ಕರಾಚಿ: ಕಳೆದ ತಿಂಗಳು ಎಲ್ಲಾ ಮಾದರಿಯ ಕ್ರಿಕೆಟ್ಗೆ ದಿಢೀರ್ ನಿವೃತ್ತಿ ಘೋಷಿಸಿ ಪಿಸಿಬಿ ವಿರುದ್ಧ ಕಿಡಿಕಾರಿದ್ದ ಎಡಗೈ ವೇಗಿ ಮೊಹಮ್ಮದ್ ಅಮೀರ್, ಇದೀಗ ಮತ್ತೆ ತಾವು ಪಾಕಿಸ್ತಾನ ತಂಡದ ಪರ ಆಡಬೇಕಾದರೆ ಪ್ರಸ್ತುತ ಕೋಚ್ ಆಗಿರುವ ಮಿಸ್ಬಾ ಉಲ್ ಹಕ್ ಮತ್ತು ಅವರ ಸಹಚರರು ಪಾಕಿಸ್ತಾನ ತಂಡವನ್ನು ಬಿಟ್ಟು ಹೋಗಬೇಕೆಂದು ತಿಳಿಸಿದ್ದಾರೆ.
ಎರಡು ವರ್ಷಗಳ ಹಿಂದೆಯೇ ಟೆಸ್ಟ್ ಕ್ರಿಕೆಟ್ಗೆ ನಿವೃತ್ತಿ ಘೋಷಿಸಿದ್ದ 28 ವರ್ಷದ ವೇಗಿ ಕಳೆದ ತಿಂಗಳು ಪಿಸಿಬಿಯಿಂದ ತಾವು ಮಾನಸಿಕ ಕಿರುಕುಳ ಅನುಭವಿಸುತ್ತಿದ್ದು, ನಿವೃತ್ತಿ ಘೋಷಿಸುವುದಾಗಿ ತಿಳಿಸಿದ್ದರು. ನಂತರ ಕೋಚ್ಗಳಾದ ಮಿಸ್ಬಾ, ವಕಾರ್ ಯೂನುಸ್ ತಮ್ಮ ವರ್ಚಸ್ಸನ್ನು ನಾಶ ಮಾಡಿದರೆಂದು ಕಿಡಿಕಾರಿದ್ದರು.
-
I would like to clarify that yes I will be available for Pakistan only once this management leaves. so please stop spreading fake news just to sell your story.
— Mohammad Amir (@iamamirofficial) January 18, 2021 " class="align-text-top noRightClick twitterSection" data="
">I would like to clarify that yes I will be available for Pakistan only once this management leaves. so please stop spreading fake news just to sell your story.
— Mohammad Amir (@iamamirofficial) January 18, 2021I would like to clarify that yes I will be available for Pakistan only once this management leaves. so please stop spreading fake news just to sell your story.
— Mohammad Amir (@iamamirofficial) January 18, 2021
"ಈಗಿರುವ ನಿರ್ವಹಣಾ ಮಂಡಳಿ ಪಿಸಿಬಿಯನ್ನು ತ್ಯಜಿಸಿದ ನಂತರ ಮತ್ತೆ ನಾನು ಪಾಕಿಸ್ತಾನ ತಂಡದ ಪರ ಆಡಲು ಲಭ್ಯನಾಗುತ್ತೇನೆ ಎಂದು ತಿಳಿಸಲು ಇಚ್ಛಿಸುತ್ತೇನೆ. ದಯವಿಟ್ಟು ನಿಮ್ಮ ಕಥೆಗಳನ್ನು ಮಾರಾಟ ಮಾಡಲು ಸುಳ್ಳುಸುದ್ದಿಯನ್ನು ಹಬ್ಬಿಸುವುದನ್ನು ಮೊದಲು ನಿಲ್ಲಿಸಿ." ಎಂದು ಅಮೀರ್ ಟ್ವಿಟರ್ ಮೂಲಕ ತಿಳಿಸಿದ್ದಾರೆ.
ಕಳೆದ ವಾರವಷ್ಟೇ ಅಮೀರ್ ತಾವು ದಿಢೀರ್ ನಿವೃತ್ತಿ ಘೋಷಿಸುವುದಕ್ಕೆ ಡ್ರೆಸ್ಸಿಂಗ್ ರೂಮ್ನ ಪರಿಸರವೇ ಕಾರಣ. ಆಟಗಾರರಿಗೆ ಸ್ವಾತಂತ್ರ್ಯ ಸಿಗುತ್ತಿಲ್ಲ ಎಂದು ತಿಳಿಸಿದ್ದ ಅವರು, ಡ್ರೆಸ್ಸಿಂಗ್ ರೂಂ ನಲ್ಲಿ ಭಯಾನಕ ವಾತಾವರಣವನ್ನು ಕೊನೆಗೊಳಿಸಿ, ನಂತರ ಆಟಗಾರರು ನಿಮಗೆ ಪಂದ್ಯಗಳನ್ನು ಗೆದ್ದುಕೊಡಲಿದ್ದಾರೆ ಎಂದು ಪಾಕ್ ತಂಡದ ಸಹಾಯಕ ಸಿಬ್ಬಂದಿಯನ್ನು ಟೀಕಿಸಿದ್ದರು.
