ಪರ್ತ್: ಮುಂಬರುವ ಮಹಿಳಾ ಬಿಗ್ ಬ್ಯಾಷ್ ಲೀಗ್ನಲ್ಲಿ ಕಿವೀಸ್ ತಂಡದ ಆಟಗಾರ್ತಿ ಸೋಫಿ ಡಿವೈನ್ ತಮ್ಮ ತಂಡವನ್ನು ಮುನ್ನಡೆಸಲಿದ್ದಾರೆ ಎಂದು ಪರ್ತ್ ಸ್ಕಾರ್ಚರ್ಸ್ ಪ್ರಕಟಿಸಿದೆ.
ಪಂದ್ಯಾವಳಿಯ ಐದನೇ ಆವೃತ್ತಿಯಲ್ಲಿ ಅಡಿಲೇಡ್ ಸ್ಟ್ರೈಕರ್ಸ್ ತಂಡವನ್ನು ಪ್ರತಿನಿಧಿಸಿದ್ದ ಡಿವೈನ್ ಈ ಬಾರಿ ಪರ್ತ್ ಸ್ಕಾರ್ಚರ್ಸ್ ತಂಡ ಸೆರಿಕೊಂಡಿದ್ದಾರೆ. ಸೋಫಿ ಡಿವೈನ್ ಕಳೆದ ಆವೃತ್ತಿಯಲ್ಲಿ 76.90ರ ಸರಾಸರಿಯಲ್ಲಿ 769 ರನ್ಗಳಿಸಿದ್ದು, 29 ಸಿಕ್ಸರ್ಗಳನ್ನು ದಾಖಲಿಸಿದ್ದಾರೆ. ಇದು ಪುರುಷರ ಮತ್ತು ಮಹಿಳೆಯರ ಬಿಗ್ ಬ್ಯಾಷ್ ಲೀಗ್ಗಳೆರಡರಲ್ಲೂ ಒಂದು ಋತುವಿನಲ್ಲಿ ಗಳಿಸಿದ ಅತಿ ಹೆಚ್ಚು ಸ್ಕೋರ್ ಆಗಿದೆ.
ಈ ಋತುವಿನಲ್ಲಿ ಸ್ಕಾರ್ಚರ್ಸ್ ಸೇರಿಕೊಂಡು ತಂಡವನ್ನು ಮುನ್ನಡೆಸುವುದು ದೊಡ್ಡ ಗೌರವವಾಗಿದೆ. ಮಹಿಳಾ ಬಿಗ್ ಬ್ಯಾಷ್ ಟೂರ್ನಿಯಲ್ಲಿ ಫೈನಲ್ ತಲುಪಲು ತಂಡವನ್ನು ಮುನ್ನಡೆಸುತ್ತೇವೆ. ನನಗೆ ಇದು ಹೊಸ ಸವಾಲಾಗಿದೆ ಎಂದು ಡಿವೈನ್ ಅಧಿಕೃತ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ಪರ್ತ್ಗಾಗಿ ಆಡುವ ಅವಕಾಶ ಬಂದಾಗ ಅದನ್ನು ತಿರಸ್ಕರಿಸುವುದು ಬಹಳ ಕಷ್ಟಕರವಾಗಿತ್ತು, ಸ್ಕಾರ್ಚರ್ಸ್ ಮಹಿಳಾ ಬಿಬಿಎಲ್ ಮತ್ತು ಬಿಬಿಎಲ್ನಲ್ಲಿ ಉತ್ತಮ ಇತಿಹಾಸವನ್ನು ಹೊಂದಿದ್ದಾರೆ ಮತ್ತು ಅಂತಹ ಯಶಸ್ವಿ ಕ್ಲಬ್ ಸೇರಲು ನಾನು ನಿಜವಾಗಿಯೂ ಎದುರು ನೋಡುತ್ತಿದ್ದೇನೆ ಎಂದಿದ್ದಾರೆ. ಅಕ್ಟೋಬರ್ 17 ರಿಂದ ನವೆಂಬರ್ 29ರ ವರೆಗೆ ಟೂರ್ನಿ ನಡೆಸಲು ತೀರ್ಮಾನಿಸಲಾಗಿದೆ.
ಮಹಿಳಾ ಟಿ-20 ವಿಶ್ವಕಪ್ ಕ್ರಿಕೆಟ್ ಟೂರ್ನಿಯಲ್ಲಿ ನ್ಯೂಜಿಲ್ಯಾಂಡ್ ತಂಡವನ್ನು ಸೋಫಿ ಡಿವೈನ್ ಮುನ್ನಡೆಸಿದ್ದರು. ಇತ್ತೀಚೆಗಷ್ಟೆ ಕಿವೀಸ್ ಮಹಿಳಾ ತಂಡಕ್ಕೆ ಖಾಯಂ ನಾಯಕಿಯಾಗಿ ನೇಮಕ ಮಾಡಲಾಗಿತ್ತು.