ETV Bharat / sports

ವಿಶ್ವಕಪ್​ ಕ್ರಿಕೆಟ್​: ಮ್ಯಾಕ್ಸ್​ವೆಲ್​ ಭರ್ಜರಿ ದ್ವಿಶತಕ.. ಅಫ್ಘಾನ್​ ವಿರುದ್ಧ ಆಸ್ಟ್ರೇಲಿಯಾಕ್ಕೆ ಊಹೆಗೂ ಮೀರಿದ ಜಯ

ಮುಂಬೈ ವಾಂಖೆಡೆ ಮೈದಾನದಲ್ಲಿ ಆಸ್ಟ್ರೇಲಿಯಾಕ್ಕೆ ಗ್ಲೆನ್​ ಮ್ಯಾಕ್ಸ್​ವೆಲ್ ಅಚ್ಚರಿಯ ಗೆಲುವು​ ತಂದು ಕೊಟ್ಟಿದ್ದಾರೆ.

: ICC Cricket World Cup 2023
: ICC Cricket World Cup 2023
author img

By ETV Bharat Karnataka Team

Published : Nov 7, 2023, 10:29 PM IST

Updated : Nov 7, 2023, 11:03 PM IST

ಮುಂಬೈ (ಮಹಾರಾಷ್ಟ್ರ): ಗ್ಲೆನ್​ ಮ್ಯಾಕ್ಸ್​ವೆಲ್​ ಅವರ ದ್ವಿಶತಕ ಆಟ ಆಸ್ಟ್ರೇಲಿಯಾವನ್ನು ಸೋಲಿನ ಹೊಸಿಲಿನಿಂದ ಗೆಲುವಿಗೆ ಕೊಂಡೊಯ್ಯಿತು. 91 ರನ್​ಗಳಿಗೆ 7 ವಿಕೆಟ್​ ಕಳೆದುಕೊಂಡಿದ್ದ ಕಾಂಗರೂ ಪಡೆಗೆ ಗ್ಲೆನ್​ ಮ್ಯಾಕ್ಸ್​ವೆಲ್​ ಮತ್ತು ನಾಯಕ ಪ್ಯಾಟ್​ ಕಮಿನ್ಸ್ 202 ರನ್​ಗಳ ಪಾಲುದಾರಿಕೆ ಜಯಕ್ಕೆ ಮೂಲವಾಯಿತು. ಮೊದಲು ಬ್ಯಾಟಿಂಗ್​ ಮಾಡಿದ್ದ ಅಫ್ಘಾನ್ನರು 50 ಓವರ್​ನಲ್ಲಿ 5 ವಿಕೆಟ್ ಕಳೆದುಕೊಂಡು 292 ರನ್​ಗಳ ಗುರಿ ನೀಡಿದ್ದರು. ಇದನ್ನು ಆಸ್ಟ್ರೇಲಿಯಾ 3 ಓವರ್ ಮತ್ತು 3 ವಿಕೆಟ್​ ಉಳಿಸಿಕೊಂಡು ಗೆದ್ದಿದೆ.

ಪಂದ್ಯದ ಸೋಲಿನಲ್ಲಿ ಕ್ಯಾಚ್​ಗಳು ಎಷ್ಟು ಪ್ರಮುಖವಾಗುತ್ತದೆ ಎಂಬುದಕ್ಕೆ ಮುಂಬೈನ ವಾಂಖೆಡೆಯಲ್ಲಿ ನಡೆದ ಆಸ್ಟ್ರೇಲಿಯಾ vs ಅಫ್ಘಾನಿಸ್ತಾನ ಪಂದ್ಯ ನಿದರ್ಶನವಾಗಿರಲಿದೆ. ಮ್ಯಾಕ್ಸ್​ವೆಲ್​ ಅವರ 4 ಕ್ಯಾಚ್​ಗಳನ್ನು ಕೈಚೆಲ್ಲಿ ಜೀವದಾನ ಕೊಟ್ಟಿದ್ದು ಅಫ್ಘಾನ್​ಗೆ ಊಹೆಗೂ ಮೀರಿದ ಸೋಲಿಗೆ ಕಾರಣವಾಯಿತು. ಆಸ್ಟ್ರೇಲಿಯಾ 8ನೇ ವಿಕೆಟ್​ಗೆ 202 ರನ್​ಗಳ ಜೊತೆಯಾಟ ಮಾಡಿ ಇತಿಹಾಸ ಪುಟದಲ್ಲಿ ಅಚ್ಚರಿಯ ಗೆಲುವೊಂದಕ್ಕೆ ಕಾರಣವಾಯಿತು. ಪಂದ್ಯದಲ್ಲಿ ಸೋಲು ಕಂಡ ಅಫ್ಘಾನ್​​ಗೆ ಸೆಮೀಸ್​ ಪ್ರವೇಶ ಮಾಡುವ ಇದ್ದೊಂದು ಅವಕಾಶ ಕಮರಿದೆ.

ಗ್ಲೆನ್​ ಮ್ಯಾಕ್ಸ್​ವೆಲ್​ ಏಕಾಂಗಿ ಆಟ: ಒಬ್ಬ ಬ್ಯಾಟರ್​ ಎದುರಾಳಿ ಕೊಟ್ಟ ಗುರಿಯ 90 ಶೇಕಡಾದಷ್ಟು ಮೊತ್ತವನ್ನು ಏಕಾಂಗಿಯಾಗಿ ಕಲೆಹಾಕಿ ಗೆಲ್ಲಿಸಿದ ಕ್ರಿಕೆಟ್​ ಪಂದ್ಯದ ಉದಾಹರಣೆ ಇದೇ ಇರಬೇಕು. 292 ರನ್​ನ ಗುರಿಯಲ್ಲಿ ಮ್ಯಾಕ್ಸ್​ವೆಲ್​ 201 ರನ್​ ಗಳಿಸಿದರು. ಉಳಿದ 91 ರನ್​ ಮಾತ್ರ ಇತರೆ ಬ್ಯಾಟರ್​ಗಳು ಗಳಿಸಿದ ಮೊತ್ತ. ಇಂತಿಹ ಒಬ್ಬಂಟಿ ಆಟದ ಪ್ರದರ್ಶನ ಕ್ರಿಕೆಟ್​ನಲ್ಲಿ ಅತ್ಯಂತ ಅಪರೂಪದ್ದಾಗಿದೆ.

ಮ್ಯಾಕ್ಸ್​ವೆಲ್​ ಬ್ಯಾಟ್​ನಿಂದ ಇಂದು ದಾಖಲೆಗಳ ಸರಮಾಲೆಯೇ ಸೃಷ್ಠಿಯಾಯಿತು. ಕಡಿಮೆ ಬಾಲ್​ನಲ್ಲಿ ದ್ವಿಶತಕ ಸಿಡಿಸಿದ ಎರಡನೇ ಆಟಗಾರ (ಇಶಾನ್​ ಕಿಶನ್​ 126ಬಾಲ್​). ಆರಂಭಿಕ ಬ್ಯಾಟರ್​ ಆಗಿರದೇ ಏಕದಿನ ಕ್ರಿಕೆಟ್​ನಲ್ಲಿ ಅತಿ ಹೆಚ್ಚು ರನ್​ ಕಲೆಹಾಕಿದ ಬ್ಯಾಟರ್​. ಏಕದಿನ ಕ್ರಿಕೆಟ್​ನಲ್ಲಿ 8ನೇ ವಿಕೆಟ್​ಗೆ ದೊಡ್ಡ ಜೊತೆಯಾಟ. ವಿಶ್ವಕಪ್​ನ ಮೂರನೇ ಅತಿ ಹೆಚ್ಚಿನ ಏಕಾಂಗಿ ಮೊತ್ತ (ಮಾರ್ಟಿನ್​ ಗುಪ್ಟಿಲ್​-237, ಕ್ರಿಸ್ ಗೇಲ್​- 215). ಚೇಸಿಂಗ್​ನಲ್ಲಿ ಅತಿ ಹೆಚ್ಚು ರನ್​ ಗಳಿಸಿದ ಮೊದಲಿಗ ಎಂಬ ರೆಕಾರ್ಡ್​ಗಳು ಮ್ಯಾಕ್ಸಿಯ ಹೆಸರಿನಲ್ಲಿ ದಾಖಲಾದವು.

ಪಂದ್ಯದಲ್ಲಿ: ಆಸ್ಟ್ರೇಲಿಯಾದ ಮಟ್ಟಕ್ಕೆ ಅಫ್ಘನ್​ ನೀಡಿದ್ದ 292 ರನ್​ಗಳ ಗುರಿ ದೊಡ್ಡದಾಗಿರಲಿಲ್ಲ. ಆದರೆ ಅಫ್ಘಾನ್​ ಹೊಸ ಬಾಲ್​ನ ಸ್ವಿಂಗ್​ ಬಳಸಿಕೊಂಡು ಕಾಂಗರೂ ಪಡೆಯ ಬ್ಯಾಟಿಂಗ್​ ಲೈನ್​ ಅಪ್​ನ್ನು ಸಂಪೂರ್ಣ ಕುಸಿಯುವಂತೆ ಮಾಡಿದರು. ಆಸ್ಟ್ರೇಲಿಯಾದ ಟ್ರಾವಿಸ್ ಹೆಡ್ (0), ಡೇವಿಡ್ ವಾರ್ನರ್ (18), ಮಿಚೆಲ್ ಮಾರ್ಷ್ (24), ಮಾರ್ನಸ್ ಲ್ಯಾಬುಸ್ಚಾಗ್ನೆ (14), ಜೋಶ್ ಇಂಗ್ಲಿಸ್ (0), ಮಾರ್ಕಸ್ ಸ್ಟೊಯಿನಿಸ್ (6) ಮತ್ತು ಮಿಚೆಲ್ ಸ್ಟಾರ್ಕ್ (3) ವಿಕೆಟ್​ 18.3 ಓವರ್​ ವೇಳೆಗೆ ಉರುಳಿತ್ತು. ಮಾರ್ಷ್​ ಅವರ 24 ರನ್​ ಬಿಟ್ಟರೆ ದೊಡ್ಡ ಮೊತ್ತ ಯಾವುದೂ ಇರಲಿಲ್ಲ.

  • " class="align-text-top noRightClick twitterSection" data="">

19ನೇ ಓವರ್​ಗೆ 91 ರನ್​ಗೆ 7 ವಿಕೆಟ್​ ಕಳೆದುಕೊಂಡು ಆತಂಕದಲ್ಲಿದ್ದ ಆಸ್ಟ್ರೇಲಿಯಾಕ್ಕೆ ಆಸರೆ ಆದದ್ದು, ಗ್ಲೆನ್ ಮ್ಯಾಕ್ಸ್‌ವೆಲ್ ಮತ್ತು ನಾಯಕ ಪ್ಯಾಟ್​ ಕಮಿನ್ಸ್. ಅಫ್ಘನ್​ ಬೌಲರ್​ಗಳನ್ನು ಆರಂಭದಲ್ಲಿ ತಾಳ್ಮೆಯಿಂದ ಎದುರಿಸಿದ ಮ್ಯಾಕ್ಸ್​ವೆಲ್​ ಇಬ್ಬನಿಯ ಬರುವಿಕೆಗೆ ಕಾದರು. ಬಾಲ್​ ಹಳೆಯದಾದಂತೆ ಅಫ್ಘನ್​ಗೆ ಪಿಚ್​ ಸಹಕಾರಿ ಆಗದಂತೆ ಕಂಡಿತು. ಅಲ್ಲಿಂದ ಮ್ಯಾಕ್ಸ್​ವೆಲ್​ ಮ್ಯಾಕ್ಸ್​ ಶಾಟ್​ಗಳಿಗೆ ಪ್ರಯತ್ನಿಸಿದರು. ಅವರ ಜೊತೆಗೆ ನಾಯಕ ಕೇವಲ ವಿಕೆಟ್ ಉಳಿಸುವ ಕೆಲಸ ಮಾಡಿದರು.

ಇನ್ನಿಂಗ್ಸ್​ನಲ್ಲಿ ಮ್ಯಾಕ್ಸ್​ವೆಲ್​ 128 ಬಾಲ್​ ಆಡಿ 21 ಬೌಂಡರಿ, 10 ಸಿಕ್ಸ್​ನಿಂದ 157.03 ರ ಸ್ಟ್ರೈಕ್​ರೇಟ್​ನಿಂದ 201 ರನ್​ ಕಲೆಹಾಕಿದರು. ಅವರ ಜೊತೆಗೆ ಪಾಲುದಾರಿಕೆ ಮಾಡಿದ ಕಮಿನ್ಸ್​​ 68 ಬಾಲ್​ ಆಡಿ 1 ಬೌಂಡರಿಯಿಂದ ಕೇವಲ 12 ರನ್​ ಗಳಿಸಿದರು. ಅಫ್ಘಾನ್​ ​ ವಿರುದ್ಧ ಆಸ್ಟ್ರೇಲಿಯಾ ಗೆಲುವಿನಲ್ಲಿ ಮ್ಯಾಕ್ಸ್​ವೆಲ್​ ಸಿಂಹಪಾಲು ವಹಿಸಿಕೊಂಡರು. ಇದರಿಂದ ಪಂದ್ಯಶ್ರೇಷ್ಠ ಪ್ರಶಸ್ತಿಗೂ ಭಾಜನರಾದರು.

ಕ್ಯಾಚ್​ ಬಿಟ್ಟು ಪಂದ್ಯ ಕೈಚೆಲ್ಲಿದ ಅಫ್ಘಾನ್​: ಮ್ಯಾಕ್ಸ್​ವೆಲ್​ ಅವರ ನಾಲ್ಕು ಕ್ಯಾಚ್​ಗಳನ್ನು ಅಫ್ಘನ್​ ಕ್ಷೇತ್ರರಕ್ಷಕರು ಕೈಚೆಲ್ಲಿದರು. ಇದು ಪಂದ್ಯಕ್ಕೆ ಮುಳುವಾಯಿತು. ಇಲ್ಲವಾದಲ್ಲಿ ಅಫ್ಘನ್​ ಕಾಂಗರೂ ಪಡೆತಯನ್ನು 100 ರನ್​ ಒಳಗಾಗಿ ಆಲ್​ಔಟ್ ಮಾಡುವ ಸಾಧ್ಯತೆ ಇತ್ತು.

ಇದನ್ನೂ ಓದಿ:ವಿಶ್ವಕಪ್‌ನಲ್ಲಿ ಅಫ್ಘಾನ್​ ​ಪರ ಮೊದಲ ಶತಕ ಬಾರಿಸಿದ ಜದ್ರಾನ್: ಕ್ರಿಕೆಟ್​ ದೇವರು ಸಚಿನ್​ಗೆ ಅರ್ಪಣೆ​

ಮುಂಬೈ (ಮಹಾರಾಷ್ಟ್ರ): ಗ್ಲೆನ್​ ಮ್ಯಾಕ್ಸ್​ವೆಲ್​ ಅವರ ದ್ವಿಶತಕ ಆಟ ಆಸ್ಟ್ರೇಲಿಯಾವನ್ನು ಸೋಲಿನ ಹೊಸಿಲಿನಿಂದ ಗೆಲುವಿಗೆ ಕೊಂಡೊಯ್ಯಿತು. 91 ರನ್​ಗಳಿಗೆ 7 ವಿಕೆಟ್​ ಕಳೆದುಕೊಂಡಿದ್ದ ಕಾಂಗರೂ ಪಡೆಗೆ ಗ್ಲೆನ್​ ಮ್ಯಾಕ್ಸ್​ವೆಲ್​ ಮತ್ತು ನಾಯಕ ಪ್ಯಾಟ್​ ಕಮಿನ್ಸ್ 202 ರನ್​ಗಳ ಪಾಲುದಾರಿಕೆ ಜಯಕ್ಕೆ ಮೂಲವಾಯಿತು. ಮೊದಲು ಬ್ಯಾಟಿಂಗ್​ ಮಾಡಿದ್ದ ಅಫ್ಘಾನ್ನರು 50 ಓವರ್​ನಲ್ಲಿ 5 ವಿಕೆಟ್ ಕಳೆದುಕೊಂಡು 292 ರನ್​ಗಳ ಗುರಿ ನೀಡಿದ್ದರು. ಇದನ್ನು ಆಸ್ಟ್ರೇಲಿಯಾ 3 ಓವರ್ ಮತ್ತು 3 ವಿಕೆಟ್​ ಉಳಿಸಿಕೊಂಡು ಗೆದ್ದಿದೆ.

ಪಂದ್ಯದ ಸೋಲಿನಲ್ಲಿ ಕ್ಯಾಚ್​ಗಳು ಎಷ್ಟು ಪ್ರಮುಖವಾಗುತ್ತದೆ ಎಂಬುದಕ್ಕೆ ಮುಂಬೈನ ವಾಂಖೆಡೆಯಲ್ಲಿ ನಡೆದ ಆಸ್ಟ್ರೇಲಿಯಾ vs ಅಫ್ಘಾನಿಸ್ತಾನ ಪಂದ್ಯ ನಿದರ್ಶನವಾಗಿರಲಿದೆ. ಮ್ಯಾಕ್ಸ್​ವೆಲ್​ ಅವರ 4 ಕ್ಯಾಚ್​ಗಳನ್ನು ಕೈಚೆಲ್ಲಿ ಜೀವದಾನ ಕೊಟ್ಟಿದ್ದು ಅಫ್ಘಾನ್​ಗೆ ಊಹೆಗೂ ಮೀರಿದ ಸೋಲಿಗೆ ಕಾರಣವಾಯಿತು. ಆಸ್ಟ್ರೇಲಿಯಾ 8ನೇ ವಿಕೆಟ್​ಗೆ 202 ರನ್​ಗಳ ಜೊತೆಯಾಟ ಮಾಡಿ ಇತಿಹಾಸ ಪುಟದಲ್ಲಿ ಅಚ್ಚರಿಯ ಗೆಲುವೊಂದಕ್ಕೆ ಕಾರಣವಾಯಿತು. ಪಂದ್ಯದಲ್ಲಿ ಸೋಲು ಕಂಡ ಅಫ್ಘಾನ್​​ಗೆ ಸೆಮೀಸ್​ ಪ್ರವೇಶ ಮಾಡುವ ಇದ್ದೊಂದು ಅವಕಾಶ ಕಮರಿದೆ.

ಗ್ಲೆನ್​ ಮ್ಯಾಕ್ಸ್​ವೆಲ್​ ಏಕಾಂಗಿ ಆಟ: ಒಬ್ಬ ಬ್ಯಾಟರ್​ ಎದುರಾಳಿ ಕೊಟ್ಟ ಗುರಿಯ 90 ಶೇಕಡಾದಷ್ಟು ಮೊತ್ತವನ್ನು ಏಕಾಂಗಿಯಾಗಿ ಕಲೆಹಾಕಿ ಗೆಲ್ಲಿಸಿದ ಕ್ರಿಕೆಟ್​ ಪಂದ್ಯದ ಉದಾಹರಣೆ ಇದೇ ಇರಬೇಕು. 292 ರನ್​ನ ಗುರಿಯಲ್ಲಿ ಮ್ಯಾಕ್ಸ್​ವೆಲ್​ 201 ರನ್​ ಗಳಿಸಿದರು. ಉಳಿದ 91 ರನ್​ ಮಾತ್ರ ಇತರೆ ಬ್ಯಾಟರ್​ಗಳು ಗಳಿಸಿದ ಮೊತ್ತ. ಇಂತಿಹ ಒಬ್ಬಂಟಿ ಆಟದ ಪ್ರದರ್ಶನ ಕ್ರಿಕೆಟ್​ನಲ್ಲಿ ಅತ್ಯಂತ ಅಪರೂಪದ್ದಾಗಿದೆ.

ಮ್ಯಾಕ್ಸ್​ವೆಲ್​ ಬ್ಯಾಟ್​ನಿಂದ ಇಂದು ದಾಖಲೆಗಳ ಸರಮಾಲೆಯೇ ಸೃಷ್ಠಿಯಾಯಿತು. ಕಡಿಮೆ ಬಾಲ್​ನಲ್ಲಿ ದ್ವಿಶತಕ ಸಿಡಿಸಿದ ಎರಡನೇ ಆಟಗಾರ (ಇಶಾನ್​ ಕಿಶನ್​ 126ಬಾಲ್​). ಆರಂಭಿಕ ಬ್ಯಾಟರ್​ ಆಗಿರದೇ ಏಕದಿನ ಕ್ರಿಕೆಟ್​ನಲ್ಲಿ ಅತಿ ಹೆಚ್ಚು ರನ್​ ಕಲೆಹಾಕಿದ ಬ್ಯಾಟರ್​. ಏಕದಿನ ಕ್ರಿಕೆಟ್​ನಲ್ಲಿ 8ನೇ ವಿಕೆಟ್​ಗೆ ದೊಡ್ಡ ಜೊತೆಯಾಟ. ವಿಶ್ವಕಪ್​ನ ಮೂರನೇ ಅತಿ ಹೆಚ್ಚಿನ ಏಕಾಂಗಿ ಮೊತ್ತ (ಮಾರ್ಟಿನ್​ ಗುಪ್ಟಿಲ್​-237, ಕ್ರಿಸ್ ಗೇಲ್​- 215). ಚೇಸಿಂಗ್​ನಲ್ಲಿ ಅತಿ ಹೆಚ್ಚು ರನ್​ ಗಳಿಸಿದ ಮೊದಲಿಗ ಎಂಬ ರೆಕಾರ್ಡ್​ಗಳು ಮ್ಯಾಕ್ಸಿಯ ಹೆಸರಿನಲ್ಲಿ ದಾಖಲಾದವು.

ಪಂದ್ಯದಲ್ಲಿ: ಆಸ್ಟ್ರೇಲಿಯಾದ ಮಟ್ಟಕ್ಕೆ ಅಫ್ಘನ್​ ನೀಡಿದ್ದ 292 ರನ್​ಗಳ ಗುರಿ ದೊಡ್ಡದಾಗಿರಲಿಲ್ಲ. ಆದರೆ ಅಫ್ಘಾನ್​ ಹೊಸ ಬಾಲ್​ನ ಸ್ವಿಂಗ್​ ಬಳಸಿಕೊಂಡು ಕಾಂಗರೂ ಪಡೆಯ ಬ್ಯಾಟಿಂಗ್​ ಲೈನ್​ ಅಪ್​ನ್ನು ಸಂಪೂರ್ಣ ಕುಸಿಯುವಂತೆ ಮಾಡಿದರು. ಆಸ್ಟ್ರೇಲಿಯಾದ ಟ್ರಾವಿಸ್ ಹೆಡ್ (0), ಡೇವಿಡ್ ವಾರ್ನರ್ (18), ಮಿಚೆಲ್ ಮಾರ್ಷ್ (24), ಮಾರ್ನಸ್ ಲ್ಯಾಬುಸ್ಚಾಗ್ನೆ (14), ಜೋಶ್ ಇಂಗ್ಲಿಸ್ (0), ಮಾರ್ಕಸ್ ಸ್ಟೊಯಿನಿಸ್ (6) ಮತ್ತು ಮಿಚೆಲ್ ಸ್ಟಾರ್ಕ್ (3) ವಿಕೆಟ್​ 18.3 ಓವರ್​ ವೇಳೆಗೆ ಉರುಳಿತ್ತು. ಮಾರ್ಷ್​ ಅವರ 24 ರನ್​ ಬಿಟ್ಟರೆ ದೊಡ್ಡ ಮೊತ್ತ ಯಾವುದೂ ಇರಲಿಲ್ಲ.

  • " class="align-text-top noRightClick twitterSection" data="">

19ನೇ ಓವರ್​ಗೆ 91 ರನ್​ಗೆ 7 ವಿಕೆಟ್​ ಕಳೆದುಕೊಂಡು ಆತಂಕದಲ್ಲಿದ್ದ ಆಸ್ಟ್ರೇಲಿಯಾಕ್ಕೆ ಆಸರೆ ಆದದ್ದು, ಗ್ಲೆನ್ ಮ್ಯಾಕ್ಸ್‌ವೆಲ್ ಮತ್ತು ನಾಯಕ ಪ್ಯಾಟ್​ ಕಮಿನ್ಸ್. ಅಫ್ಘನ್​ ಬೌಲರ್​ಗಳನ್ನು ಆರಂಭದಲ್ಲಿ ತಾಳ್ಮೆಯಿಂದ ಎದುರಿಸಿದ ಮ್ಯಾಕ್ಸ್​ವೆಲ್​ ಇಬ್ಬನಿಯ ಬರುವಿಕೆಗೆ ಕಾದರು. ಬಾಲ್​ ಹಳೆಯದಾದಂತೆ ಅಫ್ಘನ್​ಗೆ ಪಿಚ್​ ಸಹಕಾರಿ ಆಗದಂತೆ ಕಂಡಿತು. ಅಲ್ಲಿಂದ ಮ್ಯಾಕ್ಸ್​ವೆಲ್​ ಮ್ಯಾಕ್ಸ್​ ಶಾಟ್​ಗಳಿಗೆ ಪ್ರಯತ್ನಿಸಿದರು. ಅವರ ಜೊತೆಗೆ ನಾಯಕ ಕೇವಲ ವಿಕೆಟ್ ಉಳಿಸುವ ಕೆಲಸ ಮಾಡಿದರು.

ಇನ್ನಿಂಗ್ಸ್​ನಲ್ಲಿ ಮ್ಯಾಕ್ಸ್​ವೆಲ್​ 128 ಬಾಲ್​ ಆಡಿ 21 ಬೌಂಡರಿ, 10 ಸಿಕ್ಸ್​ನಿಂದ 157.03 ರ ಸ್ಟ್ರೈಕ್​ರೇಟ್​ನಿಂದ 201 ರನ್​ ಕಲೆಹಾಕಿದರು. ಅವರ ಜೊತೆಗೆ ಪಾಲುದಾರಿಕೆ ಮಾಡಿದ ಕಮಿನ್ಸ್​​ 68 ಬಾಲ್​ ಆಡಿ 1 ಬೌಂಡರಿಯಿಂದ ಕೇವಲ 12 ರನ್​ ಗಳಿಸಿದರು. ಅಫ್ಘಾನ್​ ​ ವಿರುದ್ಧ ಆಸ್ಟ್ರೇಲಿಯಾ ಗೆಲುವಿನಲ್ಲಿ ಮ್ಯಾಕ್ಸ್​ವೆಲ್​ ಸಿಂಹಪಾಲು ವಹಿಸಿಕೊಂಡರು. ಇದರಿಂದ ಪಂದ್ಯಶ್ರೇಷ್ಠ ಪ್ರಶಸ್ತಿಗೂ ಭಾಜನರಾದರು.

ಕ್ಯಾಚ್​ ಬಿಟ್ಟು ಪಂದ್ಯ ಕೈಚೆಲ್ಲಿದ ಅಫ್ಘಾನ್​: ಮ್ಯಾಕ್ಸ್​ವೆಲ್​ ಅವರ ನಾಲ್ಕು ಕ್ಯಾಚ್​ಗಳನ್ನು ಅಫ್ಘನ್​ ಕ್ಷೇತ್ರರಕ್ಷಕರು ಕೈಚೆಲ್ಲಿದರು. ಇದು ಪಂದ್ಯಕ್ಕೆ ಮುಳುವಾಯಿತು. ಇಲ್ಲವಾದಲ್ಲಿ ಅಫ್ಘನ್​ ಕಾಂಗರೂ ಪಡೆತಯನ್ನು 100 ರನ್​ ಒಳಗಾಗಿ ಆಲ್​ಔಟ್ ಮಾಡುವ ಸಾಧ್ಯತೆ ಇತ್ತು.

ಇದನ್ನೂ ಓದಿ:ವಿಶ್ವಕಪ್‌ನಲ್ಲಿ ಅಫ್ಘಾನ್​ ​ಪರ ಮೊದಲ ಶತಕ ಬಾರಿಸಿದ ಜದ್ರಾನ್: ಕ್ರಿಕೆಟ್​ ದೇವರು ಸಚಿನ್​ಗೆ ಅರ್ಪಣೆ​

Last Updated : Nov 7, 2023, 11:03 PM IST

For All Latest Updates

TAGGED:

Australia won by 3 wktsICC Cricket World Cup 2023Australia vs Afghanistanಮ್ಯಾಕ್ಸ್​ವೆಲ್​ ದ್ವಿಶತಕಗ್ಲೆನ್​ ಮ್ಯಾಕ್ಸ್​ವೆಲ್ಮ್ಯಾಕ್ಸ್​ವೆಲ್​ ಭರ್ಜರಿ ದ್ವಿಶತಕ

Quick Links / Policies

Get Us On

ETV Bharat IOS AppETV Bharat Google App

Please write to us, for media partnership and Ad-sales inquiries. Email: adops@etvbharat.com

ಆಯ್ದ ಲೇಖನಗಳು

ಗ್ರೀನ್​ ಲೈನ್​ ದೋಷ: ಸ್ಕ್ರೀನ್ ರಿಪ್ಲೇಸ್ಮೆಂಟ್​ ಅವಧಿ ವಿಸ್ತರಿಸಿದ ಸ್ಯಾಮ್​ಸಂಗ್​

ಚಪಾತಿ vs ರೈಸ್: ಶುಗರ್ ಪೇಷಂಟ್​ಗಳಿಗೆ ಯಾವುದು ಬೆಸ್ಟ್​?

ಸೂಪರ್​ ಫೀಚರ್​, ಹೊಸ ಲುಕ್​, ಅಟ್ರ್ಯಾಕ್ಟಿವ್​ ಡಿಸೈನ್​ನೊಂದಿಗೆ ಮಾರುಕಟ್ಟೆಗೆ ಲಗ್ಗೆಯಿಟ್ಟ ಬಿಎಂಡಬ್ಲೂ ನೂತನ ಮಾಡೆಲ್​

ಶಾರ್ಟ್​ ಕ್ರಿಯೇಟರ್ಸ್​ಗೆ ಅದ್ಭುತ ಫೀಚರ್​ ಪರಿಚಯಿಸುತ್ತಿದೆ ಯೂಟ್ಯೂಬ್​; ಎಂಥಾ ಆಲೋಚನೆ!!

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.