ಮೇಲ್ಬೋರ್ನ್: ಆಸ್ಟ್ರೇಲಿಯಾ ತಂಡದ ನಾಯಕಿ ಮೆಗ್ ಲ್ಯಾನಿಂಗ್ ಮತ್ತೆ ಮೆಲ್ಬೋರ್ನ್ ಸ್ಟಾರ್ ತಂಡದ ಪರ 6ನೇ ಮಹಿಳಾ ಬಿಗ್ಬ್ಯಾಶ್ ಲೀಗ್ನಲ್ಲಿ ಕಣಕ್ಕಿಳಿಯುತ್ತಿದ್ದಾರೆ.
ಲ್ಯಾನಿಂಗ್ ಉದ್ಘಾಟನಾ ಲೀಗ್ನಲ್ಲಿ ಸ್ಟಾರ್ಸ್ ತಂಡದ ನಾಯಕಿಯಾಗಿದ್ದರು. ಅವರು ಮೊದಲೆರಡು ಆವೃತ್ತಿಗಳಲ್ಲಿ ಸ್ಟಾರ್ ಪರ 27 ಪಂದ್ಯಗಳನ್ನಾಡಿದ್ದರು. ಅವರು ಒಟ್ಟಾರೆ 1062 ರನ್ಗಳಿಸಿ ಎರಡು ಆವೃತ್ತಿಗಳಲ್ಲೂ ಗರಿಷ್ಠ ಸ್ಕೋರರ್ ಆಗಿದ್ದರು. ನಂತರ 3,4, ಹಾಗೂ 5ನೇ ಆವೃತ್ತಿಯಲ್ಲಿ ಪರ್ತ್ ಸ್ಕಾರ್ಚರ್ಸ್ ತಂಡದ ಪರ ಆಡಿದ್ದರು.
ಈ ಮೂರು ಆವೃತ್ತಿಗಳಲ್ಲಿ ನನಗೆ ಬೆಂಬಲ ನೀಡಿದ ಪರ್ತ್ ತಂಡದ ಪ್ರತಿಯೊಬ್ಬರಿಗೂ ಧನ್ಯವಾದ ಅರ್ಪಿಸಲು ಇಷ್ಟಪಡುತ್ತೇನೆ. ಹಾಗೂ ಮತ್ತೆ ಮೆಲ್ಬೋರ್ನ್ ಸ್ಟಾರ್ಸ್ ತಂಡಕ್ಕೆ ವಾಪಾಸ್ಸಾಗುತ್ತಿರುವುದಕ್ಕೆ ಖುಷಿಯಾಗುತ್ತಿದೆ ಎಂದು ಲ್ಯಾನಿಂಗ್ ತಿಳಿಸಿದ್ದಾರೆ.
28 ವರ್ಷದ ಲ್ಯಾನಿಂಗ್ 3ನೇ ಆವೃತ್ತಿಯ ಲೀಗ್ಗೂ ಮುನ್ನ ಪರ್ತ್ ಸ್ಕಾರ್ಚರ್ಸ್ ಜೊತೆ 3 ವರ್ಷಗಳ ಒಪ್ಪಂದಕ್ಕೆ ಸಹಿಯಾಕಿದ್ದರು. ಆದರೆ ಮೊದಲ ಸೀಸನ್ನಲ್ಲಿ ಗಾಯದ ಕಾರಣ ಆಡಿರಲಿಲ್ಲ.
ಮೆಗ್ ಲ್ಯಾನಿಂಗ್ ಬಿಬಿಎಲ್ನಲ್ಲಿ ಒಟ್ಟಾರೆ 51 ಪಂದ್ಯಗಳನ್ನಾಡಿದ್ದು, 1982 ರನ್ಗಳಿಸಿದ್ದಾರೆ. ಒಂದು ಶತಕ ಹಾಗೂ 19 ಅರ್ಧಶತಕ ಸಿಡಿಸಿದ್ದಾರೆ.
