ನಾಯಕ ಸ್ಮಿತ್​ (44) ಅರ್ಧಶತಕ ಮಾಡುವಲ್ಲಿ ಎಡವಿದರು. ಅವರ ಬೆನ್ನಲ್ಲೇ ಜೋಶ್ ಇಂಗ್ಲಿಸ್ (3) ಸಹ ವಿಕೆಟ್​ ಕಳೆದುಕೊಂಡರು.

ನಾಲ್ಕನೆ ವಿಕೆಟ್​ಗೆ ಒಂದಾದ ಮಾರ್ನಸ್ ಲ್ಯಾಬುಶೇನ್​ ಮತ್ತು ಕ್ಯಾಮೆರಾನ್ ಗ್ರೀನ್ 61 ರನ್​ಗಳ ಜೊತೆಯಾಟವಾಡಿದರು. 71ರನ್​​ ಬಾರಿಸಿದ ​ಮಾರ್ನಸ್ ಲ್ಯಾಬುಶೇನ್ ಮಾರ್ಕ್ ವುಡ್​ಗೆ ವಿಕೆಟ್​ ಒಪ್ಪಿಸಿದರು. ನಂತರ ಕ್ಯಾಮೆರಾನ್ ಗ್ರೀನ್ (47), ಮಾರ್ಕಸ್ ಸ್ಟೊಯ್ನಿಸ್ (35), ಪ್ಯಾಟ್ ಕಮ್ಮಿನ್ಸ್ (10), ಮಿಚೆಲ್ ಸ್ಟಾರ್ಕ್(10), ಆಡಮ್ ಝಂಪಾ (29) ವಿಕೆಟ್​ ಒಪ್ಪಿಸಿದರು.

• " class="align-text-top noRightClick twitterSection" data="">

ಸುಧಾರಿತ ಇಂಗ್ಲೆಂಡ್​ ಬೌಲಿಂಗ್​: ವಿಶ್ವಕಪ್​ನಲ್ಲಿ ಇಂಗ್ಲೆಂಡ್​ನ ಇಂದಿನ ಬೌಲಿಂಗ್​ ಪ್ರದರ್ಶನವನ್ನು ಉತ್ತಮ​ ಎಂದೇ ಕರೆಯಬಹುದು. ಉದ್ಘಾಟನಾ ಪಂದ್ಯದಲ್ಲಿ ಇದೇ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ನ್ಯೂಜಿಲೆಂಡ್​ ವಿರುದ್ಧ ಕೇವಲ 37 ಓವರ್​ಗೆ 283ರನ್​ ಚಚ್ಚಿಸಿಕೊಂಡಿತ್ತು.

ಇಂದು ಆಸ್ಟ್ರೇಲಿಯಾವನ್ನು 50 ಓವರ್​​ಗೆ ಇಂಗ್ಲೆಂಡ್​ ಬೌಲರ್​ಗಳು 286ಕ್ಕೆ ಆಲ್​ಔಟ್​ ಮಾಡಿದರು. ಕ್ರಿಸ್ ವೋಕ್ಸ್ 9.3 ಓವರ್​ ಮಾಡಿ 5.4 ಎಕಾನಮಿಯಲ್ಲಿ 4 ವಿಕೆಟ್​ ಕಬಳಿಸಿದರು. ಆದಿಲ್ ರಶೀದ್ ಮತ್ತು ಮಾರ್ಕ್ ವುಡ್ ತಲಾ ಎರಡು ವಿಕೆಟ್​ ಪಡೆಯಲು ಯಶಸ್ವಿ ಆದರೆ, ಡೇವಿಡ್ ವಿಲ್ಲಿ, ಲಿಯಾಮ್ ಲಿವಿಂಗ್‌ಸ್ಟೋನ್ ಒಂದೊಂದು ವಿಕೆಟ್​ ಕಬಳಿಸಿದರು.

ಇದನ್ನೂ ಓದಿ: ಹಾರ್ದಿಕ್​ ಪಾಂಡ್ಯ ಬದಲಿಗೆ ಪ್ರಸಿದ್ಧ್​ ಕೃಷ್ಣ ಎಷ್ಟು ಸೂಕ್ತ?: ಆಯ್ಕೆ ಸಮಿತಿಗೆ ಮಾಜಿ ಆಟಗಾರರ ಪ್ರಶ್ನೆ