ಪಿಎಂ ಕೇರ್ಸ್ ಬದಲಾಗಿ ಯುನಿಸೆಫ್ ಆಸ್ಟ್ರೇಲಿಯಾಗೆ ದೇಣಿಗೆ ನೀಡಿದ ಕಮ್ಮಿನ್ಸ್​

ಐಪಿಎಲ್​ನಲ್ಲಿ ಕೆಕೆಆರ್ ಪರ ಆಡುವ ಆಸ್ಟ್ರೇಲಿಯಾದ ವೇಗದ ಬೌಲರ್ ಪ್ಯಾಟ್ ಕಮ್ಮಿನ್ಸ್ ಇತ್ತೀಚೆಗೆ ಭಾರತದ ಕೊರೊನಾ ರೋಗಿಗಳಿಗೆ ಆಮ್ಲಜನಕ ವ್ಯವಸ್ಥೆ ಕಲ್ಪಿಸಲು 50 ಸಾವಿರ ಡಾಲರ್(37 ಲಕ್ಷ ರೂ.)​ ಹಣವನ್ನು ಪಿಎಂ ಕೇರ್ಸ್ ಫಂಡ್​ಗೆ ದೇಣಿಗೆ ನೀಡುವುದಾಗಿ ಘೋಷಿಸಿದ್ದರು. ಇದೀಗ ಅವರು ಅದೇ ನೆರವನ್ನು ಯುಸಿಸೆಫ್​ ಆಸ್ಟ್ರೇಲಿಯಾಗೆ ನೀಡಿದ್ದಾರೆ.

ನವದೆಹಲಿ: ಭಾರತದಲ್ಲಿ ಕೊರೊನಾರ್ಭಟ ಮಿತಿ ಮೀರಿದ್ದು, ಆಮ್ಲಜನಕ ಕೊರೆತೆಯಿಂದ ಸಾವಿರಾರು ಜನ ಸಾವನ್ನಪ್ಪುತ್ತಿದ್ದಾರೆ. ಇಲ್ಲಿನ ಸ್ಥಿತಿ ಕಂಡು ದೇಶಿ, ವಿದೇಶಿ ಕ್ರಿಕೆಟಿಗರು ಮರುಕ ವ್ಯಕ್ತಪಡಿಸಿ ಆಮ್ಲಜನಕ ಕೊರತೆಯನ್ನು ನೀಗಿಸಲು ತಮ್ಮ ಕೈಲಾದಷ್ಟು ದೇಣಿಗೆ ನೀಡುತ್ತಿದ್ದಾರೆ.

ಐಪಿಎಲ್​ನಲ್ಲಿ ಕೆಕೆಆರ್ ಪರ ಆಡುವ ಆಸ್ಟ್ರೇಲಿಯಾದ ವೇಗದ ಬೌಲರ್ ಪ್ಯಾಟ್ ಕಮ್ಮಿನ್ಸ್ ಇತ್ತೀಚೆಗೆ ಭಾರತದ ಕೊರೊನಾ ರೋಗಿಗಳಿಗೆ ಆಮ್ಲಜನಕ ವ್ಯವಸ್ಥೆ ಕಲ್ಪಿಸಲು 50,000 ಡಾಲರ್(37 ಲಕ್ಷ ರೂ.)​ ಹಣವನ್ನು ಪಿಎಂ ಕೇರ್ಸ್ ಫಂಡ್​ಗೆ ದೇಣಿಗೆ ನೀಡುವುದಾಗಿ ಘೋಷಿಸಿದ್ದರು.

• Terrific work @CricketAus
  
  FYI I ended up allocating my donation to UNICEF Australia's India COVID-19 Crisis Appeal.
  
  If you're able to, please join many others in supporting this here https://t.co/SUvGjlGRm8 https://t.co/1c0NE9PFdO

  — Pat Cummins (@patcummins30) May 3, 2021 " class="align-text-top noRightClick twitterSection" data="

  Terrific work @CricketAus
  
  FYI I ended up allocating my donation to UNICEF Australia's India COVID-19 Crisis Appeal.
  
  If you're able to, please join many others in supporting this here https://t.co/SUvGjlGRm8 https://t.co/1c0NE9PFdO

  — Pat Cummins (@patcummins30) May 3, 2021

  ">

  Terrific work @CricketAus
  
  FYI I ended up allocating my donation to UNICEF Australia's India COVID-19 Crisis Appeal.
  
  If you're able to, please join many others in supporting this here https://t.co/SUvGjlGRm8 https://t.co/1c0NE9PFdO

  — Pat Cummins (@patcummins30) May 3, 2021

ಆದರೆ ಇದೀಗ ಅವರು ತಮ್ಮ ಹಣವನ್ನು ಪಿಎಂ ಕೇರ್ಸ್ ಫಂಡ್ ಬದಲಿಗೆ ಯುನಿಸೆಫ್ ಆಸ್ಟ್ರೇಲಿಯಾದ ಇಂಡಿಯಾ ಕೋವಿಡ್ -19 ಕ್ರೈಸಿಸ್ ಅಪೀಲ್‌ಗೆ ನೀಡುವ ನಿರ್ಧಾರ ಮಾಡಿದ್ದಾರೆ. ಕ್ರಿಕೆಟ್ ಆಸ್ಟ್ರೇಲಿಯಾ ಭಾರತಕ್ಕೆ ಈ ಆಯ್ಕೆಯ ಮೂಲಕ ದೇಣಿಗೆ ನೀಡಿದ ನಂತರ ಕಮ್ಮಿನ್ಸ್ ತಮ್ಮ ನಿರ್ಧಾರವನ್ನು ಬದಲಿಸಿಕೊಂಡಿದ್ದಾರೆ ಎಂದು ತಿಳಿದುಬಂದಿದೆ.

" ಕ್ರಿಕೆಟ್ ಆಸ್ಟ್ರೇಲಿಯಾ ಅದ್ಭುತ ಕೆಲಸ ಮಾಡಿದೆ. ನಾನು ಕೂಡ ದೇಣಿಗೆಯನ್ನು ಯುನಿಸೆಫ್ ಆಸ್ಟ್ರೇಲಿಯಾದ ಇಂಡಿಯಾ ಕೋವಿಡ್ -19 ಕ್ರೈಸಿಸ್ ಅಪೀಲ್‌ಗೆ ವರ್ಗಾವಣೆ ಮಾಡುತ್ತೇನೆ. ನಿಮಗೂ ಸಾಧ್ಯವಾದರೆ, ದಯವಿಟ್ಟು ಯುನಿಸೆಫ್ ಆಸ್ಟ್ರೇಲಿಯಾವನ್ನು ಬೆಂಬಲಿಸಿ" ಎಂದು ಕಮ್ಮಿನ್ಸ್​ ಟ್ವೀಟ್ ಮಾಡಿದ್ದಾರೆ.

ಸೋಮವಾರ ಕ್ರಿಕೆಟ್​ ಆಸ್ಟ್ರೇಲಿಯಾ, ಆಸ್ಟ್ರೇಲಿಯಾ ಕ್ರಿಕೆಟರ್ಸ್​ ಆಸೋಸಿಯೇಷನ್​ ಮತ್ತು ಯುನಿಸೆಫ್ ಆಸ್ಟ್ರೇಲಿಯಾ ಜೊತೆಗೂಡಿ ಭಾರತದಲ್ಲಿ ಕೋವಿಡ್​ ಹೋರಾಟಕ್ಕೆ ದೇಣಿಗೆ ಸಂಗ್ರಹಿಸುವ ನಿರ್ಧಾರ ಮಾಡಿತ್ತು. ಅಲ್ಲದೆ ಸ್ವತಃ 50 ಸಾವಿರ ಡಾಲರ್​ ದೇಣಿಗೆ ನೀಡಿ, ದೇಣಿಗೆ ಕೊಡುವಂತೆ ಆಸ್ಟ್ರೇಲಿಯನ್ನರಿಗೂ ಮನವಿ ಮಾಡಿತ್ತು.

ಇದನ್ನು ಓದಿ: ಕ್ರಿಕೆಟಿಗರಲ್ಲಿ ಹೆಚ್ಚಿದ ಕೋವಿಡ್‌ ಸೋಂಕು ಪ್ರಕರಣ: ಐಪಿಎಲ್‌ ಟೂರ್ನಿ ಮುಂದೂಡಿದ ಬಿಸಿಸಿಐ