ಲಾಹೋರ್: ಪಾಕಿಸ್ತಾನ ಪ್ರೀಮಿಯರ್ ಲೀಗ್ನಲ್ಲಿ ಪೇಶಾವರ್ ಜಲ್ಮಿ ತಂಡದ ನಾಯಕನಾಗಿದ್ದ ಡೆರೇನ್ ಸಾಮಿಯನ್ನು ಅದೇ ತಂಡದ ಮುಖ್ಯ ಕೋಚ್ ಆಗಿ ನೇಮಕಗೊಂಡಿದ್ದಾರೆ.
2020ರ ಪಾಕಿಸ್ತಾನ ಪ್ರೀಮಿಯರ್ ಲೀಗ್ನಲ್ಲಿ ಕಳೆದ 5 ಪಂದ್ಯಗಳಲ್ಲಿ ಪೇಶಾವರ್ ಜಲ್ಮಿ ತಂಡದ ನಾಯಕನಾಗಿದ್ದ ವಿಂಡೀಸ್ ಮಾಜಿ ನಾಯಕ ಸಾಮಿಯನ್ನು ಜಲ್ಮಿ ಪ್ರಾಂಚೈಸಿ ತಂಡದ ಮುಖ್ಯ ಕೋಚ್ ಹುದ್ದೆಗೆ ಆಯ್ಕೆ ಮಾಡಿದೆ. ಇದರಿಂದ ಕಳೆದೆರಡು ಪಂದ್ಯಗಳಿಂದ ತಂಡದ ಹಂಗಾಮಿ ನಾಯಕನಾಗಿದ್ದ ವಹಾಬ್ ರಿಯಾಜ್ ಇನ್ಮುಂದೆ ಖಾಯಂ ನಾಯಕರಾಗಲಿದ್ದಾರೆ.
ಪೇಶಾವರ್ ತಂಡದ ಮುಖ್ಯ ಕೋಚ್ ಆಗಿದ್ದ ಮೊಹಮ್ಮದ್ ಅಕ್ರಮ್ ತಂಡದ ಡೈರೆಕ್ಟರ್ ಆಗಿ ನೇಮಕಗೊಂಡಿದ್ದಾರೆ. ಸಾಮಿ ಇಂದಿನಿಂದ ಪೇಶಾವರ್ ಜಲ್ಮಿ ತಂಡದ ಮುಖ್ಯಕೋಚ್ ಆಗಿ ಇಂದಿನಿಂದ ಮುಂದಿನ ಎರಡು ವರ್ಷದವರೆಗೆ ಒಪ್ಪಂದ ಮಾಡಿಕೊಂಡಿದ್ದಾರೆ ಎಂದು ತಿಳಿದುಬಂದಿದೆ.
ಆದರೆ ಡರೇನ್ ಸಾಮಿ ತಂಡದಲ್ಲಿ ಆಟಗಾರನಾಗಿಯೂ ಕಾಣಿಸಿಕೊಳ್ಳಲಿದ್ದಾರೆ. ಆದರೆ ತಂಡದಲ್ಲಿ ಅವರ ಪ್ರಮುಖ ಸ್ಥಾನ ಕೋಚ್ ಎಂದು ತಂಡದ ಆಡಳಿತ ಮಂಡಳಿ ಸೂಚಿಸಿದೆ.
ಸಾಮಿ 2016 ರಲ್ಲಿ ಪೇಶಾವರ್ ಜಲ್ಮಿ ತಂಡವನ್ನು 2016ರಿಂದ ಮುನ್ನಡೆಸಿಕೊಂಡು ಬಂದಿದ್ದರು. 2017ರಲ್ಲಿ ತಂಡವನ್ನು ಚಾಂಪಿಯನ್ ಆಗಿ ಮಾಡುವುದರಲ್ಲಿ ಪ್ರಮುಖ ಪಾತ್ರವಹಿಸಿದ್ದರು. ಇದೀಗ ಕೋಚ್ ಆಗಿ ಮುಂದಿನ ಎರಡು ವರ್ಷ ಅದೇ ತಂಡದ ಪರವಾಗಿ ಕಾರ್ಯ ನಿರ್ವಹಿಸಲಿದ್ದಾರೆ.
ಪಾಕಿಸ್ತಾನ ಕ್ರಿಕೆಟ್ಗೆ ನೀಡಿರುವ ಕೊಡುಗೆಯನ್ನು ಪರಿಗಣಿಸಿ ಡರೇನ್ ಸಾಮಿ ಪಾಕಿಸ್ತಾನದ ಅತ್ಯಂತ ದೊಡ್ಡ ನಾಗರಿಕ ಪ್ರಶಸ್ತಿ (ನಿಶಾನ್-ಇ- ಪಾಕಿಸ್ತಾನ) ಹಾಗೂ ಗೌರವ ಪೌರತ್ವವನ್ನ ಪಾಕ್‌ ಅಧ್ಯಕ್ಷ ಆರೀಫ್ ಅಲ್ವಿ ಮಾರ್ಚ್ 23 ರಂದು ಪಡೆಯಲಿದ್ದಾರೆ.
