ಇಂಗ್ಲೆಂಡ್: ನಿನ್ನೆ ನಡೆದ ವೆಸ್ಟ್ ಇಂಡೀಸ್ ಮತ್ತು ಆಸ್ಟ್ರೇಲಿಯಾ ನಡುವಿನ ವಿಶ್ವಕಪ್ ಪಂದ್ಯದಲ್ಲಿ ಅಂಪೈರಿಂಗ್ ತೀರಾ ಕಳಪೆ ಮಟ್ಟದಿಂದ ಕೂಡಿತ್ತು ಎಂದು ವೆಸ್ಟ್ ಇಂಡೀಸ್ ತಂಡದ ಆಲ್ರೌಂಡರ್ ಕಾರ್ಲೋಸ್ ಬ್ರಾತ್ವೈಟ್ ಕಿಡಿ ಕಾರಿದ್ದಾರೆ.
ಇಬ್ಬರು ಅಂಪೈರ್ಗಳು ಔಟ್ ಎಂದು ನೀಡಿದ್ದ ನಾಲ್ಕು ತೀರ್ಪುಗಳ ಡಿಆರ್ಎಸ್ನಿಂದ ನಾಟ್ ಔಟ್ ಎಂದು ಸಾಬೀತಾದವು. ಅದರಲ್ಲಿ ಕ್ರಿಸ್ ಗೇಲ್ ಔಟ್ ಎಂದು ನೀಡಿದ್ದ ಎರಡು ತೀರ್ಪುಗಳು ಕೂಡ ನಾಟ್ ಔಟ್ ಆಗಿದ್ದು, ಉತ್ತಮ ಅಂಪೈರಿಂಗ್ ಮಾಡಿದ್ದರೆ ಗೇಲ್ ಕೂಡ ಔಟ್ ಆಗುತ್ತಿರಲಿಲ್ಲ.
ಅಂಪೈರಗಳು ನೀಡುತ್ತಿದ್ದ ಕೆಲವು ತೀರ್ಪುಗಳು ನಮ್ಮನ್ನ ಹತಾಶೆಗೊಳಿಸಿದವು. ನಾವು ಎಸೆದ ಕೆಲವು ಎಸೆತಗಳು ಬ್ಯಾಟ್ಸ್ಮನ್ ತಲೆಯ ನೇರಕ್ಕಿದ್ದರೂ ಅಂಪೈರ್ಗಳು ವೈಡ್ ಎಂದು ತೀರ್ಪು ನೀಡಿದ್ರು ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ.
ನಾವು ಬ್ಯಾಟಿಂಗ್ ಮಾಡುವಾಗ ಚೆಂಡು ಪ್ಯಾಡ್ಗೆ ಬಡಿದರೆ ಸಾಕು, ಅಂಪೈರ್ಗಳು ಔಟ್ ಎಂದು ಬೆರಳು ಮೇಲಕ್ಕೆ ಎತ್ತುತ್ತಿದ್ದರು. ಆದ್ರೆ, ನಾವು ಬೌಲಿಂಗ್ ಮಾಡುವಾಗ ಚೆಂಡು ಅವರ ಪ್ಯಾಡ್ಗೆ ಬಡಿದರೆ, ಅದೇ ಬೆರಳು ಮೇಲಕ್ಕೆ ಹೋಗುತ್ತಿರಲಿಲ್ಲ ಎಂದು ಅಂಪೈರಿಂಗ್ ಬಗ್ಗೆ ಈ ಆಟಗಾರರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
