ಮುಂಬೈ: ಟಿ-20 ವಿಶ್ವಕಪ್ಗೂ ಒಮಾನ್ ದೇಶದ ವಿರುದ್ಧ ಕೋರಿಕೆಯ ಮೇರೆಗೆ ನಡೆಯುತ್ತಿರುವ 6 ಸೀಮಿತ ಓವರ್ಗಳ ಪಂದ್ಯಕ್ಕೆ ಮುಂಬೈ 14 ಸದಸ್ಯರ ತಂಡವನ್ನು ಪ್ರಕಟಿಸಿದೆ. ಇದರಲ್ಲಿ ಸ್ಟಾರ್ ಕ್ರಿಕೆಟಿಗರಾದ ಶಿವಂ ದುಬೆ, ಅಂಡರ್ 19 ಸ್ಟಾರ್ ಯಶಸ್ವಿ ಜೈಸ್ವಾಲ್ ಕೂಡ ಇದ್ದಾರೆ.
ಟಿ-20 ವಿಶ್ವಕಪ್ ಕ್ವಾಲಿಫೈಯರ್ಸ್ಗೆ ಆತಿಥ್ಯವಹಿಸಿರುವ ಒಮಾನ್ ಕೂಡ ಈ ಬಾರಿ ಟಿ-20 ವಿಶ್ವಕಪ್ ಅರ್ಹತಾ ಪಂದ್ಯವನ್ನಾಡಲಿದೆ. ಆದ್ದರಿಂದ ವಿಶ್ವಕಪ್ಗೆ ತಯಾರಿಗೋಸ್ಕರ ರಣಜಿಯ ಪ್ರಬಲ ತಂಡವಾಗಿರುವ ಮುಂಬೈ ಕ್ರಿಕೆಟ್ ಅಸೋಸಿಯೇಷನ್ಗೆ ಕೆಲವು ಪಂದ್ಯಗಳನ್ನಾಡುವಂತೆ ಮನವಿ ಮಾಡಿಕೊಂಡಿತ್ತು. ಇದಕ್ಕೆ ಒಪ್ಪಿಗೆ ಸೂಚಿಸಿದ್ದ ಮುಂಬೈ ಬೋರ್ಡ್ ಇದೀಗ ಆ ಸರಣಿಗಾಗಿ ತಂಡವನ್ನು ಘೋಷಿಸಿದೆ.
ಭಾರತ ತಂಡದ ಪರ ಆಡಿರುವ ಅನುಭವವುಳ್ಳ ಶಿವಂ ದುಬೆ ಐಪಿಎಲ್ನಲ್ಲಿ ರಾಜಸ್ಥಾನ್ ರಾಯಲ್ಸ್ ಪರವಾಗಿ ಆಡುತ್ತಿದ್ದಾರೆ. ಯಶಸ್ವಿ ಜೈಸ್ವಾಲ್ ಕೂಡ ಇದೇ ತಂಡದಲ್ಲಿ ಆಡುತ್ತಿದ್ದಾರೆ. ಈ 14 ಸದಸ್ಯರ ತಂಡ ಆಗಸ್ಟ್ 19ರಂದು ಒಮಾನ್ಗೆ ಪ್ರಯಾಣಿಸಲಿದೆ. ಸೆಪ್ಟೆಂಬರ್ 2 ವರೆಗೆ ಅಲ್ಲಿಯೇ ಇರಲಿದ್ದು, ಈ ವೇಳೆ 6 ಸೀಮಿತ ಓವರ್ಗಳ ಪಂದ್ಯಗಳನ್ನಾಡಲಿದೆ.
ಮುಂಬೈ ತಂಡ: ಶಾಮ್ಸ್ ಮುಲಾನಿ (ನಾಯಕ), ಆಕರ್ಷಿತ್ ಗೊಮೆಲ್, ಹಾರ್ಡಿ ತಮೋರ್, ಅರ್ಮಾನ್ ಜಾಫರ್, ಚಿನ್ಮಯ್ ಸುತಾರ್, ಶಿವಂ ದುಬೆ, ಅಮನ್ ಖಾನ್, ಸುಜಿತ್ ನಾಯಕ್, ಯಶಸ್ವಿ ಜೈಸ್ವಾಲ್, ಶಶಾಂಕ್ ಅತ್ತರ್ಡೆ, ಮೋಹಿತ್ ಅವಸ್ತಿ, ಸಾಯಿರಾಜ್ ಪಾಟೀಲ್, ದೀಪಕ್ ಶೆಟ್ಟಿ, ಧುರ್ಮಿಲ್ ಮಟ್ಕರ್
ಇದನ್ನು ಓದಿ:ಕೆಕೆಆರ್ಗೆ ಖುಷಿ ಸುದ್ದಿ, ಗಾಯದಿಂದ ಸಂಪೂರ್ಣವಾಗಿ ಚೇತರಿಸಿಕೊಂಡ ಸ್ಟಾರ್ ಓಪನರ್
