ಬದ್ಧ ವೈರಿಗಳ ಬಗ್ಗು ಬಡಿದ ಬ್ಲ್ಯೂ ಬಾಯ್ಸ್​... ಪಾಕ್​ಗೆ​ ಮಣ್ಣು ಮುಕ್ಕಿಸಿದ ಭಾರತ!

ಕ್ರಿಕೆಟ್​ ಅಭಿಮಾನಿಗಳು ಬಹಳ ಕುತೂಹಲದಿಂದ ಎದುರು ನೋಡುತ್ತಿದ್ದ ಭಾರತ- ಪಾಕಿಸ್ತಾನ ನಡುವಿನ ಪಂದ್ಯದಲ್ಲಿ ಟೀಂ ಇಂಡಿಯಾ ವಿಜಯದ ನಗೆ ಬೀರಿದೆ. ಈ ಮೂಲಕ ಪಾಕ್​ ನಮಗೆ ಯಾವುದೇ ಕಾರಣಕ್ಕೂ ಸರಿಸಾಟಿಯಲ್ಲ ಎಂದು ಬ್ಲ್ಯೂ ಬಾಯ್ಸ್​ ತೋರಿಸಿಕೊಟ್ಟಿದ್ದಾರೆ.

ಮ್ಯಾಂಚೆಸ್ಟರ್ ​(ಇಂಗ್ಲೆಂಡ್​) : ಸಾಂಪ್ರದಾಯಿಕ ಎದುರಾಳಿ ಪಾಕ್​ ವಿರುದ್ಧ ಭಾರತ ಗೆದ್ದು ಬೀಗಿದ್ದು, ಕೋಟ್ಯಾಂತರ ಅಭಿಮಾನಿಗಳ ಆಶಯ ಕಡೆಗೂ ನೆರವೇರಿದೆ.

ಮ್ಯಾಂಚೆಸ್ಟರ್​ನ ಎಮಿರೇಟ್ಸ್​ ಓಲ್ಡ್​ ಟ್ಯಾಫೋರ್ಡ್​ ಮೈದಾನದಲ್ಲಿ ನಡೆದ ಇಂಡೋ ಪಾಕ್​ ಕದನದಲ್ಲಿ, ಗೆಲ್ಲುವ ಫೇವರೇಟ್​ ಟೀಂ ಇಂಡಿಯಾ, ಡಕ್​ವರ್ತ್ ಲೂಯೀಸ್​ ನಿಯಮದ ಪ್ರಕಾರ 89 ರನ್​ಗಳ ಅಂತರದಲ್ಲಿ ಪಾಕಿಸ್ತಾನವನ್ನು ಬಗ್ಗು ಬಡಿದಿದೆ.

• India win by 89 runs!
  
  A convincing victory for India as they win their third match of #CWC19#CWC19 | #INDvPAK pic.twitter.com/WIaNlki4AF

  — Cricket World Cup (@cricketworldcup) June 16, 2019 " class="align-text-top noRightClick twitterSection" data="

  India win by 89 runs!
  
  A convincing victory for India as they win their third match of #CWC19#CWC19 | #INDvPAK pic.twitter.com/WIaNlki4AF

  — Cricket World Cup (@cricketworldcup) June 16, 2019

  ">

  India win by 89 runs!
  
  A convincing victory for India as they win their third match of #CWC19#CWC19 | #INDvPAK pic.twitter.com/WIaNlki4AF

  — Cricket World Cup (@cricketworldcup) June 16, 2019

ಟಾಸ್​ ಸೋತು ಮೊದಲು ಬ್ಯಾಟಿಂಗ್​ ಮಾಡಿದ ಭಾರತ, ನಿಗದಿತ 50 ಓವರ್​ಗಳಲ್ಲಿ 5 ವಿಕೆಟ್​ ನಷ್ಟಕ್ಕೆ 336 ರನ್​ ಗಳಿಸಿ ಪಾಕ್​ಗೆ​ ಬೃಹತ್​ ಟಾರ್ಗೆಟ್​ ನೀಡಿತು. ಗುರಿ ಬೆನ್ನತ್ತಿದ ಪಾಕ್​, ಆರಂಭದಲ್ಲೇ ಆಘಾತಕ್ಕೊಳಗಾಯ್ತು. ಪಾಕ್​ನ ಆರಂಭಿಕ ಆಟಗಾರರಾದ ಇಮಾಮ್​ -ಉಲ್​-ಹಕ್ ಹಾಗೂ ಫಖಾರ್​ ಝಮಾನ್​ ತಾಳ್ಮೆಯ ಆಟಕ್ಕೆ ಮುಂದಾದರು. ಆದರೆ ತಮ್ಮ ಮೊದಲ ಎಸೆತದಲ್ಲೇ ವಿಜಯ್​ ಶಂಕರ್​, ಇಮಾಮ್​ -ಉಲ್​-ಹಕ್(7)​ರನ್ನು ಎಲ್​ಬಿಡ್ಲ್ಯೂ ಬಲೆಗೆ ಬೀಳಿಸಿದರು. ಬಳಿಕ ಒಂದಾದ ಫಖಾರ್​ ಝಮಾನ್ ಹಾಗೂ ಬಾಬರ್​ ಅಝಾಮ್ ಶತಕದ ಜೊತೆಯಾಟ ನೀಡಿದರು.

48 ರನ್​ಗಳಿಸಿ ಕ್ರೀಸ್​ಗಚ್ಚಿ ಆಡುತ್ತಿದ್ದ ಬಾಬರ್​ ಅಝಾಮ್​, ಕುಲ್ದೀಪ್​ ಯಾದವ್​ ಎಸೆತದಲ್ಲಿ ಕ್ಲೀನ್​ ಬೌಲ್ಡ್​ ಆದರು. ಆ ಬಳಿಕ ಪಾಕ್​ ಆಟಗಾರರು, ಒಬ್ಬರ ಹಿಂದೊಬ್ಬರಂತೆ ಪೆವಿಲಿಯನ್​ ಪರೇಡ್​ ನಡೆಸಿದರು. ಆಕರ್ಷಕ ಅರ್ಧಶತಕ ದಾಖಲಿಸಿ ಆಡುತ್ತಿದ್ದ ಫಖಾರ್​ ಝಮಾನ್​ಗೆ ಮತ್ತೆ ಕುಲ್ದೀಪ್​ ಕಂಟಕವಾದರು. ಬಳಿಕ ಬಂದ ಅನುಭವಿ ಆಟಗಾರ ಮೊಹಮ್ಮದ್​ ಹಫೀಝ್(9)​ ಭಾರೀ ಹೊಡೆತಗಳಿಗೆ ಮುಂದಾಗಿ, ಹಾರ್ದಿಕ್​ ಪಾಂಡ್ಯಾ ಎಸೆತದಲ್ಲಿ ವಿಜಯ್​ ಶಂಕರ್​ಗೆ ಕ್ಯಾಚ್​ ನೀಡಿ ನಿರ್ಗಮಿಸಿದರು. ಬಳಿಕ ಬಂದ ಶೋಯೆಬ್​ ಮಲಿಕ್​, ಹಾರ್ದಿಕ್​ ಪಾಂಡ್ಯಾ ಎಸೆತದಲ್ಲಿ ಗೋಲ್ಡನ್​ ಡಕ್​ಗೆ ಔಟಾದರು.

ತಾಳ್ಮೆಯಿಂದ ನಾಯಕನ ಆಟಕ್ಕೆ ಮುಂದಾದ ಸರ್ಫರಾಜ್​ ಅಹ್ಮದ್​, 30 ಎಸೆತಗಳಲ್ಲಿ 12 ರನ್​ ಗಳಿಸಿ ಆಡುತ್ತಿದ್ದಾಗ, ಶಂಕರ್​ ಎಸೆತಕ್ಕೆ ಕ್ಲೀನ್​ ಬೌಲ್ಡ್​ ಆದರು.

ಬಳಿಕ ಇಮಾದ್​ ವಾಸಮ್​ ಹಾಗೂ ಶದಾಬ್​ ಖಾನ್​ ಜೊತೆಗೂಡಿ ಆಡುತ್ತಿದ್ದಾಗ, ಮತ್ತೆ ಎಂಟ್ರಿ ಕೊಟ್ಟ ವರುಣ, ಕೆಲಕಾಲ ಪಂದ್ಯಕ್ಕೆ ಬ್ರೇಕ್​ ಕೊಟ್ಟಿತು. 35 ಒವರ್​ಗಳಲ್ಲಿ ​ಪಾಕ್ 6 ವಿಕೆಟ್​ ನಷ್ಟಕ್ಕೆ 166 ರನ್​ ಗಳಿಸಿ ಆಡುತ್ತಿದ್ದಾಗ ಮತ್ತೆ ಮಳೆ ಎಂಟ್ರಿ ಕೊಟ್ಟಿತು.

ಮಳೆಯಿಂದಾಗಿ ರದ್ದಾಗುವ ಹಂತದಲ್ಲಿದ್ದ ಪಂದ್ಯವು, ಮಳೆ ನಿಂತ ಬಳಿಕ ಡಕ್​ವರ್ತ್​ ಲೂಯೀಸ್​ ನಿಯಮದ ಪ್ರಕಾರ 40 ಓವರ್​ಗಳಿಗೆ ಇಳಿಯಿತು. ಪಾಕ್​ಗೆ ಗೆಲ್ಲಲು ಉಳಿದ 5 ಓವರ್​ಗಳಲ್ಲಿ 136 ರನ್​ಗಳ ಟಾರ್ಗೆಟ್​ ನೀಡಲಾಯ್ತು. ಆದರೆ ಕ್ರೀಸ್​ನಲ್ಲಿದ್ದ ಇಮಾದ್​ ವಾಸಮ್​ ಹಾಗೂ ಶದಾಬ್​ ಖಾನ್ ಗುರಿ ಬೆನ್ನತ್ತುವಲ್ಲಿ ವಿಫಲರಾದರು. ಅಂತಿಮವಾಗಿ ಪಾಕ್​ 40 ಓವರ್​ಗಳಲ್ಲಿ 6 ವಿಕೆಟ್​ ನಷ್ಟಕ್ಕೆ 216 ರನ್​ ಗಳಿಸಲಷ್ಟೇ ಶಕ್ತವಾಯ್ತು.

ಭಾರತದ ಪರ ವಿಜಯ್​ ಶಂಕರ್​​, ಹಾರ್ದಿಕ್​ ಪಾಂಡ್ಯಾ ಹಾಗೂ ಕುಲ್ದೀಪ್​ ಯಾದವ್ ತಲಾ 2 ವಿಕೆಟ್​ ಕಿತ್ತರು. ​

• Pakistan need 136 to win from five overs 😬#CWC19 | #INDvPAK https://t.co/pj5R3qFqPe

  — Cricket World Cup (@cricketworldcup) June 16, 2019 " class="align-text-top noRightClick twitterSection" data="

  Pakistan need 136 to win from five overs 😬#CWC19 | #INDvPAK https://t.co/pj5R3qFqPe

  — Cricket World Cup (@cricketworldcup) June 16, 2019

  ">

  Pakistan need 136 to win from five overs 😬#CWC19 | #INDvPAK https://t.co/pj5R3qFqPe

  — Cricket World Cup (@cricketworldcup) June 16, 2019

ಭಾರತದ ಬೊಂಬಾಟ್​ ಬ್ಯಾಟಿಂಗ್​...

ಮೊದಲು ಬ್ಯಾಟಿಂಗ್​ ಮಾಡಿದ ಭಾರತಕ್ಕೆ ಆರಂಭಿಕ ಆಟಗಾರರಾದ ರೋಹಿತ್​ ಶರ್ಮಾ ಹಾಗೂ ಕೆ ಎಲ್​ ರಾಹುಲ್​ ಉತ್ತಮ ಆರಂಭ ಕೊಟ್ಟರು. ಈ ಜೋಡಿ ಶತಕದ ಜೊತೆಯಾಟ ನೀಡಿ, ಆರಂಭದಲ್ಲೇ ಬೃಹತ್​ ಮೊತ್ತ ಪೇರಿಸಿತು. ಕನ್ನಡಿಗ ಕೆ ಎಲ್​ ರಾಹುಲ್ 57 ರನ್​ ಸಿಡಿಸಿ ನಿರ್ಗಮಿಸಿದರೆ, ರೋಹಿತ್​ ಶರ್ಮಾ ಭರ್ಜರಿಯಾಗಿ ಬ್ಯಾಟ್​ ಬೀಸಿ, ಶತಕ ಸಿಡಿಸಿ ಸಂಭ್ರಮಿಸಿದರು.

ರಾಹುಲ್​​ ಔಟಾದ ಬಳಿಕ ಕ್ರೀಸ್​ಗೆ ಎಂಟ್ರಿ ಕೊಟ್ಟ ನಾಯಕ ವಿರಾಟ್,​ ರನ್​ ವೇಗ ಹೆಚ್ಚಿಸಿದರು. ಇವರಿಗೆ ಸಾಥ್​ ನೀಡಿದ ಹಾರ್ದಿಕ್​ ಪಾಂಡ್ಯ ಹೊಡಿ-ಬಡಿ ಆಟಕ್ಕೆ ಮುಂದಾಗಿ, 26 ರನ್​ ಕಲೆಹಾಕಿ ಅಮಿರ್ ಎಸೆತಕ್ಕೆ ಕ್ಯಾಚ್​ ನೀಡಿ ನಿರ್ಗಮಿಸಿದರು. ಬಳಿಕ ಬಂದ ಎಂ ಎಸ್​ ಧೋನಿ, ಕೇವಲ ಒಂದು ರನ್​ ಕಲೆ ಹಾಕಿ ಪೆವಿಲಿಯನ್​ಗೆ ತೆರಳಿದರು. ಈ ನಡುವೆ ದಿಢೀರ್​ ಎಂಟ್ರಿ ಕೊಟ್ಟ ಮಳೆರಾಯ, ಪಂದ್ಯವನ್ನು ಕೆಲಕಾಲ ಸ್ಥಗಿತಗೊಳಿಸಿತು.

ಮಳೆ ನಿಂತ ಬಳಿಕ ಮತ್ತೆ ಆರಂಭಗೊಂಡ ಪಂದ್ಯದಲ್ಲಿ ನಾಯಕ ವಿರಾಟ್​ ಕೊಹ್ಲಿ, 65 ಎಸೆತಗಳಲ್ಲಿ 77 ರನ್​ ಗಳಿಸಿದರು. ವಿಜಯ್​ ಶಂಕರ್​ 15 ಹಾಗೂ ಕೇದಾರ್​ ಜಾಧವ್​ 9 ರನ್​ ಗಳಿಸಿ ಅಜೇಯರಾಗಿ ಉಳಿದರು.

ಅಂತಿಮವಾಗಿ ಭಾರತ 50 ಓವರ್​ಗಳಲ್ಲಿ 5 ವಿಕೆಟ್​ ಕಳೆದುಕೊಂಡು 336 ರನ್​ ಗಳಿಸಿ, ಪಾಕ್​ಗೆ ಸ್ಪರ್ಧಾತ್ಮಕ ಮೊತ್ತದ ಸವಾಲು ನೀಡಿತು. ಪಾಕ್​ ಪರ ಮೊಹಮ್ಮದ್​ ಅಮಿರ್​ ಮೂರು ವಿಕೆಟ್​ ಪಡೆದರೆ, ಹಸನ್​ ಅಲಿ​ ಹಾಗೂ ವಹಾಬ್​ ರಿಯಾಜ್ ತಲಾ ಒಂದು ವಿಕೆಟ್​ ಪಡೆದರು.