ಲಂಡನ್: ಆಂಗ್ಲರ ನಾಡು ಬೌನ್ಸಿ ಪಿಚ್ಗೆ ಸಖತ್ ಫೇಮಸ್. ಹೀಗಾಗಿ ಅದ್ಧೂರಿ ಟೂರ್ನಿಗೂ ಮುನ್ನ ಬೌಲರ್ಗಳು ಅಬ್ಬರಿಸಲಿದ್ದಾರೆ ಎನ್ನುವ ಲೆಕ್ಕಾಚಾರ ಕ್ರಿಕೆಟ್ ಪಂಡಿತರದ್ದಾಗಿತ್ತು. ಆದರೆ ಟೂರ್ನಿಯ 30 ಪಂದ್ಯಗಳ ಮುಕ್ತಾಯಕ್ಕೆ ಈ ಕ್ಯಾಲ್ಕುಲೇಶನ್ ಉಲ್ಟಾ ಆಗಿದೆ. ಆಂಗ್ಲರ ನಾಡಿನಲ್ಲಿ ಬ್ಯಾಟ್ಸ್‌ಮನ್‌ಗಳು ಅಬ್ಬರಿಸುತ್ತಿದ್ದು ರನ್ ಹೊಳೆ ಹರಿಯುತ್ತಿದೆ.
ಟಾಸ್ ಗೆದ್ದೋನೆ ಬಾಸು!
ಕ್ರಿಕೆಟ್ನ ಜನಪ್ರಿಯ ಟಾಸ್ ಗೆದ್ದೋನೆ ಬಾಸ್ ಎನ್ನುವ ಮಾತು ಈ ಬಾರಿಯ ವಿಶ್ವಕಪ್ನಲ್ಲಿ ಮತ್ತೆ ಸಾಬೀತಾಗಿದೆ. ಈ ಬಾರಿ ಟಾಸ್ ಗೆದ್ದ ಬಹುತೇಕ ತಂಡಗಳು ಬ್ಯಾಟಿಂಗ್ ಆಯ್ದುಕೊಂಡಿವೆ ಎಂದು ಐಸಿಸಿ ತನ್ನ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ.
ಟೂರ್ನಿಯ 24ನೇ ಪಂದ್ಯದಿಂದ 30ರವರೆಗೆ ಐದು ತಂಡಗಳು ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡು ಗೆಲುವು ಸಾಧಿಸಿವೆ. ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ ತಂಡ ಪವರ್ಪ್ಲೇನಲ್ಲಿ ಶೇ.44.25ರಷ್ಟು ಸ್ಕೋರ್ ಮಾಡಿದ್ದರೆ, ದ್ವಿತೀಯ ಬ್ಯಾಟಿಂಗ್ನಲ್ಲಿ ಶೇ.42.63 ರನ್ ಗಳಿಸಿದೆ.
ಅಬ್ಬರಿಸಿದ ಆರಂಭಿಕರು:
ಈ ಬಾರಿಯ ವಿಶ್ವಕಪ್ನಲ್ಲಿ ಅರಂಭಿಕ ಆಟಗಾರರು ಉತ್ತಮ ಪ್ರದರ್ಶನ ತೋರಿದ್ದಾರೆ. ವಿಶ್ವಕಪ್ ಇತಿಹಾಸದಲ್ಲೇ ಮೊದಲ ವಿಕೆಟ್ಗೆ ಅತ್ಯುತ್ತಮ ಜೊತೆಯಾಟ ಮೂಡಿಬಂದಿದ್ದು ಇನ್ನೊಂದು ಗಮನಾರ್ಹ ಸಂಗತಿ.
ಈ ಆವೃತ್ತಿಯ ವಿಶ್ವಕಪ್ನಲ್ಲಿ ಮೊದಲ ವಿಕೆಟ್ ಜೊತೆಯಾಟ ಶೇ.44.36ರಷ್ಟಿದ್ದು, ಈ ಹಿಂದಿನ ಆವೃತ್ತಿಗಳಲ್ಲಿ ಈ ಪ್ರಮಾಣ 35ರ ಆಸುಪಾಸಿನಲ್ಲಿತ್ತು.
ಮೊದಲ ವಿಕೆಟ್ ಜೊತೆಯಾಟದಲ್ಲಿ ಭಾರತ, ಆಸೀಸ್ ಪ್ರಾಬಲ್ಯ!
2019ರ ವಿಶ್ವಕಪ್ನ ನೆಚ್ಚಿನ ತಂಡಗಳಾದ ಆಸ್ಟ್ರೇಲಿಯಾ ಹಾಗೂ ಭಾರತ ಭರವಸೆಯನ್ನು ಉಳಿಸಿಕೊಂಡು ಟೂರ್ನಿಯಲ್ಲಿ ಮುನ್ನಡೆದಿದ್ದು, ಮೊದಲ ವಿಕೆಟ್ ಜೊತೆಯಾಟದಲ್ಲಿ ಈ ಎರಡು ತಂಡಗಳು ಉತ್ತಮ ಸಾಧನೆ ತೋರಿವೆ.
ಆರು ಇನ್ನಿಂಗ್ಸ್‌ನಲ್ಲಿ ಆಸೀಸ್ ಆರಂಭಿಕರಾದ ಆ್ಯರನ್ ಫಿಂಚ್ ಹಾಗೂ ಡೇವಿಡ್ ವಾರ್ನರ್ 447 ರನ್ ಕಲೆ ಹಾಕಿದ್ದಾರೆ. ಇತ್ತ ಟೀಮ್ ಇಂಡಿಯಾದಲ್ಲಿ ಶಿಖರ್ ಧವನ್ ಹಾಗೂ ರೋಹಿತ್ ಶರ್ಮಾ ತಂಡಕ್ಕೆ ಉತ್ತಮ ಆರಂಭ ನೀಡಿದ್ದಾರೆ. ಸದ್ಯ ಶಿಖರ್ ಧವನ್ ಗಾಯಗೊಂಡು ಟೂರ್ನಿಯಿಂದ ಹೊರಬಿದ್ದಿದ್ದು, ಆ ಸ್ಥಾನಕ್ಕೆ ಕೆ.ಎಲ್ ರಾಹುಲ್ ಬಂದಿದ್ದಾರೆ. ಆರಂಭಿಕರಾಗಿ ಕಣಕ್ಕಿಳಿಯುವ ರಾಹುಲ್ ಸದ್ಯ ರೋಹಿತ್ಗೆ ಉತ್ತಮ ಸಾಥ್ ನೀಡುತ್ತಿದ್ದಾರೆ.
ದಕ್ಷಿಣ ಆಫ್ರಿಕಾದ ಆರಂಭಿಕ ಆಟಗಾರರು ಗಮನಾರ್ಹ ಪ್ರದರ್ಶನ ತೋರುವಲ್ಲಿ ವಿಫಲರಾಗಿದ್ದರೆ ವೆಸ್ಟ್ ಇಂಡೀಸ್ ಆಟಗಾರರು ಇಲ್ಲಿ ತನಕ ಐವತ್ತು ರನ್ ಕೂಡಾ ಕಲೆ ಹಾಕಿಲ್ಲ ಎನ್ನುವುದು ಅಚ್ಚರಿಯ ಅಂಶ.
